عاشت ليبيا حره والنصر الكامل قريب ان شاء الله {نهاية الطاغيه قريبه ان شاء الله }

[هدى سلطان]

هو من اول يوم في الثوره يتلقى في العقوبات اشكال الوان
عقوبة الشباب اللي ثار في وجهه وهذا مش متوقعه على اساس ان الليبين ملجمهم
عقوبة شوفته للطيران القطري الحر وهو يتحرك ويجيب في المعونات لليبيا وهو ايقول غبينه كلمه ايقول فيها بطريقه مقرفه
عقوبة شوفته للشيخ عبدالجليل وهو مسافر لدول كبيره ومستقبلينه استقبال الابطال
وهو مش قادر يوصلهم
عقوبة انه ايشوف الشباب الليبي يتحدث بحريه وبلغات العالم الذي طالما اعتقد العالم ان الليبين جهله
عقوبة شوفته للدكتور القدير محمود جبريل يتجول في العالم ويلقى كلماته الجميله التي تدل على التربيه والعلم وليس هو اللي فضحني وين مايحضر مؤتمر لاازم ايخلي علامه تقهر
واكبر عقوباته توا نزول الشيخ عبدالجليل الله يحفظه ويطول في عمره ذخرا لليبين ولاهله ورحم الله البطن التي حملته اللهم ادخل والديه الجنه في طرابلس
ووووواك اللي شوفه توا ارهو ايذوب زي السحليه
شنو رايكم مش عقوبات تسحن هههههههههههه

صحيتى اختى ام سومه ما فيش احسن من هل العقوبات لانها عقوبات ربنيه وما زال ياما تسمعى عنهمن اشيا يمسحن كبدك لانه ربك منتقم جبار

[ام الجميلات]

السلام عليكم
صباح الخير على حرائر ليبيا الحرة وبس
أشكر كل من دعاء لأمي بالشفاء العاجل الله يبارك فيكن جميعا إن شاء الله ماننحرم منكن
منورات وحلوات بحبكم

[ام يمنى.ليبيا]

بسم الله الرحمن الرحيم
الله يرحم شهدائنا و يسكنهم فسيح جناته و يصبر أهلهم و دويهم و يداوي مرضانا و جرحانا وينعمنا بالأمن و الامان
الحمد لله الدي أحيانا و شفنا هدا اليوم

درس و عبرة لكل متكبر و طاغية و أعمى أغلق عيونه على كل من حوله وهمش شعبه و جهل و اخر أبداعاته خراب البلد و تفتين الناس و قتل الشعب و الترويع و و و و

حسبنا الله و نعم الوكيل فيه و في أبنائه التافهين و أتباعه السفهاء
أتمنى كما يتمنى كل ليبي عانى و تعب و تبهدل كل هده الفترة ان يقبض عليه اليوم قبل غدوة
وينحط في قفص في ميدان الشهداء و يتشفى و يقتص منه كل ليبي شريف حر و يموت جيفة .
لا حول و لا قوة الا بالله و الله هدا كله شوية فيه
امين يارب

[ام الجميلات]

أم سوما والله ضحتيني على الموقف ياعطيك الصحة والهني لين دموعي نزلت من الضحك ربي يحفظك ماخف دمك
ملوكة إنتي اللي تهبلي بطلاتك الحلوة وأشكرك جزيل الشكر
مغتربة الله يبارك فيك ياحلوة عمليتها اليوم أمي العشية ان شاء الله ربي ينوضها بالسلامة
ام ايناس وميسا الله يبارك فيكن مازال ماروحتيش يا ميسا ربي يسهلك يارب وترجعي لأهلك سالمة غانمة يارب
مام اهلا بيك عرفتك كيف مانعرفكش كيف حالك وحال العروسة اكيد كبرت ماشاء الله عليها وانتي شن أخبارك
طمنيني عن حالك من يوم روحتي للبلاد في العيد الكبيرة معاش سمعنا عليك خبر وتخلطتت الاحداث معاش سمعنا أخبارك
سلمها الحلوة وسلم سلامها الله يبارك فيك
حنونة الله يبارك فيك ياغالية مشكورة وان شاء الله ماتشوفوا هم ولا نكد
أم عبيدالله الله لايوريك هم ان شاء الله سلمك نشادة باهي سامحتك ههههههههههه غير معاش تعاوديها بس
هههههههه
يسلموا عليك حوش عمي بكور ههههههههه كنت نقرم فيك اني ووفاء ساكنين جنبهم جووو عليهم وحنونة ومرت خوهم روحووا وأني ان شاء الله غدوة ماروحين ان شاء الله أجلنا السفر على خاطر عملية مرت عمك أن شاء الله ربي يسهلها عمليتها وتنوض بسلامة ان شاء الله
ارنوسة وام نسيبة اهلا بيكن وشن أخباركم ومنورات ديما
ام مودي وين الغيبة ربي مايغيبك ان شاء الله شن أخبارك وأخبار عائلتك ومنورة ديما
وان شاء الله مانسيتش حد بس

