احلى تجمع لعسلات اسكندرية

[kokododo]

اه نسيت اقولكم انى نزلت باكوس مع اختى واتمشينا واشتريت بارلينا فضى حلوة اوى وشنطة فضى شيك برضة بس قولولى تتلبس على الوان اية هدوم
اصل اشتريت علشان اللون والشكل حلو بس ظبطو معايا يقى
وكنت لسة هلف بس لقيت ماما خطيبى متصلة بيا وكانت عندنا فى البيت فاضطرينا نروح على طول ومش كملت لف اهئ اهئ
هههههههه يلا ملحوقة هبقى ارجعلكم تانى
نهى على فكرة لما رشا جتنى انهاردة اخدتها لاتيلة جنبنا حلو اوووووووى واسعاردة احلى
يعنى لو عايزة فى الفرح اللى كنتى قايلة علية تأجرى للبناويت تعالى واتفرجى والاسعار تحفة
سلاموز بالموز والموز واللوز

[Dalida]

ميرسى يا سوسو هستشير الحكومه بتاعتى واقولك يا جميل.بس والله هى كويسه جدا وكمان لقطه.بس عنوانها ايه بالظبط؟

[حرم احمد]

صباح الخير ازيكم يا حلوين يارب تكونوا بخير برده العيال مصحيانى
من النجمه قلت بقى ادخل اصبح عليكم
هحاول ادخل انام اشوفكم على خير سلام

[yomizo]

اه نسيت اقولكم انى نزلت باكوس مع اختى واتمشينا واشتريت بارلينا فضى حلوة اوى وشنطة فضى شيك برضة بس قولولى تتلبس على الوان اية هدوم
اصل اشتريت علشان اللون والشكل حلو بس ظبطو معايا يقى
وكنت لسة هلف بس لقيت ماما خطيبى متصلة بيا وكانت عندنا فى البيت فاضطرينا نروح على طول ومش كملت لف اهئ اهئ
هههههههه يلا ملحوقة هبقى ارجعلكم تانى
نهى على فكرة لما رشا جتنى انهاردة اخدتها لاتيلة جنبنا حلو اوووووووى واسعاردة احلى
يعنى لو عايزة فى الفرح اللى كنتى قايلة علية تأجرى للبناويت تعالى واتفرجى والاسعار تحفة
سلاموز بالموز والموز واللوز

صباح الخير الاول
اعملى لون الحيطان كلها على درجات البيج والاوف وايت لانك كده كده ان شاء الله هيجى عليكى يوم وتغيري الانتريه والوان الحيطان دى بتتليق على كل حاجه وماتبقيش ايددتى نفسك بلون معين

اللون الفضي بقى بتاع الجزمه والشنطه
الاول كمان مبروكين عليكى وبعدين بيليقوا على كل الالوان ماعدا طبعا درجات البنيات والاصفرات والاورنجات
يعنى يليق على الابيض والاسود والازرق والبينك والاحمر والنبيتي والاخضر والجينز و بس

يللا بقى ادعولى عشان نازله دلوقتى ملك بنتى عندها انترفيو في مدرسه وربنا يسهل ويقبلوها وهى كمان متتكسفش وترد على الناس

ادعولللللللللنااااااااااااااااااااا
ومتستخسروش فينا الدعوة

[noana]

صباح الخير يا احلى بنات0000

وحشتونى من امبارح شوفتوا زوجى امبارح كان مصمم ياخدنا معه الدرس الدينى و انا كان نفسى اروح عمرة المهم انالدرس طلع بدرى و احنا رحنا بعد ما خلص و راحت بس انا عليا العمرة ربنا يكتبها لى قريب و يارب نكون صحبه
المهم 000 ازيك يا سرسورة مبروك علي الارض البالرينا الجديدة و طبعا الشنطه و عقبال ما تجيبى حاجات فرحك و انا برضه مع يميم فى الالوان بصراحه انا بحب الالوان المحايدة و بعدين سهل انك تعملى اى تغير فيها مع الوقت يعنى تحطى ورق حيطه او نظام التعتيق او الاسبونش على حيطه واحدة فيه افكار كتير و ممكن تمش مع اللوان المحايدة طبعا لا راى بعد يميم على اساس لا يفتى و مالك فى المدينه و ربنا يسعدك و يهنيكى فيها يارب و تعيشى و تغيرى و تبدلى http://
على فكرة ايه اخبار رشا ليه مش بتتدخل معانا

