في سبيل الله نمضى .....نبتغى رفع الأخوة (الجزء الثالث)

[yasmine_ 2006]

شوفى يا غفران أنا هقولك رأيى البسيط واللى بعمله

وفى إنتظار أمنا الحبيبة طبعاً للتصحيح والزيادة
...
أنا بصوم الستة من شوال على طول بحاول أصومهم بعد العيد وأنا لسة فى جو الصيام وبعدين بصوم الأيام التانية فى أقرب وقت وبالنسبة لى غالبا بيكون فى شوال برده
....

وعاوزة أقولكم حاجة بالنسبة لليلة القدر
لازم نجتهد فى كل الأيام من العشر الأواخر
لأن فى بلاد صايمة قبلنا بيوم يعنى الليلة عندهم وتر زى ليببا مثلا
ومنعرفش مين رؤيته أصح.
...

بيرووووووووووووو

إقتراحك رائع..وباذن الله أساعدك بس ربنا يبارك لنا فى الوقت

[yasmine_ 2006]

بالنسبة للجدول كمان عندى إقتراح

كل يوم أو كل أسبوع يكون فى واجب عملى

يعنى مثلا تلخيص مقالة أو خطبة أو موضوع
أو حفظ سورة قصيرة أو حتى بعض آيات
حفظ حديث شريف ودراسته والتعليق عليه
سماع درس وذكر أهم نقاط أو ما أستفدناه

...
يعنى جنب النسخ واللصق نعمل حاجة بعقلنا وإيدينا علشان تثبت وتركز
..

وكمان
نرجع للجدول القديم ونمشى عليه ونتابعه سوا
..

وطبعاً كل أخت حسب مجهودها ووقتها وطاقتها..بس المهم نتشارك

..
أيه رأيكم؟؟؟؟؟؟؟؟؟؟؟؟؟

[yasmine_ 2006]

[ghofran2009]

جميل جدا يا ياسو
واحنا متفقين على حفظ سورة البقرة ان شاء الله انتوا نستوااااااااااا
بيرو لؤلؤة واخدة اجازة لغاية العيد وهى ما عندهاش نت فى البيت لسة
يعنى هانشوفها بعد العيد ان شا ء الله والله وحشتنى اوىىىىىىىىىىىى وما كنتش بنساها فى دعائى ابداااااااا لانها انسانة جميييييييييييييلة بجد

انا ابتديت اشوف المشاركات وباكتب الحاجات اللى عجبتنى رقم الصفحة ورقم الرد اللى بيبقى من فوق وربنا يسهل ويبارك فى الوقت

[abeerbebo]

ياسوووو افكار حلوة اوى ان شاء الله ننفذها انا باذن الله عايزة احفظ سورة الملك وهبتدى فيها ان شاء الله بعد رمضان

ربنا يباركلك فى وقتك يا ياسو ان شاء الله

كل واحدة يا جماعة تفتح فايل ورد مثلا على جنب وتكتبلى اسم المشاركة ورقم الصفحة وانا هجمعهم ان شاء الله

[ghofran2009]

مااااماااااااااااااااا بنت النيييييييييييييييل
الف الف الففففففففففففففففففففففففف مبروك
على
النجم البرونزىىىىىىىىىىىى
وعقبال الماسىىىىىىىىىى ان شاء الله

[ghofran2009]

بيرو انا مش فاهمة اوى
يعنى انا جايبة ورقة وباكتب فيها
صفحة 7 المشاركة رقم 64 مثلا
وهكذا
وهابعتهالك بالشكل دة على الخاص
كدة صح

انا مش نازل عندى برنامج الورد اصلا
السايبر اخر مرة كان بيفرنت الجهاز ما نزلهوش

[marwasamy mosta]

http://copy77.com/brg/elsharawy.rar
يارب تقبل منا واغفر لنا وارحمنا

[miama]

سلاااااااااااااااام عليكم
ازيكم كلكم جزاكم الله خير انا دعيتلكم كلكم امبارح ربنا يغفر لنا جميعا
بيرو انا كمان ان شاء الله هاحفظ سورة الملك وانت كمان يا فوفو خليكي معانا و بعدين الكهف و بعدين هاشوف مش عارفه هاعمل ايه؟

[ghofran2009]

رساله احد الاعضاء أزعجتنى

فى كل يوم اعتدت على دخول المنتدى أشارك فى موضوعات وأطرح افكاراً وأكتسب خبراتاً وفى ذات يوم تلقيت رساله من احد الاعضاء والغريب انه عضو قديم ويعرف كل شىء عنى ولكنه اول مره يبعث لى برساله فأخذت علامات الدهشة ترتسم على وجهى وبات شعورى بالقلق وأحسست ان هناك مصيبه قد حدثت .
توكلت على الله وفتحت الرساله واذا بى اجد مصيبه ولكنها من العيار الثقيل قمت سريعا من امام الكمبيوتر وفعلت ما يتوجب فعله آن ذاك


