احلى تجمع لعسلات اسكندرية

[kokododo]

هالو هالو هالو
سارة جت يلا حيوووووووووووو
ايووووووووووووووووووووووووووووووووووووو
ههههههه وحشتونى جدا طبعا كلكم
داليدة هبعتلك العنوان على الخاص
نهى وحشانى جدا وميرسى على دعوتك الحلوة
يميم ربنا يخليكى ليا وما يحرمنى منك يا عسل انا فعلا بفكر اعملة بيج
سندس ازيك يا مامتى الصغيرة
ايوة كل الاتيلهات بتاعة فساتين الخطوبة بتاجر فساتين سهرة عادى
وتاييرات سواريه كمان وسعرهم مش غالى يعنى ممكن تأجرى فستان شيك ويعملة من 50 ل120 مثلا وستايل وطرح لما تروحى فرح انزل معاكى وتتفرجى قبلها تحت امرك
رشا كويسة بس علشان زياد اتعدى من عمر وخاسس وتعبان فهى مرهقة شوية ومتضايقة
علياء عودا حميدا
خلود يا قمرة انا لسة بعد رمضان وعليكى خير طبعا هتنورينى
ريهام ابقى طمنينا على القبول
كارميلا * هدير * فطومة * هبه * رشا * داليا * ايمان *
منار * فينكــــــــــــــــــــــــــــــــــــــــــــــ ـــم
ابكتنى ذنوبى اهلا بيكى
على فكرة انا نزلت مع أحمد واشترينا خشب الانترية
بس لسة هنشترى القماش ايه رايكم انا عايزة اعملة ذهبى وفيه ورود نبيتى وكاكاوى شفت قماشة حلوة اوى
بس بفكر يبقى الانترية نفسة متنجد بلون سادة ويكون المخدات والشلت هى اللى منقوشة ومطبوعة بالورود اية رايكم يا عسلات

[خلود الاحزان]

بصى ياسارة ياقمرايه انتى ممكن تعملى لون الحيطان البيج وتعملى جنب سبونش بالذهبى او النحاسى يعنى بجد هيبقى تحفه انا ناويه ان شاء الله على كده
ربنا يتمملك على خير ياقمر ومبروك على خشب الانتريه ولون القماش كده هيبقى اكيد تحفه
ربنا يوفقك
ايه ياحماعه ايه الكسل ده

[*هدير]

السلااااااام عليكم
ازيكم يا قمرات؟
كيف الحال؟
يارب تكونوا بخير انا بخير الحمدلله ووحشتوني كلكو والله وامبارح بعد ما كتبت رد الكمبيوتر معرفش بوظ الدنيا
ان شاء الله هدخل وارغي معاكو بس انهارده انا مجهده جدا لان احمد كان هنا وطوووول النهار كنت واقفه علي رجليا
يلا بوسه لكل واحده فيكو

[marwasamy mosta]

السلام عليكم ورحمة الله وبركاتة
حبيت اسلم عليكم واطمن عليكم عاملين اية جميعا؟؟
جبت لكم ايميل دمة خفيف اتمنى يعجبكم

النصائح الآتية
هي خلاصة ما توصل اليه
بعض العلماء في شأن العلاقة الزوجية

ولذا فهم يضعوها في تصرف الرجال

وهي:
1- اذا كان المال هو سبب كل مشكلة،
فأعطها كل ما في جيبك واسترح.



2- امنح زوجتك الأمان ،
ولا تعد الى البيت مكتئب السحنة حتى لا تعتقد انك مهموم للقائها،
ولا تعد متهلل الأسارير حتى لا تعتقد انك راجع من موعد غرامي لا سمح الله.
والأفضل أنك ما ترجع للبيت .


3- عندما تبرطم زوجتك بعبارات تلعن فيها اليوم الذي رأتك فيه
فلا تدقق كثيرا هذا نوع من التنفيس الضروري للزوجة،
وكما تقول الحكمة فإن
(( التنفيس خيرلك من ان توضع
في الكيس)).



فليكن ذلك في غرفة مغلقة لئلا تفقد هيبتك امام الأولاد.



5-امتدح مهاراتها في طهو الطعام،
حتى لو اضطررت الى التدرب طويلا الى مذاق طعامها.



6- من وقت الى آخر،
انتهز فرصة غيابها عن البيت للتسوق بصحبة الأولاد،
وخذ راحتك في البكاء.

[Dalida]

اولا شكرا ليكى يا مروه سامى عشان دحكتينى جدا بجد
ثانيا دعواتك كلها زى السكر زيك يا نهى.ادعيلى بقى يا قمره عشان انا نازله كمان شويه رايحه اعمل التحاليل الى قولتلكو عليها
شكرا يا يميم والله الرجيم شكله جامد مش مقفل اوى.بغض النظر عن اننا منجمعش بين البروتين والنشويات هو جامد..........يلا يا شباب اتجدعنو عشان نشوف مين هيخس اكتر
ساره وهدير ربنا يتمملكو على خير
بصى يا ساااااااارة قلبى:انا من رائى انك تعملى الكنبه ساده وكرسيين مشجرين التشجيره الى قولتى عليها دى شكلها كده حلوه. الخداديات بقى على الكنبه تبقى مشجره وعلى الكراسى المشجره تبقى ساده.اعكسى يعنى فاهمانى صح؟
طبعا انا مش عارفه انتى هتعملى الانتريه كنبه واربع كراسى ولا كنبتين وكرسيين.المهم عايزه اوصلك انك تخلى فى حاجه طاغيه على التانيه.يعنى الاغلب ساده وكرسيين بس مشجر.
ولو انتى مش متأيده بالنبيتيات.حاولى تغيرى النبيتى عشان انتشر شويه فى الوان كتير حلوه اوى.بس لوبتحبيه وداخل مزاجك اتكلى على الله
وشوفى رأى البنات وربنا معاكى
رشروش ربنا يطمنك على ولادك ويشفيهملك
سندوسه وفاطمه تعالو
ريهام قالبانا.بتدخل ترملنا كلمه وتجرى
سلامى لشجون وخلود ولعلياء

[noana]

صباح الخير ياحلى بنات00000

اولا ميرسى جدا يا يميم ( فعلا نفسى اعرف اسمك الحقيقى ) و واضح انه رجيم حلو و ربنا يسهل هابدا اجربه هو فيه كتير من الرجيم الى كانت الدكتورة نجوى اعطته لى بس موضوع النشويات مع البروتين دى الجديدة بس كنت عايزة اسالك قصدك ايه على موضوع ان فيه خضار فيه بروتين زى ايه يعنى يعنى فيه خضار فيه نشويات زى البطاطس بس بروتين مش عارفاها
و ايه اخبار المدارس معاكى0000 يارب تكون ملوكه قبلت ولا لسه النتيجه مظهرتش

ثانيا 00 ميرسى خالص يامروة على الموضوع اللذيذ و بصراحه هابعته لزوجى يمكن يترعب منى شويه0000


انسه سرسورة 000 انا بقولك زى ما بقول لبنتى سارة الى عقبال يارب ما اشوفها عروسه بس هى اكيد هاطلع عينه اولا ربنا يباركلك يارب فى الانتريه الجديد و بعدين بسرعه قولى لى انتى جبتيه منين الخشب و هاتنجديه فين و بكام ضرورى خالص و طبعا الالوان حلوة الى مختراها بس واضح انك بتحبى الاحمرات انا برضه كان قلبى حاسس بكده وواضح انك مختارة برضه الصالون كده هما مفنوحين على بعض لو ماكنش كدة غيرى فى الالوان علشان ما تزهقيش مع الوقت من توحيد الالوان فى البيت و اكيد طبعا المنقوش مع السادة هو السائد هذة الايام و على فكرة فيه بتاع قماش انتريهات برضه حلو تبع تكسمار هو برينت شوب فى فيكتوريا على طريق الحريه و اسعار المتر عنده معقوله قوىيالا عقبال يارب ما تكملى بيتك و تفرحى و تتهنى فيه http://

[noana]

]علياء 000 ايه اخبارك امبارح كنت عايزة ادخل و يمكن الاقيكى و احكى معاكى شويه بعيد عنك النت لقيته بينط و اصابته حاله من الجنون الرسمى اول ما ادخل يفضل يفتح و يقفل لما نرفزنى لغايه ما اقفلته عموما ربنا يسهل و تتعوض باذن الله
داليدا0000 ربنا معاكى يارب و تخلصى موال التحاليل دى على خير و اكيد هاتروحى تكملى الفحوصات كمان ان شاء الله خير و ترجعى بالسلامه
رشا 000 الف سلامه على زياد معلش هو الاطفال لازم كده يطلعوا من حاجه يدخلوا فى حاجه ما ضايقيش نفسك مش اولادك بس الى بيقوا كده بس انتى قلبك هو الى بيقى تعبان عشانهم

منار 000 ايه الاخبار يا جميله شدونه عامله ايه

ريهام انتى فينك و الله كل ما اقابل حد من الاسكندريه اساله على موضوع المدرسه القوميه و امبارح قعدت اتصل بدكتورة وفاء صاحبتى الى هنا على ما اعتقد تعرف ناس اولادهم فيها بس تقريبا كانت خارجه اول ما اعرف حاجه هابلغك على طول و على فكرة انا امبارح افتكرت المدرسه الامريكيه الى فى شوتس ياترى جربتى تقدمى فيها دى مستواها حلو قوى

سوزان و فاطمه 0000الرجيم وصل اهو مفيش حجه بقى يلا تعالوا نمشى الاسبوع ده عليه و نشوف مع بعض
داليا 00 و ايمان انتم بتختفوا فجأة ليه
خلود يا عروسه يارب يكون فرحك قريب انتى كمان علشان نفرح ليكى و تنضمى للعرايس بتوعنا

هدير000 يالا مستنين الحكاوى و بعدين ده انتى و سارة بصرة خالص العرسان موحدين الاسم (احمد) ماشاء الله ربنا يباركلكم يارب

كارميلا 000 واضح انك تهت عن البيت الجديد طيب و بعدين بقى نجيبك ازاى وحشتينى بجد
اقولكم باى بقى علشان ورايا مشوار و قبلاتى للجميع

http://

[حرم احمد]

السلام عليكم ورحمه الله وبركاته
ازيكم ياحبيباتى يارب تكونوا بخير
نهى ازيك انتى ياحبيبتى وحشانى انا برده بقول بقالك كام يوم مدخلتيش على الميل المهم تكونى بخير انتى وبنوتاتك الحلوين ربنا يباركلك فيهم وان شاء الله نتقابل على خير
فاطمه فينك وحشانى يارب تكونى بخير يارب و المانع يكون خير المره اللى فاتت كنتى تعبانه لما غبتى عننا ربنا يكرمك ياحبيبتى ويبعد عنك كل سوء يارب وتطمنينى عليكى
مروة منورة ياحبيبه قلبى وكلام يموت من الضحك
سارة ازيك يارب تكونى احسن دلوقتى
سندس فينك ياقمرايه يارب تكونى كويسه
خلود عامله ايه يارب تكونى بخير وان شاء الله متبعديش عننا تانى
داليدا وكارميلا يارب تكونوا كويسين ونتقابل على خير
بحبكم فى الله

[hananany]

السلام عليكم
شكرا جدا يا نهي علي اهتمامك انا والله ربنا الي عالم بحالي انا رحت للدكتور وقالي اني في شهر ونص ولما عمل السونار لاقاه شهر واسبوع ودة معناه ان التبويض كان متأخر او ان نمو الجنين وقف
وطبعا مش هنعرف اي الاقتراحين اصح غير لما اروح الشهر الي جاي
يارب انت عالم بحالي استغفر الله الذي لا اله الا هو الحي القيوم واتوب اليه

[كارميلا]

السلام عليكم يا بنات ازيكم جميعآ
معلش ليا فترة مش بدخل اصلي تعبانه من ضهبري اوووووووووووي ومش عارفة اعمل اية
نهى ........ حبيبتي ازيك وازي بنوتاتك ربنا يخليهملك ويهديهم يارب وتسلمي يارب على سؤالك وانت كمان وحشتيني موووووووووووووووووووت
وعاملة اية دلوقتي في الرجيم
كنت عايزة اسالك عيش اللي برده هو عيش السن
ويعني ايه نصفين يعني عيش كامل نصو نص بتهيئلي دا كتير

داليدا ........مبروك عليك الانترية والالوان حلوه اوي بس حاول تكون فاتحة عشان تنور البيت

يميم ........... مرسي يا جميلة على الرجيم
باقي البنات ازيكو حاطلع وادخلكم بالليل ياريت تكونوا موجودين نرغي شوية

[شاهى20]

مساء الخير

ازيكم عاملين اية كلكم

نهى حبيبتى عاملة اية انا من اسبوع وانا ماشية مع ريجيم الدكتور بهاء ناجى الريجيم بتاعة حلو جدا وكمان هجرب دة ويارب يعمل مفعول بقى ونخس

سندس اخبارك اية وازى اولادك

ريهام ازيك يارب يكون خير يارب ويكمللك انشاء الله على خير هدعيللك دايما يارب يكون معاكى

كارميلااية احواللك واحوال اولادك

داليدا انتى عاملة زيى كنت خايفة جدا وانا رايحة اعمل التحاليل ومرعوبة بسربنا جابها سليمة

انشاء الله تكونى بالف خير متخافيش


عليا قلبك حاسس بية الحمد لله على كل شئ نحمدة ونشكر فضلة انا من مدة كان عندى

وجع جامد فى اجنابى الاتنين وكنت خايفة اروح للدكتور ليكون فيهم حاجة واتشجعت وروحت لل

للدكتور والحمد لله طلع الكليتين مفهومش حاجة قالى برد وبعدين شك فى الغدة الدرقية

وكتب لى على تحاليل كتيرة وروحت عملتهم وانا مرعوبة والحمد لله طلع زى الفل مفيش الا شوية املاح وصديد ومع العلاج الحمد لله اتحسنت كتير ونصحنى بالابتعاد عن اى حاجة يدخل

الدقيق فيها وانى اعمل ريجيم وامشى كتير وشكرا لكى على سؤاللك ربنا ما يحرمنيش منك ابدا

سارة الف مبروك على الانترية تتهنى بية يارب

خلود اية اخبارك

مروة ازيك عاملة اية فينك يا بنتى وحشتينى

رشا سلامة زياد الف سلامة ربنا يشفيهوللك يارب

هدير يارب تكونى بخير وكمان ايمان

منار اية اخبارك انتى وشادن

سلامى اليكم كثيرا جدا بجد كنت مفتقداكم جدا ووحشتونى

[حرم احمد]

فاطمه الف سلامه عليكى ياحبيبتى والحمد لله انك اطمنتى وطلع مفيش حاجه ربنا يحفظك ويصرف عنك كل شر ويخليكى لاولادك

[Dalida]

الله يطمنك يا فاطمه
يا كارميلايه انتى عندك لخبطاشين صغنون.ساره هى الى بتفرش مش انا يا عسل
سلامى للكل

[kokododo]

ازيكم كلكم وحشتووووووونى
انا الحمد لله كويسة وبخير
نهى حاولت ابعتلك رسالة بس انتى مش بتستقبلى
الخشب عملة حوالى 1850 جنية
والقماش المتر ب45 جنية بس لسة مش اشتريتة ونعرف منجد جبار وسعرة حلو لو عايزة اساعدك لما تنزلى موافقة وفى اى وقت
داليدة معلش مش بعتلك التفاصيل قومت فجاة والله
بس حاضر هبعتلك تفاصيل العنوان
باقى البنات روحتو فين التجمع مالة نايم كدة


الله يبارك فيكم كلكم يارب
المهم هسيبكم ناو وارجعلكم تانى
سلاموز بالموز

[yomizo]

كارميللا العيش البلدى العادى ابو رده اللى هو من االفرن ب شلن
مش السن خااالص
السن ده زى قلته حلو لبتوع مرضى السكر بس لكن الريجيم لا
سيبك منه

ونصين عشان انت كده كده هتبداى الريجيم بشهيه مفتوحه وجامده وبعد كده هتلاقي نفسك اتسدت واحده واحده وطقتك قلت ومابقيتيش تكملى طبقك
وهارد عليكى يانونه بالخضار البروتين لانى بصراحه مش فاكره منه دلوقتى الا المشروم والبسله

وطبعا الفول والعدس بروتينات يا حلوين