تويت
بعد تجارب فاشله في التنحيف ابتداء من مرحلة المتوسط الى ثلاث سنه بالجامعه اكرمني الله بعد كل هذا التعب ان انحف قولوا مشاء الله 25 كيلو خلال ستة شهور ولله الحمد
كان وزني 80
واصبح
مشاء الله
55 ولله الحمد
وش سويت :
1/ سالت الله الاعانه والتوفيق والالحاح بان يهبني العزيمه لانحف.
2/ اخلاص النيه له سبحانه واني لن استغل رشاقتي فيما حرمه من اللباس.
3/ اقرار بداخلي ان لافضل لي في انقاص وزني فالشكر لله اولا واخيرا.
4/ذكري الدائم لله اثناء قيامي بالتمارين الرياضيه او الاستماع لخطبه او اناشيد.
5/اتمنى لجميع البدينات مااتمناه لنفسي واخبرهن عن كل مافعلته.
6/ اعمل بالاسباب وهي كالتالي:
شريت من الفالح للرياضه جهاز ابوخمسة اجهزه انتم اذا قلتو لهم كذا على طول بيعرفونه وهو فيه سير مو كهربي ودراجه وحقت البطن وطوبه للخصر ومساج مره حلو كنت اتدرب عليه يوميا ساعه الاربع بالاضافه الى التمارين الارضيه اتوقع اسمها تمارين سينيه
وكنت اشرب شاي اخضر عند العطار اسمه شاي نمير اذا مااعرفه قولوا لي شاي يكون بكرتون خشب راح يعرفونه بسرعه وترى لونه اسود اسهب بس طعمه وووووووووووووووووووع
اول ماراح تشربينه بتحسين بدوخه وغثيان طعمه يروع طريقته تغلين مويه وتحطين بالكوب اشويه من الشاي وخليه لين ينقع يترسب الشاي وعليك بالعافيه بس تراه مره حلو هو الوحيد الي سوا نتيجه فيني لانه مانفع معي الجامو الاندونيسي والخلطات التنحيف
بعد كنت اكل الي ابي بس تقليل حطوا خطين تقليل وكنت اكافىء نفسي بيوم مفتوح احيانا ليش؟ لان النفس ضعيفه دائما خاصه لما ترحمينها من شيء محبب فالمكافاه اثرها عجيب تضخ فيك حماس جديد بعد الله
وابغى اقولكن ان الرجيم اكذووووووووووووووووووووووووووو وووووووووووووووووبه
اسمعوا كلامي وانا اختكن انا اعمل رجيم من المتوسط كل شيء جربت ماانحف بالمره واراجع الدبل لكن لما تقللين اكلك شوف النتيجه بعد كنت اعمل لنفسي اكل دايت لذيذ
كنت اسوي قرصان كيف؟
احط مويه بالقدر واحط فيها خضار وبصل وثوم وزنجبيل وملح وكمون وفلفل
على فكره الكمون والزنجبيل يخسس واحط دجاج بعد نضج الدجاج احط قرصان واحط معه شطه حمرا والله ماكاني اسوي دايت واحيانا اسوي بيض عيون او شكشوكه بدون زيت او ملح بس الشطه لازم تعطي نكهه يعني اعملوا الي تبونه بدون زيت وملح وكنت اكل رز بدون ملح طبعا ابيض واحط فوقه ايدام اوالبعض يسميه مرق بالجاج مره لذيذ وازينه بالشبث والبقدونس بعد اكل ساندوش كلوب جبنه شرايح قليلة دسم ودجاج بالفرن وخس واحطها باالة التوست .......الخ
وعلى فكره كنت اشرب الشاي بعد الوجبه بساعتين لانه خطا اشرب مع الاكل او بعده مباشره لازم بعد هضم الطعام بساعتين واذا كنتي عطشانه اشربي قبل الاكل وانتظري اشوي دقيقتين حتى يتصرف الماء عن بطنك
بعد لاانسى شريت بدلة ساونا وكنت اتدرب فيها على الجهاز اذا فسخته يصب العرق بدرجه خياليه تلقين البدله عن محلات الرياضه
بنات وحبايبي لازم العزيمه واطلبي ربك انه يساعدك واذا نقصتي شوي قولي الحمد والله يابنات انا نزولي بعد الرياضه والتعب انه نص كيلو اسبوعيا يعني بالشهر اثنين كيلو والحيت على ربي بالدعاء اني انقص كيلو وربي اكرمني فصرت انقص اربعه كيلو شهريا هذا بعد استخدامي بدلة الساونا وحامده ربي وشاكرته
وانا حاليا سمنت رجعت 60 ولي اسبوع اعمل نفس الي عملته ادعو ربي يكومني وانزل بسرعه ياحي ياقيوم
خواتي ادعولي اني اقبل في الدراسات العليا او الوظيفه وان ربي يوفقني بزواجي ويرزقني الذريه الصالحه
قلت لكم كل الي سويته والله على مااقول شهيد اتمنى افدتكم حبايبي
واشرب كاس مي من الحنفية فورا وبس )
تعليق