هيا تفضلوا معاي على الهدرزة الليبية

[أروي]

السلام عليكم ورحمة الله وبركاته كيف حالكم يابنات وحشتونى كثير وماشغلنى عنكم الا حملى وانا الان فى الشهر الخامس كيف حال راود ومش معقولة واروى وجبالية ومصراته ودموع ام ايوب وجورى وعقول ورحاب وماريا وسفن وكل البنات الحلوات واولادهم وعائلتهم الكريمة وجميع من لم اتذكره وتبلغكم السلام مس ليبيا وهى تستعد للسفر لاتمام دراستها وسلامى للجميع

يا فريحه كيف حالك والله ليك وحشه وربي يسهل عليك ان شاء الله

بالله كيف حال وخيتك ان شاء الله بخير

[العقول النيرة]

السلااااااااااااااااااااااااااااام عليكم و رحمة الله و بركاته
كيف حالكم يا بنات و الله ستاحشتكم هللللللللللللللللللللللللللبا و ما شغلني عليكم غير هالقرايا و هم الجامعة و الحمد لله على كل حال

شن اخباركم كلكم

انا تمام الحمد لله نجحت في بعض المواد و نستنى في الباقي ادعولي يا بنات

[تجويد]

السلام عليكم ورحمة الله وبركاته

كيف حالكم كلكم بدون استثناء الجدد والقدم وخاصة إلي فقدوني ونشدوا عليا ان شاء الله تنشد عليهم الايام الطيبة والله مشغولة شوية لان نفسيتي قاعدة تعبانة من مرواحت ليبيا وزيدها يازايد بوي تعبان وبيدير عملية يوم الاثنين على القلب بالله ماتبخلوش عليه بالدعاء الله يحفظلكم ابهاتكم اللهم أمييييييييييييييييييين .
تقريباً هكي عرفتوا خيرني غايبة وان شاء الله ديما ملمومين .

[المنـ أم ــذر]

صباح الخير على الحلوين
عقول مرحبتين بيك ربي يوفقك وينجحك وطمنينا عليك
شن صار يابنات خيركم العفو ولا طلات
حسني انشغلت عليكم
رواد
مصراته
دموعة
تجويد
جنان
تماضر
ارض النور
ياسمين
جبالية (لا ياسر مته الريجيم اللي خداك مننا )
جوري
ام ايوب (ردي بالك تسافري من غير ما تسلمي )
سنفورة
سوسو اكثر وحدة شغلتيني شن قاعدة مريضة ؟؟
بنت بلادي
انهار طمنينا عليك امتى الولادة
بنت بلدي
باقي البنات طمنونا



الفالحة ...ام منير...اروى ...بارك الله فيكم شجعتوني على العمبمر
واهي الطريقة
بياض بيضتين وفانيليا وشوية رزاطة تضرب جيدا حتى تصبح زي الرغوة
ثم كوب سكر ناعم ويضرب جيدا حتى يصبح زي الكريمة
ويضاف اللوز المرحي من غير مقدار في حدود كوبين لكن عينك ميزانك على حسب حجم البيض ويعجن عجينة رطبة نوعا ما مش سايلة هلبة وبعدين تاخدي حليب تبللي ايديك وتاخدي العجينة تكركبي وتسطحيها شوية وتحطي في الطاجين وتحطي عليها لوزة مقشرة ويكون الفرن سخون طيبي من فوق قبل باش يتشقق ويسيح
وبعدين طيبيه من الاسفل مش هلبة باش ما ييبسش لانه هو حتى من غير تطييب يتاكل هههههههههههههههه
وصحتين على قلوبكم واللي تجربه تدعيلي

[المنـ أم ــذر]

كيف حالكم كلكم بدون استثناء الجدد والقدم وخاصة إلي فقدوني ونشدوا عليا ان شاء الله تنشد عليهم الايام الطيبة والله مشغولة شوية لان نفسيتي قاعدة تعبانة من مرواحت ليبيا وزيدها يازايد بوي تعبان وبيدير عملية يوم الاثنين على القلب بالله ماتبخلوش عليه بالدعاء الله يحفظلكم ابهاتكم اللهم أمييييييييييييييييييين .
تقريباً هكي عرفتوا خيرني غايبة وان شاء الله ديما ملمومين .

