مدارس مدارس..........الجزء الثالث(ما شاء الله)

[bent masr]

طيب يا بنات...........بما ان الجزء التانى مغلق,نكمل كلامنا هنا!!!!!

[saramshmsh]

مبروك على الجزء الثالث
ياريت اللى تعرف حضانات حلوة فى مدينة نصر تقولى

[kouky5]

السلام عليكم
شكرا بنت مصر علي الجزء الثالث....انتي كنتي فين من زمان لان بقالي فترة مش بلاقيكي في موضوع المدارس...ان شاء الله تكون امورك تمام

بالنسبة للحضانات في مدينة نصر sararmshmsh
انا جبت لك من علي النت بعض الحضانات لكن انا ماشفتش غير بيج بيرد والدولية اندر فايف في مدينة نصر والباقي عملت سيرش عليها فقط:

حضانة سيمبا: 34 شارع هشام لبيب من مكرم عبيد - مدينة نصر 22875187

حضانة بارني: 1 ش نصر احمد زكى – عباس العقاد خلف بيتزا وكنتاكى 0222632623/
0105175044

حضانة بيج بيرد: 39 ش محيى الدين عبدالحميد مدينه نصر
22735391 - 22721382

الحضانة الدولية للغات: 63 هشام لبيب- مدينة نصر

حضانة اندر فايف: 23 ش قورش مدينه نصر
26710426

حضانة جرين هاوس: 24 ش حمودة محمود مدينة نصر

حضانة كيدز كورنر: 7 ش ابن الرومي مدينة نصر

في مصر الجديدة انا اعرف حضانات كويسة شفتها بنفسي اذا حبيتي قولي لي

[bodamody]

مبروك عليكم الجزء الثالث ربنا يوفقنا جميعا

[saramshmsh]

شكرا يا kouky5
ياريت تقوليلى اللى شوفتيهم كويسين

[kouky5]

الحضانة الدولية حلوة وبيج بيرد كويسة بس زحمة شوية
اما حضانة جرين هاوس انا شفت الفرع بتاع مصر الجديدة كانت حلوة لكن ماشفتش فرع مدينة نصر

بالنسبة لمصر الجديدة :
هامتي دامتي Humpty Dumpty
9 ش الشهيد مصطفى طباله ميدان السبع عمارات مصر الجديده
22900181

حضانة كيدي لاند Kiddie Land Preschool
34 ش مصطفي رجب - نبيل الوقاد- ارض الجولف مصر الجديدة
4187381/0106688115

الفراشات Papillons Nursery
5 ش الماظة بالماظة مصر الجديدة 24184034

حضانة فيرست كلاس first class
14 ش عبدالرحمن رشدى مصر الجديده
22412526 - 26445938


حضانة رينبو تو Rainbow Too
4 ش اموزيس الكوربة مصر الجديدة 22910360

حضانة سنو وايت
14 ش محمد الخضر حسين مصر الجديده
24176931

الجضانات حسب الترتيب من الافضل بس كلهم كويسين

دول اللي انا فاكراهم حتي الان اذا افتكرت حضانات تانية هبقي انزلها ان شاء الله

ابقي روحي واسالي وابقي طمنينا عملتي ايه

[saramshmsh]

شكرا يا kouky
هو انت عندك اولاد فى حضانة
اصل انا ابنى عندة سنتين وكنت بفكر ادخلة السنة اللى جاية المدرسة بيبى كلاس هيكون عندة سنتين و8 شهور فية ناس بتقول كدة صغير
فقلت اشوف حضانة كويسة والسنة اللى بعدها يروح kg1 على طول
انت اية رايك لو عندك خبرة فى الموضوع ياريت تقوليلى

[kouky5]

ابني الان في بيبي كلاس بمدرسة المصرية فرع مدينة نصر رغم ان سنه ساعة التقديم كان في اكتوبر اللي فات 3 سنوات وست شهور وهما في المدرسة بياخدوا من 3 سنوات وسبعة شهور او ثمانية
فدخلته بيبي كلاس لاني شايفة انه لما يكون كبير في kg1 احسن وكل الناس اللي سالتها قالولي لما يكون اكبر بيستوعب احسن وحتي سالت الدكتور قالي كدة برضه لان المناهج اصبحت صعبة جداا وحرام ابدا معاه التعب والمشوار من بدري خليه يستمتع بطفولته براحته
وانا شابفة كدة احسن لان في اطفال عمرها في kg1 خمسة سنوات وخمسة ونصف فحرام هو يكون 3 ونصف ويبقي معاهم في نفس السنة طبعا الموضوع ده هيفرق كتير
بالنسبة لك حسب ابنك هيكون في اكتوبر سنه قد ايه تقريبا لو فوق الثلاثة يكون بيبي كلاس كويس ليه علي الاقل هيتعود علي نظام المدرسة من بدري وما يتعبكيش لما يروح السنة اللي بعدها لكن لو اصغر من ثلاثة يعني سنتين ونصف افضل يروح حضانة عادية يلعب براحته توديه وقت ما انتي عايزه يتعود علي اصحاب جداد وكدة
ربنا يوفقك وابقي طمنينا عملتي ايه

[merehan]

عزيزتى بنت مصر ياريت تحاولى تعرفيلى الحضانة اللى فى التجمع دى فين بالظبط ارجوكى لانى دايخة بقالى اكتر من شهر على حضانة

[بيرى 79]

هاى يا ميريهان انا كان معايا رقم حضانة smart kids فى التجمع هو 0111922346 وهى تقريبا قريبة من محكمة الاسرة وسعرها حوالى 600 انتى ممكن تكلميهم وتجيبى العنوان بالظبط

[كرانكي]

صباح الخير
مبروك ليكم على الجزء الثالث
أنا كنت عاوزة اسأل على منهج الإنجليزي كابريدج هو حلو والا وحش و هو احسن والا ماكميلان
و شكرا

[ايمو]

الف مبروك على الجزء الجديد

ميرهان فى التجمع فى Smart Kids بس فى كمان فى مدينه نصر حضانات كويسه لو ما عجبتكيش ممكن توصل للتجمع فى under five تليفونهم :- 26710426 و كمان Seasame Club تليفونهم 24015789

ربنا يوفقك انشاء الله او فكرى فى بيبى كلاس فى مدرسه المصريه للغات كويسه اوى

[merehan]

ميرسى ليكو اوى انا حتصل ان شاء اللى بيهم واشوف انا فكرت بصراحة فى حضانات مدينة نصر بس قلقت على ابنى من طول المشوار كمان بتبقى فى مؤتمرات فى اكاديمية مبارك للامن والطريق بيبقى واقف للساعة 4 او 5 ودول اطفال لان ابنى سنتين و5 شهور واول مرة اودية حضانة ففضلت حاجة قريبة منى وبجد مش عارفة اقولكو اية انتو بجد فتونى كتير

[merehan]

عزيزتى بنت مصر انا رحت مدرسة غريانى واتاكدت انهم بيدوا منهج ماكميلين فى ابتدائى مش عارفة اكمل ولا اية

[merehan]

حبيبتى ايمو معلش تعباكى معايا فى مدرسىة مريم بياخدو منهج ماكميلين بس مش عارفة هل المنهج دة بيكون معاه كتب سواء بوكليت او شيتات يعنى ممكن لو المدرسة مش قوى اقدر اشتغل مع درس من بره واعتمد على الكتب ولا اية ارجوكى فهمينى ياقمر معلش اصلى تايهة وخايفة من تجربة مدرسة نرمين اسماعيل عشان نفس المنهج اعمل اية