البيت السوري(180) أحلى صباياوأحلى صبحيه وعصرونيه وسهره ولسى النصرجايه بإذن الله تعالى

[ღ souha ღ]

مساء الخير
كيفكم صبايا شو اخباركم

[سنا الروح]

مساء الخير سها كيفك
دينة لا تواخذيني تاخرت عليك بس كنت بحضر المحاضرة
وهي لعيونك الورد للورد

اما بالنسبة للكبة فهي بدها قعدة

[حفيدة النبي]

مسا الخير صبايا كيفكم
مبروك البيت الجديد الله يجعلو فاتحة خير وعامر فيكم حبيباتي
يسلموا سوما عالافتتاح حلو كتير والضيافة يسلم هالايدين

[حفيدة النبي]

كيفك اليوم دينه رحتي عالدكتور ولا لسا ؟
الله ييسرلك ياها يارب ويكون الخبر اكيد الله يفرج عليك

سنا كيفك حبيبتي الله يعطيك العافية عالوردات وعالكبة

ام شهد كيفك يا قلبي كيف الوﻻد والامتحان الله يوفقكون
سها وينك مو زمان ما طليتي علينا كيفك وكيف الدراسة
باقي الصبايا وينكم ؟

[وفاءD]

مرحبااااااااااااااااااااااااااااااااااااااااااااا

يسعد مساكم بنااااااااااااااااااااااااات

[حفيدة النبي]

اهلين وفاء
يسعد مساكي كيفك عزيزتي

[وفاءD]

تمام انتي شو اخبارك يلا عرفيني عليكي

اما انا

اسمي وفاء متزوجة عندي 3 بنوتات

[حفيدة النبي]

اهلا وسهلا تشرفنا
انا ام داود ما عندلي غيرو
التاني عالطريق ان شاءالله
شامية عايشة بمصر

[وفاءD]

تشرفنا حبيبتي

ربي يخليلك داود

وربي يقومك بالسلامة مجبورة الخاطر

اهلك بسوريا

[حفيدة النبي]

تسلمي يارب ويخليلك بناتك
ايه اهلي بالشام الله يحميون

[مجد الاقصى]

مسا الخير صبايا كيفكم
دينة سلامتك حبيبتي معلش ماقرأت الا اخر صفحة بكرة بحكي معك
بتمنى تزورو موضوعي وتدعولي هههه

http://www.lakii.com/vb/a-16/a-775972/

[وفاءD]

امين يارب

انتي وين با لشام

[وفاءD]

اصدي وين اهلك باشام

[حفيدة النبي]

اهلين مجودة كيفك عزيزتي
وفاء لا تواخذيني بس ما بقدر قلك هالايام وين اهلي
كتير عم الصبايا بضلو يقولوا لا تحكوا شي بالمنتدى لانو ما بتعرفي مين بفوت
الله يحمي السوريين ويفرج عنهم

[مجد الاقصى]

اهلين فيكي حفودة
ومزبوط كلامك كتير بفوتو وبقرأو الكلام فعنجد ولا وحدة فيكم تكتب اشي بخصوص هاي الشغلات الله يفرجها عليكم يارب