تويت
رشيقات طووول السنه ( 21 )
بسم الله
نبدأ الجزء الجديد
طبعا بشكركم جداااا لان كل واحده فيكم سبب اساسى لنجاح حملتنا تعاونا مع بعض والتزامنا حيوصلنا بأذن الله الى تحقيق الرشاقه مش حقول حلم الرشاقه لانه مش حلم لازم يبقى حقيقه بس بمجهود توكلوا على الله ولا تتواكلوا
ابذلوا مزيد من الجهد والالتزام حتلاقوا ان السمنه اصبحت كابوس قديم انتهى زمنه
والموجود الان انسانه رشيقه مقبله على الحياه بكل ثقه
شعار الاسبوع مقتبس من الاخت فراشه وهو
تعالى نستعد للربيع بجسم بديع
طبعا بشكركم جداااا لان كل واحده فيكم سبب اساسى لنجاح حملتنا تعاونا مع بعض والتزامنا حيوصلنا بأذن الله الى تحقيق الرشاقه مش حقول حلم الرشاقه لانه مش حلم لازم يبقى حقيقه بس بمجهود توكلوا على الله ولا تتواكلوا
ابذلوا مزيد من الجهد والالتزام حتلاقوا ان السمنه اصبحت كابوس قديم انتهى زمنه
والموجود الان انسانه رشيقه مقبله على الحياه بكل ثقه
شعار الاسبوع مقتبس من الاخت فراشه وهو
تعالى نستعد للربيع بجسم بديع
تجمعنا له شروط اغلبكم حافظها بس حكتبها تانى وزاد عليهم روح التنافس بمجموعات جديده مع الاحتفاظ بالقوانين القديمه واى اخلال بيها فيه جزاءات بتطبق ( اللهم احفظنا )
نكتب الشروط الاول
شروط اجباريه
1 - الالتزام بالدايت 100 % ومفيش اعذار ( اللى حتقول معزومه وخبصت يا ويلها ) لاننا ببساطه ممكن نزوغ باكل كميات قليله فى العزومه والاكثار من السلطه
ولما تروحى بيتك مش تدخلى تتعشى لأ خلاص تنامى خفيفه (بشوف بنات بتروح من العزومه تتعشى يا عينى يا جبروتك )
2 - المشى 4 ساعات فى الاسبوع على الاقل قسميهم براحتك ( اللى مش ناويه تلتزم بالشرط ده متدخلش احسن ) عاوزه تعملى رياضه براحتك المهم يكون 4 ساعات
3 - شرب الماء كتير ( رايحه جايه تشربى صحيتى من النوم تشربى رايحه تفطرى اشربى تتغدى اشربى تضحكى اشربى الخ الخ الخ ...... )
مش عاوزه اعذار ( بطنى اصلها ايه او بنسى اشرب او الميه بتعمل معرفش ايه ) اتصرفوا بقى اتعودوا عليها حتبقى عاده عندكم
الماء ضرورى للجسم والبشره ونضارة الوجه غير انها بتخرج السموم
4 - الميزان كل اسبوع وحددت يوم السبت للوزن ( اللى عاوزه توزن الجمعه وتاخد الفرى ماشى اللى توزن السبت ماشى )
بس كتابة الوزن يوم السبت
الوضع ده مبدئيا بنائا على رغبتكم بس انا مش مقتنعه بيه بس حنجرب لو لقيت النتايج محبطه حيرجع كل 10 ايام
5 - اللى حيزيد وزنها حتكتب فى التوقيع ( انا دبدوبه كبيره ) بالبنط العريض
الحمله دى فيها انذارين الثالث طرد حنذر البنت المخالفه فى يوم التقييم بعد الميزان مرتين متتاليتين المره الثالثه حبطل اكتب ليها تعليق كل يوم لمدة اسبوع فضلت على حالها مضطره اسفه انى احذف اسمها من الحمله
الشروط الاختياريه ( بس برضوا اجبارى )
1 - تصوير الميزان وتحميله فى المنتدى ووضعه فى الرد
2 - شرب سوائل تساعد على الدايت ( جنزبيل بالليمون 
جريب فروت او برتقال 
شاى اخضر 
يا سلام عليه) كل على حسب ظروفك وتقبلك للمشروبات ده)
جريب فروت او برتقال شاى اخضر يا سلام عليه) كل على حسب ظروفك وتقبلك للمشروبات ده) 3 - حنختار كل كام يوم واحده مننا تحكى تجربتها مع السمنه والسبب اللى خلاها تبدأ ريجيم ودايت عاوزيننفيد بعض واعتقد ان مفيش اكتر من التجارب الحقيقيه تقدر تشجعنا وتعرفنا ان مفيش مستحيل بأذن اللهياريت لو فيه واحده رشيقه عندها تجربه تتفضل تحكيها وتفيدنا بيها نكون شاكرين ليها جدا
العك ممنوع والزعل مرفوع
طيب نيجى بقى لشرح المجموعات الجديده
كل اثنين حينافسوا بعض فى نهايه الاسبوع حنعمل نسبه للنزوووووول والالتزام بالشروط
الفائزه حتروح فى الفريق الذهبى ( درجه اولى يعنى ) والخاسره فى الفريق الفضى او البرونزى على حسب التزامها
بمعنى اخر اوضح كل اثنين مع بعض حينافسوا مين اللى تكسب وتطلع للدرجه الاولى والخاسره تنزل درجه تانيه
يارب تكونوا فهمتونى
واللى مفهمش فكرتى يسيب نفسه حيفهمها واحده واحده
المهم انكم تنافسوا بقوه للحصول على الفريق الاول الذهبى اللى حيتدلع اخر دلع منى جوايز وخلافه ( الدلع لسه جاى فى السكه )
بمعنى اخر اوضح كل اثنين مع بعض حينافسوا مين اللى تكسب وتطلع للدرجه الاولى والخاسره تنزل درجه تانيه
يارب تكونوا فهمتونى
واللى مفهمش فكرتى يسيب نفسه حيفهمها واحده واحده
المهم انكم تنافسوا بقوه للحصول على الفريق الاول الذهبى اللى حيتدلع اخر دلع منى جوايز وخلافه ( الدلع لسه جاى فى السكه )
ياريت ننتبه لكتابه اسم اليوم فى اليوميات علشان اعرف افرغ اليوميات بطريقه صحيحه
عارفه انى قاسيه عليكم حبتين تلاته بس من غير كده حتبقى حملة تهريج وضحك وشات وانا عاوزه التزم وانزل من وزنى الى جانب الصداقه اللى بتجمعنا مع بعض لى عندكم طلب ورجاء اللى تحس انى بضايقها او ازعلها ياريت تقولى ولو على الخاص ويا تقنعنى يا اقنعنها بوجهة نظرى
انا عملت اللى عليه وجددت الحمله بناء على رغبتكم وكمان اقتراحتكم فى حدود قناعاتى الشخصيه الباقى عليكم وعاوزه اخد منكم التزام وجديه ان شاء الله تبقى النتيجه حلوه ومرضيه للجميع مع خالص دعواتى لكم جميعا بتحقيق حلمكم فى الرشاقه
اتفقنا
تعليق