الكل معزوم على فرح ابني(بس نبي مشاركتكم)

[بنت -الغلاااا]

ألف ألف مبروووووك
اللهم بارك لها وبارك عليهما واجمع بينها بخير

[اسيل وسالي]

السلام عليكم ورحمة الله وبركاته
كيف حالك يااختي زنوبيا واناشاء الله الف الف مبروك مقدما
وكيف حال المطمنئة خالت العريس واناشاء الله اموركن زينة
شوفتي اختي حتي انا توة جاية ليبيا ونبي اندير اسبوع بنتي واديرة الاسبوع في صالة
وبما اني من بنغازي يعني التقاليد وحدة
شوفي اختي انا حجزري هلي في صالة قالوا توة جديدة في الملاهي اسمها الكورنثيا
واناشاء الله تطلع مقيومة وعن نفسي امديرة العشاء رز والتارت المشي مفروم وخضرة
وبوريك بالجنة والسلق واسكلوب دجاج وخواتي ايقولن انزيدوا نوع واحد اخر بس انا انقول خلاص ---لان في رز ولحم
والحلو اناشاء الله اموصية علية وحدة من طرابلس نوعين الحجم كبير اشوية ومقيم وبكلاوة نبي انوزعها بع العشاء مع الشاهي وعلي فكرة توة الشاهي ايقدموا فية مع اللوز واناشاء الله امديرتها --والفاكهة الموجودةواللي موسمها توة
والمشروب عصير طبيعي وغازي ---
والخلوط والسواك والوبان امعاة المببنير بصراحة جبتها من امريكا من عندي
واناشاء الله ربي يسترني ويستر الجميع ياااااارب
والله عندك حق انا اسبوع مش عرس وما نرقد الليل وقاعدة مش في البلاد وخواتي وماما شاليات عني الحمل كلة واللي نبيها اديروها ليا
وتوة مازالت بس الطباخة----- والفرقة لغيتها حتب الدجي اكويس لان اسعارها غلت في الصيف
حاجة ثانية
كان تبي حلويات مقيومات والله علي حكي خواتي حلواني بلادي ممتاز جداحتي في فرح اختي السنة اللي فاتت خذت من حلو الصالة وخذت منة تشيز كيك كل وحدة وطرفها قالوا حلوا والتشيز كيك حتي حلواني غازي ادير فية وارخص من بلادي
والموالح عليك وعلي المطبخ العربي اللي في الفويهات الغربية----اه حنب حوش هلي جميع الموالح ادير فيهن وشغلةحلو وحتي الرز يطبخ فية وكان ماعنك طباخة وتبيها الطباخة تقعد في حوشك جنبك اديزلك اثنين من الساعة تسعة الصبح اتكون عندك
واناشاء الله ربي يسترنا ويستر الجميع واي حاجة وخدمة ادللي حتي كان انا بعيدة نسال خواتي وانرد عليك
وعلي فكرة العروس امتاعكم احجزولها الكوافير في سحر الشرق اللي في حي الدولار مش عادية اسمها مدام اعتدال ---ههههههههه
واناشاء الله مرة ثاينة ربي يستر الجميع

[المستغيثة بالله]

الف مبارك
جعله الله زواجا سعيدا مباركا
واعانك الله على الترتيبات ليكون اجمل عرس

[زنوبيا مصطفي]

ما شاء الله عليكن اخواتي كل ما نغيب نرجع نلقى
الردود انا كل اربعاء نذهب لامي الله يحفضها من الصبح
ولما رجعت دغري على الاب توب اه ووجدت الردود كم كانت
فرحتي بمن شاركني اشكر اختي المستغيثة بالله على الاهتمام
وكذلك عزيزتي بنت -الغلاااا و ام العزاز
اهلا بيك اختي omsuma65

اهلين زينوبيا كيف حالك اعانك الله
بس قوليلي كيف صار مش كل شي على عرب الصاله نقصد كيف بتشري كل هالماعين وانت حاجزه في الصاله اه ه ه والا للحنه
ياريتي جنبك ارني درتلك الوريده والحاره والله نحكي بصدق

بالنسبه للماعين الصاله يوم الحفله اللي هو يوم الزفه بس اما
الحوش ياما يبي المحاس كله فيه عزومة الرجاله والرمي والصبحيه
وبارك الله فيك على العرض وياريتك جنبي لاتشرف بمعرفتك عزيزتي احسنتي


والان جاء دور عزيزتي اسيل وسالي
بارك الله فيك على الاهتمام ومبروك عليك البنيه
ان شاء الله من الصالحات وجعلها الله قرة عين لك وربي يتمم لك مناسبتك على خير
والحاجات اللي تبي تعمليهن كلها روعه وفعلا المطبخ العربي مشكور
بس كثرت المطابخ والي يشتغلن في المالح والحلو وحيرونا وخلاص
وربي يستر على فكره هلك جيران اهلي وانا نعرف ناس وين ما قلتي
وبناتهم في امريكا ومن اعز الناس ممكن نعرفو بعض عطيني لمحه او اماره
فيش تقري

[المطمئنه]

السلام عليكم
مشاء الله البنات ما قصرو الكل شارك ولو بمباركه
وانشاء الله الافراح دائمه... انا مشغوله ها الايام افراح كثيرة
عندي ثلاث افراح لمدة اسبوعين في العائله
اختي زوبه قلبي معك ..بس مازال عندك وقت كافي وربي اسهل

[زنوبيا مصطفي]

بارك الله فيك اختي المطمئنه على الاهتمام
وحتى انتي اعانك الله على الافراح اللي عندكم في العائله
وان شاء الله الف مبروك والعقبال عندك اتجيبي كناين
وتفرحي بأولادك يارب
وفعلا الاخوات ما قصرن معي بالنصائح وبالمباركه
جزاهم الله خير ودائما منورات

