مدارس مدارس............الجزء الرابع

[زقزوقة و زقزوق]

متشكرة قوي

abeerbebo
شكرا جدا علي ردك واهتمامك بي, الله يكرمك متنسيش تخبرينا بالمقابلة وربنا معاكي في موضوع الموارد البشرية
ممكن سؤوال هوه التحويلات بتبتدي من دلوقتي, انا بنتي في الفاروق وليسه امتحاناتها كي جي 1 في 26/4
ولا بروح احجز مكان .وممكن عنوانها بالظبط
وانتي كده بنتك كده قبلوها .انتي ساكنه فين, انا التعاون فيصل,
زقزوقة المزقزقه
انا ساكنه تقريبا بجوار سرور ,يحوالي 10 دقائق, وانا زوجي عاوز يحول فيها للبنت, بس انا مش موافقه عشان مساحتها تقريبا مفيهاش حوش مش هاقولك جاردن, طبعا ولا العاب للأطفال, بس هيا عجباه لقربها منا لانه بخاف علي البنت قوي ومش بحب المدارس البعيده , بس احنا ليسه في نقاش وربنا يسهل وعلي فكره مصارفها السنه دي كي جي1 كانت 2100
بالكتب, وكثافة الكلاس 25.
ام جوري
شكرا علي ردك ,انتي استقريتي علي ايه طبعا انا مش قادره احدد الا لما بنتي تخلص الأمتحانات.

شكرا جزيلا يا adam_mh

أنا برده ساكنة قريب من سرور عشان كدة كنت بفكر فيها ، و شفت شكل المدرسة من برة بس و لاقيتها صغيرة جدا زي ما انت قولتي بالظبط
و احنا زي ما بندور على مدرسة كويسة في الجانب التعليمي ، لازم ناخد في اعتبارنا الجانب الترفيهي برده و لو حتى بنسبة بسيطة ، لأن دول أطفال صغيرين ، و من حقهم يستمتعوا برده

و ع العموم ربنا يوفقنا جميعا في الاختيار

[زقزوقة و زقزوق]

منتظرين على أحر من الجمر

زقزوقة انتى وحشتينى كتير
هى فاتحة السبت واصلا اى حد عايز ياخد جولة فى المدرسة لازم السبت مش فى اى يوم تانى يعنى لو عايزة تشوفيها الحقى بكرة عشان تلحئى تقررى وانا رايحة بكرة ان شاء الله لو حتروى قولى
او ضفينى على الفيس بوك عشان ابعتلك تليفونى ونتفق نشوف بعض

abeerroushdy@hotmail.com
دا ايميلى ضفينى من خلاله
واى ام طبعا عايزة تضفينى مافيش مشكلة تشرفنى طبعا

باى يا جميلة

بصي يا بيرو
أنا احتمال كبير مقدرش أروح بكرة ، احتمال أروح أخر الاسبوع
حاولي تسألي في كل التفاصيل زي ما قولتلك ، و تعالي قوليلنا التقرير المتين ، عشان لما نروح نبقى على بينة
و ان شاء الله تعملي أبليكشن و ترتاحي بقى من الدوخة دي

و ياترى هاتروحي مدارس تانية و لا ايه ؟

احنا كلنا في انتظارك

و ان شاء الله أنا هاضيفك على الفيس بوك

[eyadnasr4u]

السلام عليكم
انا روحت قدمت لابنى فى مدرسة النزهه اللى فى طريق مصر الاسماعيلية انا لقيت المدرسة نظيفة حلوة اوى وحسيت انهم متدينين بس مش عارفة اللغة هناك ايه اخبارها ارجو الرد و ياريت لو حد يعرف حاجة عن مدرسة مينييس الدولية

[dinahahmed]

تسمحيلى ارد عليكى فى بعض الاسئلة لانى مليت ابليكش عندهم لبنتى وعارفة شوية حاجات عنهم
بالنسبة للتحويلات هما بيقبلوا والمقابلة للى بيحولوا بتكون بسيطة اوى
ومافيش اسئلة للام ولا انترفيو (بس هما طلبونى يعملوا معاية جلسة بخصوص الموارد البشرية بصراحة مافهمتش من السكرتيرة حاجة فانا هروح السبت ان شاء الله واجى احكلكم كانو عايزين ايه)

