مدارس مدارس..........الجزء الثالث(ما شاء الله)

[rony_83]

ياريت يا جماعة لو حد يعرف حاجة عن مجمع الملك فهد النموذجى الموجود فى مدينة نصر ( الحى السادس ) يفيدنى ... و ايه رأيكم فى المدارس التجريبى ؟؟؟

ده الموقع بتاعهم http://www.kingfahdschool.com/ وانا اسمع انها كويسة وفعلا هيه مساحة كبيرة واداارة قوية على ما اعرف ربنا يوفقك
وعلى فكرة هيه تجريبى مميز وانا اعرف ناس بتشكر فيها جدا
لو ناوية على تجريبى يبقى يا الا الملك فهد او ممكن على ما بسنع برضه المستقبل وهيه برضه تجريبى مميز برضه

[كرانكي]

السلام عليكم و رحمة الله و بركاتة
ممكن حد يقولي على مدارس كويسه لصديقتي هي في الامارات و نازلة مصر نهائي بنتها ان شاء الله تدخل رابعه و ابنها يدخل سنة تانية و هي ساكنة قدام الجامعة -جامعة القاهرة- و ممكن تدخل مدارس في زايد او اكتوبر او فيصل او المريوطيه و هي بتسأل هل في مدارس لغات كويسه غير مختلطة والا كلو مختلط و كمان هل ممكن لو كملت هناك التيرم الأول تلاقي هنا مدارس التيرم التاني بس والا صعب حتى مع استعدادها تدفع مصاريف سنة كاملة
انا الأسماء اللي سمعت عنها مانور هاوس - بيفرلي هيلز - سمارت - سوبر جلوبال
شكرا و جزاكم الله خيرا

[NOA_NOA]

يا جماعة ليه كلوا مجمعين على المصرية يا ريت حد يقولنا مميزاتها لان التقديم خلاص بدء

[kouky5]

المصرية الادارة فيها حازمة ومنظمة
اهتمام بالانشطة
الناحية التعيلمية عندهم ممتازة
وده الكلام اللي سمعته عنهم وقت ما قدمت لابني
وبصراحة حتي الان انا شايفة ان الكلام ده حقيقي...بس ابني لسه في بيبي كلاس فمش هقدر اكون مفيدة اوي ..بس انا راضية عن المدرسة

[Mamy Heba]

شكرا يا رونى على اللينك المفيد وده لينك http://www.elmostakbalschool.com/main.html مدرسة المستقبل التجريبية المتكاملة بمدينة نصر علشان لو حد بيدور على مدارس تجريبى ... وياريت يا جماعة لو حد يعرف مدارس راهبات انجليزى قريبة من المقطم

[NOA_NOA]

المصرية الادارة فيها حازمة ومنظمة
اهتمام بالانشطة
الناحية التعيلمية عندهم ممتازة
وده الكلام اللي سمعته عنهم وقت ما قدمت لابني
وبصراحة حتي الان انا شايفة ان الكلام ده حقيقي...بس ابني لسه في بيبي كلاس فمش هقدر اكون مفيدة اوي ..بس انا راضية عن المدرسة

شكرا على اهتمامك

انا اتصلت بيهم قالولى يوم الاحد هيبدء التقديم بس انا ابنى اتكلم متاخر و كلامه مكسر بس هو حافظ حاجات كتير و ذكى بس المشكلة فى الاخد و الرد بتاعه لسه مش مظبوط

فده هيعمل مشكلة معاهم علشان kg1

و ياريت لو حد يقولى على المدارس الكويسة اللى زي المصرية

حتى لو اغلى شوية لغاية 10 الاف

علشان اقدم فيهم كلهم و اللى تيجى باذن الله يبقى الحمد لله

[merehan]

السلام عليكم ورحمة اللة وبركاتة نونا فية مدرسة mse عند اكاديمية الامن ودى التقديم حيبدا يوم 15 ممكن لو عايزة تقدمى فيها انا حروح ان شاء اللة حقدم لو عايزة تجربى

[Mamy Heba]

نوا - نوا فى مدرسة فى الحى العاشر اسمها منارة الايمان كتير بيشكوروا فيها و الكى جي فيها ب 7000 تقريبا من غير الباص ...هى لسه جديدة بس لحد دلوقتى هى كويسة

[merehan]

ياجماعة حد سمع عن مدرسة تاجانامام بوابة الرحاب ياريت لو حد يعرفها يفيدنى ارجوكو

[kouky5]

NOA-NOA انتي ابنك عنده قد ايه ؟؟
في مدرسة ال mes مدارس التربية الحديثة في التجمع الخامس هي حلوة اووي برضه بس مشكلتها ان الادارة بتاعتها رخمة وواخدين في نفسهم قلم جامد وبيتعاملوا مع اولياء الامور بشكل سخيف وده شفناه بنفسنا وسمعناه من كل الناس تقريبا

[NOA_NOA]

السلام عليكم ورحمة اللة وبركاتة نونا فية مدرسة mse عند اكاديمية الامن ودى التقديم حيبدا يوم 15 ممكن لو عايزة تقدمى فيها انا حروح ان شاء اللة حقدم لو عايزة تجربى

نجرب طيب يا مريهان سمعتى عنها ايه؟
هجرب معاكى

لحسن موضوع المدارس ده بقى مقلق جدا و الله

نوا - نوا فى مدرسة فى الحى العاشر اسمها منارة الايمان كتير بيشكوروا فيها و الكى جي فيها ب 7000 تقريبا من غير الباص ...هى لسه جديدة بس لحد دلوقتى هى كويسة

