مدارس مدارس............الجزء الرابع

[أم جورى]

أزيك يا أم جوري

كويس جدا انك وصلتي للقرار المناسب

و من كلامك أن شايفة ان جينيس مفيهاش سلبيات جامدة ، و زي ما قولنا السلبيات موجودة في كل المدارس

و أنا ان شاء الله هاروح جينيس زي ما قولت عشان عجبتني من كلامكوا

بس ياريت تقوليلي عنوانها فين بالظبط ؟ و تليفونها ايه ؟

بصى هى طريق كرداسة بعد اكوا بارك يعنى اخر فيصل خالص بعد دخلة المريوطية

التليفون0103403686

[أم جورى]

بصوا يا جماعة بالنسبة لدار الهدى انا قلتلكم قبل كدة انها مدرسة كويسة جدا لان اعرف ناس مدخلين ولادهم فيها وكمان صاحبتى تعرف تيتشر بيدرسوا هناك المدرسة هايلة وعلشان كدة باب التقديم اتقفل خلاص لغاية سنة رابعة والكلام ده من شهر فات

لكن فى نصيحة مهمة عاوزة اقولكم عليها ويا ريت فعلا تهتموا بيها

انا لمل جيت اقدم لبنتى فى كى جى من 4 سنين طبعا لفيت مدارس كتير جدا بس مدارس خاصة مش لغات

اول سنة ليها راحت مدرسة الاورمان اللى فى شارع زغلول بس خاصة زى ما قلتلكم
المدرسة كانت كويسة بصراحة وكانت حافظة قران واذكار كتير جدا
وفازت فى المسابقة الدينية اللى المدرسة كانت عاملاها

بس كثافة افصول كانت عالية جدا والباص بتاعها كان وحش اوى عبارة عن ميكروباص والولاد على بعضهم طبعا
قلت انقلها مدرسة تانية وبرضه لفيت ودورت ونقلتها مدارس حسام الدين الخاصة اللى فى شارع العشرين
ساعتها رحت قابلت المندوه الحسينى صاحب المدرسة وطبعا عملى البحر طحينة وان بنتى هتزود الكثافة وزود عليا المصروفات وقاللى لازم تحضر نادى صيفى وبعد كده تدخل على اولى ابتدائى
وطبعا ماكانش عندى خبرة وفعلا حضرت السامر كورس وبصراحة افادها كتير
وطبعا بعد النادى الصيفى دخلت المدرسة اولى ابتدائى ركزوا معايا

يعنى دخلت كى جى 1 وبعدين نادى صيفى وبعدين اولى ابتدائى يعنى مفيش اجازة
قعدت التيرم الاول واكتشفت بلاوى فى المدرسة
كثافة الفصل 45
البنت كانت بتيجى من المدرسة مشترية حاجات غريبة محفظة وتوك وحاجات كدةولما سألتها منين الحاجات دى قالت ان فى حوش المدرسة سلك وبرة المدرسة ناس بتبيع حاجات والولاد بيشتروا من خلال السلك ده يا حلاوة يعنى مفيش كنترول
يعنى لو حد باعلهم ايه ولا حد هنا

وهنا فكرت وقلت انا لازم ادخلها مدرسة كويسة وساعتها كانت جارتى مدخلة بنتها فى جينيس كانت المدرسة وقتها جديدة وعاملة سمعة حلوة اوى
فقررت ان ادخلها لغات بس كى جى 2 مش برى 1 علشان تحصيلها يبقى كويس
وتبقى متماشية مع زمايلها فى اللغات والبنت فعلا كان مستواها هايل
والتيتشر ما كانوش مصدقين انها كانت فى مدرسة خاصة
وتحصيلها كان حلو اوى
طبعا كتير قالولى حرام ضيعتى عليها سنة وده كلام انا مش مقتنعة بيه خالص
يعنى ايه ضيعت عليها سنة ايه اللى يحصل لما تبقى كبيرة سنة هتفرق فى ايه
اللى بجد هيفرق هو تحصيلها الدراسى هيبقى احسن وهتستوعب اكتر
وانا كمان ابنى السنة دى فى كى جى 2 وهخليه يعيدها تانى السنة الجاية
لأنى عارفة المناهج عاملة ازاى
ما تفرحوش ان الولد او البنت صغيرين سنة بجد فى مستوى المناهج بتاع دلوقتى السنة دى هتفرق معاه ومع استيعابه كتير جدا
طولت عليكم بس حبيت انقلكم تجربتى يمكن حد يستفاد منها

