بيت حرائر ونصر الشام يااااارب عن قريب حياكم اتفضلوا 188

[ام شهدوعبد]

كيفكم يابنات
ربي يتقبل ابوكي من الشهداء يا ياسمينو هي صورته ماهيك
كيفكن ياغاليات
ام داوود ودينة وليلاسو ومروى وكل الغاليات
شو اخباركن
ليش هالاحساس بالملل والياس اللي صايب الجميع
ماعاد النا بال حتى للحكي
ربي يفرجها

[حفيدة النبي]

اي والله يا ياسمين معك حق نيالهون الله يكتبلنا الشهادة
يعلي والله العضة بتوجع شو شكلها غيرانة ؟؟
ابراهيم كتير حساس يعني اذا داود لعب بصوت عالي ولا ضحك
بينقز ويبكي يعلي من قلبو بيحرق القلب ههههههه
الله يحميون يارب ولا يحرمون لحدا
اهلين ام شهد كيفك اشتقتلك
شو اخبارك حبيبتي اي والله ملل الله يفرج عالجميع
دينه وينك طمنينا عليك شو صار معك

[kindly]

السلام عليكم
كيف حالكم يا بنات سوريا
بالله عليكم ممكن تقولوا لي آية اديرلي اضافة وتكلمني
حاولت ان ارسل لها رسالة ولكن فشلت
ارجوووووكم وصلوا لها هدا الكلام

[أم ماهر و ليندا]

كيفكن صبايا

الحمد لله صرت اقدر اكتب



شو اخباركن
ملل موووووووووطبيعي
شو عمتعملو


شو طابخين



انا اليوم عاملي كبسة


زبناتي عم يعزبو
بس الأزوة القديمة الحمد لله ماعاد عادوها

وبالذات انو بلش البرد فصارت التياب تمنع اذواتهن ههههههههههههههه





شو اخباركن


كتير مشتاقة احكي ودردش معكن



في حدا هون ؟؟؟؟؟؟؟؟؟

[arch-AYA]

مرحبا يا بنات كيفكون و شو أخبار كل الصبايا
كيفك يا ام شهد لك آآآخ لسا عم تقولي حلب
ما بقا حلب خلص بححححححححححححححح
اليوم أنا شغلي بالعمارة لهلأ لسا مافي طالب يوحد ربو عم يجي شي بيحرق القلب
نحن جوا والقواس شغال برا
ياسمينو شلونك يا قلبي الله يصبر قلبكون شو بدي قلك .. اللي بشوف مصيبة غيرو بتهون عليه مصيبتو والله في قصص بتشيب شعر الراس حمدو ربكون على كل حال
الله يحمي شبابكون وشبابنا لأنو هنين المستقبل بس المشكلة ما بقي شباب بالبلد

[arch-AYA]

عزيزتي كايند كيفك شكرا لانك رديتي علي ومنيح أنا بالصدفة شفت ردك هون لأني ما عم بدخل كتير عالمنتدى
يمكن انتي ما بصير تبعتي رسالة خاصة اللا ليصير عندك 300 رد على ما أظن هيك القوانين بالمنتدى
يا ستي هاد البيت السوري هو بيتي وبيتك والصبايا هون مو غرب بنقدر نحكي
وأنا الكل بيعرف انو بتنقل كتير وفي احتمال أسافر في أي وقت
وهلأ الاحتمال صار على ليبيا
تسلميمي يا كايند يا ريت تردي علي هون

[ياسمين شامي]

أية يا آية
نورتي البيت حبيبتي

,,

هو بده يقتل كل شباب البلد ... بس في شباب بالبلد ^^

,, الله يسرلك , حبيبتي يعني ممكن ترجعي على بريطانيا
!
...
هون اي حدا بيسالني انتي من وين و بقلن من سوريا دغري ببين على وشن علامات الحزن و الشفقة و و و

على الله ,,,

[ياسمين شامي]

ام داود ,, زكرتييني بصبية كانت معنا بالبيت اسمها منارة الحياة
و بنتها من عمر بنتي ديانا و كل الوقت نحكي عن آخر المستجدان للبنوتات ^^
,,

يسلملي ابراهيم ,, لازم يتعود عالأصوات العالية
ديمة ,, كانت تنأز و تبكي
هلأ بتنأز و بتضحك
بتضحك ضحك ما بيطلع غير لأختها
سبحان الله ,, عنجد الولد بيعرف الولد

..

