عاشت ليبيا حره والنصر الكامل قريب ان شاء الله {نهاية الطاغيه قريبه ان شاء الله }

[حره فوق رأس حر]

اللي فهمته منك انك تايدي الفكر والا انا غلطانه ؟؟؟؟؟
الصراحه والحق يقال اي انسان جاهل بامور دينه هو الانسان الجاهل بصدق
حتى ولو كان يحمل شهادات الدنيا

فكر شنو انا على سنة ومنهج حبيبنا رسول الله
والجاهل مصيبة فعلاً وخاصة لو كانت فى امور ديننا
ولله الحمد كل نتعلمو ونستفيد
بس انا كان تعليقي انه لما تبو تنصحو حطو شئ تقنعو بيه من احاديت وايات قرآنية
وبس
اما قصة فكر مافكر
زي ماقلتلك وللح الحمد على سنة رسولنا سائرون وللخير مندفعون ولعلآ كلمة الله مكبرون
تحياتي لك



ملكة بنقابي
كلنا مازال نتعلمولقوله 00وما اوتيتم من العلم الا قليلاً00

[الحنونه92]

شوفوا البطل الله يحميه

[الحنونه92]

حره

زي ماقلتلك وللح الحمد على سنة رسولنا سائرون وللخير مندفعون ولعلآ كلمة الله مكبرون

حياك الله
اسال الله ان يثبتك ويثبتنا جميعا علي الدين الحق ويحيينا ويميتنا على ملة الاسلام وعلى دين نبينا محمد صل الله عليه وسلم

[ملكة بنقابي~]

::

معليش يابنات تحملو حوارنا علي الدين شوي ولازم تتوضح الروية للكل

عارفين أن هالمكان للدعاء لثوارنا البواسل نسال الله العظيم لهم النصر المؤزر
ولكن الدين أولي وأهم للتوضيح

ام مودي
نعم نعيش في دولة أجنبية
وبما أني الوحيدة بين العربيات هنا المنقبة
فـ لكِ ان تتخيلي ما أواجه

نشوف في عينات عدة منهم من متقبل نقابي
ومنهم من يسخر منه ومنهم من يضحك في وجهي ومنهم من يقولي لي مكانك ليس بيننا .
هده الدولة العلمانية اللي تتكلمي بيها واللي ساكت
علي حجابنا وديننا ويواجهني بالابتسامة فقط لانهم دولة لا تمنع الحريات ولا الدينات علي أرضها فهم مضطرين يتقبلو حجابنا

فرنسا دولة علمانية
شوفي شن دايرة في أخواتنا المنقبات
نسال لهم الفرج القريب

وشوفي كم دولة علمانية في أوروبا تدرس منع حظر النقاب في الشوارع

هدي العلمانية اللي تنادي بيها

تركيا دولة مسلمة علمانية
عاجبكِ حجابهم وتبرجهم وكل أنواع السفور في بلادهم

أذا هذا عاجبكِ فــ أسمحيلي هذا غلط وأكبر من الغلط

لانه لا الشرع والسنة ترضي بيه

وهذا منكر ويجب أنكاره

وكونك انتي مش مع هالتيار هذا مايعنيش انك صح والاخر خطا

التيارات هاذي ماطلعتش الا بطلوع الدولة العلمانية والليبرالية والشيوعية

في عهد حبيبنا وقدوتنا رسول الله صلوات ربي عليه وصحابته الكرام

ماكان فيه الا دين واحد أوحد وسنة واحدة

والصح يالغالية أنك تتبعي القرآن والسنة فقط ولا غيره من التيارات التي تنادي
بالحريات والسفور علي حساب الدين

نسال الله الهداية لنا ولكم

::

[حره فوق رأس حر]

حنونة

وآياكم اختى

خلى انزل الصوت ونسمعة ولايهمك كمبيوتري تبكش

و

[بنغازية وافتخر]

الشباب يقولوا ياساعدي يابنيه قول لبابا هيا ونحنا انقولوا ماتقولوش عليه بنيه عار علي البنت الليبيه..

[ملكة بنقابي~]

جاري فتح موضوع جديد

[بنغازية وافتخر]

لا اله الا الله

[ام مودي وميمي]

حره
اللي فهمته منك انك تايدي الفكر والا انا غلطانه ؟؟؟؟؟
الصراحه والحق يقال اي انسان جاهل بامور دينه هو الانسان الجاهل بصدق
حتى ولو كان يحمل شهادات الدنيا