هما بيفصلو الولاد عن البنات من رابعة ابتدائى

ردا على كلامك عن المصرية الدولية هما بيفصلو الولاد عن البنات من اولى ابتدائى مش من رابعة

[dinahahmed]

يا جماعة حد سمع عن مدرسة اسمها افاق دى فى الطريق الصحراوى وسمعت من ناس انها كويسة لو حد يعرف عنها حاجة ياريت يفيدنا

[sadina]

شكرا sweetkitty .الامتحان بيسألوا عرفت منين المدرسة؟هل عندها قرايب فيها؟بتتعاملي معاها ازاي لما تغلط؟اكيد مش لازم تقولي ولا بزعق ولا بضرب.ممكن تقولي بعقابها اني ابطل اكلمها او اي حاجة ما يكون فيها عنف وبيسألوا لما تعمل حاجة كويسة؟تقولي بكافئها وبشجعها.بيسألوا اي اكتر الحاجات اللي بتحبها؟هل بتحب الاطفال في سنها؟ انتو ايه اللي عاوزينه من المدرسة؟اكيد احنا عاوزين تربية وتعليم ولو رحت مع الاب اكيد احسن.اللغة مش لازم تكون ممتازة المهم يتأكدوا انك بتعرفي english وبعدين انا بحس انهم بيهمهم المستوى الاجتماعي.مش بتكلم عن المستوى المادي.وانشالله ربنا يوفقك ولو في اي اسئلة you are welcome

[rony_83]

صباح الفل لاحلى منتدى
اخيرا رحت
اول ملحوظة الاهتمام من كل المدارس بمبانى الكى جى لانهم بيعتبروا الكل جاى تقديم لاول مرة فطبعا دى اول وسيلة جذب بس بما ان انا عندى ولد هاحوله ل 3 ابتدائى فكنت مهتمة كمان بالفصول فى مرحلة الابتدائى
1)مجمع المعاهد القومية: مبنى الكى جى رائع والفصول واسعة جدا ونظيفة ومهتمين بيه اوى وواضح انهم ملتزمين تعليميا ودى سمعة المدارس القومية
قابلنا مستر جوزيف وكان يوم العيد عنده بس واضح انه راجل ملتزم اوى وطبعا حاول يصعب علينا الموضوع بس متهيالى انه بيعمل كده علشان يحسسنا ان المدرسة مستواها ممتاز المهم قال يعمل امتحان للولد الكبير علشان يطمن على مستواه من السنة الجاية هيدرسوا منهج ماكميلان المصاريف 3600 والباص للرماية مثلا 1800 (حاسه انه مبالغ فيه)
فصول الابتدائى تعتبر عادية بالعكس مدهونه بلون اخضر شبه المستشفيات
باختصار المدرسة تحت الانشاء وهياخدوا الى بيروح لانهم محتاجين فلوس واضح ان الاهتمام بالانشطة محدود لانى طلبت اشوف معمل الكمبيوتر قالى مش مفتوح بس قبله انا سالت واحده هناك قالت لى انه اصلا المدرسة مفيهاش كهرباء (ودى اعتقد مشكلة ) بس هوه بياكد انها هتدخل على السنة الجاية وبيقول كمان حمام السباحة هيكون خلص بس طبعا ده له مصاريفه غير مصاريف المدرسة – بيدوا شيتات بس مفيش كراريس ومفيش خصم لو 2 اخوات

2) مدرسة اوراسكوم
مش هاقدر احكم لان الى قابلنا مرديش يخلينا نلف فى المدرسة بس من اوا ما دخلنا واغلب الى مقابلينا مش مسلمين واول انطباع انه مش هيكون فيه اهتمام بالدين عن قصد مش زى القومية الدين هيكون عادى زيه زى اى مدرسة عاديه
المصاريف 4500 هيكون فيه باصات بس مش معروف كام ومش هاقدر ازود حاجة عن كلام muslim لان كلامها كان وافى ( عموما انا استبعدتها)
3)جينيس
بالنسبة للمدارس الى رحتهم تعتبر احسنهم ملعب جميل جدا للكى جى ولعب فعلا متنوعه الكى جى لهم لاب كمبيوتر لوحدهم غير الابتدائى انا رحت بصيت على المدرسة بس ملقيتش مديرة لانهم كانوا بيجهزوا لحفلة اخر السنة وكانوا عاملينها فى مسرح مدينة مبارك للعلوم الولاد لهم كل واحد ديسك خاص بيه فى الابتدائى
عجبتنى اوى من حيث المبانى والامكانات وبيشكروا اوى فى مديرة الكى جى بيقولوا اجنبية وماسكاها كويس قوى وبتاعت الابتدائى بيقولوا كويسة بس انا لسه مقابلتهمش
المصاريف 4100 كىجى ، 4600 ابتدائى وفيه خصم 10 % على مصاريف الكبير – الباص 1350
بيدوا كراريس وبوكليت

4)حفر الباطن
مبانى وحشة وحشة وحشة مكنتش متخيلة انها كده استبعدتها برضه مع ان مديرة الكى جى الى قابلتنا سكر وست بقالها 40 سنه بتعلم يعنى خبرة ممتازة بس المدرسة صغيرة قوى قوى وقديمة جدا
5) المصرية الدولية
واجهة ممتازة يعنى ملبسين المدرسات يونيفورم وقابلنا مدير العلاقات العامة واضح انه اصلا عنده خبرة رهيبة فى المبيعات كلامه كويس جدا قال انه فى اهتمام جامد جدا بالانشطة وبيفضلوا ورا الطالب لحد مايلاقوا هوه بيحب ايه ويدخلوه فريق النشاط الى بيحبه – بيهتموا بالدين بيقول كل سنة الولد يحفظ جزء – ساعة الصلاة المدرسة كلها بتصلى – بيفصلوا الولاد عن البنات من رابعة بس فى نفس المبنى ( فصل فى الفصول )- طبعا قال مش هينفع نتفرج على المدرسة والتور بتكون يوم السبت اما اشوف باباهم قال هيروح يبص عليها
المصاريف 3700 كى جى – 4200 ابتدائى – 1300 باص

بس انا شكلى هاستقر على جينيس باذن الله وربنا يجعل فيها الخيار الاصلح للولاد وربنا يوفق كل الى محتارة باذن الله

[michelsadek]

رد على الافتراءات على مدرسة بى كرنك للغات

مدارس بي كرنك للغات




إدارة مصر الجديدة التعليمية .
- رداً على ما كُتب على ( النت ) من افتراءات :-






- إن المدرسة تحرص على:-
· تهيئة الجو الأُسرى للطفل بحيث لا يشعر أنه بعيد عن بيته وأهله وذلك بما توفّره له المدرسة من رعاية مثالية تتلاءم مع نفسية الطفل .
· نشاط مدرسي في كل مناسبة .
· حفلات مدرسية تربوية ...
· مسابقات ومكافآت لتنمية الحافز الابتكار والابداعى لدى الطفل .
· اكتشاف المواهب في شتى مجالات الفنون في سن مبكرة .
· إعطاء جرعة علمية تتناسب مع عمر الطفل .
· تطبيق قانون الثواب والعقاب حتى تستقيم نفسية الطفل تربوياً ويتم مؤاخذة أي مدرس إن تمادى في العقاب بطريقة لا تتفق مع سياسة المدرسة .
· نزع الخوف من نفسية الطفل وذلك للحرص على تنمية شخصيته .
· الحرص على أن يكون الطفل اجتماعياً يحب كل زملائه ومدرسيه وذلك بتوفير المحبة والمودة والإخاء .
· غرس القيم الروحية والدينية لدى الطفل لتكون سلاحه في حياته المستقبلية .
· وسياسة المدرسة منظمة مع أولياء الأمور بوجه عام وبخاصة ( أولياء أمور رياض الأطفال) .

