يوميات ربيعة. *** وسام التميز ***

[حمرة الورد]

اليوم الجمعة الاسبوعية لاهل جوزي .. والحمد لله أنا وسلايفي الإتنين

(رتيبة) ..و(منال) ربي هدانا للإلتزام ... لكن البعض همهم وأشغالهم مختلفة عننا ..

يعني باختصار الجمعة ليلة الخميس عذاب.. مشاكل.. ومضاربات بين

البزورة يدّخلو فيها الكبار (وخالتي) تزعل مرة .. أظن الجمعة عشان تنبسط

مو تتنكد .. لكن مين سائل ..

(حنان) ما أرتاحت إنو (خالتي) ساكتة ..قامت فتحت الموضوع مرة تانية

قدام العالم كلها .. السلايف والأخوات.

_ تدرو إنو اليوم كان عندي موعد .. والدكتورة قالت لي ولد .. وقررنا نسميي (علي).

ردت عليها (أحلام) (أخت حسن) زي الملدوعة._ بس مايصلح (طلال)

أبو (علي) .. ماكان ينفع إلا حسن .. بس برضو فيكم الخير فكرتو تسمو

الأول مو زي بعض ناس.

الله أكبر عليك يا (حنان).. روحي ياشيخة إن شاء الله تسميه إسم تاني ..

والا (أحلام) تستهبل قال بعض ناس وهي قايلة (حسن) .. حسبي الله ونعم الوكيل..

يعني لما نسمي (علي) راح يرجع عمي .. ناس يخرجو الواحد عن طورو .. ربي فوقكم ياهوو.

(خالتي) جابت الأولاد أول وبعدين جابت (أحلام وأنغام) .. و(حسن)

أكبر أخوانه وأنا أول السلايف .. وعشت مع أهل جوزي 20 سنة

ومابدأت المشاكل إلا بعد ماتأخر حملي 10 سنين .. أعرف إنو كل شي

نصيب لكن المجتمع حولينا ما تفهم دي الاشياء لسا ., و(حسن) الله يجزيه

الجنة ماسمع كلام الناس اليي نصحوه بالتانية خاصة إنو ماكان في سبب يأخر

الحمل كنا طبيعيين أنا وهو .

والحمد لله ربي عوض علينا بأربعة أطفال طبيعيين والحمد لله .

[حمرة الورد]

الله يجزيك خير يا a&a

ان شاء الله يكون خير ..قرب سفري وانشغلت في التحضير ..

في شوية اجزاء جديدة كتبتها ان شاء الله تعجبكم..

[- asma -]

سعدت لعودة قلمنا النابض

[ام سهيل]

اهلا بعودتك طال انتظارنا لك ياغالية .


اقول مسكينة ربيعة عندها سلفة تجيب الصمرقع .

[a&a]

الحمدلله طمنتينا عليك
ومن طول الغيبات جاب الغنايم
حكايتك واقعيه وتحصل في كل الاسر الله يعينا على العادات والتقاليدصارت جزء منا ولازم نتأقلم معاها

[سراب الليل]

عودا حميدا يا غالية
اليوميات حلووة وبانتظار تكملتها يا غالية

[(سمية)]

مرحباً بك غاليتي..
وعوداً حميداً....
إشتقنا لقلمك يالغالية......
أسأل الله أن يفرّج همّك أخيّة ويرزقك ما تأملين...
--
بصراحة حنان ...تفقع المرارة...وأحلام بعد..
ماشاء الله على ربيعة كيف متحملتهم..
--

[عصفورة الربيع]

يا هلا يا حمرة الورد .....
يا غالية ...
لم أعرف انك هنا !!!

وراك وراك .. وين ما تكون .. ههههههه
أختك المحبــــة .................................عصفورة ..

[أم3بنات]

وه ياختي لو تشوفيني اليوم وانا من بيت اصقع لبيت ارقع من شروق الين عزل السوق
المقصد
انو هرجتك حلوة زيك
بس هاه لا تطولي علينا

[- asma -]

ام سهيل
من زماااااااااان على كلمة الصمرقع

[ام سهيل]

صدووووووووووووو هذه الكلمة دايم على لساني لانه كل شيء في هالدنيا يجيب ايش






يجيب الصمرقع .


هيا ياحمرة كملي بسرعة تراني منتظرة احداث قصتك الحلوة .

[حمرة الورد]

(منال) جابت معاها خاطرة مفيدة وقلنا نقراها عشان الكل يستفيد .. وأتبرعت أنا بالقراية ..

ما لحقت أبدأ إلا قامت (أحلام) وزعقت في وقالت :_ إحنا

جايين نشوف( اُمنا) مو جايين نسوي مدرسة .

والله إني دُبت في مكاني ولا عرفت أرد والعَبرة خنقتني وشوية أبكي زي

البزورة لكن مسكت نفسي بالقوة وماعرفت أرد .. قامت (رجاء) سلفتي

اليي بعدي وقالت (لأحلام) :_ يا (أحلام) صلي على النبي يا أختي..

الأدمية ماسوت شي غلط.

الله يبيض وجهك (يارجاء) .. صحيح إنو (رجاء) مهي ملتزمة وعلاقتي بيها

مو قوية.. لكن إنسانة أخلاق مرة.. وكافية خيرها شرها وقاعدة في حالها .

(أحلام) زي اليي مقروصة والا صايبها شي أنفجرت زي القنبلة وقلبت

الماضي والحاضر وجابت من القديم والجديد ..

:_ أصلا مو منها من (أمي) اليي سامحة لهم بالمصخرة دي .

_ يا (أحلام) أحترمي الأدمية أكبر منك في السن .

_ بلا أكبر مني بلا كلام فاضي..أنا في بيت (أمي) وأولى من الغريب.

_ يا (أحلام) مايسير كدا هدي مرَت أخوك كيف تقولي عليها غريبة

..بعدين هي وجوزها اليي شايلين (أمك) وداريين عنها محد فينا يسأل عنها

زي (ربيعة) و(حسن) .

_ أتكلمي عن نفسك ياعمري.

_ لاياعمري إنت روحي أسألي (أمك) وشوفي مين اليي داري عنها .

_ أصلا (أمي) مدري كيف متحملتها ..

أنا خلااااااااااااااااص قعدت أبكي من قلبي يعني هدي اليي زي بزورتي قاعدة تسوي كدا .

[حمرة الورد]

ان شاء الله ارجع لكم بكرة بالردود ..

[عصفورة الربيع]

سعيدة جداً لعودتك يا غالية ..


حمرة الورد ..

أريدك لأمر هام ..
لكن لا أعرف كيف أخبرك ..
عودي سريعاً أرجوك

[- asma -]

أكره ما عندي مشاكل السلايف واخوات الزوج
عشان كدا دااااااااااااااايما اكون رسمية معاهم