تجمع مغتربات المانيا ..

[jien]

تسلمي ياا رب

أخت زمرد أنا كمان دكتوري في altenessen

هو عربي مشان هيك عم روح لعندو

أذا كنت أعرف اللغة كمان في oberhausenفي دكتورات

كل همي أنو أشوف دكتورة تفهم مني والله تعبت

الحمد لله على كل شي

[zomorod]

عزيزتيjien
لكن مافهمت عليك يا أختي
شو بدك تفهم عليك
يعني عملتي الفحوصات اللازمة

[jien]

نهارك معطر بذكر الرحمن أخت زمرد

أختي قلتلك عم أتعالج عند دكتور يعني رجال طبعا ما بعرف غيرو اللي بيحكي عربي

سؤالي لكي أذا بتعرفي دكتورة يعني أمرآة تكون تحكي عربي

أذا كان في يا ريت تدليني عليها لأني والله يا أختي عم أستحي من الدكتور و ما أرتاح

في العلاج أما أذا كانت أمرآة غير شي

أرجو أنك فهمتي وربي يخليلك الأولاد

[zomorod]

سلام الله عليكم
أختيjien
أنا كنت فهمتك ياعزيزتي
وكان قصدي الطبيب الذي كنتي بتعالجي عندو قالك شو هي المشكلة عندك
أما عن الطبيبة فأنا بروح عند طبيبة لكن ماتحكي إلا الألماني
ويا رب تفرحي وتفرحينا معاكي بخبر حملك
وأوصيك بالإستغفار كثيرا كثيرا

[جوتشي]

السلام عليكم .. كيفكم يا احلى مغتربات
من اخر رد حتى اليوم لقدرت ادخل النت
بصراحه الله لا يدوقها لحدا كنت مريضه انا
واولادي الله يعافيكم ...
زمرد بالنسبه للسواقه ما اظن انه في مدارس
بتعلم معتمده العربيه بس انت ممكن تطلبي
اوراق النظري مرفقه بترجمه للغه العربيه هاي
سهله ... واثناء الامتحان اكيد راح تحتاجي مترجم
عشان يترجم السؤال وانت بتكوني حافظه الجواب
وبس عليكي تعلمي بالقلم بس بيكلف وجود مترجم
فلوس بس كلها ساعه ..
اما انك تكوني موجوده مع مدرب الماني اثناء التعليم
العملي ما اظن انه تكون اللغه مشكله لانه انت ملمه
باللغه الالمانيه بالعكس راح تتقوي لغتك
وعلى فكره انا بعرف شخصين عملوا رخص وهم ما بيعرفوا
الماني .. والله يوفقك

[جوتشي]

كيفك jien
الله ينولك اللي في بالك ويعوض صبرك باللي يرضيك
حبيبتي فيكي تشوفي بدليل الهاتف ما راح تغلبي
على فكره انا كنت بروح عند دكتوره المانيه .. وكتير
استفدت بالنسبه للغه وانصحك وانت سبقتي
حاولي انك تتركي الدكتور على طول الطبيبه افضل
عشان الحلال والحرام .. لانه بوجود طبيبه لازم تكشف
عليكي هي بس شوفي انا راح احاول اعرفلك كيف
ممكن تعرفي اذا في طبيبه عربيه او لا .. وحبيبتي
اعرفي انه كل شي في وقته بيكون فيه الخير هاي
اراده ربنا وربنا عنده كل الخير

[zomorod]

صباح الخير والبركة والرزق الحلال الواسع
والتقوى والإيمان قبل كل شيئ يا رب
جوتشي سلامتك وسلامة أولادك يا رب
ما تشوفو شر
وشكرا على التوضيحات وحقق لك الله ما تريدين
فرج قريب بإذن الله ياأختيjien

[جوتشي]

