(( تعالوا نحلم بقعـدة هنية في ظلال الأرزه اللبنانية ))

[ماماحميدة]

ياهلا لؤلؤة فلسطين


واحلى صباح الك وللجميع بالوطن العربي
ووفلسطين والعراق ولبنان
وميت اهلن فيك,,,


صباااااااحو بنت البتراء

وانا اشتياقي اكتر زور لبنان بس مابخاطر هالفترة
الله كريم بتروق الدنيا ووقتها بكون اول وحده
بنزل لبنان ,, وعلىفكرة
انا نص عيلة والدي من يافا وقرايبنا نزحوا ب 48
يعني الاصل من فلسطين,,وهالشي بيشرفنى
وبيسعدني ,,,وبخصوص زراتك لبنان
الله كريم بكرا بعلمك بيرجع ااحلى مما كان
وبتزورينا وبتقضي اطيب الاوقات

[OmNour]

الغالية / ماما حميدة

اخواتي الحبيبات كل اللبنانيات

اهلا بيكم في بلدكم و يارب يكشف عنكم و عنا هذه الغمة و ميعودهاش تاني يارب

[noora89]

مشكورة ماما حميدة على الترحيب وانا سعيده بوجودي معكم

[ماماحميدة]

اهلا ام النور

اني سعيده بمشاركتك وانتي اخت غاليه
وعلى الرحب والسعة باي وقت
وجزاك الله خير للدعاء
اللهم اامين


ياهلا ومرحبا نوشاتا

وصدقينى انا سعيدة لانضمامك
الينا ودمتي بحفظ الله




[/IMG]

[لؤلؤة فلسطين]

مساء الورد
كيفك يا ماميتو
اشتقتلك
وكيف كل بنات لبنان
وان شاء الله الاوضاع بتصير احسن من هيك

[um Usama]

السلام عليكم ورحمة الله

كيفك ماما حميدة ... الله يخلليلنا ياكي وتضللي سفيرة لبنان وبحس انو شوقك للوطن لو توزع عالعالم كله ما بيخلص.. الله يجمعنا ببعض في ربوع وطننا نحن والامل الجميل وكل الاخوات اللي كانت كلماتهم نابعة من القلب وجمعنا اللهمع بعض في الفردوس الاعلى مع النبيين والصديقين... آمين


الامل الجميل : كيفك حبيبتي والله انت مهضومة كتير وين ما عدتي طليتي عساه خيرا ان شاء الله ...
ولا الوحام عم يعمل عمايله معك؟؟ ... الله يسهلها عليكي يا رب ..
وبعدين وين نكت ابو عبد ؟

بتعرفو شو عالتلفزيون لبنان عم يرجعوا يحطوا مسلسل الدنيا هيك ومش معقول قديش كانوا مهضومين اكتر شي علوش لما يعبس ويتنمرد عأبوه المختار ولا زمرد وعزيز عزو ووردة وبلبل وكوكو..... وغيرهم... يا الله عهيديك الايام بذكر كنا صغار وننتظر هالمسلسل ونجلس كلنا كل العائلة مع بعض .........

واوضاعنا هنا بلبنان الحمدلله على كل حال مشاريع العمار بدأت والمطار انشاء الله يفتتح نهار السبت بس بالاخبار يظل في تشاؤم واسرائيل الله عليها عم تعمل اشياء استفزازية بس فوق هيدا كلو موجة الشوب الحر كتير كتير الواحد بيحس انو ما في اكسجين بالجو وننتظر الكهرباء مناطرة لتشغيل المكيفات ويللي ما عم تلحق .. الله يفرجها يا رب

اخواتي الكريمات:
المغتربة
وغسق الليل
noshat
ناصحة
بنت البترا
لؤلؤة فلسطين
ام نور

كلامكم عسل وانتو عسل وجزاكم الله عنا كل خير لدعمكم لنا والله هالكلام يؤثر كتير فيني وانا اجد كلنا على قلب واحد !! ادامكم الله!!

