مغتربات بريطانيا يلا تعالو

[new light]

بدي احكيلكم عن مسلسل القطايف

اجيت اقلي الا لاقيت مافي زيت يكفي
فرحت حطيت فوق الزيت زبدة لورباك
وبعدين مافي ورق مطبخ خلص من عندي
والقطر ياعيني قديم
يعني خلطبيصة
بس الحمدلله طلعوا مناح مو انهم واااو بس ماشي حالهم وطعم المرار كتيير خافف
بس شو الزيت صار اسوود وانقلبت ريحة البيت
تعرفوا انا بشو بحشيهم
شوفوا انا لسه جديدة بحكاية القطايف
يعني هاي تالت مرة اعملهم
الامهم
كنت احشيهم بجبنة ريكوتا مع جوز هند و زبيب وشوية قرفة وشوية سكر

عفكرة جبنة الريكوتا ممكن تلاقوها بتيسكو مورسونز اي مكان يعني
وعلبتها خضرا عليها صورة مكرونة بالجبنة
كتير طيبة هالحشوة

انت بشو بتجشيهم مروة؟

[new light]

اه بس منو موجود بتيسكو او ازدا

[MARWAH]

انا بحشي بجوز وقرفة وسكر
او بجبنة موزريلا مع نقطة مازهر
او قشطة

[MARWAH]

بالنسبة لقليهم ما بقليهم بزيت غزير
بجيب قطعة زبدة وبسيحة وبقلبها على الطرفين لتتحمر

[new light]

طيب بتطلعلك مقرمشة شوي لانوا مابنحبها طرية يعني لازم تكون ماسكاه حالها شوي

اما لو قصدك قشطة بوك بتدكر اول ماعملتها
عملت كام قطعة منها بس ما عجبتني كتير
بتصير سايحة من جوا

الموزاريلا كيف بتكون
ما بتكون مجلدة

[MARWAH]

بتطلع ماسكة والقشطة يلي بحشيها فيها عبارة عن قريشة يعني حلييب فارط وسكر

[MARWAH]

الموزريلا بتفتتيها بايدك وبتحشيها ولازم من المقلاية علاكل مباشرة بتجي طيبة وبتجنن

[new light]

والله يامروة ماشاءالله عليك مع انك هلئيت عم تعيشي ببيئة غير بيئتك
بس مع هاد لسه متمسكه بكل شيء بمت للبيئة اللي عشتي فيها

[MARWAH]

بس الصراحة تعرفي انا عايشة بوحدة فظيعة وهالشي مسببلي اكتئاب يعني مافي عندي رفقات سوريين او عرب اجتمع معهم وقضي شوية وقت ونتشارك تقاليدنا واعرافنا
كل يلي بعرفهم اما علاقتنا خفيفة
او ناس صحابين مشاكل بعدت عنهم
مافي قدامي غير المطبخ والنت فش خلقي فيه

[new light]

يا عيني كانك بتحكي عني هههههه

[new light]

انا التانية عم عيش بوحدة قاتلة

[new light]

يعني انا نفسيا بطلت ارتاح اني اتعرف على حد اريحلي الصراحة

[new light]

لانوا الناس هون مختلفين تماما عن بلادنا

[new light]

وبحكم ساعات شغل جوزي الطويلة
وبس يجي وبالويكند قاعد عم
يتابع شغله عالكوميوتر
فانا عن جد وحييييييييييدة

[MARWAH]

صح كلامك وانا هيك عم بخاف من اي علاقة مع الناس ومخلية حالي على الطوييييل
بس الصراحة احيانا بكتئب وبصير ببكي بحس اني بدي رفيقة او تنين افهمهم ويفهموني ويكونو جنبي قراب