تويت
موضوع اااخر عن تعدد الزوجااات 
-
-
شكرا لك هند على المرور
ولا* تجعلني* من* الغافليناللهم* استر *عورتيو اقبل*عثرتي،و احفظنى* من* بين* يدي و من* خلفي،وعن* يميني* و *عن* شمالي ،ومن* فوقي* ومن*تحتي ،
تعليق
-
السلام عليكم
تحية طيبة
الاخت (بلا فلسفة ):تقولين أقول ياااااااااااامن تأمرون النساء بالمعروف وتنسون أنفسكم ! والله المستعان.
اقول لك ان الله امرنا رجالا و نساءا بالمعروف و من نسي فقد نسي نفسه فان فسقت النساء ليس بعذر لفسوق الرجال و ان طغى و ظلم الرجل ليس عذرا ان نبتعد عن سنة رسول الله
و اقول ان مفهوم الرجل و المرأة الذي تتحدثين به هم مفهوم مستورد من دول الانحلال لا نتعامل به نحن المسلمون، فالمرأة هي امي و اختي و زوجتي و ابنتي فهل المرأة عدوتي !!!!!!!
لله درك كيف تفكرين !!!!!!
و تهاجمين الرجال ،اليس منهم اباك و اخاك و ابنك و زوجك فهل هؤلاء اعدائك !!!!!!
ان نصوصنا الشرعية لا تخاطب الرجال و النساء كل على حدة و لكن خوطبنا بنصوص عامة لا تمييز بين الرجل و الانثى و لم نسمع في تاريخنا عن هذه الافكار الا في القرن الاخير و على السنة لا تعرف ما تقول و ما تفعل بالامة!!!!!!!!!!!!!!!
فاي نص هذا اللهم لا تؤخذنا بما فعل الذكور السفهاء منا وبنا...! ونجنا وارحمنا يا أرحم الراحمين...
الله اكبر حتى الادعية جعلتموها ذكر و انثى ؟؟؟؟؟؟
ثم ان صانعي القرار التافهين لم يظلموا المرأة وحدها و انما ظلموا الامة كلها
تفكري اختاه من اتى الى الخلق اولا الجاجة ام البيضة !!!!!!
و اقول ان فسوق الرجال نتيجة تربية امهاتهم الهاملات و الامهات الهاملات اصبحن هكذا لان رجالهم فاسقين
بهذه الطريقة ندور في حلقة مفرغة اسمها الرجل و المرأة ضحكوا علينا بها و نحن نرددها كالببغاوات دون ان نعقلها
و تقولين أنه وبإذن الله تعالى سينصر المسلمون إن حدث و صلوا رجالنا فروضهم الخمس بالمساجد ولو لم يستاكوا والله أعلم..
اقول اسباب نصر الامة قال فيها العلماء و ليست هكذا و لكن الغريب ان نصر الامة برأيك بهداية الرجال !!!!
اوليست المرأة مسلمة ايضا ؟؟؟؟ اوليست انسانة يحاسبها الله ؟؟؟؟ اليس مطلوب لها الهداية !!!
عدنا من جديد لدائرة الذكر و الانثى !!!!!!!!!!!!!!!!!!!!!!!!!
ايجب علي الان ان اشن هجوما على النساء كوني رجل و احمل مسؤولية خراب الامة من الكاسيات العاريات التي تملئ شوارعنا و تلفازنا ؟؟؟؟؟؟؟؟
ان بقينا هكذا فلن نتقدم خطوة واحدة لأن اسهل شيئ في هذه الدنيا هو القاء اللوم على الاخر .
مع اننا بعدنا كثيرا عن موضوعنا الرئيسي لكن كان لا بد من ذلك حتى تتوضح الامور
النتيجة النهائية ان موضوع التعدد في واد وردك في واد اخر
و امر اخير و هو ان الفلسفة معناها حب الحقيقة و طلب العلم و الفلاسفة هم العلماء و الحكماء في كل عصر !!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟!!!!!!!!!!!!!!
