مين عندو حل ويقدر يساعدني

[ziko86]

السلام عليكم خواتي كيفكم عساكم بخير انا عندي مشكلة و حابة اعرضها يمكن الاقي حل عندكم او اشي يواسيني
انا مغتربة في السعودية وصارلي سنتين هون
ومو شايفة اهلي و كتير مشتاقيتلهم ومو عارفة شو اسوي وجوزي مو راضي ينزلني اشوفهم لانه ما بحب اهلي و مو صحبة معهم
طبعا هو جاب اهله هون و قعدوا 3 اشهر وشافهم و بس احكيله انا مشتاقة لاهلي بحكيلي مو ضروري
تشوفي اهلك انا شفت اهلي و ما بدي انزل عالاردن
وطبعا امه وابوه بس يجوا بنمضيها مشاكل بسببهم واكتر من مرة وصلت للطلاق بينا بسببهم و بضلهم ينقوا على راسه بكل اشي بحسهم ما بحبوا يشوفنا مبسوطين مع بعض
و طبعا بدهم يصيروا كل سنة يجوا
و بحكيلي خلص ما حننزل عالاردن انا حجيب اهلي هون زيارات و يقعدوا مسموحلهم كانه 5 اشهر وبدو يجيبهم ويضل يجددلهم
وانا مو راضي يخليني انزل اشوف اهلي وانا مشتاقيتلهم كتير و صرت افكر بدي اطلق منه و اخلص ولا شو اعمل
وبس احكيله اهلي بحكيلي اختاري بيني وبينهم
هو كتير منيح معي بس مشكلته اهلي و بس يجوا اهله بصير واحد تاني
كيف بدي اخلي اهله ما يجوا هون انا قرب يصيبني اكتئاب
وصرت كل يوم احلم كوابيس
شو اعمل معي ولد وما بدي اطلق
بس بدي اشوف اهلي كمان
شو اعمل ساعدوني
صارلي سنتين بالسعودية مشتاقة لاهلي
شو اعمل ساعدوني

[rayhanati2]

اختاري وقت يكون فيه زوجك رايق وكلميه بكل حنان وهدوء لان العنف والصراخ لايجدي شيء, انشاء الله يهديه ويوافق على ذهابكم لزيارت اهلك

[نور العيون123]

ربنا يفرج كربك ويشرح صدرك

أولا اقرئي سورة البقرة كل يوم بنية أن يفرج كربك

ثانيا ما هو سبب عدم موافقته ؟اذا كان السبب المال حاولي تدبري

من مصروف البيت وممكن تطلبي من اهلك يساعدوك ماديا في مصاريف السفر

ثالثا ممكن تقترحي عليه بدل ما يجيب اهله تروحوا انتم هو يشوف اهله

وانت تشوفي اهلك وتجلسوا شهر وترجعوا وعرفيه انه بيتغير لما اهله بيجوا

وكده افضل عشان علاقتكم تفضل حلوة

رابعا اطلبي ن اهلك يتصلوا عليه كتير ويكلموه يطلبوا منه انه ينزلك

ويضغطوا عليه واذا رفض كله جربي اسلوب الضغط واذا رفض

خدي موقف منه وخليك زعلانه شوية وشوفي ردة فعله

وحاولي تكلمي اهلك كتير على النت صوت وصورة

وهو ممكن يبعت لهم زيارة عل فكرة قولي زي ما بتشوف اهلك

وانت رافض نزولي ارسل لهم زياره وبالمرة يعملوا عمرة

لا تفكري بالطلاق طالما هو مليح معك الحمد لله تمتعي بحياتك

معه بقية العام واصبري على الباقي

على فكرة انا قعدت سبع سنين ما انزل لاهلي وصبرت واعر ف واحده عشرة

[oum saad]

الله يهون عليك فعلا زوجك حرام عليه يحرمك من اهلك ويخيرك بينهم وبينه هم اهلك وهو زوجك وابو ابنك
خليك لما يكون رايق وتكلمي معاه بهدوء وان شاء الله خير
اتمنى البنات يفيدوك اكثر

[بديني أحيا]

الله يهدي زوجك ...