تجويد كيف حالك ياحبيبة ولاباس على الوالد ربي يشفيه ويطمنك عليه ...الله المستعان الواحد ما يقعدش مرتاح ربي يكون في عونك
قلوبنا معاك
اسال الله العظيم رب العرش العظيم ان يشفيه

[تجويد]

تجويد كيف حالك ياحبيبة ولاباس على الوالد ربي يشفيه ويطمنك عليه ...الله المستعان الواحد ما يقعدش مرتاح ربي يكون في عونك
قلوبنا معاك
اسال الله العظيم رب العرش العظيم ان يشفيه

الله يبارك فيك ياغالية وجعله الله في ميزان حسناتك الله غالب الحمد لله علي كل حال الذي لايحمد على مكروه سواه .

[بنت_بلادي]

السلام عليكم

كيف حالك يابنات
المتزوجات والعازبات
المقيمات والمتغربات


الحاضرات والغايبات
ان شاء الله كلكم بخيرررر وبصحة


مش معقولة يعطيك الصحة عالعبمبر
شكله ايهبل ربي يحفظك لينا
ويحفظلك مولا بيتك ووبنياتك

السلام عليكم ورحمة الله وبركاته

كيف حالكم كلكم بدون استثناء الجدد والقدم وخاصة إلي فقدوني ونشدوا عليا ان شاء الله تنشد عليهم الايام الطيبة والله مشغولة شوية لان نفسيتي قاعدة تعبانة من مرواحت ليبيا وزيدها يازايد بوي تعبان وبيدير عملية يوم الاثنين على القلب بالله ماتبخلوش عليه بالدعاء الله يحفظلكم ابهاتكم اللهم أمييييييييييييييييييين .
تقريباً هكي عرفتوا خيرني غايبة وان شاء الله ديما ملمومين .

اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه

[جنان 92]

السلام عليكم ورحمة الله وبركاته

كيف حالكم كلكم بدون استثناء الجدد والقدم وخاصة إلي فقدوني ونشدوا عليا ان شاء الله تنشد عليهم الايام الطيبة والله مشغولة شوية لان نفسيتي قاعدة تعبانة من مرواحت ليبيا وزيدها يازايد بوي تعبان وبيدير عملية يوم الاثنين على القلب بالله ماتبخلوش عليه بالدعاء الله يحفظلكم ابهاتكم اللهم أمييييييييييييييييييين .
تقريباً هكي عرفتوا خيرني غايبة وان شاء الله ديما ملمومين .

الحمد لله كيف حالك انت وعويلتك
كيف حالكم يابنات جميعا
الله يبارك في اللي سالت علي وفقدتني وان شاء الله ماتفقدوا غالي
ويبارك ربي حتي في اللي ماسالت علي
اختي لاباس علي ابوك طهور ان شاء الله طمنينا عليه الله يطمن بالك عليه
اختي ليش نفسيتك تعبانه من مرواحة ليبيا هو فيه احسن من الواحد يكون بين اهله وناسه والله العيشه غادي حلوه لما العويله ملتمه شني الواحد قيمته عايش زي الغوله في الغربه هو العمر واحد في هالدنيا الله المستعان
انا كنت زيك قبل مااروح لاني ليا سنيييييين مامشيت زياره كانت في البدايه صعبه بس بعد ماشفت بصراحه العيشه مع الاهل احلي بكثييييييييييييييييييير علي الاقل الصغار يعرفوا اهلهم ويعيشوا بينهم ويعيشوا حياة طبيعيه
هو انتي ماشيه زياره والا علي طول ؟

[المنـ أم ــذر]