[بطاطا مقلية]

مغامرات عائلة فاي سيتي :

مــعمر : انا هنا انا هنا , و ليه 3 شهور ماحد شافه

... صفية : اغني ممرضة فالعالم
......
هنـاء : ماتت فــ غارة 1986 و تحصلت على الدكتوراه فــ 2009

خميس :لواء و عمرة 25 سنة , مات اكثر من مرة و مازال عنده ارواااح

عيشة : حملت و جابت فـ 38 يوم " جو ارانب "

الساعدي & سيــف : لو ما ادخلوش في الحرب هذي راه بوهم لم الموضوع

محمد : المهنة فـ جواز السفر / نجل الاخ القائد

[أم إيناس3]

صباح الخير بنات حرائر ليبيا كيف حال امك اليوم ام الجميلات

[ام الجميلات]

إنفجار قوي قرب مطار طرابلس العالمي في منطقة بن غشير وتصاعد دخان
ربي يستر

[بنغازية وافتخر]

السلام عليكم بنات كيف حالكن ؟
سندخل في 2012 ومازال مانعرفوش ؟؟
1: من أين جاء القذافي؟؟؟؟
2: متي تكون أخر حلقه لكونان؟؟؟
3: ماهو الشامبو رقم2 في العالم؟؟
4: من سينتصر في النهايه توم ولا جيري؟؟
5: ديتول يقضي على 99% من الجراثيم ... الجرثومة الأخيرة وين مشت؟؟
6: كم مساحة ملعب كابتن ماجد؟؟؟
7: ابو بدر فُـِـِـي باب الحاره شنوا يخدم؟؟
8:لماذا الطحالب كانو مع معمر و فيه قاعدين معاه توا ؟؟
منقول

[ام نسيبة 78]

قولولي شن قصة الانفجار اللي في مطار طرابلس
اللهم سلم سلم

[بنغازية وافتخر]

نحن الليبيين ليس لنا مثيل!!

نستخدم المفتاح ل تشغيل السيارة
دق الباب
حك الأذن
نفتحو بيه الكرات

(الكلاكس)
تسلم بيه
تنادي بيه
تتعارك بيه
تحتفل بيه

الجريده
نقروها
تنظيف الزجاج
لف الخضار والفواكه

الكندره
تلبسها
تضرب بيها
تقتل بيها الزقرلوات

علاقة الحوايج
تعلق فيها
وتضرب بيها الصغار

فانتبه أيها العالم أننا قادمون...

[بنغازية وافتخر]

نكته
قالك الساعدي ضيع رقولي مع المنتخب واكيد متفكرينه,,ياناري يخمم مارقدش هديك الليلة خشت عليه امه صفية قالتله خيرك ياوليدي قاعد ساهر ؟قالها ياامي نخمم في الريقولي اللي ضيعته,,,قالتلها بالله ارقد بوك مضيع بلاد بحالها وراقد من المغرب

[بنغازية وافتخر]

مرة نقطة (.) دارت حفلة .. عزمت كل النقط بالعالم ..

جت فاصلة (,) تبي تخش جت النقطة اللي على الباب قالتلها :

وين خاشه ؟ الحفلة هده للنقط بس !!

قالتلها الفاصلة : لا ياعبيطة انا نقطة بس طالقه شعري !!
ههههههههههههههههههههههههههههههههههههههههههههههههه

[بنغازية وافتخر]

المدرسة لا تعني شىء
.
.
.
.
.
.
.
.
.
.
.

العربي = نحن نتكلم العربية !!

التكنولوجيا = عندنا فيس بوك !!

التاريخ = كلهم ناس ميتين !!

الجغرافيا = عندى خريطة العالم !!

الموسيقى = يوتيوب و موجود !!

الرياضيات = سهلة 2+2=4 عايزين ايه تانى !!

الانجليزبة = ترجمة جوجل و موجودة !!!!

[ام نسيبة 78]

انفجارافي مخزن للصواريخ في منطقة بن غشير بالقرب من مطار طرابلس العالمي صباح هذا اليوم ، لكن هذا الانفجار لم يسفر عن أي ضحايا ، يذكر أن المتسبب بهذا الانفجار هم من الطابور الخامس
و الجدير بالذكر ان العقيد اسماعيل صرح بأنه تم نقل طيارات من مطار طرابلس الدولي الي مطار معتيقة لتوفير الحماية والمحافظة عليهم من النهب ومن خلايا نائمة.

[بنغازية وافتخر]

إذا أمسكت المصحف
فإن الشيطان.............يغضب
وإذا فتحته.............يبكي.
وإذا قلت بسم الله..............ينهار
فإذا أخذت في القرآءه..............يقع مغشي عليه