[/QUOTE]
واني اللي فهمته من ردك انك متكنطية من ناس ثانية تاييد في الفكرة
شني هالتعسف ...
وبعدين ياحلوة نحن لا نناقش في مسالة دينية حثي تقولي من لا يفقه في دينه فهو انسان جاهل بل موضوعنا موضوع سياسي بحث انتي ربطتيه بالدين وهذا رايك ونحن نحترمه بس مش معناه اللي يخالفك في الرائ لا يفقه في شئ ارجوكي ركزي شوي
معقولة انتي الوحيدة اللي تفقهيه في الدين
شني خليتي للمرحلة الماضية
عن الرسول صلي الله عليه وسلم محدثا اصحابه سيدخل عليكم رجلا من اهل الجنة
فدخل عليهم اعرابي فعرف اصحاب النبي صلي الله عليه وسلم انه المقصود
وتكرر الامر ثلاث ليالي
فقام احد الصحابة وهو عبدالله بن عمر رضي الله عنه
فاراد معرفة سر هذا الرجل فذهب اله واخبره انه تخاصم مع والده وترك البيت واستاذنه للبقاء عنده
فلزم الصحابي الرجل في كل اعماله 3 ايام
فساله واوضح له انه ماترك اهله ولكنه ليعرف ماذا يفعل الرجل حثي يبشر بالجنة وقد لاحظ ان صلاته خمسا وندر مايصوم ولا يعمل ازيد مما فرض الله فاادهشه الامر
فرد الاعرابي نعم انني اقوم بعمل فروضي فقط ولا ازيد عليها ولكنني عندما انام الليل اصفي قلبي لله ولا ابغض احد او اكن له بغضا او لوما
فلنا في رسول الله صلي الله عليه وسلم واصحابه اسوة حسنة

[ام مودي وميمي]

::

معليش يابنات تحملو حوارنا علي الدين شوي ولازم تتوضح الروية للكل

عارفين أن هالمكان للدعاء لثوارنا البواسل نسال الله العظيم لهم النصر المؤزر
ولكن الدين أولي وأهم للتوضيح

ام مودي
نعم نعيش في دولة أجنبية
وبما أني الوحيدة بين العربيات هنا المنقبة
فـ لكِ ان تتخيلي ما أواجه

نشوف في عينات عدة منهم من متقبل نقابي
ومنهم من يسخر منه ومنهم من يضحك في وجهي ومنهم من يقولي لي مكانك ليس بيننا .
هده الدولة العلمانية اللي تتكلمي بيها واللي ساكت
علي حجابنا وديننا ويواجهني بالابتسامة فقط لانهم دولة لا تمنع الحريات ولا الدينات علي أرضها فهم مضطرين يتقبلو حجابنا

فرنسا دولة علمانية
شوفي شن دايرة في أخواتنا المنقبات
نسال لهم الفرج القريب

وشوفي كم دولة علمانية في أوروبا تدرس منع حظر النقاب في الشوارع

هدي العلمانية اللي تنادي بيها

تركيا دولة مسلمة علمانية
عاجبكِ حجابهم وتبرجهم وكل أنواع السفور في بلادهم

أذا هذا عاجبكِ فــ أسمحيلي هذا غلط وأكبر من الغلط

لانه لا الشرع والسنة ترضي بيه

وهذا منكر ويجب أنكاره

التيارات هاذي ماطلعتش الا بطلوع الدولة العلمانية والليبرالية والشيوعية

في عهد حبيبنا وقدوتنا رسول الله صلوات ربي عليه وصحابته الكرام

ماكان فيه الا دين واحد أوحد وسنة واحدة

والصح يالغالية أنك تتبعي القرآن والسنة فقط ولا غيره من التيارات التي تنادي
بالحريات والسفور علي حساب الدين

نسال الله الهداية لنا ولكم

::

ملكة انا معاكي بس كلامك فيه تناقض
اولا فرنسا ممنعتش النقاب لانه خاص بالمسلمين هي منعت كل الاشكال والرموز الدينية للاديان الثلاثة من مسيحية ويهودية واسلامية وايضا لم تمنع الحجاب لاحظي؟ اما موضوع النقاب نحن المسلمين مختلفين عليه اصلا دول فرضاته ودول منعت الحجاب من الاساس
ثانيا مني اللي قاللك اننا منبوش ان ديننا الاسلامي يكون شريعتنا وعلي اساسه تقوم تشريعاتنا بس اني عاجيبتني فكرة افصل راس السلطة عن الدين وهذه فيها ايجابيات مثلا انتي تبي النقاب هذه حريتك
غيرك مايبيش هو حر
انتي متبيش تسوقي هذا رايك غيرك يبي يسوق
انتي ضد التلفزيون غيرك يبي يتفرج
فهذه الحريات تنادي لها المجتمع المدني لانها حرية كفلها المجتمع لكن ميجيش زي افغانستان نفرض النقاب وعدم خروج المراة حثي للعمل لانها
ترجعنا سنين للخلف
والله لو كان الكل يريدها ونحن اتفقنا عليها فااهلا وسهلا
لكن انتي تعيشي في مجتمع له اختلافات واراء وايدلوجيات خاصة به
مش انا او انتي نحاسبوا الناس او نوريهم طريقهم رب العالمين وحده المسئول عن عباده
وهذا رائ شخصي بحث انا مع الحريات العامة معنداش علاقة بالتدين او لا
والحمد لله اننا مسلمون ومتبعي سنه نبيه الكريم عليه الف صلاة وسلام

[ام مودي وميمي]

عذرا لكل البنات ممكن انحرفنا
شوي عن صفحتنا

[الحنونه92]

واني اللي فهمته من ردك انك متكنطية من ناس ثانية تاييد في الفكرة
شني هالتعسف ...

