مغتربات بريطانيا يلا تعالو

[MARWAH]

عدنا لمدة دقايق لاني رايحة التاون شوي وراجعة

نيو لايت الباكستان يلي بيحبو أكلنا هنن يلي ما بيكترو توابل بالأكل اما عن أهل زوجي لازم يطلع الحد من أدانيك والا ما بياكلو هههههههه
لهيك انا بطبخ طبختين وحدة تكون حدة بس زوجي بيحب من أكلاتنا ( مفركة البطاطا بالبيض الفول المدمس التسقية والفتوش روح قلبو )

اما سؤالك كيف انسجمت معو الحمد لله رب العالمين انسجمت لانو هو مو ملتزم بعادات أهلو وتقاليدهم عادي وتاركني على راحتي الحمد لله انا أهلو بحبهم بس على الرسمي معهم مشان ما يحكموني بعاداتهم والحمد لله مرتاحة
بس انا مالي بريطانية هو كان بسوريا ليدرس عربي وصارت الخطبة عن طريق أصدقاء

[MARWAH]

تعرفي نيو لا يت انتي العبي رياضة بالبيت بترتاحي حطي فيديوهات يوتيوب وامشي معهم انا ما برتاح الا لما بروح للموبايل جيم قريب من بيتي نساء فقط ويومين بالاسبوع كمان بروح مرة زومبا بس مع الحمل وقفت ورح ارجع بعدها
شعووور تاني بعد الرياضة راحة نفسية وجسدية لا توصف

[MUM]

خروج
لان بيت حمايي معي على السكاي بي

[new light]

مروة لا انا كان قصدي عند دار حماكي
لانوا زوجك بما انوا عايش هون
فما بتهموا هاي الشكليات
او عالاقل مابيفرضها عليكي
لانهم هون بيقدسوا الحرية الشخصية
فانا قصدت عدار اهله
لاني اختلطتت عخفيف
بالباكستان
وعن جد بحييكي انك قدرتي تعملي حدود
لانوا من معرفتي فيهم كتيير صعب
انك تتعاملي بايتيكيت
وبصراحة ماكنت اقدر اكسفهم
لاني كنت احسهم طيبين وما
عندهم حركات الخباثة تبع العرب
ههههههه
يمكن انا غلطانة وانت بتصحيحلنا لانك
انت ادرى
يعني عن جد بدي بعدين
احكيلك عموقف صار
مع صاحيتي برمضان اشي بيفرط من الضحك
والله كمان كل هااللي بحكيلك عنهم دكاترة ونسوانهم كمان دكتورات خخخخخ

اماعن الاكل
شوفي كتيير بموت عليه اكلهم
بس الصراحة اني اكله كل يوم لا مابفدر

بس نيالك يابطة معناتوا بتعرفي تطبخي باكستاني منيح
بس الله يعينك لانه ريحة البيت بتصير كلها البهارات تبعتهم

[MARWAH]

تعرفي اول سنة تعرفت عليهم حماتي جابتلي لبسهم وبدها ياني البسو وانا كنت البس قدامهم تنورة و قميص ما عجبها وانا ما حبيت لبسهم يعني ما لبقلي ولا خرط مشطي والموديلات مو حلوة بس في نوع واحد بحبو يلي بيجي متل بنطلون وقميص طويل مسكر لتحت الركبة بس الشروال والقميص الطويل المفتوح مستحيل

المهم انا قلتلها اني ما حبيتو وقعدت تقنعني ما رضيت لبستهم لبسة وحدة وبعدين على كيس التشاريتي
جبت جلابيات شي مغربي وشي عربي وصرت البس صارت تقلي نو نايس وانا ما رديت عليها تركتني بحالي
ولما انتقلت على بيت ابعد من بيتهم بشوي صرت ماروح لعندهم غير مرة بالأسبوع

هنن صح حبابين وعنجد ما عندهم خبث بس لا يخلو من مشاكل بيناتهم

بالنسبة للطبخ انا ما بخلي بيتي تطلع ريحتو بهارات لاني بكره هالشي بحاول افتح الشبابيك وعطر البيت
لما بروح لاي بيت باكستاني حتى لو بس دخلت قلهم السلام عليكم وطلعت لازم اواعيي تصييير ريحتها حلبة وبهارات هههههههههه

[new light]

ههههههههههههههه
صراحة نسبة للبسهم اه عندك حق
مش كلو حلو
بس في منه موديلات كتير راقية
وخرج مناسبة

بس تعرفي خليك شاطرة
وعرفيهم الحجاب الصحيح
لانوا بيقهرني حجابهم
بيحطوا هالشال عراسهم
وشعرهم من ورا كلو فلتان ومن قدام مبين

بس كنو جوزك ما ادخل بموضوع اللبس ههههه
الله يخليكم لبعض

[MARWAH]