بنت البترا اهلي من سكان الغبيري وفي بالبناية جيران من فلسطين احسن يكونوا من اقاربك وهيك منطلع نحن كمان جيران؟؟؟

اترككم بأمان الله على ان اطل عليكم من وقت للتاني

[Salma1]

السلام عليكم
ويسعد مساكم
ماما حميدة وكل الحبايب

تفضلو عازمتكم على فنجان قهوة

بنت البترا اهلي من سكان الغبيري وفي بالبناية جيران من فلسطين احسن يكونوا من اقاربك وهيك منطلع نحن كمان جيران؟؟؟

كيفك اختي ام اسامة
كل شي جائز يطلعو جيران ويمكن نسايب...بس مش عارفة مين منهم بالغبيرة رح اتأكد من الوالدة وبخبرك انشالله عالخاص..والله يفتح عليكم وتتحسن اوضاعكم لاحسن حال ...وتنولو هداة البال
عشان نرجع نزوركم باذن الله تعالى....
لي عودة انشالله

[ماماحميدة]

السلام عليكم ورحمة الله وبركاته

ياهلا وسهلا ومرحبا
بالغاليه ام اسامة


كيفك ماما حميدة ... الله يخلليلنا ياكي وتضللي سفيرة لبنان وبحس انو شوقك للوطن لو توزع عالعالم كله ما بيخلص.. الله يجمعنا ببعض في ربوع وطننا نحن والامل الجميل وكل الاخوات اللي كانت كلماتهم نابعة من القلب وجمعنا الله مع بعض في الفردوس الاعلى مع النبيين والصديقين... آمين

اللهم اااااااااااااااامين

بتعرفي ام اسامة,وورغم هيك بحس لازم نعمل شي لاهل لبنان اكتر ,,الصبايا بناتي وكنتي
واصدقائهن قاموا بفكرة حلوة,,اتفقوا مع رستوران يعملوا فطار (ترويقة÷ باللبناني
ب عشرة الشهر قبل رمضان ,,وصاحب الرستوران عرف انهم بدهم يكون ريع هالترويقة
للبنان واغاثة للمنكوبين ,,وقلهم ماباخد منكم ولا قرش الكلفة عليه كل شي تقدمة,,الله يكتر
من امتاله من اهل الخير ,,وهيك بيتجمع المبلغ كلع بيتحول للبنان ,,وهيدا
اقل شي منعملهمن اجل نساهم ,,بتصدقي كنت عبحضر تيفي قنال اقراء ,,وكانت عبتحكي
مع زاهي وهبه سيدةاسمها سمر مديرة المواقع الاجتماعية باسلام اون لاين .نت
وهي نزلت لبنان ما بعثة للاغاثة ,,وتركت زوجها وولادها لتعمل دورة مكوكييه بين المناطق
صدقيني تمنيت لو كنت معها ,,رغم اني جبانه ,,معقدة من الحرب
كان عندي شعور بالتقصير لهالسبب بلاقي اقل واجب نتجمع ونحكي عن بلدنا ,,لربما صوتنا بيوصل
بتواضع لاحبائنا القراء ويقدروا بدورهم يقدموا ولو شي رمزي ولو معنوي للبنان الحبيب ,,
ومابس للبنان للعراق وفلسطين والشيشان ولكل بلد منكوب ’’’هناك كتار بيدفعوا مبالغ لل ام ان اس
ويشاركوا بتصويت لمطرب بستار اكادمي او لاي برنامج تاني علىالفضائيات ,,
اليوم اجا وقت نفكر نتكاتف كلنا ونساعد بعض ولو بكلمة حلوة تقوي معنويات هالشعوب المنكوبه
ومالنا جميل هيدا واجب لان الي مابيفكر بالناس منه منهم ,,,اسفةعلىالاطاله
ولكن هيدي قناعتي وحبيت ابدي وجهة نظري لان ماقوت نتسلي ونقدم شعارات وقت بحاجة لوقفت
كل شخص مع اخوة اله بالدين والوطن العربي ,,
ام اوسامة ماتطولي علينا وتخبرينى بكل جديد عنك وتضلي بخير


على فكرة اكيد اموله زاعجها الوحم الله يطمنا عنها

بنت البتراء

حبيبتي تسلم ايديك على اطيب فنجن قهوة
ماانحرم من طلتك علينا

[ماماحميدة]

السلام عليكم ورحمة اله وبركاته

ياصباح الامل والفرج القريب

وين الصبايا حبيت ابداء النهار بقصيد
لبيروت واكتفيت بجزء منها



ياااااا بيروت



يا ستَّ الدنيا يا بيروتْ...

مَنْ باعَ أسواركِ المشغولةَ بالياقوتْ؟

من صادَ خاتمكِ السّحريَّ،

وقصَّ ضفائركِ الذهبيّهْ؟

من ذبحَ الفرحَ النائمَ في عينيكِ الخضرواينْ؟

من شطبَ وجهكِ بالسّكّين،

وألقى ماءَ النارِ على شفتيكِ الرائعتينْ؟

من سمّمَ ماءَ البحرِ، ورشَّ الحقدَ على الشطآنِ الورديّهْ؟

ها نحنُ أتينا.. معتذرينَ.. ومعترفينْ

أنّا أطلقنا النارَ عليكِ بروحٍ قبليّهْ..

