(( تعالوا نحلم بقعـدة هنية في ظلال الأرزه اللبنانية ))

[ماماحميدة]

طب انا عرقيه مغتربه بس مو لبنانيه ممكن اشارك؟

ياهلا وغلا نوشيتا

بيشرفنا تشاركي معنا انت ووكل المغتربات
من اي دوله عربيه
بل من دواعي سرورنا نتعرف عليك
يابنتي

[ماماحميدة]

ياهلا وغلا بالصبايا


كيفك ياحلوات وكيف اصبحتوا
شو رائيكم بهالصور وتخيلوانفسكم
بربوع لبنان الحبيب من جبله لسهلة للبحر
بشواطئه وطلعوا جنوبا لصيدا وصور او شمالا
لجونيا وجبيل البترون وطرابلس مرورا بعكار وكملوا
لنواحي سير وزغرتا ونسيت مغارة جعيتا
اكيد بكل منطقة الكم ذكريات حلوة رزق الله
وماننسا الجبل عليه بحمدون وصوفر وحمانا
وضهر البيدر ومنكمل لشتورا وعلى اطيب تبوله
وكبه ومقبلات بزحلة علىا لبردونه واحلى صفيحة
بتاكلوها وين بببلعبك الله كريم مين عارف بيوم
نجتمع بلبنان سوا علىفكرةالدعوة مفتوحة
لكل الصبايا بلبنان ومن كل بلد عربي

ومليون اهلن وسهلن فيكن





































وبوجه كلمة شكر لكل من زارنا وماتطولواالغيبه

لبنا ن واهله يرحب بكم

[ام جنى الامورة]

صباح الخير ... صبايا .. امبارح اتطاوشت مع ابو العيال..وبصراحة انا الغلطانة لاني مزاجية وكل يوم براي .. مرة الشغل مو عاجبني ومرة هو مو عاجبني ومرة ومرة .. بس انا عنجد بحبه وحابة نعيش مبسوطين وهو مو مقصر بحقي بشي بس انا خائفة اخسره من افعالي ارجوكم ساعدوني الله يخليكم

[ماماحميدة]

صباح الخير ... صبايا .. امبارح اتطاوشت مع ابو العيال..وبصراحة انا الغلطانة لاني مزاجية وكل يوم براي .. مرة الشغل مو عاجبني ومرة هو مو عاجبني ومرة ومرة .. بس انا عنجد بحبه وحابة نعيش مبسوطين وهو مو مقصر بحقي بشي بس انا خائفة اخسره من افعالي ارجوكم ساعدوني الله يخليكم

ياصباح الخيرات ام جنى

ليفيدوك الصبايا بدك تنزلي موضوعك بالنافذة الاجتماعيه
هناك بتستفيدي من خبرة كل الصبايا,,
والان يا ميت اهلا فيك لكن هي الصفحة للتعارف بين الاخوات
اللبنانيه والي بيحب يشاركنا من اي منطقة بالرحب والسعة
والان مابردك بدون ما فيدك من خبرتي ,,ياستنا طالما عارفة
غلطك انك مزاجيه كتير سهل انك تساعدي حالك وتتغيري
للاحسن لتحافظي علىزوجك بيقولوا للصبر حدود
وان هو مامقصر كونياحسن منه وبادليه بالمتل وبالنافذة
في مواضيع كتيرة ان تصفحتيها بتكتسببي خبرة من تجارب
بقية الصبايا ان شاء الله ,,وبتنورينا باي وقت
اهلا والف سهلا

[ناااصحة]

ما اروع اجتماعكم هنا...

سعيييييييدة كوني بينكم..

اسال الله ان يجمعكم في بلادكم .. ويجمعنا واياكم في جنته..

حفظكم الله ..

[Salma1]

سلام الله عليكم

ممكن ادخل؟
اذا Aباللبناني ... بدي اسلم على ماما حميدة وكل اللبنانيات والعربيات بشكل عام
وخير ما عملتي مامتنا بافتتاح الملتقى
انا مو لبنانية... لكن اهل والدتي يعيشون في لبنان...
وكنت عندهم في شهر 4
شهر الربيع... حيث امطرت اول يوم بالشهر واستمر يومين وتلاته... شو احكيلكم ..كانت رحلتنا بتطير العقل

كانت رحلة عمل لزوجي...ووصلنا بالليل لفندق البريستول.....
وما صدقت لطلع النهار ... فزينا من النوم ورحنا لمطعم الفندق....وجلسنا بالهواء الطلق... ورحت اتأمل من حولي... الله... نسمة باردة .... وعمارات عالية ..... وصوت زمامير السيارات من بعيد ... كوننا في الطابق الاخير (في المطعم) ...ولبنة وزيتون وشاي.....وبندورة...هذا فطوري يومها.....بعدين فنجان قهوة الصباح
وصوت فيروز.... فيروز يعني لبنان...شي رائع