لا حتى زوجي ما حب اللبس عليي وانا قلتلها لحماتي زوجي ما حبو عليي سكتت ههههههههههه
تعرفي بيعملو الكتف ضيق ونحنا العرب كتفنا عريض وما منحب الضيق كتير لازم شوي يكون فضفاض
بالنسبة للحجاب انا دايما بلبس لبس الصح وبقلهم انو غلط يلي بتلبسوه بس عليي البلاغ فقط وهنن حرين بالفعل بزعل لما بشوفهم لابسين هيك حجاب مع انهم بيصلو وبيصومو واحسن مني عبادتهم

زوجي لهالسبب ما بدو يتزوج منهم كان بدو وحدة ملتزمة ومتدينة وبتعرف دينها وعربية مشان تعلمو عربي ( فاتحة مدرسة بالبيت لالو هههههه)
حتى هو بيكره انهم ما بيلبسو جرابات بيقلي لو كنت انتي ما بتلبسي جرابات لكنت خليتك غصب عنك تلبسيهم ما بحب بدون بس انت عارفة انو نحنا الجرابات مهمة كتير مع الحجاب

[MARWAH]

اي صح في لبس حلو وراقي بس اللبس اليومي تبعهم ما بحبو ابدا بس انا اخدت كم لبسة من يلي حكيتلك عليهم لانهم بيشبهو لبسنا بلبسهم احيانا مو دايما حتى على ولادتي ناوية آخد وحدة عجبتني

[new light]

تعرفي اه ةوالله لاحظت هالشئ انوز عباداتهم احسن مني واللله بيصوموا وبيصلوا وبيحرصوا انهم يسالوا مفتي ليتحروا
بس مابعرف استغفر الله احيانا بحس كانهم الهم دين لحالهم
بيجيبولك شغلات ماعمرك سمعتي فيها بحسو كانهم هما اللي عاملينها او مجرد عادات وتقاليد
بس بعزرهم بحكي يمكن عشان مش فاهمين العربي منيح
بس بحسهم معروفين بالشسغلات الغريبة ناحية الدين
انتي شو رايك

[new light]

اما عن جوزك تعرفي مابدي احلفلك واقولك انك من اول ماحكيتي انه كان بسورية عم يدرس عربي توقعت انه تزوجك لانه بده واحدة عربية ومتدينة وتفهمه العربي والدين
ومابده خرابيط الباكستان

[MUM]

مروة
ما شاءالله اهم شي تتفاهمي معو والباقي مو مهمين
بتعرفي انا كمان عندهم بعض الملابس بحبها
كمان زوجي بيقلي في ملابس حلوة بيعجبوا بعض ملابسهم هم والهنود
بيقلي بحسة رح يلبقلك خاصة اني طويلة

بدي اسالكن يا بنات
نفسي اقلي بطاطا بالبيت وتطلع مقرمشة
بس دائما تطلع غرقانة زيت ليش
مع اني اخلي الزيت يحمى كثير انا اصلا بعملها بالمقلاية الكهربائية
بس برضوا بتطلع غرقانة زيت شو الحل؟؟؟َ

[MARWAH]

صح في الهم أفكار بالدين عجيبة وعندهم الحديث عن الجن وتأثيرو شي أساسي هههههههههههههههه
بس انا متل ما قالت ام ميرا بيهمني هو وبس وحتى هو من النوع يلي بيختلط بأهلو كتير بيحب الاستقلال وما حدا يتدخل فيه كتير
وبالفعل في الهم لبس انيق بيشبه اللبس العربي والمغربي تعرفي انا بحب الساري وعندي اتنين ولما بلبسهم الكل بيعجبوه بالذات متل ما قلتي حتى انا طويلة

بالنسبة للبطاطا انا ما بتطلع معي مقرمشة بس بتجي واقفة بنقها بمي وملح قبل القلي وبقليها
اسمعت في ناس بيغبروها بطحين جربي

[MUM]

رح جرب غلاتي مرمر

وفعلا الساري حلو جدا

[new light]

ام ميرا اعملي متل ماحكتلك مروة
بس هو عموما البطاطا هون مش كتير طيبة
بس معلومة تانية
وانت بتشري البطاطا انتبهي شو مكتوب عالكيس
ادا مكتوب للفرن وادا مكتوب للقلي جيبيها
اما ادا مكتوب انوا للطبخ او السلق والهرس
هاي مابتنفع قلي
وطبعا دايما استكبري حبة البطاطا ادا بدك تقليها

[new light]

مروة الله يخليكم لبعض ويسعدكم
والحمدلله انه جوزك من النوعية المستقلة
لانوا تعرفي الاهل وين ماكان بيحبوا يدخلوا
بس الابن طبعا هو وشخصيته يابكون مابحب يزعل اهله بالمرة حتى لو غلطانين
يا بكون هيك ماشاءالله عليه مريح راسه وراس مرته وفارض شخصيته واهله محترمينه