الحمد لله كيف حالك انت وعويلتك
كيف حالكم يابنات جميعا
الله يبارك في اللي سالت علي وفقدتني وان شاء الله ماتفقدوا غالي
ويبارك ربي حتي في اللي ماسالت علي
اختي لاباس علي ابوك طهور ان شاء الله طمنينا عليه الله يطمن بالك عليه
اختي ليش نفسيتك تعبانه من مرواحة ليبيا هو فيه احسن من الواحد يكون بين اهله وناسه والله العيشه غادي حلوه لما العويله ملتمه شني الواحد قيمته عايش زي الغوله في الغربه هو العمر واحد في هالدنيا الله المستعان
انا كنت زيك قبل مااروح لاني ليا سنيييييين مامشيت زياره كانت في البدايه صعبه بس بعد ماشفت بصراحه العيشه مع الاهل احلي بكثييييييييييييييييييير علي الاقل الصغار يعرفوا اهلهم ويعيشوا بينهم ويعيشوا حياة طبيعيه
هو انتي ماشيه زياره والا علي طول ؟

جنان..كيف حالك وحال عويلتك ومولى بيتك ...ان شاء الله احسن
وبالنسبة لتجويد انتي فهمتيها غلط هي كانت في ليبيا ورجعت للفلبين ومتضايقة بعد ما رجعت للغربة خاصة ان امها واختها كانوا زيارة عندها وروحت معاهم لليبيا وتوا رجعت ...شوفي كيف طولت القصة ههههههههههه

[بنت_بلادي]

جنان
مش معقولة

كيف حالكم انشوفك فيكم ضاويات

[جنان 92]

جنان..كيف حالك وحال عويلتك ومولى بيتك ...ان شاء الله احسن
وبالنسبة لتجويد انتي فهمتيها غلط هي كانت في ليبيا ورجعت للفلبين ومتضايقة بعد ما رجعت للغربة خاصة ان امها واختها كانوا زيارة عندها وروحت معاهم لليبيا وتوا رجعت ...شوفي كيف طولت القصة ههههههههههه

الحمد لله كيف حالك انتي وحال العويله اللي عندك والبعاد
والله الحمد لله الان احسن ماعاد الا الكحاحه
بارك الله فيك علي التوضيح خلاص كبرت وضاع الفكر فهمت الحكايه غلط
الله يرجعنا جميعا لبلادنا ويرتحنا من هالغربه ولم شملنا باهلنا دنيا واخره

[المنـ أم ــذر]

جنان..لاكبر لاسو غير انتي جديدة على الهدرزة مازال ماتعرفيش البنات كويس
بنت بلادي ..كيف حالك وحال وليدك ..ربي ينور ايامك

[جنان 92]

الله يسلمك ياغاليه
الله يعطيك الصحه علي العبمبر شكله يجنن ماشاء الله لاقوه الا بالله
راح اجربه ان شاء الله بس لازم احط رزاطه هنا ماعندناش ايش ممكن احط مكانها وياريت تقوليلي المقدار بتاعها بالظبظ طالعه معاك بسم الله رهيبه

[بنت_بلادي]

[SIZE="4"][COLOR="DimGray"]

الله يرجعنا جميعا لبلادنا ويرتحنا من هالغربه ولم شملنا باهلنا دنيا واخره

اللهم آمين

بنت بلادي ..كيف حالك وحال وليدك ..ربي ينور ايامك

الله يسلمك ويبارك فيك ياطيبة
ايامى وايامك ياحبيبا

[المنـ أم ــذر]

الله يسلمك ياغاليه
الله يعطيك الصحه علي العبمبر شكله يجنن ماشاء الله لاقوه الا بالله
راح اجربه ان شاء الله بس لازم احط رزاطه هنا ماعندناش ايش ممكن احط مكانها وياريت تقوليلي المقدار بتاعها بالظبظ طالعه معاك بسم الله رهيبه

جنان مش لازم الرزاطة انا بس حطيتها على خاطر الريحة ..وبعدين لو عندكم محلات ايطالية تلقي فيها الرزاطة واسمها رزاطة
ومقادير شن تبيها ..حطيتها المقادير