و اعذرونا ان أخطئنا بحق احد منكمتعليق
-
التعدد شرع
بس مو اي امراه تسطيع تحمل وجود امراه أخرى في حياتها وحياة زوجها
ممكن جدا تمرض مرض نفسي وتسقط مريضه
وممكن حال الاولاد يتدهور للأسوأ
وممكن الرجل فجأه يجد انه مش قادر على العطاء كل ليله والشرع معاه وبكذا المراه لو احست بالرغبه فين تروح
وترى بعض السيدات عندها عزة نفس وكرامه لو كان زوجها لها وحدها تقدر تطلب
لكن لو تعرف انه فيه غيرها يمكن تقول ماله نفس او يمكن احرجه بطلبي للفراش لأنه يمكن خلاص ماعاد يقدر
اعرف سيدات كثير يشتكو من تدهور ازواجهم في التعدد
يعني بدال ماكان يجامعها يوميا او اسبوعيا صار يجامعها كل اسبوعين مره لأنه تعب من كثرة المجامله وصار يتصرف براحته
واعرف زوجات كثير انحرفو ووالله يشهد على كلامي
لانه فقدت حب زوجها وعاطفته والدفء في الفراش
بسبب تعدد النساء في حياته
لمتى يقدر يعطي زوجتين او ثلاث نفس الشي؟
لازم يجي يوم ويقرر انه هذي اللي اقدر اعيش معاها وانا مرتاح
اما هذي وهذي ماينفعوني خلاص
لازم يجي يوم ويختار وحده تسكن قلبه وعقله والأخريات يعيشو معاه على الهامش
صدقوني رجالنا ماعادو زي زمان
الرجال حالهم اتدهور ولا احنا عارفين السبب
او عارفين الاسباب وساكتين
الرجال اختلفو عن زمان
كانو فعلا زمان رجال وقدها وقدود حتى لو عدد
الآن الرجل اصبح ضعيف حتى مع زوجه وحده
ولما يفكر في الزواج بأخرى فهو تفكير ناتج عن جهل او نصيحه متخلفه من غيره
مثلا سمعت مقوله والله لو يقوها عالم ماصدقتها
يقولك الرجل الشايب او كبير السن او حتى اللي في سن الاربعين لو يتزوج وحده شابه صغيره فهو يأخذ من شبابها وتعيد شبابه له
بالله تصدقو هذا الامر؟
والله حتاخذ هي اللي بقي عنده ويمكن تدور لغيره لو جاها وقت ماعاد زوجها يشبعها عاطفيا وجنسيا
واعرف رجال كثير يجو لولد عمي في الصيدليه كبار سن وعجايز يطلبو حبوب فياغرا وغيره ويقوله متزوج وحده صغيره وابغى افرفشها
لمتى انت قادر على هذا العطاء؟
فين تروح هي بعد كم سنه وكيف حتعيش حياتها مستقره؟ انت بكيفك عشت حياتك وتبغى تاخذ زمنك وزمن غيرك؟
بعض البنات يشتروهم شرى من اهليهم لاحول لهم ولاقوه
بفلوسه العريش الشايب يشتري بنت 15 و17 فقط عشان ينبسط يومين بالشباب وبعد كذا يبتلش فيها ويقضي وقته تفكير هي تحبني ولا لا
مبسوطه معايه ولا لا
اكيد لا انسى تنبسط معاك انسى
انت فين وهي فين
هي شابه العمر قدامها ولسى قدامها كثير ولسى في بداية حياتها
اما انت فراحت عليك ولكن للاسف الانانيه اللي يتمتع بها الرجل في مجتمعنا هي اسوأ مانتعرض له نحن النساء
شوفو كيف النساء صارو يعملو الف حساب لأزواجهم بسبب عدم استقرار تفكير وتقلبات الرجل
شوفو كيف النساء صارت تحذر من ازواجها وكأنها حذره من ذئاب مو شريك حياه ننشد السكن والاطمئنان معاه
بالله هذي حياه او هذا استقرار ؟؟
طيب ليه مايفكر الشخص يغير الثاني ويغير من نفسه ويبدأ يتحرك ناحية التغيير بدال مايزيد الطين بله قبل لايقدم على حل افضل
