الترجمة الانجليزية

[anewwife]

دلوئتي أول درس قواعد وأول درس مفردات إن شاء الله
بالنسبة للقواعد
هانبدأ بتكوين الجملة البسيطة اللي هيا لازم تشتمل على فاعل وفعلا ومفعول
الفاعل إما يكون اسم زي أحمد أو ضمير زي HE, She....
الفعل بيكون له زمن طبعا إما مضارع أو ماضي أو مستقبل
والمفعول بردو بيكون إما اسم أو ضمير
He للمذكر
she للمؤنث It لغير العاقل
الأزمنة دي بقى قصة طويلة بس لذيذة موت
المضارع بينقسم لأقسام كتيرة, أهم حاجة في الزمن انك تعرف امتي تستخدمة, يعني مش مجرد استعمل قواعد عشان نحل اسئلة المتحان, هانمسكها واحدة واحدة والله المستعان,
المضارع البسيط بعبر بيه عن الحقائق والعادات الثابتة, يعني انا لو بصحى كل يوم أشرب شاي تبقى دي عادة ثابتة وبالتالي استخدم معاها مضارع بسيط, وبيتكون من إضافة حرف (S) للفعل في حالة المفرد مع He, she, it والأسماء التي تحل محلها
I drink tea every morning
She drinks tea ecery noon
وطبعا في كلمات بتدل على الزمن دة زي كلمة every, often, always, usually
المضارع البسيط هو أول درس في كتاب القواعد اللي قلت لكم عليه ياريت بجد تشوفو الكتاب دة

[anewwife]

بالنسبة للمفردات مثلا هاناخد شوية كلمات متعلقة بالأكل
boil يعني يغلي
Fry يعني يقلي و Fried يعني مقلي
bake يعني يخبز baked مخبوز
grill يعني شوي grilled يعني مشوي
بالنسبة لقائمة الطعام في اي مطعم اسمها menue
الأكل في المطعم بيكون عبارة عن courses يعني زي حلقات الأول نبدأ بالـ starters يعني المقبلات والسلطات وبعدين الـ main dish يعني الطبق الرئيسي وبعدين desserts يعني الحلو
وصف الشيء انه دسم أقول Greasy
اللحم بيكون مطبوخ على طريقة من تلاتة إما over-done يعني مستوية أوي أو mediume يعني متوسطة أو underdone يعني يادوبك مستوية
stodgy معناها صعبة الهضم
tasty يعني لذيذ
sour يعني طعمة حمضي, مزز يعني بالمصري
salty مملح أوي زيادة عن اللزوم
spicy حار وعكسها mild
vegetables يعني خضروات
herbs أعشاب
seafood أنواع بحرية من أماء وجمبري وكده
Meat لحوم
chicken دجاج

[anewwife]

بالنسبة للكلمات المتعلقة بالملابس
روب يعني dressing gown
كم يعني sleeve
حزام belt
جيب skirt
بلوزة blouse
شبشب slippers

أنواع الخامات مثلا منها
حرير silk
cotton قطن
leather جلد
wool صوف
velvet قطيفة

بالنسبة لنقشات الملابس
مقلم عريض يعني striped
مقلم رفيع يعني pin-striped
منقط يعني polka-dotted
منقوش على شكل ورد يعني flowery
مربعات يعني checked
سادة يعني plain
مربعات كبيرة كذا دور فوق بعض اسمها tartan

شوية أفعال خاصة بالملابس
تأنق يعني Dress-up
يجرب أو يقيس هدوم عليه try on
يخلع ملابسة take off
على مقاسه بالظبط fit
يتناسب مع أو يتلائم يعني match
tight يعني ضيق أما أحب أقول عايزة أوسعه أقول let out
loose يعني واسع لما أحب أقول عايزة أضيقه take in
قصير يعني short لما أحب أقول عايزة اطوله أقول let down
long يعني طويل أما أحب أقول أأقصره اقول take up
حاجة مش ماشية مع الموضة بنقول old-fashioned
على الموضة بنقول fashionable
اشوفكم على خير إن شاء الله