بعد الغداء قررنا نروح نتمشى عالبحر... مشينا بشارع الحمرا....وصلنا للجامعة الامريكية.....
واندلينا كيف نوصل البحر....وكل الناس ماشية حدنا ورايحة البحر...
تعرفو شو صار؟؟؟؟
ما قدرنا نعبر الشارع ...ماشاءالله شو في عالم وسيارات وازمة....والسبب انو الناس انحبست من المطر في البيوت
وبعدها كأنو ما ضل حدا في بيته.....
وتمشينا وتأملنا الشوارع والناس والعمارات العالية .... ووصلنا لمطعم اسمه بربر...اكيد بتعرفوه....قريب من البريستول... طلبنا وجبات وروحنا للفندق ....كونه معي طفل
ما قدرنا ناكل بالمطعم..
وبعد عدة ايام حان موعد العودة....وروحنا من طريق شتورة.... الله اكبر ...الكبيعة شي بعقد(باللبناني)
حقيقة جلست اتأمل بالجبال العالية والخضراء خضار الربيع... حتى اننا من العلو لامسنا غيمة... وتذكرت اهل والدتي
الذين تركتهم ...وتركت جزء من رحلات الطفولة عندهم... وتذكرت اغاني فيروز ...وبكيت

اتمنى ان اعود ازور لبنان فهو جميل بكل ما لديه
وادعو الله تعالى ان يكشف الهم والغم عن بلادنا ويكحل عيونا وعيونكم برؤياها محررة وسالمة

اعذروني على الاطالة
حبيت استرجع الذكريات معكم
وسلامات لمامتنا وخواتها وضيوفها
اختكم
بنت البترا

[لؤلؤة فلسطين]

السلام عليكم
يا ماميتو حميده
وكل المتواجدات بالدردشه
اهلا وسهلا فيكم
انا فلسطينيه من القدس المسجد الاقصى
احنا هون بفلسطين كلنا فردا فردا
صغير وكبير
ذكر وانثى كلنا بندعيلكم وبنحيكم وبنحي صمودكم
والله ينصركم على اليهود وينصرنا معكم
والله يعوضكم الخبر والصحه يا رب
قلوبنا معكم
كلنا معكم
وسلام الكم جميعكم

[ماماحميدة]

غاليتي ناصحة

ياصباح الورد والياسمين والزنبق والرياحين ميت مرحبا
منوورة الصفحة وسعادتنا كبر بوجودك بيننا
ويشرفنا ان تتواصلي معنا باي وقت


يامرحبا بنت البتراء

حبيبتي بالرحب والسعى
معقول عبتسئلي

ممكن ادخل؟
اذا Aباللبناني ... بدي اسلم على ماما حميدة وكل اللبنانيات والعربيات بشكل عام
وخير ما عملتي مامتنا بافتتاح الملتقى
انا مو لبنانية... لكن اهل والدتي يعيشون في لبنان...
وكنت عندهم في شهر 4
شهر الربيع... حيث امطرت اول يوم بالشهر واستمر يومين وتلاته... شو احكيلكم ..كانت رحلتنا بتطير العقل

غاليتي مابتصدقي لوقلتلك طتير انبسطت بوصفك لزيارتك لبنان
يارب تنذكر وتنعاد بايام حلوة الله كريم بكرا بيرجع لبنان
احلى ماكان على قولت فيروز

وان حظي حلو بتزوريني ان وقتي ساقب مع وقتك واجتمعنا بالوطن الحبيب
ماخبرتينى باي منطقة اهل امك معقول نطلع جيران
ماتطولي الغيبه علينا بتسعدني مشاركتك ياحلوة




اعذروني على الاطالة
حبيت استرجع الذكريات معكم
وسلامات لمامتنا وخواتها وضيوفها
اختكم
بنت البترا


بالعكس انبسطت فيك الله يشهد
منعادة شو اتفقنا



ياهلا وغلا لؤلؤة فلسطين
يا ماميتو حميده
وكل المتواجدات بالدردشه
اهلا وسهلا فيكم



ومليون اهلن لؤلؤة فلسطين


انا فلسطينيه من القدس المسجد الاقصى


ياهلا فيك وبكل شهب القدس الحبيبه



احنا هون بفلسطين كلنا فردا فردا
صغير وكبير
ذكر وانثى كلنا بندعيلكم وبنحيكم وبنحي صمودكم
والله ينصركم على اليهود وينصرنا معكم
والله يعوضكم الخبر والصحه يا رب
قلوبنا معكم
كلنا معكم


حبيبتي لؤلؤة

الله يوعدنا ويوعدكم بالامن والامان
ويوعدنا بيوم الصر ومجتمع بالاقصى هي امنية
ولكن بتحقق بارادةالشعوب الله كريم


وسلام الكم جميعكم

وعليكم السلام ورحمة الله

[غسق الليل]

السلام عليكم ورحمة الله وبركاته .
حبيت أمسي عليك --
والله يجعلكم بخير كيفكم وكيف أهل لبنان الله يعينهم ووينصرهم ويجعل أخر هم يدخل عليهم ..
والسلام عليكم ..