وفى اليوم التالى

اذا بى اول ما ادخل المنتدى اجد اشارة تخرنى بان هناك بريد وارد
اضطربت وصابنى القلق مرة اخرى واذا بى افتح البريد الوارد لاجد رساله اخى من نفس العضو وأول ما تبادر الى ذهنى ان الوضع ازداد سوءاً فى المصيبة الاولى التى أخبرنى عنها
واذا بى ترتعد أطرافى ويقشعر بدنى لما ممكن ان تحتوية هذة الرسالة .
توكلت على الله وفتحت الرسالة وإذا بالطامه الكبرى صيبه اخرى لاتقل عنى الاولى فى قوتها
حمدت الله على كل حال وقمت مسرعا من اما م الكمبيوتر وفعلت ما يتوجب على فعله وقتها وفى حدود استطاعتى .

وفى اليوم الثالث

تكرر نفس الموضوع لادخل المنتدى فاجد بريد
من نفس العضو وفى كل مرة تحتوى على ما يقلق وما يجعل الحال مضطرب
الان اعرف كم تتاقون لمعرفة ما فى الرسائل ومن هو العضو ؟؟!!!!!!!!!!!

اما المصيبة الاولى فى رسالتة الاولى

" أما سمعت الاذان !!!!!!!!! أما سمعت قول المؤذن حى على الصلاه ... حى على الفلاح
اما زلت جالسا امام الكمبيوتر وما زلت معرضا عن النداء ؟!!!
فقمت فتوضأت وصليت فى جماعه واستغفرت الله.

- اما الرسالة الثانية فكان محتواها كالتالى :-

" أما علمت ان فلانا الذى كان ينتظره مستقبلاً باهرا وطريق منير بانه قد مات !!!!!!!!!! هل ما زلت جالسا امام الكمبيوتر ؟؟!! هل اعددت زادك لمثل هذا الطريق قم فاستغفر ربك لما بدر منك من ذنوب الا تعلم ان الرسول عليه الصلاه والسلام كان يستغفر الله وهو من غفر له ما تقدم من ذنبه وما تاخر فما بالك انت ايها العبد السقيم من الخطايا "
فقمت وتوضات وصليت ركعتين وقرات سورة يس بكل احساس واخذت اتوقف عند معانيها حتى بكيت ودعوت الله ان يغفرلى ذنوبى فانه ولى ذلك والقادر عليه


- اما الثالثة فكان محتواها كاتالى :-

" أما علمت ان فلانا قد مرض ؟!!! فلماذا لم تحمد الله على نعمة الصحه ؟!!!! ولماذا لم تزوره ؟!!! ولماذا لم تدعوا له بالشفاء ؟!!! فم فتوجه اليه واطمئن على حاله وتبسم فى وجهه فان تبسمك فى وجه اخيك صدقه واسال عن ذوية الذين يعولهم كيف حالهم فى فترة مرضة وهل هناك شىء يحتاجونه ولكن لا يستطيعون لان عائلهم مريض ؟؟!!!!!!!!

- وفى اليوم الرابع

تعودت اتوماتيكيا ان اذهب الى بريد الوارد كى اقرا رسالته ولكنى لم اجد بريد وارد منه
- فاصابنى القلق هل انتهى امرى ؟!!! هل فقد الامل فى اصلاحى ؟!!! ماذا فعلت لكى ينقطع عنى ؟!!!!
فقمت من امام الكمبيوتر وأمرى كله عجب لماذا لم يراسلنى ؟!!!! ماذا بدر منى ؟؟!!!!!!!!

