مدارس مدارس............الجزء الرابع

[noga76]

noga76 ان شاء الله حتفرحي اوي من المدرسة.انا بنتي كمان حتبقى kg1 اللغة عندها ممتازة مع انها دخلت بتعرف فرنساوي وعربي بس لكن الحمد لله دلوقت الenglish عندها ممتاز وبعدين المدرسة متبعة كل الطرق الحديثة في التدريس وهم بيهتموا بالاطفال بطريقة تخليني متطمنة جدا عليها .المدرسات محترمات جدا واللهجة عندهم ممتازة وبيحترموا الطالب والاهل.لدرجة ان مرة رفضت بنتي تاخد معاها sandwitsh لقيتهم باعتين ملاحظة كبييييييرة ان ازاي تروح من غير اكل مع اني كنت باعتة معاها كتيرsnakes حسيت ان حتى صحة الطفل تهمهم وحاجات كتيرة اوي تانية خلتني ابقى مبسوطة اوي من المدرسة.

ميرسى اوى يا sadina ربنا يطمنك. هى بنتك girls school or co-education ؟
هى اول بنت ليكى؟ انا كريم اول ابن ليا و عندى عمر بس لسه صغنون
انا عرفت من كلامك انك لبنانية انت مقيمه هنا؟ انا ساكنه جنب كارفور المعادى.
i hope we will be friends and our kids too

[noga76]

Sadina اهلا بيكي كنتي فين من زمان

noga76 و Sadina و nour5700 ايه رايكو اننا نعمل جروب علي الفيس بوك لاولياء امور مدرسة المصرية ELS parents او ELS community علشان نعرف فيها اخبار المدرسة ولو حد عنده مشكلة نبقي كلنا ايد واحد وكدة

فكره حلوه جدا على فكره فى كذا جروب للels بس معظمهم شرح للمدرسه او جروب لطلبة المدرسة و انا كنت عامله فعلا موضوع عن رأى الناس فى الELS
بس ELS parents جديده. GO ON

[noga76]

حد سمع حاجة عن Green Heights؟ عشان فى ناس بتسألنى عليها

[sadina]

noga 76 انا بنتي في co وطبعا حتبقى صديقة ابنك انا رحت السنة اللي فاتت جرين هايتس لكن المصرية عجبتني اكتر وعشان كده فضلتها عن جرين هايتس.في ناس بتشكر في جرين هايتس وهم semi international وبيهتموا بالطلاب لكن حبيت المصرية اكتر.

[Mamy Heba]

يا جماعه بالنسبه لفيكتوريا اللي في المعادي

انا كنت قدمت فيها لبنتي السنه الللي فاتت بس اترفضت للسن
ساعه التقديم بتاخدي معاد و بتروحي تجاوبي علي ورقه اسئله حوالي 4 او اكتر بالانجليزي عن الطفل و اهتمامته و الانشطه اللي بيحبها و حاجات كدة و بعدها بتسلمي الورقه و تدخلي للجنه فيها واحدة بتكون معاكي انتي و الاب و التانيه للطفل و طبعا بالانجليزي .

التقديم من سن 3 و 6 شهور في 1/10 و هم بياخدوا العدد اللي هم عايزينه من السن الاكبر و ساعه بنتي اخدوا 4 و 9شهور

بس بعدها سمعت ان كثافه الفصول كبيرة جدا و بتوصل 40 تلميذ في الفصل و ان مستواها اختلف كتير عن زمان

بس مسالتش حد عن مستواها التعليمي بصراحة

معلوماتك مفيدة يا مليك القلب بس ممكن اسألك عن المصروفات انا عرفت انها 3000 بس ده بالكتب ولا لأ؟ و كمان سعر الباص ايه ؟ كمان انتى بتقولى كثافة الفصل 40 تلميذ هل المعلومة دى جتلك من ادارة المدرسه ؟ و ياريت تقوليلى سألوا البنت ايه بالظبط وكان بالعربى ولا انجليزى؟........ معلش ا سئلتى كتير شوية ... كامن سؤال واحد انا ساكنة فى المقطم تفتكرى الباص ممكن يروح هناك و لا ايه؟ متشكرة ليكى خالص

[ٍPossy]

يا جماعة حد يعرف حاجة عن مدرسة أجيال في التجمع الخامس معلش بتقل عليكم

[arabianhourse]