[ماماحميدة]

ياهلا ومليون غلا بغسق الليل


حبيت أمسي عليك --
والله يجعلكم بخير كيفكم وكيف أهل لبنان الله يعينهم ووينصرهم
ويجعل أخر هم يدخل عليهم ..والسلام عليكم ..

حبيبتي الله غسق الليل
يسعدلي صباحك ومساك والحمد لله الاهل بخير لكن الخوف
بالقلب الله يطف ويجعل ا لتمام على خير ان شاء الله
الله يخلصنا من العدوان وماتكون هندنة !!!
الوضع منه مستقر بيفرجها الله
وعليكم السلام ورحمة الله

[Salma1]

وان حظي حلو بتزوريني ان وقتي ساقب مع وقتك واجتمعنا بالوطن الحبيب
ماخبرتينى باي منطقة اهل امك معقول نطلع جيران

كيفك ماما حميدة
الله يكتب وازورك وتزوريني الله كريم
اهل ماما في عدة مناطق منهم في برج البراجنة.. الضاحية.. الغبيره....صيدا..الرويس على ما اذكر

اتذكر كان لامي صديقة من ايام الكويت اسمها ام نادر...مارر عليك الاسم شي؟عندها يمكن 5 شباب وبنت صبية..
الله اعلم وين اراضيها....
اليوم عملو مقابلة مع رجل مسن شوي في لبنان وسألوه ليش موقف الميكرو وجالس بالطريق ومنزل ارجيلته؟
قالهم بستنىالطريق تفتح بعدين بكمل ..سأله المراسل شو بتأرجل؟قاله:ارجيلتي معي وين ما رحت ... هادي مرتي التانية.... وضحك
ضحكت عليه دمه خفيف .. وقلت لو كل زوجة تانية هيك..ما في وحده زعلت لو جوزها اتجوز عليها

على كل بكرة بطل عليكم لان حان موعد النوم
وتصبحي على خير...
ولا اقولك احسن صباح الخير مامتنا

[ماماحميدة]

اهلا ومرحبا بنت البتراء

ان شاءالله وحصل نصيب منزور بعض بلبنان
وبتعرف عليك وعلى اهل امك بيحصلي الشرف
نحن بيتنا ببيروت بس ماكتير بعيد عن الضاحية عشر
دقايق وصيدا حلو كتير ,,مرات منروح مناك لفول الصبح عل شطئ
البحر ,,بالاستراحة وفي مقهى ابوعلي بيصطاد السمك وبيقلي طازة
ومع تشكيلة مقالي وتوابل ولا اطيب من هيك وبعدها بيحضر الارجيل
رزق الله على احلى ارجيله تنبك عجمي ,,والله قعدة بسيطة ببلدنا
احلى من كل بلاد العالم ,, يااااااارب يطعمنى ونالتقى باهلنا
الله كريم شايفة يابنتي مافي احلى من الانتماء والوطن
ولوعندك جنسيات العالم كلها ما متل هوية عربيه

الرجل الي عمله معه مقابله كتير مهضوم هو وارجيلته
قليله مسماها مرته التانيه ..مابيفوتني شي بالتي في
هو الفرجه الوحيده وصلت الاتصال بالعالم
الحمد لله ايد على الكيبورد ودينيا على الاخبار
يعني عين هون وعين هون

سرني مرورك حبيبتي على فكرة
امك لبنانيه مابس اهلها بيقولوا
مولودة لبنانييه طبعا بتتبع
الزوج بعد الزواج ,,,

ويسعدلي صباحك ومساكي

[لؤلؤة فلسطين]

صباحكم خير يا اهل لبنان
واضم ايضا اهل العراق وفلسطين
كيفكم اخباركم

[Salma1]

صبااااحو ماما حميدة
كيف اصبحتي
شوقتيني ارجع اروح للبنان
بصراحة يا ريت الله يكتب بس لما رحنا انا وزوجي كان في مؤتمر ...
وسفرنا قليل بسبب انشغاله بعمله بس ما بفوت فرصة
مناسبة نسافر فيها
امي ماما حميدة من مواليد لبنان
وكل خالاتي واخوالي لانهم فلسطينيين اجو من عكا...وصار في نسب بينهم وبين اللبنانيين..
وكبرو اولادهم وصارو شباب
وماشالله عليهم ما حسينا الا بالتقارب لاننا اصلا كنا ورح نرجع
بلد واحد ..باذن الواحد الاحد
والله يكتب وناكل سمك عند ابو علي
بحب السمك مقلي

سلام لك ولكل البنات

[Salma1]

اهلا فيك لؤلؤة فلسطين
والله اسمك خيالي وجميل
خيالي يعني رومانسي وجميل
الله يسعد مساكي