وأخذت اتذكر ما مر على من احداث طوال اليوم واخذت اقيمها واحسب نفسى عليها
وفى اليوم الذى يليه لم اجد ايضا رساله منه فما زال منقطعا عنى
واستمر هذا الانقطاع لمدة اسبوع وفى كل يوم خلال هذا الاسبوع كنت ادون ما يمر على من احداث حتى اعيد تقيمها واراجع نفسى فيها !!!!!!!!!
واذا بى يوما افتح البريد فاجد رسالة وارده منه ولم يكن يتبادر الى ذهنى انه سيراسلنى من جديد بعد هذا الانقطاع المفاجىء
ولاول مره اجده يكتب عنونا لرسالته
وكان عنوانها كالتالى
سلام الله عليك ورحمة وبركاته
فاطمئن قلبى وادركت ان الامر خير واخذت اقرأ ما فيها وكان الكلام كالتالى :-
" ذكرتك فى اول رسالة بالصلاه فتقبلت وقمت وصليت ولم تكتفى بهذا بل واظبت على الصلاه
وذكرتك بالموت فى رسالتى الثانيه فاخذت تعد لمثل هذا اليوم من صيام وصلاه وصدقة وبر الوالدين وصله الارحام ......."
وذكرتك برسالتى الثالثة بالمرض فحمدت الله على نعمة الصحه وشغلت نفسك بمرض اخيك المسلم ورعاية ذويه حال مرضه وواظبت على فعل الطاعات فاغتنمت صحتك قبل مرضك فهناك نعمتان مغبون فيهما كثير من الناس هما الصحه والفراغ "
وتغيبت عنك لأرى ماذا تصنع بدونى هل تتوه وسط زحام الاحداث وتنسى ما عليك من حقوق او تحاسب نفسك
وتوسمت فيك الخيرفاذا بك تحاسب نفسك كل يوم على ما مر من احداث وهذا ما اردت ان اوصلك ايه ان تحاسب نفسك وتزن اعمالك قبل ان توزن عليك وتكون هذة النصيحة الرابعة التىاوجهها اليك !!!!!!
يتبقى لك ان تخلص العمل لله دون اى رياء او شهره طالبا الاجر والثواب من الله وان تراقب الله فى كل احوالك ويبقى لك ان تتخذ لك اخا تحبه فى الله يعينك على الطاعه وينهاك عن المعصيه ويذكرك بالله
وحتى تكون من السبعة الذين يظلهم الله فى ظله يوم القيامه " اثنان تحابا فى الله اجتمعا عليه وتفرقا عليه "
لا دار للمرء بعد الموت يسكنها ....الا اللتى كان قبل الموت بانيها
فان بناها بخير طاب مسكنه ..... وان بناها بشر خاب بانيها
واعمل ليوم ان محاسب فيه فاليوم عمل بلا حساب وغدا الحساب على هذا العمل وانتبه فان الموت ياتى بغته دون ان يكون له تصنيف او تمييز ياخذ الصغير والكبير والصحيح والمريض والغنى والفقير فاعمل لهذا اليوم حتى لاتقول ربى ارجعنى اعمل صالحا فيما تركت فيقال لك كلا

واذا اردت ان تعصى الله فافعل الاتى:-

- لا تاكل من رزقه
- فلا تسكن فى ارضه
- فاعصى الله فى مكان لا يراك الله فيه
- اذا جاءك ملك الموت فقل له اجلنى حتى اتوب
- اذا اتتك زبائنة جهنم لكى ياخذوك فقل لهم لا اذهب معكم

الان تريدون ان تعرفوا من هذا العضو ان النفس اللوامه
نعم نفسك اللوامه التى تلومك على عدم فعل الخير وتلومك عن التكاسل عن العبادات " فهنيئا لمن كانت لسه نفس لوامه "
هذا وبالله التوفيق فان كان من خير فمن الله وان كان من نقص فمنى ومن الشيطان
سبحان ربك رب العزة عما يصفون وسلام على المرسلين والحمد لله رب العالمين


فستذكرون ما اقول لكم وافوض أمرى الى الله

نسألكم الدعاء بظهر الغيب

منقول

[miama]

مروه سامي جزاكي الله خير
انا كنت بدور عليه من زمان لو تعرفي كمان حلقات الشعراوي اللي كانت بتيجي في التلفزيون اجيبها منين و جزاكي الله خير

[ghofran2009]

ميوش ازيك يا عسل جزاكى الله خيرا على دعائك لينا
بصى هو انا الحمد لله حافظة سورة الملك
بس عشان نشجع بعض هارجعها معاكم ان شاء الله
وممكن نبقى نجيب التفسير بتاعها ونحطه شوية بشوية
بس انتوا شايفين نحفظ سورة القرة والا سور صغيرة عايزين الاراء كلها
كل البنات يشاركوا ويقولوا
نحفظ سورة البقرة واحدة واحدة كدة
والا ناخد سور صغيرة زى الملم والكهف زى ما مياما بتقول
وممكن ماما بنت النيل تنصحنا برضه
بس احنا مش عايزين نحفظ وخلاص
عايزين اللى نحفظه نبقى عارفين تفسيره ولو بصورة مبسطة ونعمل باللى بنحفظه
عمر بن الخطاب حفظ سورة البقرة فى 8 سنين تقريبا او 10
مش لانه كان مقصر فى الحفظ
لا عشان ما كانش بيحفظ ايه الا لما ينفذ اللى حفظه فى الايه اللى قبلها

وسورة الملك او تبارك ان شاء الله اللى يحفظها يواظب على قراءتها كل يوم بالليل
لانها منجية من عذاب القبر ان شاء الله

[ghofran2009]

مياما انا مرضاش يفتح عندى انتى فتح عندك ؟؟؟؟

[yasmine_ 2006]

مروة ......جزاك الله خيرا

ميوش ........ربنا يتقبل منا ومنك صالح الأعمال

[abeerbebo]

بيرو انا مش فاهمة اوى
يعنى انا جايبة ورقة وباكتب فيها
صفحة 7 المشاركة رقم 64 مثلا
وهكذا
وهابعتهالك بالشكل دة على الخاص
كدة صح

انا مش نازل عندى برنامج الورد اصلا
السايبر اخر مرة كان بيفرنت الجهاز ما نزلهوش

ايوة يا فوفو كدة صح