تجمع احلى مغتربات في المانيا البارده * 4 *

[جوتشي]

سلام للحلوين احلى صاحبات كيفكم
شو عاملين زمرد هاله جين نسومه وين اخباركم
اليوم حاسه حالي مكسره بس نفسي مفتوحه
على الشغل حابه اعزل شي شغله في البيت
بس مش عارفه من وين ابدا بعين الله
طمنوني عنكم جميعا

[zomorod]

أهلا جوتشي هالة نسمة
هالة تحياتي
نسمةوjien وينكم
جوتشي الله يعينك ويشفي زوجك
بالنسبة زوجي قاعد بجانبي قالي روحي إرتحي
شوفي وجهك مصفر لكن أنا مو حاسة شي أنا مليحة
فقط السعال حفظكم الله
ماعندي شي جديد

[hala.ph]

السلام عليكم
اهلا فيكم جوتشي وزمرد
سلامتك جوتشي كيف مكسرة ونفسي مفتوحة ع الشغل هي كيف لو حاسة حالك متنشطة بتعزلي المدينة كلها هههههههه سلامي الك وللاولاد
زمرد ديري بالك على حالك واسمعي كلمة زوجك لازم نرتاحي احيانا الواحد بكون مريض ومو حاسس سلامتك انتي والاولاد
حبيباتي جين ونسمة وين ما عم نشوفكن قلتونا عليكن خبرونا شو عم يصير معاكن

انا الحمد لله بخير وفضل من رب العالمين ومليت من قعدة البيت وما بقدر اطلع بشان بلالو من غير شي الجو تعيس كتير بهالبلد
والروتين بيدبح الله يعين

[جوتشي]

مسا الخير صبايا
زمرد الف سلامه عليكي انا حسب ما فهمت عندك التهاب قصبات وهاي بدها تديري بالك شوي
عشان ما تزيد اسمعي الكلام وروووووووووووحي ارتاحي ... الله يعافيكي بدها وقت وطمنيني كيف الاولاد ان شاء الله تمام
هاله كيفك وكيف حبيبي بلال الله يحفظه ... صحيح نسيت اسالك وين بدكم تعملوا له طهور
هون ولا في سوريا ؟
هاله انت مستغربه لاني مكسره ونفسي اعزل بس ما هو من كتر الكركبه والمناظر اللي
ما بتعجبك غصب عنك بدك تنسي التكسير وتتمني لو تقومي ترفعي وتنزلي ... ورغم هيك
ما صار لي الا شويه ترتيب ونشر غسيل وطبيخ بسسس وكمان لانه جوزي مريض ما فيه
يشيل عمر عني بخاف يعديه يعني وجوده ما فادني بشي غير راحته الحمد لله

[hala.ph]

يا هلا جوتشي
الحمد لله انا منيحة واليوم متنشطة كتير وبلالو ما في منو اليوم عملتلو حمام انا وابوه بس جلدو قشر كتير ع الحمام ما بعرف سالت قالولي عادي وكانت عينو عم تدمع كتير بس هلا احسن ما بعرف حابة اخدو عالدكتور بكرا اذا ضل هيك
والله انا حاسة فيكي انا على فكرة هيك اذا شفت شي مو مرتب ما بقدر اقعد حتى لو عايفة حالي سوسة مو بايدي
الله يعافيكي يا رب
ويعافيلك زوجك والله اذا مرضوا التنين بالبيت مشكلة

[zomorod]

الله يعطيكم الصحة والعافية يارب
هالة بما أنو جسم بلال مقشر ليش ما تشتري
زيت أو كريم أطفال وتدهنيه مرة كل يوم
سلامي الحار للجميع ويارب تكونو ملاح أنتو وكل
أحبابكم

[hala.ph]

السلام عليكم
اهلا فيكي حبيبتي زمرد الله يعافيكي يا رب
بدي قلك مبارح دهنت جسمو بزيت الاطفال قبل الحمام والزيت هو يلي خلاه يقشر كتير قبل الحمام بس مابعرف لازم ادهنلو جسمو بالزيت بعد الحمام لانو ضل التقشير هو ما بعرف حاسة انو عم يجدد او هيك شي

[جوتشي]

صباح الخير يا حلوين كيفكم وكيف المنتدى معكم
بعل عل ما هيك راح افقع منه زمرد هاله نسمه جين كربوجه حدامي كيفكم
شو عاملين زمرد طمنينا عنك لو بكلمه وانا سويت المسنجر
هاله شو عامله مبارح كتبتلك على المسن بس مش عارفه هو ما وصلك ولا انت كنت
مشغوله كل الاحتمالات وارده
وهداك اليوم حكيتلك برجع بس انيم عمر والله ونمت مع عمر بس صحاني زوجي
غيرت ملابسي وفرشيت اسناني ورجعت متل القتيله نمت الله بعين
طمنيني على بلبل كيفه هلا

