تويت
معاً لمقاطعة الفوانيس الصينية
يا اختى المسلمة ..
يا كل من تخشى الله تعالى
وقلبها حزين على اهل سوريا .. اطفال ونساء وشباب وكهول
ومجازر بشار اللعين على مرأكى ومسمعك ليل ونهار سواء فى شبكة النت او ع التليفزيون او حتى فى الإذاعة
كل فانوس صينى بتشتريه بيساهم تمنه فى قتل مواطن او طفل من اهل سوريا
لأن الصين بتساند وبتدعم نظام بشار الأسد المستبد الظالم
وكذلك روسيا وايران
والفوانيس الصينى ذى :
فانوس كرومبو
او سبونش بوب
والفانوس اللى على شكل توكتوك وغيرهم كتيــــــــــــر اوى
ع العموم هتلاقوا على علب الفوانيس دى عبارة :
صُــنــع فــى الــصـــيــــــن
او نفس العبارة بس باللغة الإنجليزية :
made in china
اكيد نفسك تفرحى إبنك او بنتك بفانوس رمضان ... هو دا قلب الأم
حاسة بيكى والله
لأنى ام ذيك برضو
بس متفرحيش ابنك او بنتك على حساب إراقة المزيد من دماء اطفال سوريا الأبرياء
ابنك فى نظرك .. لسه صغير ومش فاهم حاجة ... مش كدا ؟؟؟
بالعكس والله .. اطفالنا دلوقتى اذكى مننا واحنا فى سِنهم بمرااااااااااااحل ماشاء الله
لعدة اسباب منها النت والبرمجيات والألعاب الإلكترونية وغيرها كتير
خدى ابنك فى حضنك واحكيلو ع اللى بيحصل ع الساحة العالمية والعربية من احداث
وفهّميه ان اللى بشار بيقتلهم كل ثانية دول اخواته واهله
علشان تنمى فيه روح الإنتماء لعالمه العربى والإسلامى
ويكبر وهو انسان إيجابى محدش يقدر يخدعه ولا يزيّيفلو الحقيقة
ويقدر ابنك يميز بين الحق والباطل مهما اختلطت عليه الأمور
واذا عيّط علشان الفانوس ومفيش مفر انك تجيبيلو فانوس ...
كلّميه كتير عن ضرورة تشجيع المنتج المصرى
وهتلاقى فوانيس حلوة اوى مصرية الصنع وبتتميز بالطابع الشرقى الأصيل
ودى فى كل مكان
فى خان الخليلى الحُسين والعتبة والسيدة زينب وغيرها كتير
ذى دول كدا ...
وعندنا فى مصر
راجل جدع اوى فى الموسكى وحارة اليهود اسمه ( عم جابر ) راجل ذو لحية بيضاء
ابتكر فانوس عليه صورة الرئيس / محمد مرسى
و سماه / فانوس مرسى
وكتب عليه عبارات حلوة اوى
هو فانوس على هيئة مسجد وله ثلاثة أهلّة ( جمع هِلال )
وكتب عليه
مرسى رئيساً لمصر 2012
والآية القرآنية :
( ولينصُرنَّ الله من ينصره )
دا فانوس / مرسى
اللى ابتكره عم جابر ..
و في مسند الإمام أحمد ,,,
حدثنا وكيع حدثنا سليمان بن المغيرة عن حميد بن هلال عن أبيقتادة وأبي الدهماء قالا
أتينا على رجل من أهل البادية فقلنا هل سمعت من رسول الله صلى الله عليه وسلم شيئا قال نعم سمعته يقول :::
إنك لن تدع شيئا لله عز وجل إلا بدلك الله به ما هو خير لك منه .
صدق رسول الله صلى الله عليه وسلم
يا اختى الحبيبة /
إن الأم تستطيع ان تهز العالم كله وتزلزله وهى تهز سرير طفلها
فكل رجل عظيم قد انجبته ام اعظم منو
والعظمة لله قبل كل شيئ طبعاً
قاطعى المنتجات الصينى والروسى والإيرانى إن وُجِدت امامك
لا تشتريها تضامناً مع اخواتك فى سوريا الحبيبة
واللى اشتروا الفانوس الصينى خلاص ,,,
يُخرجوا نفس تمنو برسالة لأهل سوريا مثلاً
بإرسال رسالة فاضية لرقم 9596 على ما اتذكر الرقم
وقيمة الرسالة الواحدة 5 جنية بس هتروح ان شاء الله عن طريق نقابة اطباء العرب لأهل سوريا بإذن الله
او حتى تتبرع بنفس قيمة تمن الفانوس او اكتر لو تقدر لليتامى والفقراء من المسلمين
اكيد الموضوع ده مش بس مقصود بيه مقاطعة الفانوس الصينى
بل كل منتج صينى
ولكنى قد سلطت الضوء على الفانوس بالذات
علشان احنا فى موسم بيع الفوانيس
ومش فاضل على رمضان إلا أسبوع واحد وبس
بارك الله فيكم
وجعلكم مفاتيح للخير .. مغاليق للشر
ومشكورين مُقدماً يا حبايبى
حبيبت انبه حبايبى
الموضوع منقول
تعليق