والله مانفع الحال روح اتزوج شرع الله وسنة نبيه عليه الصلاة والسلام
بس قبل لاتحل مشاكلك مع الاولى وقبل ماتعطي الاولاد كفايتهم وحقوقهم منك تروح تفتح بيت ثاني ومتطلبات نفسيه وعاطفيه وماديه أخرى؟؟ بالله انت قد هذا كله ؟
بعض الرجال يقولك انا تصيرلي مواقف كثير مع زوجتي وفي ايام كثير ماالاقيها جنبي صرت عارف وخاصه ايام المشاكل وبحاجه فيها لمراه أخرى
طيب بالله لو المرأه وجدت تفاهم منك وحب ورغبه في حل المشاكل كانت تتركك لحظه وحده؟ وكمان مش انت يمكن تركها ايضا في بعض الاحيان وبدون سبب ؟ طيب ليه هي ماتقول اني بحاجه لرجل في ايام كثيره وماالاقي بسبب انشغال زوجي او بعده عني او بسفره او او او
هذي امور بسيط حلها انا ارى ماهي صعبه
الامور اللي تستدعي الزواج هي عدم الانجاب او مرض الزوجه او فعلا فعلا زياده في الرغبه الجنسيه عند الرجل مع انه هذا محنا شايفينه والله في وقتنا الحاضر
الرجال تعبان وهلكان حتى لو معاه زوجه وحده
ولكنه مايبغى الاولاد يتشتتو فيقول اخللي امهم عندهم واسايرها في بداية زواجي بأخرى حتى يستقر الوضع وبعدين تنسى وكل المشاكل تنتهي
لاتصدق ان زوجتك يوم من الايام حتسامحك حتى لو ماقالت
لابد وانك ظلمتها في حاجه دور وفكر وانت حتلاقي ولكن للأسف اجد رجال كثير تبعد فكرة التفكير في ظلم الزوجه ويتناسوها
ومايفكر الا في حياته وانبساطه هو
ناسي تماما انه حيجي يوم عظيم تطلع اللي في ملفاته القديمه ويحاسب على كل كبيره وصغيره
ولو هي فعلا مقصره معاك في شي ايضا حتحاسب عليه
انا اقول جربو اولا حل المشكلات والعقد واذا مانفع اقدمو على التعدد مع العدل ان امكن لأن الحياه يوم ن الايام حتنتهي فجأه وكل هذا يروح وينتهي ومايبقى غير وجهه سبحانه
فتح بيوت زياده وتعدد فقط للانتقام من احد او من الزوجه الاولى او الثانيه او الثالثه -- او لجعل الزوجه تغار عليك فقط -- او عشان تقضي الايام القليله في السنه اللي تكون فيها زوجتك زعلانه او مش موجوده لأي ظرف -- او عشان تحسس الناس انك رجال فحل وانت للأسف عكس كذا -- او عشان يجرو وراك زوجتك وعيالك ويهتمو فيك -- هذي كلها اسباب واهيه وضعيفه للزواج
انت بكذا تحطم كل ي جميل
بس مين يفهم
خالي اتزوج زوجه ثانيه لانه زوجته اخبرته بلسانها انها ماتقدر تسافر معاه لمدة اربع سنوات دراسه بره
وزوجها انسان تقي فخاف من المعصيه والوقوع في الخطأ
وزوجته راضيه لان عندها اربعه اولاد في المدارس هنا وماتبغى تتركهم لأي احد
رضيت وبلعت موس لأنها ماتبغى زوجها يقع في الحرام في بلاد الاجانب
وكان يجيها في الاعياد وايام العطل يقضي معاها ومع الاولاد ويرجع ثاني
وبعد ماخلص فترة دراسته رجع وجاب زوجته الثانيه وفتح بيتين وصار يعدل غصبا عنه
في هذي الفتره فقط احس بالضغط وبأنه غير قادر على العدل
لانه كل بيت بعيد عن الثاني
وكل يوم رايح جاي طريق قد ايش طوله علشان يعدل
وكل ليله عند وحده
وهو انسان بحاجه للحريه ولو لقليل من الوقت
يشعر فيها بخصوصيته وراحته من كل هذا
لكن ماوجد للأسف