[zomorod]

صباح الخير والفل والصحة والهنى يارب
كيفكم جوتشي هالا ونسمةوجين وكربوجا
الله يسعدكم
هلا فيه عدة أنواع كريمات وزيوت
والجلدألي يتقشر كما قلتي لأنوبغيرو
قديما أهالينا كانو يغمرونا بزيت الزيتون
وما يدوشونا حتى نعدي 40 أو أكثر فقط
بمناشف يمسحولنا
جوتشي ونا أقول مالي حتى أنا هيك,
وأنا أيضا أصبحت أنام كثير مو بعادتي هيك
أنهض أفطرزوجي قبل مايروح للعمل والأطفال
وياخذهم على الروضة وأعود للنوم
والآن الأطفال في عطلة
جيييين طمنينا عنك حبيبتي يارب تعافيتي يا رب
نسمة وينك وشو عاملا
كربوجا طلي علينا

[hala.ph]

السلام عليكم
ان شاء الله تكون ايام سعيدة عليكم جميعا جوتشي زمرد نسمة جين كربوجة
الحمد لله بلال منيح ببوس ايدكن بس والله مغلبني شوي بهالمغص المشكلة ماعم يقبل الشاي بصعوبة حتى بالمعلقة صعب
صرت انا اشرب اليانسون والاعشاب قلت احسن شي بلكي بيستفيد هيك مني شوي حتى كلشي اكل بينفخ ما عم باكلو ابدا
جوتشي عزيزتي الله يعينك يا رب ما بعرف اذا وصل شي بس ما بتوقع يا ستي ما يهمك ما كلنا بالهوى سوا يا دوب نلحق هالنهار تلحيق
زمرد حبيبتي تسلمي يا رب الحمد لله هلا ما عاد يقشر جسمو صار احسن الله يقويكي ويخليلك اولادك والله كلنا مكسلين بهالايام
هي ايام نوم وبس

[جوتشي]

الف سلامه عليكي زمرد
والله ان شاء الله تكون اعراض حمل انا حملي صعب كتير ومن اعراضه
كثر النوم لدرجه اني كنت احس نفسي انام بدون ما انتبه يصيبني مثل الاغماء
ويا رب يكون حمل ونفرح معك انت اذا صار عندك وقت كافي للفحص افحصي
عشان تعرفي كيف تتعاملي مع اللي صايبك والله يكون معك ويخفف عنك
زمرد انت بتعرفي انه المنتدى اله كام يوم ما بفتح الا صدف وببطئ غريب بس
اليوم فرجت شوي الحمد لله ما بعرف اذا كنت متابعه هاي الحاله

[نسمة داليا]

السلام عليكم كيف الحال ان شاء الله بخير
كيفك جوتشي وزمرده وجين وهاله
هاله كيفه بلال الله يفرحكي بيه
اعذروني طولت عليكم لان المنتدي ما يفتح عندي ما بعرف ليش

[جوتشي]

سلام لكل الحلوين كيفكم كلكم هاله الله يعطيكي العافيه وسلامة بلال الله يعينه
يا صبايا انتوا ما كنتوا عايشين ازمه المنتدى احنا صابنا اكتاب لما بطل يفتح النا
4 ايام على هاي الحال نسومه المنتدى بعد النقل ما عاد يفتح مع حد مش بس
معك بس الحمد لله اليوم صار
هاله انا كنت بكتبلك على المسنجر وبعتلك اياه بس غريب انه ما يوصل انا توقعت
انك مشغوله او عم تحكي مع اهلك واخر احتمال انه ما يوصل ممكن يكون في
خلل عادي ما هو بعد خلل المنتدى اللي علنا عل كل شي عادي ههههههه
بوسيلي بلال حبيبي والف سلامه عليه
زمرد انت عندك بس ولد وبنت ما شاء الله

[jien]

السلام عليكم

كيييفكم كلكم جوتشي زمرد هالة نسمة
أشتقتلكم كتيييير
الحمد لله انفتح المنتدى أنا كنت احكي مع حالي بقول هلأ شو عم تعملو ربي يخليكم
أنا الحمد لله بخير

[hala.ph]

يا هلا فيكي نسمة الحمد لله بلال منيح وببوس ايدك الله يسلمك
فعلا جوتشي والله ما بعرف شبو المنتدى بس نقلو السرفر صار تقيل كتير على قولتك بطلع الروح
والله جوتشي كلشي بصير بهالماسنجر لانها كتير بتصير معي انو الكتابة ما توصل او انها وصلت وانا ما انتبهت والله ما بعرف
تبوسك العافية يا رب طمنيني كيف الاولاد كان ما عم ينيمك عمورة كيفو وكيف بناتك بهاعطلة