[أم جورى]

بسم الله الرحمن الرحيم

الف مليون مبروك يا بيرو أهم حاجة انك ارتحتي

ربنا يوفق اولادك وتشوفيهم بأحسن حال

ومبروك يا أم جوري عليكي

دمتم

ربنا يخليكى يا لولو يا ترى انتى عملتى ايه

[noga76]

خلاص يا جماعة ملك بنتى دخلت المصرية الدولية رسمى روحت انهاردة دفعت الفلوس وقدمت الورق وخلاصصصصصصصصصصصصص وارتحت بئى من التدوير والدوخة وعقبالكم كلكم يا رب لما ترتاحوا وتستقروا على مدرسة ترتاحولها ويا رب تكون فعلا المدرسة دى اللى فيها الخير لبنتى ان شاء الله وانا عن نفسى مرتاحة ليهم وارتحت كمان انهاردة زيادة

انا روحت كمان بنفسى لانهم كانو طالبونى فى الموارد البشرية يعملوا معاية مقابلة
انا روحت وقابلت بالصدفة هناك مديرة الكى جى عشان كانت ولية امر هناك بتقدم وطلبت انها تشوفها المهم عجبنى طريقة نطقها وهى ست لذيذة وزوق وبتجاوب على كل حاجة

المهم وبعض شوية اعدت معاية تيتشر على ما اعتقد اسمها مى هى مدرسة انجيلش لبريمرى اعتقد ممكن انتى يا دينا تكونى عارفاها
هى بردو نطقها عاجبنى فى الانجليش وقالتلى احنا حبينا نكلم مع حضرتك شوية عشان عرفنا انك مهندسة وكنتى شغالة فى مجال التدريس فحابين نعرف انتى رايك فينا ايه وشايفة ايه العيوب اللى فينا
بصراحة اتفاجئت واحترمتهم شوية زيادة انهم متابعين اولياء الامور ومهتمين يعرفوا اراءهم

المهم اتكلمت معها بصراحة وقولتلها لحد دلؤتى العيب اللى شايفاه معاكم ان المكان الديكوراشن بتعتو مش اوى يعنى المبانى قديمة شوية وكدة
قالتلى عشان احنا بئلنا 25 بس احنا بنعمل صيان دورية للمكان وبنبنى ادورار جديدة (ودا فعلا انا شوفته)

بس قولتلها هو دا بس بس انا سمعت عنكم انكم تعليميا كويسين ودينيا ودا الى خلانى اتغاضى عن موضوع السيت اب بتاع المكان

وهى اعدت بئى تكلم باستفاضة عن الاساليب التعليمية وان المدرسة عشان بئالها فترة كبيرة فى المجال فعارفين كل السلبيات فيه وبيتحاشوها والكلام بئى الى انتو عارفينه

دا التقرير المتين لزيارتى انهاردة زى ما طلبتى منى يا زقزوقة (:على فكرة سالتلك اخر معياد للتقديم امتى قالتلى 30/4

بدعلكوا تانى انكم انتم كمان تستقروا وترتاحوا وانتم كمان ادعولى ان المدرسة تكون فعلا كويسة لينا

يلا بئى سلام واللى عايز منى اى استفسار انا موجودة

الف الف مبروك و عقبال الجميع

[dodydoooo]

ليه يا بنات ما بتكتبوا عن مدارس المعادي انا ملااحظة ان الكل مهتم بمدارس الهرم المريوطية والتجمع الخامس اغلب المنتدي عليهم ودول بعيد اوي للي ساكن في المعادي ذي حالاتي معقول ما فيش حد من المعادي يقدر يفيدنا والله يوفقنا جميعا من اجل عيون حبايبنا وحبايب قلبنا ولادنا

[lolowation]

بسم الله الرحمن الرحيم

والله يا أم جوررري أنا لايصة جدا

سمارت فيلدج قفلت باب التقديم

وبريليانس مافيش فيها إلا ناشونال واميريكي فمترددة جدا

مش لاقية حاجة بريتش تانية وانا عايزة ابني يدخل بريتش

اعمل ايه مش عارفة ؟

الله المستعان
:_(

[sadina]

noga76 طبعا لازم انشالله نلتقي.بالنسبة لليونيفورم انا كنت جايبة اللبس الصيفي من كل حاجة اتنين على اخر شهر 8 كانوا بحوالي 400 واللبس الشتوي بينزل على شهر10 جبت برضو من كل حاجة 2 بحوالي 400 بس انت عارفة؟ الولاد بيكلفوا اقل عشان البنات بيلبسوا طبقات لكن في ملاحظة خللي بالك منها هاتي كل حاجة اكبر بحبة كبيرة من مقاسه عشان مع اول وتاني غسلة بيكششششششششششششششششش.