فالمدرسة ترسل مواعيد بمقابلة أولياء الأمور بعد شهر من بدء الدراسة وذلك لنعطى فرصة كافية للمدرسات لمعرفة شخصية الطفل ومستوى تحصيله في الفصل حتى يمكنها الردّ عن أي استفسار من أولياء الأمور .
يتم إرسال بيان بمواعيد مقابلة المدرسات وذلك في أوقات عدم وجودهم في حصص . ونحن نلتزم بالمواعيد بالتمام .. وإذا تأخر ولى أمر عن الميعاد ولم يُقابل مدرسة ابنه فانه يُقابل السيدة المسئولة عن الأبناء في رياض الأطفال لسماع شكواه أو ملاحظاته ...

· كثافة الفصول لدينا في المتوسط ما بين 25 إلى 30 طفلاً ،،،
· نرسل كل خميس شيتات كواجبات فيم تم دراسته في خلال الأسبوع ويتم مناقشة الواجب مع الأبناء في الفصل قبل إرساله للبيت .
· يتم عمل تقييم للطفل كل فترة حتى تكون المدرسة مع البيت على معرفة بمستوى تحصيل الأبناء .. ويتم إرسال ورقة تقييم للعلم بالمستوى ثم يوضع في ملف الطفل في الفصل ،،،
· يتم إرسال شهادات مفصلة بمستوى الطفل العلمي وأيضا مستواه في المشاركة في الأنشطة المختلفة في الفصل .

[arabianhourse]

ازيكم يا جماعة انا اولادى كانوا بيمتحنوا السفارة وخلصنا امبارح الحمد للة انا اللى كنت بقولكم انى نازلة فى شهر 5 واولادى حيكونوا خامسة ابتدائى وتانية اعدادى وفى اخت نصحيتنى بمنارة القاهرة فكنت عايزة اعرف منهج Eاية والمدرسين بيتكلموا معهم بالانجليزى ولا بيشرحوا بالعربى وهى مصاريفها معقولة والدتى اتصلت وعرفت ان المصاريف فى حدود 3500 وارجوكم اللى يعرف مدرسة كويسة فى مدينة نصر او مصر الجديدة يقولى لانى حانزل وحاقدم على طول ومصاريفها تكون معقولة واخيرا ما رايكم فى مدارس الراهبات ساعات احس انها كويسة وساعات اخاف من ناحية الدين اية رايكم لان مصاريفها معقولة وشكرا طولت عليكم

من فضلكم ردوا على

[noga76]

yes noga76 u r right my daughter's name is lara

how a nice name ,i hope we can see each other in the school.
Sadina i know that the uniform from child mall, i just wanna know how much does it cost? and when can i go to buy it

[batatam3sla]

اذيكم انا جديدة معاكم

[noga76]

حبيبتي عملت جروب علي الفيس بوك اسمه ELS... Parents

http://www.facebook.com/group.php?gid=72849022178#/group.php?gid=72849022178&ref=mf

ياريت تشرفيني



نوجا حبيبتي الجرو ب ببقي جاهز.... مستنياكي

واي حد اولاده في ال ELS ياريت يشرفنا في الجروب علشان نبقي مع بعض ...لو في اي اخبار او اسئلة او مشاكل حتي متعلقة بالمدرسة نبقي كلنا ايد واحدة مع بعض

مبروك على الجروب

[ياسمين10]

