مشاركتي في مسابقه انا وزوجي والحمل
بجد مسابقه اثرت فيا وهي حلوة ومفيده جدا
ويارب كل حامل تستفيد من كل تجربه تقراها
وجزاكم الله خير
وبشكر صاحبه فكره المسابقه والمساعدات في الموضوع والمشرفات والمنتدي علي كل شئ جميل يقدموة لنا
احب اشارككم بتجربتي واتمني تفيدكم وتعجبكم
تجربه الحمل هي تجربه حلوة وصعبه لكل انثي
ازاي تفهمها وزوجها يستوعبها ؟
ولو محصلش هي تتصرف ازاي؟
وتتعامل مع بيتها ونفسها وزوجها ازاي؟
كل ده مهم وهنعرفو مع بعض
اول خطوة
عرفت الحمل بدري اوي من الشهر الاول
كنت تعبانه كتير عندي صداع مستمر لمده اسبوع واخيرا جبت اختبار حمل مبكر
وعملته وكان الخبر
وبدايه طعم العسل فرحت جدا جدا
وهو كمان اول ما عرف فرح اوووووي وابتسم وحسيت بفرحه احساس الاب بتنط من عنيه
وطبعا لانه بدري كانت الايام طويله
داب العسل ابتدت المتابعه والسونار
من الشهر التاني والادويه والتعب والوحم
طبعا المصاريف ابتدت واحساس المسؤليه ابتدي
كنت مبطقش ريحه السجاير وكام اكله واحساس الدوخه مستمروظهري بيوجعني ومبقدرش اقف كتير
وكنت باخد مثبت ولكن كل شئ علي الله
استحملني شويه وبقي يودي هدومه للمغسله عشان يريحني من الغسيل والكوي رغم ان عندي اتوماتيك
وبقي يجيب ساعات اكل من بره وبيبعد بالسجاير بعيد
لقيته بيريحني علي قد ما يقدر وبيسالني دايما نفسي في ايه عشان يجبهولي
ولكن في التالت ابتديت احس انو زهق وحاسس بالتقصير وبيعاني وخصوصا انو مشغول ومضغوط من المسؤليات
سكت حبه وعملت نفسي مش واخده بالي
وفهمته الوضع واللي قريته علي النت من تغيرات هرمونيه وتاثير البيبي علي الام وان ده بياثر في نفسيتها
بس حسيت برضو انه زهقان برغم عدم كلامه وابتديت اتثقف اكتر واحس بالملل اكتر
وتفتكرو لقيت ايه
لقيت ان كل حامل ممكن من شويه لمسات او حاجات بسيطه ممكن تغير حياتها للاحسن
وتحسس الراجل انها بتعمل كتير ويبقي طاير بيها
اقولكو لقيت ان لازم يكون في اهتمام بالراجل لانه بيغير وبيضايق لما يحس بالاهمال
فهو رب البيت اللي بيتعب ومسؤل عنك محتاج كلمه كويسه منظر كويس
اهتمام بمطالبه ولوبسيط
وده اللي عملته
يعني بدل ما كل حامل ما تروح مش طايقه جوزها ومتهتمش ابدا بنفسها وتكبر دماغها خالص من كل شئ في البيت وتقول اعمل ايه مش بايدي وتزود مطالبها
جدا ده بيعمل بعد وجفا وشرخ ما في العلاقه صعب تصليحه لذلك معظم البيوت تحس ان كل زوجه في عالم والزوج في عالم اخر
المطلوب وده اللي عملته معاه
ابتديت اهتم بنفسي والبس لبس مش ضيق ولاواسع مبهوق متوسط
الوانه مبهجه اظبط من شعري وشكلي
حاجات مش هتاخد نص ساعه هتريح الحامل نفسيا لانها هتحس انها مش مكعورة ومنفوخه وخلاص
فاجئته وابتديت اغسل ما هي اتوماتيك يخلص بالليل وانا مريحه والصبح انشره وعشر دقايق اكوي قميصين
يجي يلاقيهم فيفرح اوي اني فكراه واهتميت بي وريحته من تفاهات البيت كفااياالشغل
ابتديت لما اشتري اجيب حاجات خفيفه في العمايل سهله التحضير وهو بقي بيفرح باي شئ اقدمه ومبيتعبنيش في العمايل
وابتديت لنفسي عشان شكلي ميضايقنيش ومنظري ميفتحش علي البحري وابقي دولاب متحرك بقيت احاول اختار اكلي كان الخبز بر اغلب الاوقات ازود خضار وفاكهه طبعا وبروتين ونشويات وكالسيوم واحاول امشي في البيت عشان مزيدش اوي وفي نفس الوقت مضرش البيبي واسهل لروحي بعد الولاده
وكان لده تاثير حلو معاه ابتديت احسسه بالفرحه تاني اللي كانت بالاول واحس بمساعدته ليا
وخليته يسمع دقات البيبي ويحس بيه وكان فرحان وننزل نجيب كل حاجه سوا
وخليته يحس ان حياته طبيعيه
وشغلته بالبيبي نفسك فيه ايه ولد ولا بنت
ويا تري ان شاء الله نسميه ايه
وابتدي يدور معايا علي اسامي بنات وولاد
وحسيت انه متشارك معايا
ابتدي لما يلاقيني بعمل اي حاجه متتعبيش نفسك ريحي
بيفطر نفسه
بقت الحياه متقاسمه وفيه تشارك منه معايا
الفايده النهائيه اللي طلعت بيها من الموضوع ان الانسان
لما ميكونش اناني لنفسه فقط بيلاقي اللي يرضيه
لان لكل فعل رد فعل
يعني لو واحده حامل مش طايقه جوزها بلاش مش طايقاك ريحتك وحشه بلاش كلام جارح لانه انسان وبيحس
ممكن باسلوب رقيق تظهري تعبك وتشرحي بطريقه حلوة
ولو مقصره في البيت وطلباته يبقي حاولي بطريقه حلوة برضو تشرحيله التغيرات ومره في النص تيجي علي روحك وتعمليله طلباته
وربنا يهنيكو كل الحوامل ويرزق كل مشتاقه واتمني اكون افدتكو
تعليق