لا تربطي المواضيع ببعضها ،،، طالما انه طيب معك لازم يكون هناك ثغرة

تقدري من خلالها تقنعي زوجك .... وانتي كلمي أهلك خليهم يتواصلوا معكم

دايما ويكلموا زوجك لكن مش فموضوع نزولك وزيارتك لهم ،لا يكلموه على أساس

مشتاقينكم ويبغوا يتطمنوا عليكم,,, ومصيره يلين بس انتي حاولي معه بطرق حلوه

ولا تيأسي وربك بيفرجها،،، وبالنسبة لأهله فيا حبيبتي ما في داعي للمشاكل ولا

تذكري لزوجك انه لما يكونوا أهله موجودين انته تتغير ،، صدقيني غلط خليك طبيعية

وقومي بواجبك تجاهم لوجه الله وارضاء لزوجك وبكذا راح تضربي عصفورين بحجر

كسبتي محبتهم ورضا زوجك ويمكن منها راح يحس فيك .. ولا تفكري بالطلاق

وتخسري حياتك ...

آسفه جدا على الاطالة

[ام شهدوعبد]

الله يعينك يا اختي
الموضوع صعب ولانه متغربة متلك حاسة فيكي
الموضوع صعب
انا متل راي البنات
قليله
انا مابدي انزل ما بقدر اقعد من دونك
وحابة اشوف اهلي ياريت تجيب اهلي زيارة شهر بس لاني مابدي اتقل عليك
هيك بشوفن وبضل معك مابفارقك
وبهالكلام ممكن يفكر ويغير رايه
حسسيه انك ما بتستغني عنه وبنفس الوقت بتشتاقي لاهلك

[ziko86]

والله يا خوات كل اللي حكيتوه عملته و هو معند ومو راضي وهو مابحب اهلي لانه صار مشاكل بينهم ايام الخطوبة و لهلا بضل يحكيلي لا تجيبيلي سيرتهم بدك تحكي معهم لا تحكيلي و قبل فترة بس اولدت اهلي بعتولي اغراض لابني اجا مسكهم و رماهم بالزبالة و كتير ايام بضل يسب عاهلي و عامي و ابوي و اخواني و انا بنقهر من جواي كتير بس بسكت وصار قدام الناس يحكي خلص الواحد ليش بدو ينزل عالاردن ما دام بقدر يجيب اهله و يشوفهم يعني ما بحترم مشاعري بهالشغلة كمان
و المشكلة بس يجوا اهله بضلوا يعملولي مشاكل معه و بسمعوا فيه حكي و بس ندخل ببلش هو و بنتخانق و اكتر من مرة وصلت للطلاق بينا من ورا اهله وكلامهم و صرت كل ما بدو يقول بدي اقدم لاهلي يجوا زيارة و يروح يقدملهم اضل ادعي و ادعي انه ما يقبلوا السعودية معاملتهم بس شو احكي تجري الرياح بما لا تشتهي السفن
وكتير حاولت احكي معه بالحسنى بس ما في فايدة و انا كتير تعبانة نفسيا انا مو بمكان بعيد عن اهلي ليحرمني منهم بين السعودية و الاردن 3 ساعات طيران و الحمد الله جوزي مقتدر ماديا ليش يحرمني يا ربي
ايام بحكي يا ريت بعرف حد يقدر يمنع معاملت اهله الزيارة تزبط بس الواحد ما اله غير ربنا

[زوجي تاجي]

