طريقة عمل الكيك بالتفصيل لعيون كل الصبايا اللي بفشل معهم الكيك

**مجد الاقصى** · 13-05-2012, 11:04 PM

نضع البيض والفانيلا والخل ونضربهم لمدة 5 دقائق لحد مايفتح لون الخليط

نضع السكر ونضرب جيدا

اللبن حطيت عليه نص ملعقة صغيرة كربونة وبس يفور بحطه على باقي الخليط هو والزبدة

نخلت الطحين مرتين مع البكنج باودر والكاكاو

صبيت الخليط عليه وبالخفاقة اليدوية خلطتهم وماتكترو خلط بس بمجرد يندمجو المواد منيح

وهاد الخليط جاهز

صبيت الخليط بصينية وهون استخدمت ورق زبدة عشان نوع الصينية مو كتير منيح فخفت يلزق الكيك طبعا بنحطه على درجة 160 وهو عندي فرن كهربائي

وهون بعد مرور 40 دقيقة تقريبا عليها وهي بالفرن استوت وهاد طبعا برجع للفرن اللي عندك ممكن ماتاخد وقت كتير

هون زينتها بالدريب ويب طبعا استخدمت بكيتين خفقتهم مع نص كاسة حليب بارد ومعلقتين قيمر بارد وحبة كيري

وهون الكيك من جوه هششششششش وكتير سوفت

**مجد الاقصى** · 13-05-2012, 11:13 PM

هون كيكة شوكولاتة تطبيق لكيكة ام انس وميسو
الكريمة بنحط بكيتين دريم ويب مع كاسة حليب وعلبة قشطة بنقسم الخليط تلات ارباع وربع التلات ارباع بنحط معهم بكيت كريم كراميل والربع حطيت عليه ملعقة كبيرة نسكويك

وهون كيكة الباونتي تطبيق للغالية لبنان وحبايبه
الكيكة كيكة منها وفيها

**مجد الاقصى** · 13-05-2012, 11:15 PM

وهاي تطبيق للغالية هند كيكة الفستق
بتمنى موضوعي يعجبكم وتستفيدو منه وكتير بتأسف انه الموضوع مو كتير مرتب بس الجهاز عندي مو مزبوط والنت بطيء
لاتنسوني من صالح دعائكم

**أم جودي وجنى** · 13-05-2012, 11:23 PM

بيسعدني كتير كون أول رد منشان اكل كل الكيكات اللي بيجننو وبيخربو الريجيم
لفت نظري انك قلتي من جوا هش ..
في كيكات بتكون ناشفة !! هي مابحبها منوب والله مهما كان منظرها مغري وبيشهي لكن خلص بتصد نفس الواحد
يسلمو ايديكي وان شاء الله منجربها

**مجد الاقصى** · 13-05-2012, 11:30 PM

ههههههههه الله يسعدك يارب
وكتير مبسوطة انها عجبتك
بتعرفي جوزي متلك مابحب الكيكات الناشفة ابدا لهيك بحاول قدر الامكان تكون طرية من جوه الكيكة هاي على فكرة سقيتها ونسيت اكتب هيك
عملت خلطة متل خلطة كيكة منها وفيها حطيت تلت كاسة زيت وتلت كاسة مي وتلت كاسة سكر مع معلقتين كاكاو ومعلقتين حليب ناشف وبالخلاط حطيتهم وصبيت عالكيكة عشان تكون طرية

**حفيدة النبي** · 13-05-2012, 11:35 PM

يا عيني طلعت الكيكة من نصيبي لالالالا
ممممممممممم تسلم هالايدين مجودة
بدي جرب طريقتك باذن الله اغريتني
الف صحة وهنا عل قلبكم

**وفاءD** · 13-05-2012, 11:38 PM

تسلم ايدك والله بتشهي وانا اخدت قطعتي مممممممممممممممممممممممم شو طيبة

**مجد الاقصى** · 13-05-2012, 11:43 PM

صحة وهنا يارب
ان شاء الله تجربوهم ويعجبوكم

**أم جودي وجنى** · 13-05-2012, 11:47 PM

المشاركة الأصلية بواسطة مجد الاقصى

ههههههههه الله يسعدك يارب
وكتير مبسوطة انها عجبتك
بتعرفي جوزي متلك مابحب الكيكات الناشفة ابدا لهيك بحاول قدر الامكان تكون طرية من جوه الكيكة هاي على فكرة سقيتها ونسيت اكتب هيك
عملت خلطة متل خلطة كيكة منها وفيها حطيت تلت كاسة زيت وتلت كاسة مي وتلت كاسة سكر مع معلقتين كاكاو ومعلقتين حليب ناشف وبالخلاط حطيتهم وصبيت عالكيكة عشان تكون طرية

أيواه هلأ عرفت السر ..
يسلم ايديكي حبابة

**مجد الاقصى** · 13-05-2012, 11:49 PM

هههههههه والله لا سر ولا اشي بس للامانة هاي الكيكة كتير هشة حتى من دون ماتسقيها جربيها وادعيلي

**{ أم أنـــس }** · 13-05-2012, 11:49 PM

كيكات حلوة كتير

تسلم الايادي مجد

وبارك الله بجهدك

**مجد الاقصى** · 14-05-2012, 12:02 AM

واديكي ام انس الله يسعدك يارب

**أم غيث2009** · 14-05-2012, 12:17 AM

ما شاء الله تبارك الله
ربنا يحرم جلدك على النار مجود
كيكات شهية ومغرية كمان
إن شاء الله بطبق منها في يوم ما
عملتلهم حفظ (^_^)

**بسمه الم فلسطين** · 14-05-2012, 01:31 AM

يميييييييييييييي عن جد شكل الكيكه بجنن وبشهي وووووووووو
اكيد سيتم التطبيق وقريبااااا جداااااا
يسلمو هالايدين يارب

بس سؤال مو كانها علبة اللبن صغيرة؟ يعني كاس نفس الكاس يلي بنقيس في الطحين؟

طريقة عمل الكيك بالتفصيل لعيون كل الصبايا اللي بفشل معهم الكيك

طريقة عمل الكيك بالتفصيل لعيون كل الصبايا اللي بفشل معهم الكيك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق