هدرزة ليبية *23* ومعاها طويسة شاهى والتالتة باللوز

[جميلة الكون]

صباح الخير كيف حالكم
ياروني الحلوة عظم الله اجركم والله استحشناك هلبا سمعت بتسفري الجمعة الجاية انشاء الله توصلي بسلامة وين ماشية لبريطانيا

[ام السنفور]

صباح الخير جميعا وان شاء الله نفرحلكم في يوم مبارك زي مافرحتولي في وليد خوى
طبعا هادا تاني ولد خو لان الاولى بنوتة زي العسل لاكن بنت خوى التاني لاكن خوى هادا اوله مرة
ياوخيتى سلمه استاحشته من قبل ما نشوفه وراهو حتى اختى جابت المدة اللي فاتت هونا قلتلكم اللهم صلي علي النبي ربي يسلمهم الصغويرة توا لما يكبرو يبدو صحاب لانهم يعتبرو نداد
وربي ان شاء الله يعطى كل محروم يارب العالمين

على فكرة ماكينة الدونت موجوده في ليبيا وانى متاكدة انى شايفتها غادى وراهو من قبل مانتزوج مش توا

وطواجين السيلكون ارفعيهم معاك يا لايت اصلا خفاف ماياخدوش وزن هلبه

رونى حبوبتى كيف حالك استوحشتك يابنت ان شاء الله سفرة مباركة وربي يفتحها عليكم

[ام السنفور]

فرفورة عجينة الكولاج هي تلقيها في التيسكو والا الازدا اسمها fillo pastry في التلاجه جنب البف باستري والعجاين التانيات

[جميلة الكون]

نبي نسال شكون يسكن في شتم هل في مانشيستر بجانب محلات البكستان ماهوا نعرف المنطقة هدي ماشيتلها انقضي منها في حاجات

[light dreams]

صباح الخير على الحلوات
شن اخباركم اليوم ان شاء الله تمام
جميله وشرشبيله وديدى وام لما ولماركيف حالكم
سنفوره يا حبيبه عقبال ما نفرحولك فى الماستر يا حبيبه وبعدها ببنوته زى العسل تونس خوها

جميله يا حبيبه انى مش بعيده على تشيتم هيل انى نعتبر فى سالفورد على حدودها مع تشيتم هيل تفضلى شن تبى تسالى

ام لما ولما شكرا يا حبيبه على المعلومات الحلوة وان شاء الله فى ميزان حسناتك

[light dreams]

قال رسول الله صلى الله عليه وآله وسلم:- 'من صلى علي في يوم ألف صلاة
لميمت حتى يبشر بالجنة'

وقال صلى الله عليه وآله وسلم:-'منصلى علي في يوم مائة مرة قضى الله
له مائة حاجة :سبعين منها لآخرته وثلاثينمنها لدنياه'

وقال صلى الله عليه وآله وسلم:-'من صلى علىحين يصبح عشرا وحين يمسى
عشرا أدركته شفاعتي يومالقيامة'

وقال صلى الله عليه وآله وسلم:-'من صلى علي واحدة صلى الله

عليه عشر
صلوات وحط عنه عشر خطيئات ورفع له عشر درجات'


وقالصلى الله عليه وآلهوسلم

:- 'ما من أحد يسلم علي إلا رد الله علي روحي حتىأرد عليه السلام'

وقال صلى الله عليه وآله وسلم:- 'إنأولى

الناس بي يوم القيامة أكثرهم علي صلاة'

إذا ضاقت بك الدنيا فلا تقل:

يارب عندي هم كبير .... ولكن قل:

يا هم لي ربكبيــــــــــر

قل الكلمات الحلوة هذي
[center]

اللهم صلي على محمدوعلى آل محمد
كما صليت على إبراهيم وعلى آل إبراهيم إنك حميدمجيد

وبارك على محمد وعلى آل محمدكما
باركت علىإبراهيم وعلى آل إبراهيم انك حميد مجيد

er

[جميلة الكون]

نعرف ناس في سالفورد في منطقة كلدر سكوير هي عبارة عن شقق منظمة ومحمية

[جميلة الكون]

انتي شنوا اسمها المنطقة يلي تسكني فيها
ونعرف ناس حتي في ايكلز ونعرف ناس في اولدترافورد ونعرف ترافورد سنتر
من وين تاخدي في لحم حلال من شتم هيل ولا من منطقة تانية؟

[light dreams]

انى فى منطقه اسمه تشيت وود بين شيتم هيل وبين كرمسل و ايكلز

[light dreams]

كان تعرفى شارع اليهود انى متوسداته هههههه ومصبحه ومسيه فى وجوهم

[light dreams]

جميله انتى وين قاعده؟؟؟

[جميلة الكون]

كانت في بريطانيا وفي مدينة تشيستير تعتبر في نورت ويست

[light dreams]

ايه نعرفها تشيستر
قصدك انتى توا مش فى اليو كى ؟؟؟

[جميلة الكون]

انت معنها تسكني في المنطقة الي بعد شتم هل وين مافي الكنيسة اليهودية والمصرف اليهودي الطريق يلي تمشي لي اولد هام وباري

[جميلة الكون]

ايه توا اني في ليبيا وبالك شهر الجاي انشاء الله موليا