[dodydoooo]

ازيكوا يا بنات يا ريت تقبلوني صديقة ليكوا في المنتدي ويا ريت يا بيرو تقوليلي فين المصرية الدولية دي وبجد مصاريفها500 3 الاف اصل انا سالت في مدرسة المصرية للغات وقالولي ساعتها انها هي المصرية الدولية ودي كانت غالية اوي بحوال 8000 الاف يا ريت تتصححيلي المعلومة وتقوليلي عنوانها بالظبط وبيدرسو منهج ايه فيها ومبروك لبنوتك يا حبيبيتي

[miama]

ازيكوا يا بنات يا ريت تقبلوني صديقة ليكوا في المنتدي ويا ريت يا بيرو تقوليلي فين المصرية الدولية دي وبجد مصاريفها500 3 الاف اصل انا سالت في مدرسة المصرية للغات وقالولي ساعتها انها هي المصرية الدولية ودي كانت غالية اوي بحوال 8000 الاف يا ريت تتصححيلي المعلومة وتقوليلي عنوانها بالظبط وبيدرسو منهج ايه فيها ومبروك لبنوتك يا حبيبيتي

المصرية الدولية في الهرم 3750 المدرسة المصرية في التجمع الخامس 7500 انت عيزة انو واحده انت ساكنة فين

[dodydoooo]

ويا ريت يا بنات تقولولي ايه رايكم في مدرسة جيينس بالنسبة ليه لاني ساكنة في المعادي يعني من ناحية المشوار مش حايبقي بعيد علي البنت خصوصا في اول سنة ليها اصل بصراحة نفسي اتفتحت ليها من كلامكو عليها اصل انا في حيرة ما بعدها حيرة وصحيح مصاريفها 4100 يا ام جوري ويا تري بتزيد كل سنة قد ايه بس قولولي المشوار يبقي بعيد علي البنت دي حاجة تهمني اوييييييييييييييييييييييييييييييييييييييييي

[dodydoooo]

شكرا حبيبتي انا ساكنة في المعادي ولكن لفت نظري كلامكوا عنها وبالمصروفات دي بس انا اول مرة اعرف انها في الهرم

[dodydoooo]

بلتاكيد كده انها مش المصرية للغات لانها غالية اوي بس يا خسارة نفس المشكلة المكان لان كده بعيد علي البنت للاسف المدارس الكويسة كلها بعيدة عن المعادي ذي مدرسة جينس

[انسانه تحب الله]

[quote=ياسمين10;7971027]