فقتلنا امرأة.. كانت تُدعى (الحريّهْ)...



ماذا نتكلّمُ يا بيروتْ..



قومي كي يبقى العالمُ يا بيروتْ..

ونبقى نحنُ..

ويبقى الحبّْ...

قومي..

يا أحلى لؤلؤةٍ أهداها البحرْالآن عرفنا ما معنى ..

أن نقتلَ عصفوراً في الفجرْ




الآن عرفت معنى أن ينبع الحب من بيروت
أن تشرق شمس الحرية من بيروت
و تزهر الرياحين في بيروت ...



جزء من قصيدة لبيروت

اشتقنالك يابيرووووت

[الامل الجميل]

السلام عليكم

ورحمة الله وبركاته

هلا بكل الموجدين معنا واسفه على التاخير بالمشاركه لان الكمبيوتر ولعنيييييييييييييييييي اكتب ويمحي المهم كيفكم وشو اخباركم ان شاء الله كلكم بخير

قبل كل شئ لازم نضيف حبيبنا الموجودين بعض من حلوياتنا المميزه يا عيني يا عيننننننننننننن على الطعم

تفضلوا

وما تقولوا رجيم ورشاقه لالالالا هون شعارنا كول بصل وانسى الي حصل وكول ثوم وانسى الهموم

ولعيونك يا احلى ام اسامه اخر نكته لابو العبد

قبل ما اختم حبيت انقلكم هل موضوع عن اللهجه البيروتيه وتعريفها منشان الاخوات يعيشو معنا بالجو ما هيك يا ويلي شو بيستعملوا كلمة (حبيب قلبى )اكيد ممطوطه ومشطوطه









اللهجة البيروتية

اللهجة البيروتية لهجة عربية أصيلة ما تزال ملامحها وصفاتها متجذرة حتى اليوم في المجتمع البيروتي، ويلاحظ أن اللهجات المغاربية تبرز بين الحين والآخر في اللهجة البيروتية لا سيما اللهجة التونسية، ولهجة الشلوح سكان بلاد السوس وجبال أطلس الكبير في المغرب الأقصى، ولهجة تمازرت وهي لهجة سكان الأطلس المتوسط، واللهجة الزناتية لهجة سكان جبال الريف في الشمال، فضلاً عن لهجات الجزائر وليبيا، علماً أن الكثير من الملامح البيروتية بدأت تزول بسبب (التفرنج) في الكلام، ومع اقتحام العادات والتقاليد الغربيّة في المنازل والشوارع والأسواق والمدارس والجامعات، وأجهزة الإعلام المتنوعة.


ومن سمات لهجة العائلات البيروتية على سبيل المثال لا الحصر، تحويل السين صاداً (س = ص) مثل كلمات:

- السور حيث يلفظها البيروتي (الصور)

ا- لبسطة (البصطة)

- السمطية (الصمطية)

- يبسط (يبصط)

- بسطة (بصطة)

- المسيطرون (المصيطرون)


كما تظهر في كلمات مثل:

- السلح (الصل

- سقر (صقر)

بالإضافة إلى أن البيارته يحولون الجيم إلى شين (ج/ ش) مثال ذلك:

- الحرج (لحرش)
- اجتماع (شتماع)

- جبارة (شبارة) ثم تحولت إلى شبارو

فضلاً عن أن اللهجة الخليجية التي إنتقلت مع الفتوحات إلى المغرب العربي ثـم ارتدت مجدداً إلى المشرق تظهر واضحة في أسماء عائلات بيضون أي با يضون، وبعيون أي أبو العيون.



بيروت ست الدنيا بيروت الصمود الي مابيركع ولا بخاف بيروت المحبه والامل بيروت العز والعنفوان
مشان هيك نحن شعب خيارنا واضح (لا لبس فيه).... لقد اخترنا الحياة... لقد تخطينا الحروب والدمار على مدى عقود... وسوف ننهض من جديد باذن الله

[ماماحميدة]

بسم الله الرحمن الرحيم







ياهلا اموله


ياام الهمم هيدا كلام ,,تسلم ايدك على المعلومات الحلوة,,طمنينا عنك
كيف الوحا م وابنك الاااااااااااامور كيفه الله يخليلك ياهالهي

والله يطمنى عن بقيه الصبايا وينهم ايمان على وليالي زحلة
واماسامة عبيقولوا الكهرباء في تقنين سلامنا للجميع ,,
فردا فردا ولكل الاحباء الحاضرين والغايبين




وهلق جبتلكم شوية نكت


أحول سألوه شو أمنيتك بالحياة قال: أشوف واحد ماشي لوحده




بخيل احترق بيته اتصل بالمطافى رنه و سكر.