هى اسلامية الاسم شكله كده
طيب مكانها فين

NOA-NOA انتي ابنك عنده قد ايه ؟؟
في مدرسة ال mes مدارس التربية الحديثة في التجمع الخامس هي حلوة اووي برضه بس مشكلتها ان الادارة بتاعتها رخمة وواخدين في نفسهم قلم جامد وبيتعاملوا مع اولياء الامور بشكل سخيف وده شفناه بنفسنا وسمعناه من كل الناس تقريبا

هو عنده 3 و نص دلوقتى

بس على فكرة انا لما كلمت المصرية ابتدوا يبقوا رخمين و عايشين فى الدور قوى
مع انى كلمتهم من كام شهر كانوا كويسين جدا فأكيد هيبتدوا يبقوا رخمين

انا قلقانة و الله الولد ذكى خايفة تضيع عليه سنة على الفاضى اصل انا ولدته بدرى علشان كده اتاخر فى الكلام وطبعا المدارس دلوقتى زى ما اكون هدخل الولد الجامعة و اكتر كمان

ياريت لو سمعتوا عن مدارس تانى تقولونا عليها
انا كنت حابة نارمر بس بعيدة قوى لانى مش بعرف اسوق و عرفت انى لازم اروح كل شوية المدرسة

يالا ربنا يوفقنا جميعا يارب لصالح اولادنا

[كرانكي]

صباح الخير عليكم جميعا
أنا ابني في المدرسة المصرية في grade 3 فرع مدينة نصر مميزات المدرسة
الإلتزام - المنهج ممتاز - تحسي و انتي داخلة المدرسة و الناس اللي بتتعاملي معاها انهم عيلتك ناس لطاف و ذوق -المدرسة منظمة - في اهتمام بالمناسبات الدينية - الأنشطة في عندهم حصة art و في ميديا و في موسيقى و في نشاط اضافي كل خميس الأهل بيختاروه بس انا مش بحسب الأنشطة من المميزات لأن اي مدرسة عايزة تاخد حصص النشاط كلها بتاخدها عادي و يمكن اغلب الحصص بتتاخد خصوصا آخر السنة كمان نشاط يوم الخميس ابني مشترك فيه من سنتين و متعلمش حاجه مفيده و انا بسيبه عشان هو بيلعب مع اصحابو كأني وديته النادي مثلا

بإختصار الأمهات اللي بتحب المذاكرة و الالتزام و التأسيس حتتبسط اوي بس انا مش مبسوطة اوي و مسمية المدرسة جيش بحس انها صعبة امتحانات كتيير دا في شهرمن الشهوركان آخر يوم في امتحانات الشهر كان اول يوم في الكويزز انا ساعات بشفق على ابني من كل دا - بس ناس كتير بتحب كده و بتعتبر ان دا التأسيس -يمكن عشان بقارنها بمدرستة القديمة مانور هاوس في زايد كانت الطف و انشطة اكتر و ملاعب كبيرة و اللغة عندهم اقوى بس سلوكيات بعض الولاد كانت غير منضبطه بعكس الأولاد في المصرية كلهم ولاد ناس طيبين محترمين طبعا مفيش مدرسة كاملة بس انا بقول المدرسة المصرية ماسكة العصاية من النص تعليم ممتاز و أنشطة معقولة بس و لو حد عندو استفسار انا في الخدمة
على فكرة كل تجربتي مع فرع مدينة نصر يعني في أخت هنا حكيت عن عيد الطفولة في الجزء السابق اعتقد انها كانت كوكي 5 او بنت مصر انها حفلة تنكرية و حاجات لطيفة كتير محصلتش معانا - يمكن عشان سنة ثالثة كبار معرفش- بس احنا رحنا بزي مخالف بس بالكتب و الحصص بتاعتنا عااادي و الأولاد معاهم شيكولاته و اكلوها مع بعض و خلاص

[Mamy Heba]

يا اخت نوا نوا بالنسبة لمدرسة منارة الايمان هى فى الحى العاشر بجوار مصلحة الضرائب وهم بيهتموا بالدين فعلا و كنت اعرف عنهم ان ساعة صلاة الظهر بيخرجوا الاطفال كلهم للصلاة جماعة و البنات بيكون معاهم اسدال الصلاة وفيها مدرسين مخصصين لتحفيظ القرآن

[Mamy Heba]

يا جماعة انا بنتى عندها 3 سنين ولسة بدور لها على مدرسة راهبات انجليزى علشان انا بحب فيهم انهم بيعلموا البنت الالتزام يعنى تقريبا كأنها جيش بس بنات ومفيهاش اختلاط حتى الادارة بتكون كلها مدرسات ... مشكلتى ان كلهم اغلبهم فى مصر الجديدة ومفيش لهم باصات للمقطم ومش هينفع ابدا اوصلها و اجيبها كل يوم يا ريت حد يساعدنى لو تعرفوا مدارس راهبات قريبة للمقطم بس انجليزى اون شاكرة جدا وجزاكم الله خيرا

[merehan]

كوكى مدرسة mse ]دى مدرسة مودرن سكول اوف ايجيبت 2000 اللى انتى قصدك عليها دى مدرسة mes ]دى مدرسة التربية الحديثة اللى انتى قصدك عليها modern education school مش هى دى اللى انا قصدى عليها اللى قصدى عليها لل mse اللى بجانب اكاديمية مبارك ودى جميلة جدا من نواحى الدراسة والانشطة واللغة ودة اللى انا عايزاة ودى مصاريفها للpre school قالولى 7000 والباص 1900 للتجمع وان شاء اللة حروح يوم 15 الشهر دة