تجمع احلى مغتربات في المانيا البارده * 4 *

[جوتشي]

سلام يا حلوين كيفكم
زمرد الحمد لله على اخبارك الطيبه خبرينا كيف الاهل وكيفك بينهم وكيف الاولاد
جين معلش كل شي راح يكون بوقته ويمكن الله حابب يسمع صوتك بالدعاء
اكثر والله بيختار الخير دايما توكلي على الله واقبلي في قضاؤه واطلبي منه
بالغ فضله دايما اطلبي من صاحب الملك اكثر شي ممكن يعطيكي اياه لانه
كريم وكرمه ما اله حدود وان شاء الله ما تصبري كتير يكرمك ربنا عن قريب
حسناء كيفك شو اخبارك وكيف الاولاد والله الازواج تصالحوا بس الزوج راح
على بيته متل الحرامي اخر الليل وما بيطلع لانه قرار الشرطه انه يبعد عن
البيت 15 يوم بس الحمد لله كل امورهم تمام
هاله شو اخبارك ما تشيلي كتير هم بلال حبيبي هو ما راح يكون منه تقله
عندهم بعدين شغلهم بدهم يشتغلوه وهو حبيبي يمكن يتعود عليهم مزبوط
وانت شدي حيلك بس قوليلي كم طفل عندهم في الحضانه

[hala.ph]

اهلا بيكي حبيبتي جوتشي
والله اشتقت احكي معك تسلمي يا رب
الحمدلله انا وبلال بخير وهنن متل ما حكيتي بيهتمو كتير
هو بالعادة ما بكون في اطفال كتير بس هنن بس يكونو مجتمعين تقريبا شي 15 ولد طبعا هدول
تقريبا تحت السنتين مع بعض
وبس يكبرو بيحطوهن مع الاطفال يلي فوقا لسنتين
يعني عندهن klein house و gruse house
يعني الحمد لله مرتاحة والله
انتي طمنيني عنك وعن الحمل معك هلا والاطفال ان شاءالله ما في تعب
الله ييسرلك يا رب وتقومي بالسلامة

[جوتشي]

والله يا هاله الله يطمن بالك والله وانا نفسي احكي معك
واليوم ومبارح كتير تعبانه من معدتي حاسيتها متل شعلة
النار كمان نفسيتي تعبانه شوي متضايقه من كم شغله
بدي كم يوم لاروق بس هيني بتواصل مع البنات وبحاول
انسى والله

[jien]

هالة ربي يخليلك بلال و يسعدكم في حياتكم يا رب

جوتشي ربي يقومك بخير وسلامة
أختي أنا الحمد لله راضية ع حكمت ربي صدقتي و الله كرمه ما اله حدود و نعمه بالله بس أنا عم أزعل كلمة تيجيني الدورة زوجي بيحكي خلاص لازم أتزوج هو بيمزح و أنا عم أحترق بداخلي مشان هيك بتمنى الموت قبل ما أشوف الدورة صارلي ثلاث سنوات و ثمانية أشهر متزوجة و الله رفقاتي اللي اتزوجو بعدي عندون و لدين بعرف أمر الله
بس أقسم أنو مو بأيدي التفكير بالحمل و الله ما بعرف أيمتى حكيت مع أهلي و أمي ما الي نفس لأني لو حكيت بعرف راح أبكي و زعل أمي علي
طولت عليكون بس ارتحت و أنا أحكيلكون

سلام لحسناء و زمرد

[جوتشي]

صباح الخير صبايا كيفكم طمنونا عنكم
جين يا حلوه والله وجعتي قلبي انت اللي عايشه الظرف
وبتحسيه اكتر من اي حدا بس قوليلي ما جربتي تشوفي
موضوع الحقن المجهري بلكي بحالتك بتزبط ولما يمزح معك
جوزك امزحي انت كمان معه وقوليلوا تعال نعمل حقن ارخص
لسه ما تروح تتجوز
ما بعرف اذا سالتي عن هادا الموضوع ولا لا بس جربي صارت
شغله سهله ومش كتير مكلفه لو سويتيها بسوريا يمكن اقل
تكاليف من هون خبريني شو بصير معك والله انه نفسي
اسمع اخبارك المفرحه لاني حاطه حالي محلك

[marwasamy mosta]

السلام عليكم
ازيكم جميعا وازيك يا جوتشى حبيت اسلم عليكم وجبت لكم ايميل جانى اتمنى يعجبكم
مواجهة الضغوط النفسيه