[quote=انسانه تحب الله;7959461]لا حول ولا قوه الا بالله ربنا يستر لان الانجليزى بتاعى ولله الحمد قوى جدا جدا جدا(ههههههههه بتريأ طبعا) شوفتى الللغه العربيه كمان اضيع ولله الحمد انا كده كده كنت عايزه بنوتى تدخل بيبى كلاس هى هتكون 4 سنين الا 20 يوم بس هى لعبيه شويه وعمرها ما راحت حضانه واكيد كجى فيه شد من الاول وانا مش عايزاها تتعقد
طب ممكن اسالك نارمر ديه ظروفها ايه من ناحيه التعليم والمصاريف والفصل ما بين الولاد والبنات وهل هى اسلاميه ولا لا
وانتى فى الاخر دخلتى بنوتك ايه
معلش اتاخرت عليكى فى الرد ....نارمر حلوة طبعا تعليميا بس شداد اوى فى التعامل مع الولاد يعنى انا خفت اودى بنتى فيها لانها بتخاف اصلا فلو لقت معاملة وحشة ممكن تتعقد فمش مستاهلة دة غير انها كثافتها عاليه والباص الولاد بيقفو فيه من كتر العدد هى مصاريفها 3500 كى جى والسن لازم 4 وهى مش اسلاميه طبعا...انا قدمت لبنتى فى ليسيه الهرم بالرغم من انى سمعت انها مش كويسه بس بصراحة انا رحت يوم الأربعاء الماضى ولقيت انهم مش وحشين بالعكس عجبنى جدا ان فصول الكى جى منفصلة عن المدرسه تماما وكل مدرسات الكى جى والنيرسرى مدرسات سيدات ومتفاهمين جدا مع الأطفال ودى اكتر حاجة شددتنى جدا وكدة كدة مش حخسر حاجة لانى ممكن انقل فى اى وقت بس دى حاليا اعتقد انسب حاجة لانى مش عايزة باص فى السن دة ويارب تكون حلوة ومحتاجش انقل
طب سمعتى عن مدرسه المنار الاسلاميه اللى فى شارع انس ابن مالك ديه معلومات عن طريق الدليل
المنار مش عارفة مكانها لوتقدرى تحددى لى فين بالضبط لو هى فى المهندسين ممكن اسال واقولك...اعتقد دة شارع متفرع من شهاب ولو كدة تبقى قريبه من شغلى وممكن افكر فيها انا كمان
وشكرا جزيلا ليكى ويا رب يجازيكى سبحانه عنى خير الجزاء امييين يا رب العالمين
(الان وانا من هذا المكان بفتكر ايام زمان لما كنت بدخل على الشعر والبشره مش كنت ذاكرتلى كلمتين انجليزى كانو نفعونى فى الانتر فيو بدل الحوسه دى ههههه

ولا يهمك حتذاكرى حتذاكرى كل وقت ليه متطلباته ولا ايه
انت بتدورى فى اى محيط اعتقد المنيل مش كدة حددى وانشاء الله اساعدك

[سمسمة المسمسمة]

ايمووووووووووووووووووووووووووووووووو

#123
اليوم, 04:06 PM
سمسمة المسمسمة
عضو نشيط
تاريخ التسجيل: Jan 2007
الردود: 105
الجنس: امرأة

ايمووووووووووووووووووووووووووووووووووو
ايمو عزيزتى لو فاكرانى انا كل ما اتزنق ادور عليكى كنت عاوزة اسالك عن مدرسة
trust international schools معلش هتعبك يا ريت تردى عليا انا قريت عنها فى موضوع على الفيس بوك بيتهيقلى انتى اللى كاتبة عنها وانا اتصلت بالمدرسة وعايزة اخد رايك يا ريت تردى على لو عارفة عنها حاجة واو تعرفى حد فيها فى الموضوع دة
محتاره أدخل American system ولا IG ( 12)

الصفحة التانية فى الملتقى العلمى والتربوى
وجزاكى الله خيرا

[الاميرة طماطم]

يا جماعة ياريت حد يرد عليه فى النقطة دى...

لو موديه بنتك مدرسة بعيدة نوعا ما يعنى ملهاش مواصلات معروفة و ممعاكيش عربية او مابتعرفيش تسوقى ...

هتقدرى تتابعى بنتك وتطمنى عليها ازاى او تسألى عن مستواها او تحلى مشاكلها ؟؟؟؟؟؟؟؟؟؟؟