غبي اشترى لإبنه آلة حاسبة وشال منها الصفر علشان ما يتصل دولي




فيه واحد رجع من السفر وشاف في شقته صراصير قام غير قفل الباب








مسطول يركض بالشارع شافه واحد قاله اوصلك قاله لا مستعجل




محشش يكلم نفسه يقول انا مواعد وحده الساعه ثنتين
ولا ثنتين الساعه وحده ؟؟





الشرطة تلحق بقرة ليييييييييييييييييش؟؟؟

عشان حليبها منتهي صلاحيته




واحد عصبي ضرسه وجعه راح للدكتور وقال له اخلع كل ضروسي
وخليه زي الكـلب لوحده .




محشش يقول لخويه :ياخوي فيه شيء واحد مجنني وعجزت أفهمه؟
قال خويه وشو؟
قال المحشش: الحمارالوحشي ابيض ومخطط بأسود
والا أسود ومخطط بأبيض؟؟




- واحد يغازل سورية قالت له: حل عني قالها:
ليش الامتحان صعب




- كذاب راح للحج حتى يتوب ولما رجع قال رايت ابو جهل راكب
سيارة شبح عليها رقم حكومي قريش



- بخيل دخل مع ولده السوبر ماركت قال الولد: احب الشوكولاته
قاله ابوه:حبها ورجعها




- سالوا كسلان شو تسوي لما تقوم من النوم قال:
استريح



- فيه واحد قاعد يصلي وسمع اثنين يمدحون صلاته قطع صلاته
والتفت عليهم وقال كمان صايم



- عروس بدوية نزلت من سيارة الزفة تركض ليش ؟؟؟
تبغي تجلس اول وحدة على الكوشة .




- محشش شاف موزة قال الله يعيني على الزحلقة .



- فيل خرطومه قصير مرة ليش ؟ لان امه فليبينية .



-محشش قطع راس خويه و قال ياحليله اذ قام و شاف راسه جمبه بيموت ضحك .

- واحد اول مرة يكلم وحدة قالها كم عمرك قالت : 40
قال ياحليلك نفس مقاس نعالي .

[لؤلؤة فلسطين]

مساء النور والسرور
على الحلوين

يا ماميتو
بدي اسالك كيف الوضع بكندا
انا الي وحده بتقربلي في كندا
بتعرفي فلسطينيات هناك
احنا كثير اهل الضفه الغربيه الي ممنوعين من الحركه داخل القدس والتجوال بفكرو يروحو كندا لانه بس يوخذو الجنسيه بصير الهمحرية الحركه في القدس وغيرها

[ماماحميدة]

السلام عليكم ورحمة الله وبركاته

وياصباح القشطة والعسل لؤلؤة فلسطين

كفيك يابنتي والله بالنا عندكم بفلسطين والله يعينكم علىالحصار
ولا علىالوضع يااااااااااارب تفرجها عليكم ,,,
بالنسبه لكندا بعرف فلسطينيات واحوالهم ماشاء الله مزبطين وضعهم
شوفي هون بكندا مافي فرق بين مواطن كندي او وغيرة الا بالكفائه ,,,
بياخدوا متعلمين وشباب وصبايا لانهم بحاجه الهم وطبعا بياخدوا عيل
وان بده المقدم طلب هجرة يشتغل علىحسابه يفتح شغل مفروض يكون معه
رصيد مادي كبير يؤهله للخطوة بتاسيس شغل ,,وهون الكل بيعيش
بس بيبداء من الصفر يعني ان كنت واصله لدرجه مدير هون مابيعترفوا
بدهم اكسبرينس كنديه خبرة من البلد ,,,
وصدقينى انتوا احق الناس بالهجرة وهاصة حاليا وترجع البلد
والي بده بيرجع مافي مشكله بيكون معكم جنسيه ماخسارة
واي استفسار اسئلينى هون بفيدك وهيك بيستفيدوا كل الصبايا
الي بيفكروا يجوا كندا وتكرم عيونك
والله يسهل امركم اللهي

[OmNour]

ماما حميدة

كل الحبيبات

صباحكم زي الفل إن شاء الله

[ع ــبير }~]