من الطبيعي أن تكون هناك ضغوطنفسية، تنزل بكل ثقلها وبكل حملها علينا فهذه طبيعة الحياة وسنة العيش، لكن العيبأن نستسلم لهذه الضغوط ونسمح لها بأن تفقدنا الثبات والاتزان والمناعة، يجب أن نكونأقوياء لدينا بعض الإرشادات لتحقيق الاتزان والثبات أمام جميع أشكالالضغوط:

كوني واقعية

كوني واقعية ولا تحملي نفسك فوق طاقتها منأعباء ومسؤوليات، فلا أحد يتصف بالكمال وتعاملي مع المشاكل بعقلانية وبعقل واع

اعملي شيئا واحدا في وقت واحد

إنجاز المهام يعطي شعوراً رائعاًبالرضا، فافعلي شيئاً واحداً في وقت واحد، فانشغالك بأكثر من عمل في وقت واحد يعوقالإنجاز ويوقعك في حالة من الضغط والتوتر

كوني مرنة

كوني مرنةوتقابلي مع الآخرين في منتصف الطريق، فالمجادلة والعناد تزيدان حدة الشعور بالضغطفإذا كنت على حق تمسكي بموقفك ولكن افعلي ذلك بهدوء وعقلانية ومرونة

تقبليالانتقادات بصدر واسع

عندما لا يجاريك شخص آخر تتعاملين معه (صديقتك – أختك – أمك) ، فحاولي ألا تشعري بالإحباط أو خيبة الأمل، بل تقبلي كل ردود الأفعالوتمرني على قبول الانتقادات بصدر واسع منشرح

لا تخفي شعورك بالضغط والتوتر

لا تحاولي أخفاء شعورك بالضغط أو التوتر وإنما اعترفي بحقيقة مشاعرك وأنكقادرة على مواجهتها، وإذا شعرت بحاجة إلى البكاء فلا بأس ما دامت الدموع تخفف منالضغط النفسي

لا تتذكري التجارب الماضية الفاشلة

اتركي الماضيوراءك عندما تتذكرين تجارب فاشلة مررت بها وفكري بأشياء أخرى إيجابية

ابتسمي

ابتسمي فالضحك يزيد من تدفق الـneurochemicalالذي ينتجالمشاعر الهادئة

تحدثي بصوت معتدل

اخفضي صوتك فإذا كنت معتادة علىالتحدث بصوت عالٍ تحدثي بصوت معتدل متزن فإن هذا سيقلل كثيراً من ضغوطك النفسية

تحكمي في نفسك ومشاعرك

قللي الضغوط النفسية عن طريق التحكم بنفسكوبمشاعرك وردود أفعالك

سعادتك بيديك

تحركي ببطء تنفسي ببطء وعمقوابتعدي عن التفكير بأنك أسيرة الضغوط النفسية والتوترات، وإنما سعادتك بيديك- إنأردتِ- فقط احسمي القرار ورددي: " سأصبح سعيدة ومتفائلة"!

استمتعي بحواسك

استمتعي بحواسك مثلاً " حاسة الشم" أحضري وردة واستمتعي باستنشاق عبيرها

الفواح فقط ركزي على حاسة واحدة وتمتعي بها فذلك يهدئ الأعصاب ويوقف التوتر

كوني تلقائية

كوني صادقة مع نفسك ولا تحاولي الظهور في صورة مثاليةوإنما كوني نفسك في صوتك وحركاتك وتصرفاتك وابتعدي عن التمثيل والتقمص فالتلقائيةأجمل

كوني مستعدة

خططي لمستقبلك ونظمي أعمالك ورتبي أولوياتك، فذلكيحميك من الإحساس بالضغط بسبب ضيق الوقت في اللحظات الأخيرة بل استخدمي شعار "كونيمستعدة"!!

احرصي على العبادة

الخشوع والتركيز في الصلاة، الحرص علىالصلاح والعبادة يصل بك إلى مرحلة من التحكم في النفس والتأثير على الإفرازاتالداخلية في المخ، حيث يتوازن إفراز الخلايا المختصة بالحزن مع إفراز الخلاياالمختصة بالفرحة في حال الخشوع ويتحقق لك الاتزان المطلوب

عليك بالدعاء

حلقي بنفسك مع الدعاء، فالله تعالى يكشف الضر ويجيب المضطر

تذكريأن الله يراك ويحسّ بك ويحبك

لا تحرمي نفسك من الإحساس بأن الله يراك وأنهمعك وأنت في حفظه فرددي أدعية الصباح والمساء

التدليك يساعدك على الاسترخاء

يعتبر التدليك عاملاً مساعداً لتخفيف التوتر والقلق جربي ممارسة ذلك أثناءالوضوء أو الاستحمام فقد أثبتت التجارب العلمية أن التدليك ما بين أصابع القدمينواليدين حال الوضوء يؤدي إلى الارتخاء الذاتي في الأعصاب!