[ياسمين شامي]

أم ماهر

شو اخبارك و اخبار البنوتات

الله يفرجها عليكم يارب
لازم نرجع تجتمع و نخفف عن بعضنا شوي

ياريت فيني قعد بلا تلفون و انترنيت و تلفزيون شي اسبوع زمااان
ياااااااااااااااااااااريت

,,

ام شهد شو اخبارك ,, و دينة طمنينا عنك و ام عبادة و كل البنات

,,

[arch-AYA]

ايه والله يا ياسمين عم نسعى
على بريطانيا ما بعرف يمكن صعب اللا ازا قدمت على شي منحة للدكتوراه وأخدتا .. وبصراحة مالي خلق ولا بال هلأ
مأجلة هالمشروع
والشغل ما كتير متوفر وانتي بتعرفي ماديا مو كتير
بصراحة هلأ في فرصة بليبيا والأجواء هنيك مشجعة كتير
ويمكن انتي بتعرفي ليبيات ببريطانيا والله بجننو ومافي منون
بس لسا ما قررنا بين ليبيا ومصر
مافي غير خيارات عنا
الخليج انتو بتعرفو الحمدلله تخلو عن السوريين وعلى أساس هنين بضهرنا وصارو يرفضو حتى الفيزا السياحية عينك عينك ويكتبو بالرفض..السبب الجنسية السورية
على الأقل أهل ليبيا حاسين فينا وبيعملو قيمة للدكاترة والمعلمين
دعولي يمشي الحال لأنو الوضع بحلب غييير شكل
هون في صبية ليبية دخلت عالبيت السوري على أساس بدا تساعدني بالموضوع
الله يقدم الخير

[أم ماهر و ليندا]

شو اخباركن ياربي ليش هالملل الجماعي ياربي الفرج يالله انا منيحة الحمد لله كيفكن وكيف ولادكن

[ياسمين شامي]

الله يقدملك يلي فيه الخير يا آية و يسرلك ,

و يفرجها على بلدنا
و حسبنا الله و نعم الوكيل

أهليطلعو عالشام لانو كتير في قصف عنا و اخي التاني ما رضي يطلع
قال وين بده يترك العالم بدها مساعدة

شو بدنا نقله عم ندعي
من ساعة لحتى حاكاني و اطمنت عليه


..
مين في هون يا حلوات

دينة وينك تعي طمنيني عنك شو صار معك

[ياسمين شامي]

اهلين ام ماهر

ملل لانو مافي شي بسر و بفرح
,,,
بس وقت بشوفك برتاح ,, بطمن عليكي
شو اخبارك .؟

شو عم تعملي
انا قاعدة انا و بناتي
و جوزي هلأ رايح لعند رفيقه شوي

و ماافي شي تاني
كلنا مرشحين و مطبوخين طبخ من الرشح

[أم ماهر و ليندا]

انا قاعدة مللللللللللللل ماطبيعي


بناتي عم حاول نيمهن بس لسا شكلهن ماغفلو



زوجي طبعا كالعادة بالبيييييييييييييييييييييييييييييييييييييييييييييي ييييييييييييييييييت




ومقطوع الارضي عنا


ومبارح كانت المي


وشو بعرفني كل يوم شغلة



ياربي الفرج يااااااالله

[ياسمين شامي]

هههه
شو هالبيت الكبيرة يا ام ماهر
طولي بالك ههههه

ما بعرف شو قلك

مافيكن تروحو لعند حدا تغيرو جو ؟