الله يعينك ،، انا مش عارفة كيف بتحكي انه منيح معك ،، يعني ايش ضل يضربك ،، اذا وصلت يسب اهلك فرد فرد امام عينك ،، ويحرمك من الزيارة مع انها قريبة ،، انا كنت مغتربة والان عايشة بالاردن ما سمعت ابدا عن وحدة بالسعودية وما بتنزل اجازات ،، يعني البنات بنزلوا بالسنة مرتين وتلاتة مش تجلسي من غير سبب قاهر سنتين ما تنزلي ،، بصراحة الان يجب انك تتخدي خطوات عملية ،، انا ما بحب اشجع اي وحدة تعمل مشاكل مع جوزها ،، بس انت هيك بتتنازلي كتير وبتخليه يتعامل معك كانك جارية لمتطلباته واهله ،، فكري كيف ممكن تتصرفي معاه اذا حردك وزعلك منه بأثر حاولي ،، حتى ممكن تدخلي حدا من معارفكم في الموضوع ،، وتخليه يحكي معاه بجدية ،، خوفيه من الله ،، خبريه انه القطة لما حبست دخلت المرأة النار بسببها فما بالك بانسانة عاشت مع اهلها عشرين سنة او اكثر وفجأة تقطعها وكانها بلا اهل او يتيمة ،،
الامر الاخير اظن ان طباعه بانت من ايام الخطبة وللأسف البنات يستمروا في الزواج رغم كل الخبايص التي تظهر في فترة الخطوبة خوفا من ان يتحدث عليها الناس ،، اما ما ستعيشه من مأسي بعد الزواج فلا يفكر فيه لا الاهل ولا الفتاة ،، فرج الله كربك واعانك على زوجك

[-بلسم الجروح-]

اختى الغالية:
على الرغم من بساطة كلماتك
الا انها يعلم الله اخترقت قلبى
وشعرت بلهفتك وحنينك الى اهلك ووطنك
جمعك الله بمن تحبين
فى جنات النعيم
على سرر متقاربين
اختى:
احتسبى كل لحظة وكل يوم وانت تعانين بالبعد عن اهلك
فى سبيل الله
كما انه غاليتى من الممكن ان تقربى المسافات والاميال
بعالم النت المفتوح والمترامى الاطراف
حاولى ان تكلميهم دوما
افتحى الكاميرا
اسمعيهم صوتك واسمعى صوتهم
ادخلى له من باب طفلك الصغير
انه يجب ان يكون له اوراق رسمية بالاردن
والا اصبح عودته معكم مرة اخرى الى هناك
صعبة جدا
وقد يحرم الى الابد من وطنه

حاولى ان تذكريه باصدقائه
باماكن محببة له
ايام الجامعة ادخلى له من باب
الحنين لايام الوطن

لا تذكرى اهلك أمامه

قولى له لو اخدنا هدايا لاهلك هناك
سيكون شئ رائع
ويترك لنا اثرا هناك
لكن زيارتهم تنتهى
ربنا يفرج كربك
وتزورى اهلك يا رب
واهم شئ ما تعلقى نفسك بالزيارة
وتصير اكبر همك
وليل نهار تفكر فيها
حتصير حياتك جحيم
اتركيها لله
واكثرى من الدعاااااء

[toma2]

الله يساعدك جد الموضوع مزعج
طيب ما في حدا يمون عليه و يحكي معه حتى يقنعه بضرورة نزلتك
بس لتغيري جو يعني بحدود شهر و هو ينزل معك يعني لهدرجه
ما بيشتاق يشوف اخواته و اخوانه و اهله لو حتى بيشوف امه و ابوه
بس يعني الاجازة لا غنى عنها طمنينا شو بصير معك

[ام شهدوعبد]