ازيكم يا جماعة انا اولادى كانوا بيمتحنوا السفارة وخلصنا امبارح الحمد للة انا اللى كنت بقولكم انى نازلة فى شهر 5 واولادى حيكونوا خامسة ابتدائى وتانية اعدادى وفى اخت نصحيتنى بمنارة القاهرة فكنت عايزة اعرف منهج Eاية والمدرسين بيتكلموا معهم بالانجليزى ولا بيشرحوا بالعربى وهى مصاريفها معقولة والدتى اتصلت وعرفت ان المصاريف فى حدود 3500 وارجوكم اللى يعرف مدرسة كويسة فى مدينة نصر او مصر الجديدة يقولى لانى حانزل وحاقدم على طول ومصاريفها تكون معقولة واخيرا ما رايكم فى مدارس الراهبات ساعات احس انها كويسة وساعات اخاف من ناحية الدين اية رايكم لان مصاريفها معقولة وشكرا طولت عليكم

[randoda3]

المعادى فيها ملاعب وبسين لكن مش زى كرفور ملاعبه اكبر كتير وفيها 2 بسين(على فكرة هما بيشغلوه فى الصيف بس

ولو عندك اى استفسار انا تحت امرك يا قمر

طيب ممكن اعرف مصاريف التاشونال

[randoda3]

ايمو
ممكن اعرف رايك في مدرسه سما للغات اللي جنب كارفور ومدرسه الواحه اللي في الهضبه الوسطي؟

[noga76]

noga 76 انا بنتي في co وطبعا حتبقى صديقة ابنك انا رحت السنة اللي فاتت جرين هايتس لكن المصرية عجبتني اكتر وعشان كده فضلتها عن جرين هايتس.في ناس بتشكر في جرين هايتس وهم semi international وبيهتموا بالطلاب لكن حبيت المصرية اكتر.

sadina
كويس انها فى الco انا ابنى اسمه كريم هى اسمها ايه؟
sadina انا حاسه انك انتى الى كنت بترودى عليا من شوية على الfacebook
I don't want to write ur name but the profile pic. is (i love lebonane
???
right or i am wrong

[زقزوقة و زقزوق]

ايه هي السلبيات

ازيكم يا امهات لكى

تحية خاصة لامهات الهرم

الحقيقة انا متابعة الموضوع من الجزء الاول لكن الجزء دة بيمتاز بوجود كم كبير من ساكنات الهرم ودة مهم جدا بالنسبة لى لانى من سكان الهرم كمان....
كنتم فين من زمان.............

انا بنتى فعلا فى kg1 فى مدرسة ال عثمان وعايزة انقلها السنه الى جاية انا اتكلمت عنها قبل كدة فى الجزء التانى ومش عجبانى خالص وبدور على واحدة تانية علشان كدة بحاول ادور على مدرسة قريبة.....
وكمان عايزة الفت نظركم الى حاجة مهمة جدا هى مشكلة قابلتنى ...
ان لما تكون المدرسة بعيدة و ملهاش مواصلات معروفة زى المريوطية والمنصورية وكمان انت ماعندكيش عربية او مابتعرفيش تسوقى زى حالاتى بيبقى الموضوع صعب جدا ...
لانك مش بتقدرى تتابعى اولادك عن قرب ولو فيه مشكلة بتبقى مش عارفة تروحى تحليها انا كنت بحاول اعتمد على التليفون لكنه طبعا مش كفاية او كنت بخلى جوزى يودينى قبل شغلة ويرجعنى...

دة غير مشاكل الباص اذا اتأخر فى الرجوع مثلا والافكار السيئة الى كانت بتجيلى خصوصا اذا كان موبايل المشرفة مقفول..

لي عودة لمناقشة المدارس معاكم انتظرونى....

ازيك يا أميرة طماطم

ياريت تقوليلنا ايه العيوب و السلبيات اللي انت لاقيتيها في المدرسة ، عشان نقدر نستفيد كلنا
لأن الموضوع ده يعتبرمرجع مهم لاختيارالمدارس الأفضل لأولادنا
و ربنا يوفقنا جميعا

[زقزوقة و زقزوق]

شوفي مدرسة تانية

شكرا علي اهتمامك ايمو وردك .. بس كلمة تعليميا دي قلقتني شوية طيب وغير تعليميا...؟؟؟؟
وتفتكري لو انا دخلت كي جي في مدرسة تانية ماهم السنة اللي جاية هيبقي سنه اقل من كي جي 2 برضة يعني هيقبلوه في كي جي 1 يعني هي هي
سؤال اخير ايه رأيك في منارة المستقبل؟ اللي عند كارفور المعادي ده للسنة الجاية ان شاء الله

بصي يا أم عبد الله يا قمر

حاولي تدوري على أي مدرسة تقبله في KG1 السنة دي ، بدل ماتضيع عليه سنة حرام ، و يبقى كأنك وديته مدرسة تجريبي
و لو حولتي بعد كدة لأي مدرسة هاتقبله في KG2 لأن سنه مناسب جدا
و أنا سألت مدارس كتيرة لأن ابني برده هيبقى عنده السنة اللي جاية 3 سنين و 8 شهور ، و قالوليلي كلهم انهم هيقبلوه لأنهم بياخدوا من سن 3.6
و ربنا عاكي ان شاء الله

[الاميرة طماطم]

شوفى يا زقازيقو....

