بيت حرائر ونصر الشام يااااارب عن قريب حياكم اتفضلوا 188

[ياسمين شامي]

بكيتيني يا دينة
يا الله ما أحلااااااااهاااا بنت الشهيد
تعي شوفيني بكيانة وضحكانة

تسلميلي يارب و تسلمولي يا بنات الله يخليلي ياكن يارب و لايحرمني هاللمة الحلوة

دينة صحتين عاليالنجي ,, مو انت الكسلانة
هو بده شغللللل كتيييييير
و بخمس دقايق مناكله
,,

ليلاس قهرتيني على عمتك و على هالعالم
شو بدهن يتحملو ليتحملو
الغلا او الضرب
و الخوف ما بقى في أمان
خرب البلد,, الله يحرمه نور عيونه يارب هو و كل مين معه

[ياسمين شامي]

كيفك مروة
شلون صرتي ,, ؟؟
و كيفه عمر ,, يعليي لسا صغيييييير عالرشح
ديمة كانت شهر و نص تقريبا رشحت من اختها ,, رشحت كم ساعة بس و بعدين طابت هههه ,, اذا بترضعي منك رضعيه كل ساعة يعني كتريله وقت بكون تعبان هي كانت تقلي الدكتورة وقت ديانا

,,

ام شهد ,, حبيبتي طبيعي تخافي عليهن لولادك مشان عيونهن ,, معك حق
بس هلأ كيف صارو ؟؟
و شهودة شو اخبارها

فيكي تغيريلن بشخصيتن لسا صغار
اليوم رفيقتي أخدتني على درس بالجامع لوحدة باكستانية ,, كان العنوان اليوم عن التحفيز و التشجيع
و كيف منزيد ثقتنا بانفسنا و ثقة ولادنا بنفسن حتى للزوج بالكملة الحلوة و بتقوي شخصيتن

غيرت جو اليوم ,, و هالمرشدة حبابة و وشها بشوش كتير

و شو حلوة كلمة ما شاء الله منها

[دينه]

ياسمينو كتير بحب هيك دروس ومحاضرات بحاول شوفها بالنت بس كيد عالواقع غييييييييير
وفعلا هالكلمه بضحك وبتبكي ونحن كتير فرحانين انك معنا بنت الشهيد بالبيت السوري

[دينه]

مروه لازم زوجك يساعدك بهالمرحله بشان مايزيد لاسمح الله
اذا حدا عبساعدك وعبيدعمك بروح منك بسهوله
وماتستسلمي وصارعيه هههههههه
كتير مشتهيه عاليالنجي كنت
بس كتيييييييير بده جلي وشغل
وهلا المجلى مليان
وومتل ماقالت ياسمينو
شغله كتير وبيتاكل بخمس دقايق
وصورتلكم ياه للتعذيب ههههههههههه
ليوم اجا زوجي فجاه كنت مخلصه اليانجي بالبراد وعبسلق لحمه بشان البرياني وعبدوب بادنجان بشان المتبل ههههه
حطيت اليانجي والمتبل واللحمه الملوقه مع المرق بلا برياني هههههههه
وامبارح عملت كيكة شوكولا جديده اذا طلعت طيبه بقلكم عالطريقه للهلا مادقتها ومعاقبه ولادي شافوها وماداقوها ههههههههه
باليراد مخبيتها بتصور اقوى عقاب هاد خخخخخخخخخخ

[دينه]

[دينه]

هي صور للتعذيب بشان تروحوا عالمطبخ هلا تعملوا يالنجي هههههههههههه
بس مو عاجبيني اللي اخدتهم بالايباد احلى بعدين بنزل موضوع فيهم

[ياسمين شامي]

ولللللللللي
شو هدااااااااا يا دينة
بموت بالمحاشي بكل انواعها
صحة و هنا

[دينه]

هههههههههههه على قلبك هي الصور للتحفيز بشان تعملوه يالنجي او محاشي
انا عملت اليالنجي بكل انواعه ملفوف كوسا بادنجان ورق عنب بادنجان
بس اليوم ورق عنب وكوسا ومااطيبه هوه باااااااااااارد
بس الصراحه الجلي اللي جليته مو طبيعي هههههههههه

[حفيدة النبي]