فاطمه000 يالا شوفى هاتتوزنى امتى و طمنينى علشان نشجع بعض انا عامله لنفسى رينج الوقت حتى ميعاد سفرى 1-7 مفروض اكون نزلت حاجه كتير كده يا ربنا يسهلنا و يقدرنا و على فكرة انا برضه بعمل رياضه شويه كدة على قدى علشان الرجيم يجيب نتيجه
سوزان 0000 و حياتك الورق العنب عندى فى الفريزر و خالد جابلى كمان كرنبه من يومين و الاكتر من كتر عندى ممبار كمان و غضبانه انى اعملهم علشان انا عارفه انى هاضعف امام المغريات دى و المصيبه الكبرى بقى الحلويات البنات خلاص هايبوسى ايدى علشان اعمل حاجه و اضحكى من يومين لاقونى مشغله العجان فرحوا قوى بس اتصدموا ان بعمل توست بالدقيق السن علشان الرجيم بس ربنا يسهل لازم اعمل حاجه علشان اخو زوجى و مراته و بنته جايين من الامارات يعملوا عمرة و هاعزمهم على الغدا بس عموما انا فى العزومات اخر واحدة باكل عموما احسن000
داليدا 000 ان شاء الله تعدى موضوع التحليل ده انتى هاتعملى زى نيفين سلفتى و انا رايحه احلل كانت مرعوبه و انا عماله اضحك عليها و قعدت تتصل بيى لما رحت اجيب التحليل علشان تتطمن اصلها عندها دايما وسواس اسمه الامراض بس و الله ربنا يخليها لى اكتر من اخت ليا0000
يميم0000 ايه النشاط و التنقلات دى كلها واضح انك ماشاء الله نشيطه و مش بتاعه قعدة و راحه بس ريحى نفسك علشان الاستاذ الى جوه و ربنا يسهل لملوكه و تدخل المدرسه و تبداءى مشوار العمرhttp:// و تبقى ما تنسيش تحكيلنا ايه الاخبار و بعدين يا ستى الرجيم فين ده انا غرقت الدنيا المرة الى فاتت من الدموع

منار 000 يا جميله لازم شادن تاخد حقها طبعا فى الكمبيونر انتى استنى بس ان شاء الله تدخل بس الحضانه و هاتقولك انا عايزة لاب توب بتاعى لى لوحدى ان ماكنش فيه حاجه احدث هاتظهر

كارميلا000 انتى فينك لسه ما وصلتيش للبيت ليه

هدير000 فينك يا عروسه مش عايزة مساعدة فى توضيب الشقه انتى كمان ولا الحمد لله كله جاهز
داليا 0000 فينك
ايمان 000 بتدخلى زى هلال رمضان بيجى كل سنه مرة
خلود 000 بسرعه خلصى و تعالى000

ابكتنى ذنوبى 000 اهلا بيكى بس انتى من السعوديه ولا مقيمه فى السعوديه ياريت تعرفينا على نفسك
علياء 000 انتى اولادك نشطاء جامد انهم بيصحوا بدرى اوعى تعوديهم انهم يناموا متاخر و يصحوا متاخر لان ده و الله صحه لهم
اكتر معلش تعب لكى زيادة بس صدقينى هاتحسى باهميه نظامهم فى النوم بعد كده بشويه

بنات انا نسيت حد عموما قبلاتى لكم جميعا00000 http://

http://http://http://

[sondos2010]

[quote=yomizo;7815444]صباح الخير الاول
اعملى لون الحيطان كلها على درجات البيج والاوف وايت لانك كده كده ان شاء الله هيجى عليكى يوم وتغيري الانتريه والوان الحيطان دى بتتليق على كل حاجه وماتبقيش ايددتى نفسك بلون معين

اللون الفضي بقى بتاع الجزمه والشنطه
الاول كمان مبروكين عليكى وبعدين بيليقوا على كل الالوان ماعدا طبعا درجات البنيات والاصفرات والاورنجات
يعنى يليق على الابيض والاسود والازرق والبينك والاحمر والنبيتي والاخضر والجينز و بس