لا حول ولا قوه الا بالله ربنا يستر لان الانجليزى بتاعى ولله الحمد قوى جدا جدا جدا(ههههههههه بتريأ طبعا) شوفتى الللغه العربيه كمان اضيع ولله الحمد انا كده كده كنت عايزه بنوتى تدخل بيبى كلاس هى هتكون 4 سنين الا 20 يوم بس هى لعبيه شويه وعمرها ما راحت حضانه واكيد كجى فيه شد من الاول وانا مش عايزاها تتعقد
طب ممكن اسالك نارمر ديه ظروفها ايه من ناحيه التعليم والمصاريف والفصل ما بين الولاد والبنات وهل هى اسلاميه ولا لا
وانتى فى الاخر دخلتى بنوتك ايه
معلش اتاخرت عليكى فى الرد ....نارمر حلوة طبعا تعليميا بس شداد اوى فى التعامل مع الولاد يعنى انا خفت اودى بنتى فيها لانها بتخاف اصلا فلو لقت معاملة وحشة ممكن تتعقد فمش مستاهلة دة غير انها كثافتها عاليه والباص الولاد بيقفو فيه من كتر العدد هى مصاريفها 3500 كى جى والسن لازم 4 وهى مش اسلاميه طبعا...انا قدمت لبنتى فى ليسيه الهرم بالرغم من انى سمعت انها مش كويسه بس بصراحة انا رحت يوم الأربعاء الماضى ولقيت انهم مش وحشين بالعكس عجبنى جدا ان فصول الكى جى منفصلة عن المدرسه تماما وكل مدرسات الكى جى والنيرسرى مدرسات سيدات ومتفاهمين جدا مع الأطفال ودى اكتر حاجة شددتنى جدا وكدة كدة مش حخسر حاجة لانى ممكن انقل فى اى وقت بس دى حاليا اعتقد انسب حاجة لانى مش عايزة باص فى السن دة ويارب تكون حلوة ومحتاجش انقل
طب سمعتى عن مدرسه المنار الاسلاميه اللى فى شارع انس ابن مالك ديه معلومات عن طريق الدليل
المنار مش عارفة مكانها لوتقدرى تحددى لى فين بالضبط لو هى فى المهندسين ممكن اسال واقولك...اعتقد دة شارع متفرع من شهاب ولو كدة تبقى قريبه من شغلى وممكن افكر فيها انا كمان
وشكرا جزيلا ليكى ويا رب يجازيكى سبحانه عنى خير الجزاء امييين يا رب العالمين
(الان وانا من هذا المكان بفتكر ايام زمان لما كنت بدخل على الشعر والبشره مش كنت ذاكرتلى كلمتين انجليزى كانو نفعونى فى الانتر فيو بدل الحوسه دى ههههه

ولا يهمك حتذاكرى حتذاكرى كل وقت ليه متطلباته ولا ايه
انت بتدورى فى اى محيط اعتقد المنيل مش كدة حددى وانشاء الله اساعدك

ازيك يا ياسمين هانم شكرا جزيلا على ردك زاهتمامك
انا فعلا فى المنيل ولله الحمد المنيل مالقيتشى فيها مدارس بتفصل الاولاد عن البنات وده اللى خالانى ادور بره الكل شكرو فى الطلائع وبيقولو الباص بتاعها بيجى لحد المنيل بس حقيقى شكروا فيها على طريقه وديها الطلائع ديه كويسه وبس يعنى ما اعرفشى عنها اى شئ لا نظام التربيه ولا التعليم شكله ازاى ولا هما شداد ولا حنيين مع العيال ولا اى حاجه انا باذن الله ناويه اشوفها على اخر الاسبوع ده ويا رب تطلع كويسه
ومدرسه المنار الاسلاميه هى فى المهندسين عند ميدان انس ابن مالك هحاول برده اشوفها بس دايما كل ما اتصل يبقى ساعه خروج العيال من المدرسه واللى بترد عليا بتكون يا حرام مش طايقه حد ربنا يستر
انا كل اللى نفسى فيه مدرسه بتفصل سواء لغات او مستوى رفيع بس يكون مشهود لها انها كويسه بس وسعرها معقول لان انت عارفه طبعا القصور والخدم والحشم بنصرف عليهم كتير فبحاول اوفر فى مدارس العيال هههههههههه
والحمد لله انك استقريتى على مدرسه
وعقبالنا كلنا يارب

مبروك يا عبير على استقرارك على المدرسه وعقبال الكل

[miama]

بسم الله الرحمن الرحيم

والله يا أم جوررري أنا لايصة جدا

سمارت فيلدج قفلت باب التقديم

وبريليانس مافيش فيها إلا ناشونال واميريكي فمترددة جدا

مش لاقية حاجة بريتش تانية وانا عايزة ابني يدخل بريتش

اعمل ايه مش عارفة ؟

الله المستعان
:_(

شوفت new manor houseفي 6اكتوبر دي سمعتها حلوة اوي كل اصحابي قالولي عليها بس هي بعيدة عليا

[dodydoooo]

يا اميرة طماطم انتي في نفس مشكلتي لان انا بافكر لبنتي اما في جينس او في المصرية الدولية وانا ساكنة في المعادي طبعا في باص لكن انا كل همي عشان البنت والدوخة اللي حاتدوخها في الباص لانه طبعا حايلف بيها جامد لكن بالنسبة للمتابعة دي امرها سهل ذي ما قالتلك ام جوري تاكسي وتبقي عندها وده مش حايبقي كل يوم طبعا لكن الاهم هما حايكونوا مرتاحين ولا لا