هدرزة ليبية *23* ومعاها طويسة شاهى والتالتة باللوز

[light dreams]

مساء الخير على الناس الحلوه
انى جيت لقيت دويره شرشبيله كيف تسكرت مليح اللى مش على صوابعى قلت خلى نفتحلكم دويرتى
هىتفضلوا والحوش حوشكم خلى نمشى انى نشوف شن فى المطبخ ينفع للضيافه هههههههههه

[FARFORA]

اهلا يالايت وانشاالله الدويرة عامرة باصحابها

[light dreams]

هدى الموالح والخفايف مع الشاهى واللى يبى قهوة والا هوت تشوكليت والا كبتشينوا يستنى الحلو

[FARFORA]

اهو اني مشيت جبت الحلاوات انتي غير جيبي مانعدو بيه معاهم

[light dreams]

اهلا يالايت وانشاالله الدويرة عامرة باصحابها

هلا فرفوره شن اخارك يا حبيبه اليوم ان شاء الله احسن ونورتينى فى الدويره

[light dreams]

ما شاء الله عليها هالسمحه هاللى جت بحلاواتها

[ام السنفور]

حىىىىىىىىى حتى انى فتحت حوشى امشو غادى ههههه وحدة تجيب في الزباين ليها

[light dreams]

[light dreams]

حىىىىىىىىى حتى انى فتحت حوشى امشو غادى ههههه وحدة تجيب في الزباين ليها

هههههههههه سكريه وتعالى هنى الدنيا صقع وولدى راقد وشنبيرى مش قاعد

[FARFORA]

كنت جايبة كبتشنو يسفه خسارة مبتش تنزل الصور

[FARFORA]

احكولي علماكينة الدونتس الي حكيتو عنها بكري

[light dreams]

وهدى عصيدة شرشبيله ما شاء الله بدت عمه للمره التانيه
ان شاء الله ربى يباركلهم فى البيبى ويجعله الله من عباده الصالحين الهادين المهتدين

[FARFORA]

وانت ياام السنفور مش قلتيلي عالكلاج وسالتك شن اسمه ولاشكله لان معمريش صادفني

[FARFORA]

ماشالله عصيدة فوقتها في هالصقع شن قصدك سنفورةخوها زاد علي ولد قول بش نباركولها

[light dreams]

احكولي علماكينة الدونتس الي حكيتو عنها بكري

فرفورتى ماكينه الدوناتس انى كان خاطرى نجيبها قبل وفيه وحده ما نصحتنيش بيها قتلى يطلع مش حلو وبدرى يسمينه شكرتها هللبه ومش من بلاش لانها هيا عندها وحده يعنى عن تجربه وهدى صورتها تلقيها فى ارجوس واغلب المحلات