متابعة kg1 يلة ياماميهاااااات

[أودي]

لا يا حبيبتي انا بطلت اودي ابني المدرسه زيك كده بردو قبل العيد وبعد العيد كنت عايزه انزله لان الكثافه في الفصل بقت 5 او 6 ولكن زوجي رفض وكمان الدكتور بتاع ابني رفض وقال نزلوه بعد شهر 1 لان الخوف دلوقت الفيرس يتحور انت
لو كده ممكن وديه يوم في الاسبوع لقيتي الحال ماشي وديه يومين وهكذا يجيب الشيتس بتعته وابعتلهم يعملولوه مراجعه على اللي فات في اليوم اللي تنزليه ولو هتقلقي يبقى بلاش منها خالص لحد ما الامور تتضح وربنا ييسر لينا يارب الخير ولاولدنا يارب .

معلش اسأل سؤال ايه اخبار المدرسه ورايك فيها ايه

[yomizo]

انا كمان مش بودي بنتى من قبل العيد بس المدرسه كلمتنى قالتلى هاتيها اسبوع ولا اتين قبل مناخد الاجازة عشان تاخد شهاده اما لو ماجتش مالهاش شهاده عندنا مش فاهمه اصلا ايه لازمتها وهى لسه ماطلعتش من البيضه كده الا حركات وبس انا طبعا مش مستغنيه عنها مقابل حركات
ممكن اوديها يوم في الاسبوع الجاى بس وخايفه كمان من الجو المطره والبرررررررد ده هى اصلا مابتصدق شويه هوا وتتعب اوى
معلش صدعتكم
هما اللى انا متبعاه انهم قبل العيد كانوا وصلوا في العربي لحد 5 وحرف ح
والانجليش بعد العيد وصلوا لحد f و5 برده
والاكتفيتي خلصت وبداو تانى
انا ببعت اجيب الهوم وورك بتاعها من المدرسه نعمله ونراجع انا وهى مع بعض في البيت وبس
ربنا يسترها على ولادنا جميعا السنه دى

[mrsmohsen]

اودي المدرسه لغايه دلوقتي هايله ملتزمين في كل حاجه و كل اسبوع بيبعتوا اللي اخدوه و ماشيين بمعدل كويس و بياخدوا اغاني كتيره عربي و انجليزي و الارت طبعا و PE ده غير نظافه المدرسه و الاهتمام بنظافه الولد نفسه و كمان مواعيد الباص ثابته و المشرفه مؤدبه و ملتزمه قوي

[أودي]

مدرسه اخناتون فين حبيبتي في التجمع صح والمصاريف كام والباص

[mrsmohsen]

ايوه في التجمع الخامس و المصاريف 7800 و الباص 2000

[لوجو]

انا مامة لوجى ،وديتها المدرسة لغاية دلوقتى حوالى 8 ايام متقطعين وكمان مدرستها قفلت اول التيرم اسبوعين وقافلة دلوقتى اسبوعين كمان والوضع مش يطمن خااااااالص ، انا باذاكر دلوقتى معاها فى البيت ومعايا كل كتبها والمدرسة عملت لينا جدول نمشى عليه فى المذاكرة لما قفلوا وربنا يستر على كل الاولاد يارب
ح اتابع معاكم كل حاجة من هنا ورايح انا مبسوطة بيكم قوىىىىىىى وبالفكرة الجميلة دى ، اصل اول مرة مدرسة وفى الظروف الملخبطة دى حاجة صعبه علينا كلنا وياريت كلنا نساعد بعض ونستفيد من خبرات بعض
اتمنى تقبلونى عضوة معاكم وشكرا ليكم كلكم

[لوجو]

عزيزتى yomizo ممكن تكون مش حركات من المدرسة ولا حاجة خللى بالك ممكن يكونوا بيتكلموا جد لان كل مدرسة ليها طريقة فى التقيم يعنى فى مدارس بتعمل امتحان نهائى وفى مدارس بتعمل تقيم عام طول السنة وبتدى درجات على كل حاجة سلوكيات البنت ونشاطها وكل حاجة يعنى انا رايى انك لازم تتاكدى من الموضوع ده وتعرفى طريقة تقيم المدرسة ايه ؟ صحيح خايفين على اولادنا وكل حاجة لكن كمان حرام نضيع عليهم سنة من عمرهم وربنا يخليهم يارب

[أودي]

ازيك لوجو معانا ويارب كلنا نفيد ونستفيد من السنه دي انا بردو قعدت ابني وديته اول شهر وبعد كده قعد من العيد

[أودي]

لوجي في مدرسه ايه

[لوجو]

لوجى فى اولد رمسيس كوليدج ، واهلا بيكى اودى وربنا يحمى كل الاولاد والبنات يااااارب

[لوجو]

وانتى ابنك فى مدرسة ايه ؟ وايه الكتب بتاعته لوجى بتدرس مقررات ماكميلان you and me

[kouky5]

اهلا بيكي يا لوجي معانا .. احنا كمان المصرية للغات مدينة نصر قفلت وبنذاكر من منازلهم

احنا المفروض العربي في الترم الاول نخلص لحرف ال ش والارقام ل 5
الانجليش الحروف كلها قراءة والماث لحد 5
قولي انتم يا ماميهات نظام مدرستكم ايه في الترم الاول

[لوجو]

ميرسى ليكم ولترحيبكم بيا ، ربنا يخليكم ، المهم ،عندنا فى التيرم الاول اربعة يونيت فى كل كتاب من كتب ماكميلان ، الاكتيفيتى والارقام والبيوبيلز ، اما العربى لغاية حرف الضاض ، والقصة لازم نقراها كل يوم ، انتم اخباركم ايه ، قوليلى يا كوكى انتم بعد الاسبوعين ح يكون فيه دراسة والا خلاص

[أم ملك و مريم]

انا ملك جارتك ورا مدرسة رمسيس كوليدج انا ملك في راهبات النوتردام ديزابوتر بتاخد بردو منهجكم ماكميلان يو اند مي بس مش عندنا القصة ممكن تقولي القصة اسمها اه و هلي هي ماكميلان و لا لأ و لو ينفع تحطي الرقم الدولي للقصة الي بيبدا من 978 عشان اجبها من المكتبة

ملك وصلت لغاية ال 20 في الماث
و حرف ال ش في العربي
و حرف ال k في النجليزي

و كل شوية يغمللهم ريفيجين و مراجعات صراحة المدرسة ممتازة

[لوجو]

اهلا بيكى ام ملك ، القصة اسمها at the zoo ، تبع ماكميلان برضه ، ورقمها 9781405059862 قوليلى انتى بتودى ملك المدرسة بانتظام ، اصلى بصراحة خايفة ومش باودى لوجى المدرسة واصلا المدرسة قفلت اسبوعين لغاية اول يناير ومش ح اوديها برضه وربنا يستر اصل المدرسة فيها حالات كتير منهم فى الكى جى كمان ، المهم اننى باحاول اذاكر معاها فى البيت وخلصنا مع بعض المطلوب فى شهر ديسمبر ولسه الباقى علشان نخلص مقرر التيرم الاول وده حسب الخطة بتاعة المدرسة اللى بعتوها لينا لما المدرسة قفلت اول مرة ، قوليلى انتى ازاى بتودى ملك بانتظام بتعملى ايه ؟ ربنا معاكى ، انتى عندك كتاب للفونيكس والا لاء ، ده اهم كتاب بالنسبة لرمسيس