البنت قبل ما تدخل لفيت على مدارس كتير وسمعت كلام كتير ووعود اكتر وزى العبيطة صدقت علشان كدة بقول لازم ناخد المعلومة من حد مجرب المدرسة فعلا مش من اصحابها

بالنسبة لمدرسة بنتى لفت نظرى فيها
اول حاجة انها بتدرس 3 لغات من اول Kg1 الانجليزى (لغات) والفرنسى والالمانى اورال لمرحلة Kg وريتن من ابتدائى والثلاث لغات مستمرين لغاية ثانوى
ثانيا فيه كاميرات منتشرة فى المدرسة والفصول وموصلة عى الانترنت وبكدة اقدر اشوف بنتى فى اى وقت واطمن عليها من خلال الموقع بتاع المدرسة ودى كانت اكتر حاجة شدانى لانها اول مرة تبعد عنى
ثالثا قالولى ان فيه محفظ قرأن من الازهر بيجى مرتين فى الاسبوع علشان تحفيظ القرأن للاطفال

ولما كنت قلقانه من بعد المدرسه وانى صعب اجى اطمن عى البنت صاحب المدرسة طمنى جدا وقالى ممكن اجى مع البنت فى الباص فى اى وقت واقعد معاها طول النهار وارجع معاها

وطبعا كل دة محصلش

اول حاجة اكتشفت ان حصص اللغة التانية مقسومة بين الفرنسى والالمانى يعنى البنت تبقى نص نص فى دة ودة وطبعا دة مستمر على طول دة غير انهم مش مهتمين باللغة الثانية اصلا.....

ثانيا بالنسبة للكاميرات ماشتغلتش وكل ما نسأل عنها يقولةان فى مشاكل فى الdsl وكلها 10 ايام وتتحل والكلام دة بقالة 6شهور لغاية ما بطلنا نسأل

ثالثا لاشوفنا محفظ قرأن ولا حتى البنت حفظت سورة واحدة حتى على ايد مدرسة الدين ولما روحت اسأل اتضح ان مدرسة الدين بتديهم السورة (معرفش ازاى) وبعدين المفروض انا الى اقعد احفظها فى البيت.. ودة حتى من غير ما تقولى فى المتابعة
اما بالنسبة الكارسة الى اسمها باص المدرسة فهو بالعافية واخد الاطفال مكربسين ومزنوقين دة غير انه كتير بيتأخر

اما بالنسبة للمستوى التعليمى فهو عادى .. لا هو وحش ولا متميز لكن المدرسة الترم الى فات كانت كل شوية تغيب من غير رابط والعيال بيضيع عليهم اليوم قعاد فى الجنينه وبعدين الترم دة غيروها بمدرسة كويسة اما مدرسة الانجليزى فماشية على مهلها وبعدين تيجى على اخر التيرم تكربس الدنيا فى اسبوعين وكتاب اللغات تقريبا انا الى بشرحه

اما بالنسبة للمصاريف فهى حوالى 3000 جنية والحقيقة مانصحش حد بالمدرسة دى وان شاء الله اغيرها السنة الجاية

[زقزوقة و زقزوق]

كل التفاصيل

ازيك يا زقزوقة عاملة ايه

انتى لسة ماستقرتيش على مدرسة؟

طب لو هتروحى المصرية انا رايحة يوم السبت لو هتروحى نتقابل هناك او لو عايزة تسالى على حاجة اسالك

ازيك انتي يا عبير وحشتيني

هي المصرية فاتحة يوم السبت عشان التقديم ؟
أنا أن شاء الله هحاول أروح عشان أقابلك ، و نتعرف أكتر على بعض
و اذا ما قدرتش أروح ياريت تسألي انت على كل التفاصيل ، و لما ترجعي تقوليلنا انت عملتي ايه
و ماتنسيش تسألي هيقفلوا باب التقديم امتى ؟ عشان ألحق اذا استقريت ان شاء الله

[sadina]

yes noga76 u r right my daughter's name is lara