شكرا علي النميمه
افهميها
نعم نعم معم
انا ضد الفكره لانها كفريه وتخرج من المله
اقسم بالله لو كانت امي تؤيد الفكر العلماني لاقدر الله
سيكون موقفي نفس الشي

وبعدين ياحلوة نحن لا نناقش في مسالة دينية حثي تقولي من لا يفقه في دينه فهو انسان جاهل بل موضوعنا موضوع سياسي بحث انتي ربطتيه بالدين

احنا المسلمين يجب وفرض علينا ان تكون حياتنا كلها لله
وشكل العلمانيه مأثره فيك (( فصل الدين على الدوله ))

(( قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ ))

وهذا رائ شخصي بحث انا مع الحريات العامة معنداش علاقة بالتدين او لا

حريات
اي حريه في ظل العلمانيه قصدك !!!!!!!!!!!!!!!!!!!!
لاحول ولاقوة الا بالله

((وماخلقت الجن والإنس إلا ليعبدون))

اما انا هذا اخر رد مني لك
وانت شوفي نفسك
هدانا الله واياك

[ملكة بنقابي~]

::

موضوع النقاب نحن المسلمين مختلفين عليه اصلا دول فرضاته ودول منعت الحجاب من الاساس

الحلال بين والحرام بين

مش ح نخش معاك في مسالة النقاب فرضة او سنة
لانه ح يطلعنا من موضوعنا الاساسي لما فيه اختلاف للعلماء


الدولة الاسلامية الوحيدة اللي منعت الحجاب هيا تونس
وبن علي كان مشي دولته علي المذهب العلماني

وهذا اللي أنتِ تبيه ؟

مثلا انتي تبي النقاب هذه حريتك
غيرك مايبيش هو حر
انتي متبيش تسوقي هذا رايك غيرك يبي يسوق
انتي ضد التلفزيون غيرك يبي يتفرج

الدين مافيشي حر ومش حر
ولا رآي ورآيك الدين اللي قال بيه الله ورسوله

فهذه الحريات تنادي لها المجتمع المدني لانها حرية كفلها المجتمع لكن ميجيش زي افغانستان نفرض النقاب وعدم خروج المراة حثي للعمل لانها
ترجعنا سنين للخلف

المرآة عزتها بيتها وأطفالها ولو تبي تشتغل تشتغل
باللي قاله الدين والشرع مش مكانات مختلطه وأشياء محرمة
سنيين الخلف كانت كلها حكم ومواعظ كان رسولنا صلوات ربي عليه
وصحابته ماكان أحد يضلم عندهم ولا يفرق بين شخص وآخر ولا أي مظهر من المظاهر الكذابة اللي طلعت لنا في الأجيال لانهم يطبقو في شرع الله

مش تخلف !!!

والله لو كان الكل يريدها ونحن اتفقنا عليها فااهلا وسهلا
لكن انتي تعيشي في مجتمع له اختلافات واراء وايدلوجيات خاصة به

الاختلافات والاراء في السياسة في الثقافة في كل شي الا الدين والشرع

عاجبك الكتائب المأسورين في مصراته ومن الكتائب
حتي الصلاة مايعرفوهاش ولا يعرفو يقروا قرآن ولا حتي التشهد!!!!!

هذا من وين كله من قلة الوازع الديني وتخليهم علي دينهم

ومازال بدخول الاحزاب والحركات لليبيا ح نقول البلاد عليها السلام

مش انا او انتي نحاسبوا الناس او نوريهم طريقهم رب العالمين وحده المسئول عن عباده
وهذا رائ شخصي بحث انا مع الحريات العامة معنداش علاقة بالتدين او لا
والحمد لله اننا مسلمون ومتبعي سنه نبيه الكريم عليه الف صلاة وسلام

نعم لا أني نحاسب ولا أنتِ تحاسبي

الحساب لله ومن عند الله

ولكن الشرع يأمرك بالأمر بالمعروف والنهي عن المنكر



هدانا الله وأياك علي الصراط المستقيم

::

[omsuma65]

السلام عليكم ورحمة الله
اولا اشكركم اخواتي على حضروكم وهدرزتكم ودعاءكم لليبيا الحره
وثانيا الومكم على النقاش الاخير لاننا الان في مرحلة تحول ونحتاج الدعاء في كل لحضه
وان شاء الله يكون عندنا مواضييع بعد تحرير ليبيا كامله تخص ديننا وماينقصنا منه
والله العظيم احبكم في الله جميعا
واخر عقوبه تلاقها القذافي امس هي وجود الشيخ عبدالجليل في ساحة الشهداء
انا نتخيل فيه ايخبط في راسها في الحيط
اشكركم وبارك الله فيكم
الى دار ملكه ان شاء الله