[اسيل وسالي]

والان جاء دور عزيزتي اسيل وسالي
بارك الله فيك على الاهتمام ومبروك عليك البنيه
ان شاء الله من الصالحات وجعلها الله قرة عين لك وربي يتمم لك مناسبتك على خير
والحاجات اللي تبي تعمليهن كلها روعه وفعلا المطبخ العربي مشكور
بس كثرت المطابخ والي يشتغلن في المالح والحلو وحيرونا وخلاص
وربي يستر على فكره هلك جيران اهلي وانا نعرف ناس وين ما قلتي
وبناتهم في امريكا ومن اعز الناس ممكن نعرفو بعض عطيني لمحه او اماره
فيش تقري

[/QUOTE]

باااااااااااااااارك الله فيك
واناليا متزوجة 6سنوات وساكنة في طرابلس لكن قبل نتقلوا لطرابلس كنت نسكن في حي الدولار فوق اعربي ---وانا خريجة ادب فرنسي بس مدرسة لغة انجليزية --في مدرسة الفويهات للبنين عند استاذ سالم الله يذكره بالخير -----وقبل هكي ايام وانا مخطوبة كنت في مدرسة 5 اكتوبر وجميع المدرسات صديقاتي والله يذكرهن بالخير جمعيا
باهي تعرفي عائلة المرحوم محمد ---- الماذون الشرعي اعرف واكبر واحد في بنغازي وتوة توفاة -----
نحن مش بعيدين علية

[ملكةالرومانسيه]

وينكم ووووووووووووووووووووووووينكم
سيبتوني بروحي في حيرتي
في هاليومين نبي نمش نشري لوازم الفرح
مثل اكواب وكيسان وفناجيل قهوه وصفر وملا عق وسكاكين
ووووالخ من كل ما نحتاج ومناشف وفوط وامخاد
ذكروني ايش نشري اخري يلا نبيكم تشاركوني خطوه خطوه

ربي يعاونك اختى
بما ان الجو صيف راك تنسى تشرى المبيد للذباب او الناموس وممكن معطر عالاحتياط
والوشق والفاصوخ والكلينكس والسلفر الشفاف والالومنيوموالصابون النوعين وممكن راشف للضيوف اللى بيباتوا وحاجات الفطورمن تن وجبن وبيض وغيره ومالقيات الميه خودى اللى بمغاطيهم وطواسيهم

[بطاطا مقلية]

الف مبرووووووووووووووك
ويارب يجي يوم الفرح وانتم طيبين وملتمين وفرحانيين
هدا اهم شئ
تانيا كان تبي حاجة مميزة ادخلي علي قسم الهدايا
وشوفي طريقة التوزيع من السعوديات
حتلقي حاجات خيالية
لكن انا نقولك اهم شئ التواضع

[ريم عز]

الله يتمم لولدك بخير
شنو رايك تشتري له قران كريم يقراه في ليلة الدخلة هو العروس حتى تكون بداية مباركة

[رمانة الكويت]

ألف مبروووك ... ربي يهنيه ...

[maina21]

الف الف مبروك و ان شاء الله بالرفاه و البنين

[اناالحل]

[زنوبيا مصطفي]

السلام عليكم اخواتي العزيزات
maina21
رمانة الكويت
الله يبارك فيكن والعاقبه عندكم في المسرات

شنو رايك تشتري له قران كريم يقراه في ليلة الدخلة هو العروس حتى تكون بداية مباركة
شكرا ليك على النصيحه اختي ريم عز واكيد ان شاء الله اصلا هما ولله الحمد ملتزمين

بطاطا مقلية
الف مبرووووووووووووووك
ويارب يجي يوم الفرح وانتم طيبين وملتمين وفرحانيين
هدا اهم شئ
تانيا كان تبي حاجة مميزة ادخلي علي قسم الهدايا
وشوفي طريقة التوزيع من السعوديات
حتلقي حاجات خيالية
لكن انا نقولك اهم شئ التواضع
شكرا اختي بطاطا مقليه علي الفكره والنصيحه ان شاء الله نشوف
والحمد لله متواضعين فوق الحدود لكن الواحد يبي الستره وربي يساعد



ملكةالرومانسيه
شكرا على النصيحه واكيد اول شي نشريه هو المبيد لان نسكن في فيلا
كبيره معاها مزرعه يعني قاعدين وسط الناموس والدبان
والحاجات الاخرى لا غنى عنها خاصه البخور والوشق وتو لما نطلع للسوق
احكيلكم ايش شريت بأذن الله


اهلا بيك عزيزتي اسيل وسالي
قريبا عرفت الماذون كان صاحب الوالد رحمة الله عليه
اه بس مش انتي اللي في بالي حتى هما ناس نعرفهم قريبين من اهلك
حتى هم بناتهم في امريكا بعثه دراسيه انا اهلي قريب من جامع المزداوي

[اسيل وسالي]

[

اهلا بيك عزيزتي اسيل وسالي
قريبا عرفت الماذون كان صاحب الوالد رحمة الله عليه
اه بس مش انتي اللي في بالي حتى هما ناس نعرفهم قريبين من اهلك
حتى هم بناتهم في امريكا بعثه دراسيه انا اهلي قريب من جامع المزداوي

[/QUOTE]

السلام عليكم
زنوبيا والله شكلها انا اللي في بالك والله حوش هلي شارعين من جامع المزداوي
والعائلة امتاعي تبدا بحرف الط--------خلاص اكيد عرفتيني وانا اصغر وحدة في البنات
خلاص اكيد وصلت