متابعة kg1 يلة ياماميهاااااات

[kouky5]

ان شاء الله الترم اللي جاي يكون الجو اتحسن ويكون الفيروس قل في انتشاره ...ربنا يحمي ولادنا ويحفظهم

[لوجو]

ياريت يا كوكى بس المشكلة انهم بيقولوا ان الفيروس ح ينتشر اكتر مع الربيع وشهر ابريل
يا ماميهات ارجوكم كل واحدة تقولى ح تعمل ايه لو المدرسة بعتت لها ورقة للموافقة على تطعيم ابنك او بنتك ضد ال swin flu ، ح تعملوا ايه بجد ؟ ح توافقوا والا ح ترفضوا ؟ انا مش عارفة اقرر بعد اللى قريته عن اضرار التطعيم ومشاكلة ، الواحد محتار يطعمهم والا لاء مفيش حاجة مضمونة ، انتم ايه رايكم ؟

[eng.yasmin]

اهلا بيكى ام ملك ، القصة اسمها at the zoo ، تبع ماكميلان برضه ، ورقمها 9781405059862 قوليلى انتى بتودى ملك المدرسة بانتظام ، اصلى بصراحة خايفة ومش باودى لوجى المدرسة واصلا المدرسة قفلت اسبوعين لغاية اول يناير ومش ح اوديها برضه وربنا يستر اصل المدرسة فيها حالات كتير منهم فى الكى جى كمان ، المهم اننى باحاول اذاكر معاها فى البيت وخلصنا مع بعض المطلوب فى شهر ديسمبر ولسه الباقى علشان نخلص مقرر التيرم الاول وده حسب الخطة بتاعة المدرسة اللى بعتوها لينا لما المدرسة قفلت اول مرة ، قوليلى انتى ازاى بتودى ملك بانتظام بتعملى ايه ؟ ربنا معاكى ، انتى عندك كتاب للفونيكس والا لاء ، ده اهم كتاب بالنسبة لرمسيس

اهلا بيكي معانا يا لوجو،كنت عايزة أسألك هي المدرسة فين؟أصلي سمعت عنها بس مش عارفة مكانها والناس بتشكر فيها جدا بس بيقولوا إن المناهج صعبة وبيضغطوا علي الولاد فى الهوم ورك،وقوليلي هي مشتركة واللا لأ والمصاريف كام.

معلهش أسئلتي كثيرة

[eng.yasmin]

المدرسة فتحت أخيرا بعد أسبوعين ،النهاردة أول يوم أوديهم وربنا يسترها،أنا غالبا مش حاطعمهم فى المدرسة ،وحاستني أشوف الوضع حيوصل لأيه وممكن بعد كده أطعمهم عند الدكتورة بتاعتهم.

أبني ظهرت حالة عنده فى الكلاس بس ما تعداش الحمد لله.

وصلنا فى العربي لحد حرف: ر بس منفصلين مش متشبكين
والأرقام لحد رقم:6 عربي وإنجليزي
وفى الإنجليزي: I

ال story: ما سمعتش عنها حاجة من أول السنة وبصراحة مش عايزة أسمع علشان تقريبا أنا اللي شرحت أغلب الحروف وحفظت علشان المدرسة قفلت 40 يوم فى شهرين!!!!!!

للي نسيوا أنا ولادي توأم ولد وبنت فى mse

ال evaluation كان نص ديسمبر وإتأجل لبكرة لما قفلوا المدرسة.

بس خلاص كده التقرير إنتهي

[لوجو]

