هيا تفضلوا معاي على الهدرزة الليبية

[am munir]

كيف حاللك اليوم يا سنفوره نهارك مبارك ويومك زين ان شاء الله
عويلتى كلهم بخير ونعمه والحمد الله
مشاء الله اليوم الجو ربيع الشميسه زارقه والجو منعش
الايام يالى فاتو حشاك مطر و ريح والجو يغم القلب

[المنـ أم ــذر]

السلام عليكم ورحمة الله
كيف حالكم يابنات اليوم..ان شاء الله كلكم طيبين وعويلاتكم..

[سرورة ليبيه]

كبف حالكم

كيف حالكم كلكم والله استاحشت هدرزتكم شن هو اللي تتكلموا عليه واللي قالت عليه مصراتيه

[سرورة ليبيه]

شنووووووووووووووو خيركم وينكم

[سرورة ليبيه]

هلاااااااااااااااااااااااااااااااااااااااااااااااا ااااااااااااا

[المنـ أم ــذر]

تفضلوا يابنات
واخيرا بعد محاولتين
درت العمبمبر
واللي تبي الطريقة تدلل
هي طريقة جبالية لكن باضافات مني
لاني خديت المقادير من جبالية وماخديتش تفاصيل
وهو حساس تطيبيه
المهم اللي تبي الطريقة تقول

ولو الصور مش واضحة معليش العتب على كاميرا الكمبيوتر

[am munir]

السلام عليكم ورحمت الله وباركاته
غر شنو هذا يا مش معقوله عمبمبر اليبيى يعطيك الصحه كملتيها وجبتى معاه طويصت روزاته
هيا بسرعه اعطيينى الطريقه عندى راجل يموت فيه ديما يشرى فيه من هنى غالى شويه فى هل البلاد
هيا الطريقه بسرعه ياوده

[sevenseas]

السلام عليكم
كيف حالكم يا بنات كلكم ان شاء الله بخير
لاباس على المرضى ...طهورا ان شاءالله


ماشاء الله عليكم
كيكات وبقلاوة وعبمبر تسلم ايديكم
ان شاء الله ناكلوه في فرح صغاركم

[am munir]

وعليكى السلام ورحمت الله وباركاته

لله يبارك فيك يا وخيتى والفرح عندك ان شاء الله
هيا تفطلى ولا متحشمه تبى منو يعزمك

[sevenseas]

سلمك يا حبيبه
لا مش متحشمه غير سلمت ومالقيت حد رد قلت انراجي شويا

كيف حالك ان شاء الله بخير ولاباس على وليدك.

[المنـ أم ــذر]

يابنات شوفوا الرابط هذا ..موقع للمصحف الشريف مع برنامج للحفظ وتلاوات لكثير من المشايخ..تقدري تختاري الشيخ اللي بتسمعي منه وتحددي عدد تكرار الايات اللي تبي تحفظيها ...الصراحة ماشاء الله ..وللامانة الرابط حاطته الاخت عبارات العيون في موضوع في الحوار العام حبيت ننقله ليكم للفايدة

http://quran.muslim-web.com/

ياام منير كيف حالك انتي ووليدك توا ..وبالنسبةلطريقة العمبمبر ادللي
سفونة كيف حالك
وينكم باقي البنات لاباس عليكم
مصراتة مش عوايدك وينك ..شنو قاعدة مضايقة ؟؟

[* الفالحة *]

ماشاءالله شن هذا ... تسلم ايدياتك والله ما تقولي علية الا واتي !!!!!!

هيا فيسع هاتي الطريقة يا حبيبة خلي نجربةةةةةةةةةةةةةة

التصاوير نسوني حت النشدة عليكم .... !!!!

كيف حالك يا وخياتي كلكم من غير تحديددددددددددددددد

[فريحة]

السلام عليكم ورحمة الله وبركاته كيف حالكم يابنات وحشتونى كثير وماشغلنى عنكم الا حملى وانا الان فى الشهر الخامس كيف حال راود ومش معقولة واروى وجبالية ومصراته ودموع ام ايوب وجورى وعقول ورحاب وماريا وسفن وكل البنات الحلوات واولادهم وعائلتهم الكريمة وجميع من لم اتذكره وتبلغكم السلام مس ليبيا وهى تستعد للسفر لاتمام دراستها وسلامى للجميع

[أروي]

السلام عليكم كيف حالكم يا بنات كلكم ان شاء الله بخير

ما شاء الله يا ام منير سلم ايديك شكلها روعه

مش معقوله تسلم ايديك علي العبمبر ويالله عاد الطريقه مع اني نعرف وحده

لاكن ما تشققليش منعرفش علاش المهم اسعفيني عندي اللويزات خلي اندير اليوم

يوم الاثنين ان شاء الله بنبدا في رجيم قربت المرواحه خلي انديرو سنفره ههههههههه

[أروي]

يا بنات باركولي مش وليت النجم الفضي
وحده ماصدقت ههههههههههه