والله يا اختي موضوعك صعب كتير
اذا متل ما عبتقولي وبرمي الهدايا وبسب على اهلك لا هيك الموضوع زاد عن حده كتير
وبس عودتيه انك تسكتي ممكن يتركك سنين بالغربة وقصدا كل سنة يجيب اهله حتى ما يخليكي تنزلي اجازة
بعدين قليله حتى لو انت ما بتحبن ماحدا طلب منك تزورن بس واجبي ازورن
اهلك ربوكي وتعبو عليكي مو مشان تتجوزي وتتبري منن بسبب جوزك
اسفة لهالرد بس حبيبتي انا حطيت حالي محلك ومستحيل اصبر
مالك غير حل واحد
يجو اهلك عمرة ويشوفوكي وين ماكنتي يجو لعندك
احكي معهن بالسر
وطلبي منن يجو عالعمرة
انا مابعرف انتي وين بالسعودية
بس انا بالرياض
اذا اجو اهلك عمرة وطلعو لعندك بشوفوكي وهيك جوزك ماله علاقة ابدا
واي مساعدة انا جاهزة
بالنسبة للزيارة مستحيل تقدري تمنعيها
كنت انا منعتها بالايام اللي كمان بتمنى امنعها هههههههههههه
المهم شوفي شو بصير وقليلي واي خدمة انا جاهزة لا تتردي قليلي
واذا بدك ببعتلك رسالة خاصة حتى ترديلي برسالة خاصة عن التفاصيل
الله يفرجها عليكي يارب

[ziko86]

للاسف انه لو دخلت حد في الموضوع حيعند اكتر وما يسمحلي انزل ويصر على رايه الاخت بلسم الجروح انا دخلت عليه من باب طفلي الصغير و اوراقه لكنه اعطى الموضوع لابوه و هو يعمله كل الاوراق
الاخت زوجي تاجي انتي محقة الخطأ كان في البداية من الخطوبة ولكن النصيب نصيب وما يغص في قلبي اني ارى الكثير من معارفنا هنا تذهب نسائهم لاهلهم الشهر و الشهرين دون ازواجهم حتى و عندما ارى هذا يبقى في قلبي غصة تخنقني و كلما اذكر هذه الموضوع ابكي بحرقة بالغة
ادعولي يمكن الله يفرج همي بدعوة منكم و اقدر اصبر اكتر

[ziko86]

اخت ام عبد وشهد مشكورة كتير انا بالخبر و بعيدة عن مكة و بالنسبة لاهلي انهم يجوا عمرة ويجوا مكان غير مكة و المدينة عالرياض متلا او الخبر فممنوع و اهلي اجوا عمرة و مع ذلك ما رضي ينزلني عمرة انا صرت احسه بجاكر اهلي

[ام شهدوعبد]

اخت ام عبد وشهد مشكورة كتير انا بالخبر و بعيدة عن مكة و بالنسبة لاهلي انهم يجوا عمرة ويجوا مكان غير مكة و المدينة عالرياض متلا او الخبر فممنوع و اهلي اجوا عمرة و مع ذلك ما رضي ينزلني عمرة انا صرت احسه بجاكر اهلي

حبيبتي بقدرو يجو لعندك اذا طلعو فيزا حرة مو فيزة عمرة
انا احيانا بيت احماي يطلعو فيزا حرة
ويجو لعندي عالرياض
ويسافرو بعدين عسوريا
خلي اهلك يسالو عن هالموضوع
لازم يكون في حل
وان شاء الله بقدرو يطلعو عن قريب وبيجو لعندك عالبيت
غير هيك جوزك مارح يخليكي تشوفي اهلك ابدا
جوزك عنده حب التملك
وهو عبحاول يتملكك بحيث انتي اله بس وماشية على رايه بس
الله يهديه
شوفي اذا اهلك بقدرو يطلعو فيزا حرة ولا لا
وانا عبستنى اعرف اخبارك
حتى اذا ما انحلت الامور لا قدر الله
نفكر بحل تاني
وان شاء الله رح تنحل امورك قريبا

[نور في محراب]

اختي ربي يكون فعونك
ماالك الا الله والدعاء
وربي يهديه ويحنن قلبو عليك
ويخليك تشوفي اهلك عاجلا غير اجل