المدرسة فى شارع لطفى السيد ، قريبة من الكاتدرائية ، وهى فعلا صعبة بس السنة دى مختلفةعلشان الظروف بتاعة الانفلونزا يعنى ، وكمان لوجى مشراحت الا كام يوم يعنى لشه ما اتعودناشعلى نظامهم قوى ، انا اللى باذاكر معاها كل حاجى ومقرراتهم فى الكى جى ماكميلان يو ان مى ، اما المصاريف بتوصل من غير الباص لحوالى 6000 ، على فكرة المدرسة بنات مشمشتركة لكن جنبها على طول فى مدرسة تانية اسمها نيو رمسيس كوليدج دى مشتركة ومصاريفها اكتر على فكرة بتوصل لحوالى 12000 من غير الباص ودى اول سنة يرفعوا المصاريف كده السنة اللى فاتت كانت زى اولدرمسيس بتاعت البنات واهلا بيكى ياسمين وربنا يخللى يارب واتمنى نتابع سوا ، انا وصلت معاها فى المذاكرة لغاية حرف j وفى العربى وصلنا لل ص والارقام لرقم 7 وربنا يسهل والمدرسة ح تفتح تانى بكرة الخميس31/12 ومش عايزة اوديها ولا عارفة ح اعمل ايه فى التطعيم لاننى سمعت عنه كتير قوى وانه اضراره كتيرةعلى المدى ربنا يستر ، اتمنى اكون جاوبت اجاوبك على كل اسالتك وربنا معانا كلنا

[أودي]

ازيكو يا امهات يا جميلات نفسي اعرف حاجه احنا المدرسه الوحيده اللي منهجها مكميلان fingerprints وباقي المدارس you &me مش عارفه ايه الفرق بس محتوى

الوحده الاولى: عن مكونات الفصل من كتاب مدرسه ولد بنت كرسي طاوله ويقول this is a

الوحده الثانيه: my family - ويتعلم يقول I see - الجمع والمفرد

الوحده الثالثه : My Toys - ويتعلم On - Under

الوحده الرابعه: Run - Dance - Hop - ووباقي افهال الحركه يتعلم I have - I has - I can - I can't

[أودي]

ياريت تقوليلي عندكو في الكتب ايه خصوصا اننا معندناش غير كتابين study book - activity book

[kouky5]

ازيك يا اودي ياقمر

unit1: me
unit2: my classroom
unit3: My body
unit4: My family

[أودي]

ازيك حبيبتي كوكي عامله ايه والقمر
الكتب اللي بتقولو عليها عن ايه لاني بفكر اشتريهم بس لما نخلص اللي معانا انتو بتقولو 4 كتب عن ايه

[kouky5]

مش عارفة يا اودي احنا اخدين مجموعة you and me بس اخدنا 3 كتب فقط numbers book ,activity book and pupils book

[لوجو]

تشترى ايه بس يا اودى مش لما نخلص الكتب الاساسسة اللى معانا نبقى نشترى مقررات جديدة ، هى دماغ الاطفال تستحمل ايه والا ايه بس هى دكتوراه والا كى جى وان يا بنتى ما تصعبيش المشالة على نفسك

[لوجو]

فينكم يا ماميهات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[حواااء]

الحمدلله لقيت تجمع للكيجى ون
ابنى عمره لما دخل هذه السنة على الكى جى ون كان ثلاث سنوات وشهر
المهم للان ما استفاد اى شى
لا بيعرف عربى ولا انجليزى وعلى فكرة هما بياخذوا منهج ماكميلان فى الانجليزى وهاركوت فى الماث
الان ليه تقريبا اربعة شهور حتى الف باء موش راضى يحفظهم
حتى التلوبين بيسوى شخابيط
الميس بتقوللى احسن حاجة السنة الجاية يعاود الكيجى ون لانه صغير
ايه رايكم
ساعدونى

[أطايب الجنة 2002]

السلام عليكم
موضوع جميل جدا تسلم إيد المامى اللى كتبته

ونصيحه منى يا حواء لك ولكل أم حرام بجد تدخلوا أولادكم صغيرين وتشيلوهم الهم بدرى ثلالث سنين وشهر يا حبيبتى صغير جدا جدا وهيتعبك جدا فى المذاكرة بعد كده المناهج صعبة بجد
فحرام الولد صغير جدا لو كنتى حابة تدخلية كنت تدخلية بلاى سكوول فيها بياخذ كل حاجه زى كجى وان لكن أورال وبيتعود على المدرسة أنا بشجعك أنك طبعا تعيدى له كجى وان تانى علشان ما يتعبكيش طول عمرة سنة ده بتفرق كتيير فى أستيعاب الطفل وربنا يعينك يا حبيبتى ويجعل لك أبنك أفضل مما تحبين
وجزاك الله خير

[حواااء]

جزاك الله كل خير يا ام ابيجاد
بالفعل صغير
سعدت يتعقيبك جزاك الله خيرا