سلام للجميع .. انا حبيت اطل طله واسلم
وارجع اكمل شغلي عندي اليوم شويه تعزيل
بعد المرض الواحد بيكون عنده شغل كتييير
رغم انه حرام زوجي بيشتغل في البيت
صحيح مش كتير بس يعني .. ارحم ما نكون
كلنا قاعدين قبال بعض بنتفرج على البيت
وهو مقلوب .. قوليلي يا زمرد كيف اولادك ما
شاء الله عارفه تربيهم متل ما بدك بالمانيا

[jien]

السلام عليكم

أنشاء الله الف سلامة جوتشي لكي ولاولادك

و شكرا كتير الك

أخت زمرد الدكتور عم يعطيني دواء لتنشيط المبايض وفي نفس الوقت معي التهابات في عنق الرحم وكل مرة بحكيلو شو مشان الالتهابات بيقولي ليش معك التهابات مع أنو أول يوم فحصني حكالي ألتهاباتك قوية

والله مين ما تروح عندوا بيقولو هو منيح على حظي ما عاد يفهم

الحمد لله و متل ما حكت أخت جوتشي كل شي بوقته بيكون خير يااااا رب لا تذرني فردا وانت خير الوارثين

[جوتشي]

الله يسلمك jien شو اخبارك
انا اليوم سالت كيف ممكن تعرفي اذا في طبيبه عربيه حكولي انك
ممكن تسالي في المستشفى اللي في منطقتك بيعطوكي قائمه
باسماء الاطباء وممكن كمان تسالي اذا بيعرفوا تحديدا اذا في طبيبه عربيه
وانا الي صديقه عربيه وهي قابله بتشتغل في المستشفى
حاولت اتصل فيها عشان اعرف لك كيف تدوري بس ما حصلتها
راح احاول كمان مره بتكون رجعت من شغلها ..
انت لما يسالك الطبيب ليش انت عندك التهابات .. احكيله ما كل
شي عندك بملفي وخليه يحس انك بدك تعرفي كل شي وانا حامل
بهازمانات صار معي مشكله كبيره وكتير تعذبت حولتني الطبيبه على
المستشفي وصاروا يسحبوا مني دم كل ساعه لمده 3 ايام وولدوني
قبل وقتي وكان كل شي تمام ولما رجعت عند الطبيبه بعد الولاده وسالتها
ليش صار معي هيك وهي كانت مشكله في الدم حكتلي ما بعرف
انه كان عندك شي وطلعت ناسيه ويمكن مش مسجله عندها شي
يمكن لاني ما كنت بعرف لغه وكنت في اول حمل الي حسيتها
استغفلتني .. الله يسامحها ودغري غيرتها

[zomorod]

جوتشي
إلى الآ ن ما عندي مشكلة في تربية أطفالي
التربية التي تربيناها أحنا
بس أناحايرى بنتي عندها تقريبا 6 سنوات
وما أعرف إذا الوقت مليح في أن أدخلها الجامع
لتعلم العربية ومايصير عليها ضغط و لخبطة

[zomorod]

شوفي لما تلقاي طبيب أحسن روحي وحكيلو كل شيئ
وكما قلتلك إستغفري كثيرا
وما دام أنك ترين أنو مش مرتاحا نع طبببك فلا تنتظري
حاولي مع طبيب آخر
وربنا معاكي وتشوفي طفلك بين إديك
وراح آجي وأباركلك بحول الله
إستغفري الله كثيرا...

[جوتشي]

والله يا زمرد انا بناتي الوسطى والاصغر واحده عمرها 6 والاخرى 4.5
بيروحوا على الجامع وبيكتبوا الاحرف العربيه وهاي فرصه لانه الطفل
مش متل الكبير الطفل ممكن يتعلم اكثر من لغتين في نفس الوقت
توكلي على الله وخليهم يروحوا انا بناتي بيروحوا بس بنهايه الاسبوع

[zomorod]

على بركة الله

[جوتشي]

حبيباتي ارتفع الموضوع القديم عن تجمع المغتربات في المانيا
خلينا نكون موجودين كلنا في واحد منهم وانا بفضل القديم
شو رايكم عشان نكون مع بعض