لو كان زواجه في السر ماكان عدل ولا كان يرضيه انه ينام وهو غير مرتاح بحال الأخرى
ولو عدل حيشعر انه مقصر في حق نفسه بسبب انشغاله فقط بموضوع كيف يعدل وكيف مايغضب ربنا
حالته اتدهورت مع انه في منصب مرموق
ومتأكده من انه يحب الثنتين
ولكن كان يجب ولازم انه يهتم بعمله ايضا لأنه مادرس هذي السنين هباء
عنده مهمات لازم ينجزها وايام لازم ياخذ وقته في التفكير المريح فيها والاستقرار
فين يجد كل هذا في ظل صراعات التعدد وعدم رغبته في ازعاج اي وحده فيهم
طبعا مااستمر الوضع
وارجع الأخرى لأهلها واعطاها مبلغ من المال وبحث لها عن زوج ايضا تصورو؟
والله هذا اللي صار
كله عشان مايحس بالذنب وبقلة المسؤوليه
وكله لانه عارف انه في الآخر حيختار بيته واولاده لأن هذي المؤسسه الاولى الأم والاساسيه
حل المشكلات اللي بقيت ومااستقر الا بعد سنتين من طلاقه من الأخرى
يعني هذا الملتزم اللي مايبغى يغضب ربه شوفو كيف انتهت بيه الامور
فكيف بالله اللي مش كفؤ بالتعدد ولا هو كفؤ للزواج من وحده عشان يتزوج غيرها ؟؟؟
اتقو الله في النساء فهذي وصية نبينا
قال واستوصو بالنساء خيرا
يعرف ان حال المرأه اضعف من حال الرجل
وانها بحاجه للسكن والاستقرار والحب عشان تعطي في المقابل كل الحب والحنان
والحرمه بطبعها وفيه
والله زوجات كثير اتزوجو من معددين انهم ساكتين فقط لأنه مايبغو يرجعو لبيوت اهاليهم بعد مااتغير الحال
يشتكو من الذل وقلة الحب والعاطفه وعدم كفايتها من زوجها واحساسها انها مااتزوجت كله بسبب انه له نساء غيرها
فين تلاقي الحرمه كفايتها مع زوج تعبان من تعدد النساء في حياته وواجباته تجاه كل وحده
نساء كثير تشتكي اما الناس وممكن تنحرف بسبب الفراغ العاطفي اللي المعدد مو ممليه لها
والله اني مااتكلم كلام خارج عن الواقع
هذا الواقع
والرجال بأنفسهم يعترفو فيه في داخلهم
الا من رحم ربي ومن كانت تخاف الله فهي تصبر ولكن داخلها مراره وعذاب مايعلم بيه الا ربي
المرأه كائن ضعيف
والكيد اللي خايفين منه الرجال مايطلع الا مع الخوف والحذر وقلة الثقه
اعطيها الامان والثقه والحب والاطمئنان وشوف كيف وضع حياتك حيصير رائع
لو وجدت زوج محب عادل تقي يخاف الله فيها ويحسسها انه مايبغى غيرها في هذي الدنيا حيشوف السعاده اللي يدور عليها فعلا معاها وحتعطيله عيونها والله
والزوجه اذا احست انه زوجها بيخطط للحياه السعيده بعيد عنها حيحطمها وله ان يخمن ايش حيصير وايش حيصدر منها
جربو مع زوجه وحده بشكل صح وحب وتفاهم وحرية رأي وبعد كذا لو ماشفت السعاده جرب غيرها
لاتحطم حياتك وحياة ابنائك وتكسر قلب المخلوقه قبل لاتجرب التغيير في داخل الاسره قبل التغيير خارج الأسره
جرب ماحتخسر
والله الزوجه تنتظر فقط اشاره من زوجها للتغيير وشوف الفرق الشاسع
تبغى تحس انه انت فعلا ماتبغى غيرها علشان تعطيك عيونها
فقط حسسها بهذا الشيتعليق
-
شكرا للجميع على النقاش وهذا ما اردته حتى نعرف ما يجول في النفوس
وتتوضح الاراء مع احترامي للجميع ...
تعليق
تعليق