يللا بقى ادعولى عشان نازله دلوقتى ملك بنتى عندها انترفيو في مدرسه وربنا يسهل ويقبلوها وهى كمان متتكسفش وترد على الناس

ادعولللللللللنااااااااااااااااااااا
ومتستخسروش فينا الدعوة

[/quot
يارب يجعل فى وشكم القبول وتقبلى فى المدرسة ياملك يابنت يميم(دعوة بالبلدى اهو )ويارب متتكسفيش ياملوكة وتردى عالميسات والمسترات ههههههههه

موفقين باذن الله ياحبيبتى
ربنا معاكم
كوكو مبرك الشوز والباج واللون الفضى موضة موضة موضة
ويميم جاوبتك على اسئلتك وطبعا لايفتى ومالك فى المدينة(اقصد ويميم فى التجمع)
ايه حكاية الفساتين ال بتتاجر دى يابنتى صحيح
انا بفتكر فساتين الزفاف والخطوبة بس ال كدة هو ممكن حد يروح ياجر فستان يلبسه فى مناسبة؟؟؟؟؟؟؟؟؟؟ ويبقى بكام مثلا مثلا يعنى اصلى اول مرة اعرف الحكاية دى
نهى مدخلتيش ليه النهاردة كعادتك؟؟؟؟؟؟؟؟؟؟؟ لعل المانع خيرا(تكونى روحتى العمرة مثلا *يارب*)
داليدا ربنا يوفقك للشقة وكويس ياستى اننا بنضحكك
يارب يبسطك دايما ياحبيبتى
علياء معلش هو النوم فى وجود الاطفال فى السن ده بيبقى عزيز شوية ربنا يهديهم
هدير ومنار وايمان وداليا ورشاوريهام وفاطمة بحبكم كلكم وتعالوا يالا هو مفيش حد غيرى عمال يرغى فى البيت ده

[sondos2010]

نهى الحمد انك دخلتى بس كتبتى ردك فى نفس الوقت وانا بكتب
ومكنتش شفته وانتى مش عالميل ليه داانا هارياكى ميسدات

[hananany]

مبروك التجمع الجديد وشكرا للسأل عليا

[Dalida]

مساء الفل على الجميع.
يارب يا ملوكه ما تتكسفيش وتبيضى وش ماما وتتقبلى باذن الله

ميرسى ليكى يا سندوسه انتى ونونا لاهتمامكم

[noana]

صباح الخير 0000 يا احلى بنات

ايه ده هو لسه كله نايم ولا ايه ولا انتم اخذتم اجازة النهاردة بمناسبه انه الجمعه اجازة رسميه يعنى
يلا يا جماعه عايزيين نشاط شويه و بعدين امال لا يجى الصيف محدش ها يدخل خالص على كده

عموما 0000 ارجو ان تكونوا جميعا بخير ان شاء الله و دعواتكم جميعا فى هذا اليوم تكون مقبوله باذن الله ومن عندها بنوته عايزة تدخل المدرسه يارب تكون قبلت و استقريتوا على بدايه الطريق ان شاء الله( ريهام و يميم)
و يارب كل عروسه امورة ربنا يسهلها و يقرب يوم لم شملها اقتنعت بيه و اختارته( هدير و سارة و داليداو خلود)
و يهدى كل اولادنا يارب و يوفقهم و ينجحهم ( سوزان و فاطمه و انا معاهم يارب)
و يهدى كل الاطفال الصغننيين و يريح ماماهتم و يكلوا كل اكلهم عاشان يكبروا( منار و ايمان و كراميلا و رشا و علياء)
و يارب يساعدنا فى مشروع الرجيم و يقدرنا عليه و طبعا داليا صاحبه البدايه
امييييييين يارب العالمين

سلامتى لكم جميعا 0000 و قبلاتى و متنسوش قراءة سورة الكهف لتكون نور لكم باذن الله الى الجمعه القادمه

http://

[حرم احمد]

السلام عليكم ورحمه الله وبركاته
ازيكم جميعا جمعه مباركه عليكم وحشتونى يارب تكونوا بخير جميعا

[yomizo]

الريجيم بقى عشان عذبتكم كتير معايا بوعود من غير تنفيذ

الاول هو نظام غذائي المفروض ان كل الناس تتبعه عشان ماتتسبش اى وزن زايد
وهو انك تشوفي ايه الاكل اللى بيتاكل مع بعضه يتخن وايه الاوقات اللى لازم ماتكليش فيها اى حاجه