ما بعرف شو بدي قول
باركلكم بالبيت الجديد اول شي الله يجعل قدمه خير عالجميع
وياسمينو يسلمو ايديك حبيبتي عالافتتاحية وانت كمان منهنيك لانك متل ما قالت دينة
بنت الشهيييييييييييد الله يرحمو ويجعل مثواه الجنة
وام ماهر ودينة ما قصروا ماشالله
شطت ريالتي عالصور تضرسوا هههههههههههه
مروة سﻻمة عمر حبيبتي شربي يانسون وشمر ورضعيه كتير بيفد باذن الله
كمان ابراهيم نعدى من شهر تقريبا ولحقتو بالاعشاب
اشربها ورضعوا الحمد لله يومين وراح ما احتاج دكتور
ام شهد حبيبتي عادي الاطفال بهالسن لا تخافي عليهم
انت لما يشوفك خايفة عليهم كتير بزيدوا قوي قلبك وتركيهم شوي
خليهم يتصرفوا لحالهم وراقبي من بعيد عملي حالك مو شايفة
بالاول حيخافوا وما يرضوا بس شجعيهم وان شاءالله بيقووا
اغلب العظماء كانوا جبناء وهنن صغار لا تخافي لما يكبروا لحالون بيتغيروا
الله يحميهم يارب ويخليلك ياهم

[أم ماهر و ليندا]

,وااااااااااااااااااااااااااااااااو يادينة شوووووووووووووهااااااااااااااااااااااااد



ستين ألف أعجبني


شكلهن طيب
بالله حسيت بطعمتهن تحت ضراسي من كتر مو مشتهيتهن



بس بدي اسألك : شو هاد قلب أحمر وكرة بيضا جنب اليالنجي ؟؟؟؟؟؟؟؟؟؟؟؟؟؟

[دينه]

ام ماهر كتييييييير طيبين هههههههه
هدول شمعات رو قلبي الشموع
وحط شموع بالمطبخ والحمام كمان خخخخخخخخ
يالله بماانه اجتك المي اول شي بتعمليه اليالنجي خخخخخخخخ
بتعرفوا شو قال زوجي قلي يسلموا ايديكي
بس شو بلشك بهالاكله بدها شغل كتير وبخمس دقايق بتتاكل هههههههههههه
قلت سمعها لياسمينو طبعا هوه اجا فجاه وكان الجلي طوابق ههههههههه
قلتله صحه وهنا كتير مشتهيه عليه وانتوا اكيد متلي

[دينه]

ام داوود بتعرفي علي قلبي عليكي اليوم
ونسيت اكتبلك يارب تكوني بخير
انتي زوجك وكل عيلتك
الله بيعلم شو عبدعيلك
طمنينيا على طول

[Damascus Rose]

يييي انا شفت هالموضوع ورحت فورا عالحميدية والبزورية لي مشتهية انزل عليهم وصرلي 8 شهور ما رحتلهم وحيطئ ئلبي عليهم وجبتلكم معي أكلات طيبة اتفضلوو امانة
هي ئبئاب غوار



وهي شطي مطي



وهي راس العبد يممممممم شو طيب

[حفيدة النبي]

تسلميلي دندونة الله لا يحرمني منكم ابدا
الله يسمع منك حبيبتي ويحمي الجميع يارب
وصحتين عاليالنجي عنجد شهيتيني بس ابدا مو فاضيتلو هلأ !!!
اهلين بوردة الشام نورتينا
ما بتذكر تعرفت عليكي قبل بس مية اهلا وسهلا
وشكرا على الضيافة الحلوة شهيتيني وحننتيني لهديك الايام
الله يهنيك لساتك بالشام وسواقها وشوارعها
الله يكتبلنا نروح نشم ريحة سوريا ونتمشى بحاراتها يارب جميعا
وهي محررة ومنصورة مرفوعة الراس دااااااااااايما

[لالي الحلوة]

دينة
هااااااد اسمو تعذيييييييييييب
منظرهن كتير حلو وبيشهي شطت ريالتي وعلى قولة ام ماهر صرت حس بطعم الحمض ع لساني
مرة جنيت وضرب فيز بعقلي
عملت تبولة ويالنجي وبيتزا طرقة وحدة
اشتهيت التلاتة سوا مابعرف شو صرلي تخيلتن التلاتة ع سفرة وحدة
وبالفعل ساويتن بس ماخلصت الا رح ابكي قد ماوجعني ضهري وجلييييييييييييييت
ومن وقتها تووووووووووبة
كل واحد لحالو ههههههههه