أحسني الالتجاءإلى الله

أحسني الالتجاء إلى الله واعلمي أنك تأوين إلى الشديد القوي ،يمنحك القوة ويخرجك من أزماتك وضغوطك وهي مهما كبرت فالله أكبر

[جوتشي]

اهلا اهلا مروه كيفك يسلموا ايديكي
روعه احاول اطبق بس الله يعين والاقي
وقت خخخخخخخخ

[hasna2008]

صباح الخير
جوتشي كيفك حبيبتي وكيف البيبي والأولاد؟
يا رب تكونوا بخير
جين حبيبتي والله كسرت خاطري
بس خلي ثقتك بالله كبيرة
أنا أعرف وحدة جابت توم بنات بعد15 سنة زواج
الله يرزقك يا رب عاجل غير آجل
وما يمر الشهر حتى تبشرينا يا رب
هالة الحمد لله إنك بخير وبلبل بصحة جيدة
زمرد وحشتينا،

[جوتشي]

اهلين حسناء كيفك يا حلوه شو اخبارك والاولاد
انا الحمد لله بخير والبيبي والاولاد كمان وين هالغيبة
هاله وينك شو اخبارك طلي وطمني
زمرد كمان اكيد غاطسة بالعسل بين الاهل الله يهنيها

[hala.ph]

السلام عليكم
كيفكن يا بنات
انا الحمد لله بخير ومشتاقة كتير تسال عنكم العافية يا رب وبلالو تمام هلا احسن من اول بالحضانة الحمد لله
وانا ما عم طول عليه يعني بحطو 4 ساعات حاليا يعني ليصير 6 شهور ببقى بزيد المدة شوي شوي
وهنن كمان معاملتهم منيحة مع الطفل خاصة انو بلال اصغر ولد
الله بعين
جوتشي حبيبتي الله يعافيكي يا رب ان شاءالله بمرو هالكم شهر عليكي بخفة وتقوميلنا بالسلامة يا رب
حبيبتي جين ما بدي انظر عليكي من بعيد لبعيد لانو بالفعل يلي عم يحس مو متل يلي عم يقرا متل ما قالت اختي جوتشي
بس انا بالفعل مع اختي حسنا انا كمان بعرف اشخاص كتيرة حملوا بعد 10 او 15 سنة سبحان الله هيك ارادتو
الله يقويكي ياب ويززقك من وسع ابوابه يا جين
حسنا حبيبتي الله يسلمك يا رب ويخليلك اولادك ويفرحك بيهم
زمرد كيف الاجازة شهيتينا ننزل اجازة خخخخخخخ الله يسعدك يا رب

[جوتشي]

اهلين هاله كيفك يا قمر الله يريح قلبك الحمد لله انه الامور ماشية عندك تمام
وبلال كيف صحته بعد المرضه حبيبي وكيف صار شكله هلا تغير عن ما شفته
اكيد انا عم انزل صور لاولادي من الجهاز القديم للجهاز اللي معي هلا وبدي
ابعتلك صورهم وابعتيلي كمان صور بلبل جديده اشوف كيف صار ما شاء الله

[jien]

السلام عليكم
ربي يسعدكم دنيا و آخرة ياااااارب
أختي جوتشي هالة حسناء كيفكون أنشاء الله كل شي تمام
زمرد أشتقنالك أنشاء الله تكوني مبسوطة هلأ
أخت جوتشي الدكتورة عطتني فرصة بعد العملية ستة شهور من غير ما أخد ادوية لأنو من ثلاثة لستة أحتمال يصير حمل من غير منشطات و أذا ما صار حمل راح يعطوني أبر للتنشيط كمان لمدة شهرين و أذا ما ظبط آخر حل هو الحقن المجهري وهيك الدكتورة حكت أنو لازم عمري يكون سنة 25 تيكون أرخص يعني بس تادفع 1500 يورو و انا لسة ما صرت25 سنة

بس بدعي ربي أنو ما أحتاج الحقن يااااارب