يعنى ماتكليش ابدا بروتين مع نشويات في طقه واحده والا هتتخنى جداا
وكمان اخر حاجه تكونى وكلاها تبقى الساعه 10 بليل عشان تنامى بعدها بساعتيبن تكون بطنك هديت واستقرت مش تنامى والاكل كابس على انفاسك لاتعرفي تتنفسي ولا تنامى وتحلمى بكوابيس بعد الشر عنكم

الفطار بقى :
بيكون عباره عن نصفين عيش بلدي ( ابو رده )
نصفين لنوع واحد
جبن مع كوب شاي بلبن

الغداء :
يومين صنف بروتين + خضار + سلاطه
واليومين اللي بعدهم صنف نشويات + خضار + سلاطه
ونرجع تانى يومين بروتين + خضار + سلاطه

واليوم السابع تاكلى فيه اى نظام من الايام السته اللى فاتوا مش تعكوا وتاكلوا بروتين مع نشويات الله يكرمكم

او تمشوها تلاته ايام وتلات ايام

العشاء :
اى ثمره فاكهه مع علبه زبادي

ولو جعتوا في النص كلوا خضار زى ماتحبوا او فاكهه
يعنى ممكن خيار وخس مليانين فيتامينات وكلهم مايه مش بيعملوا حاجه
يعنى حتى فرضا ان جمعوا مايه في الجسم احسن مايجمعوا دهون
او ممكن تاكلوا بسكويت ساده
او فشار
لان الفشار مابيتخنش وبينزل يملا البطن ويدى الشعور بالاممتلا وخلاص
اهم حاجه طبعا يتعمل بزيت
ومايتملحش جامد

ملحوظة :
الدكتور قال اصح حاجه يتطبخ بيها الاكل هى الزبده بس مش الزبده النباتي
المهم انك متكتريش من كميتها في الاكل


اول اسبوعين مش هتخسوا جامد لان كل جسم على مابياخد على نظام الاكل الجديد وبعد كده هيتعود الجسم وتخسوا اسرع باذن الله

المهم كمان تبعدوا تماما عن الفواكه اللى مليانه املاح زى المانجه والبطيخ
وكمان تعرفوا حاجه ان في انواع خضار مشتقه من البروتين يعنى ماينفعش تاكلوها في يوم النشويات على انها خضار لان كده كأنكم معملتوش حاجه من الاصل


المهم هابقى اكتبلكم تانى طريقه لكل اسبوع ان شاء الله تحاولوا تمشوا عليها
انتوا بس ابداو بالنظام ده للاسبوع ده
وعلى فكره الكلام ده من بق دكتور اخصائي تغذيه
وبعدين انتوا مش خسرانين حاجه انتوا بتنظموا اكلكم وفي نفس الوقت مش حرماكم من حاجه

[خلود الاحزان]

حبايبى رجعتلكو من جديد
بجد ربنا يحميكم ويفتحها ف وشكم يالاكلو يقول ااااااااااااااامين
علياء حبيبت قلبى بجد وحشتينى جدا وميرسى اوى على سؤالك ياقمر ربنا يهديلك ابنك يارب
سندس, نهى, داليدا, فاطمه, يوميذو
بجد وحشتونى اوى وربنا يوفقكم
ديرو قلبى انتى فينك بجد غيابك مأثر فينا يال اارجعلنا بسرعه
سارة حبيبتى مبروك بس اسفه نسيت انتى محدده امتى ان شاء الله ربنا يوفقك ومبروك عليكى الشنطه وعلى الارض البلورينا
يميم ملوكه عملا ايه معاكى وطمنينا عليها وعليكى دايما انتى ف الشهر الكام ربنا يقومك بالسلامه
ياجماعه اسفه على تأخيرى بجد انتو احلى ناس اتكلمت معاهم ف حياتى وربنا يخلينا لبعض
اسفه بقا لو نسيت حد

[yomizo]

انا حاليا في نص الشهر التالت
باذن الله

[خلود الاحزان]

ربنا يكملك على خير ياقمر
ويقومك بالسلامه
ويرزقك بالذريه الصالحه
ايه بقا فين بقيه البنات؟؟؟
ايه الكسل ده