مين تتعاون معايه لنصل من 80 الي 70 كيلو؟

[جنه الخلود]

السلام عليكم
حبيبات قلبي
البنات والامهات و كل الاخوات في منتدانا
التخنانات اللي عايزين ينزلوا وزنهم من 80 الي 70 كيلو
تعالوا نتعاون ونشجع بعض
ونضع المعلومات اللي تساعدنا علي الوصول للوزن المثالي
ونتشارك في المعلومات ورفع الهمه

معلومات

لا للمقليات
ومرحبا بالمشويات

[نهى2009]

جنة حبيبتي الحمد لله عالمبادرة الرااااااااائعة
ان شاء الله دي اشارة من ربنا ليا أني ابدأ لأني كان نفسي ابدأ انهارده
بصي حبيبتي البيانات بتاعتي : الطول 167
الوزن الحالي 90

الوزن المطلوب : المرحلة الأولى 80
المرحلة التانية 73
المرحلة التالتة 68

يا رب ان شاء الله نوصل لهدفنا مع بعض بجد يا جنة كان نفسي ابدأمع حد
هنكتب يوميات ان شاء الله و للا ايه النظام ؟

[جنه الخلود]

وانا كمان يا نهي نفسي اوصل 60 بس خلينا علي 70 الاول
المهم تجيبي معلومه او نصيحه الو خطه مفيده معاكي وتكتبيها باللون الاحمر في بدايه المشاركه
علشان نستفيد منها
ومش عايزين ريجيمات احنا عايزين نغير طريقه اكلنا واسلوب الحياه نفسه علشان المشكله مترجعش تاني

لا للمقليات
ومرحبا بالمشويات

[ام حزم]

يارب توصلوا للوزن اللي انتم عايزينه يارب وتبقوا راشيقات
بس اهم شيئ قوة الاراده
حماتي نفسها تعمل رجيم بس معندهاش اراده خااااالص تعمل رجيم وتخس 5 كيلوا وفي يومين تزيدهم الله يعنكم يارب يا جنه انتي وباقي الاخوات

[جنه الخلود]

يارب توصلوا للوزن اللي انتم عايزينه يارب وتبقوا راشيقات
بس اهم شيئ قوة الاراده
حماتي نفسها تعمل رجيم بس معندهاش اراده خااااالص تعمل رجيم وتخس 5 كيلوا وفي يومين تزيدهم الله يعنكم يارب يا جنه انتي وباقي الاخوات

شكرا يا ام حزم
وانت نحيفه ولا ايه ههههههههه

وفعلا كلنا كده اللي بنخسه في شهر بيضيع في يوم علشان كده لازم نلاقي حل جزري ان شاء الله

[ام حزم]

لا للمقليات
ومرحبا بالمشويات
وكمان ركزوا قوي علي السلطه وشرب مياه بكثره
يعني كوب ماء قبل الاكل وكوب ماء في وسط الاكل وكوب ماء في اخر الاخر هتشبعوا بسرعه والاكل هيفضل في المعده مده اطول
وكمان هيفيد البشره
والسلطه متكتروش فيها من الطماطم والجزر وحطوهم بكميات قليله
ركزو علي الخضروات فيها
وشربة الخضار ممتازه للرجيم
(طبعا المعلومات دي كنت بجمعها لحماتي من علي النت)

[ام حزم]

شكرا يا ام حزم
وانت نحيفه ولا ايه ههههههههه

وفعلا كلنا كده اللي بنخسه في شهر بيضيع في يوم علشان كده لازم نلاقي حل جزري ان شاء الله

ايوه يا جنه انا طولي مناسب مع وزني
طولي 147
ووزني51 يعني كويسه

[نهى2009]

جزاكي الله خيرا يا ام حزم
يا رب ان شاء الله

جنة انا فعلا مبحبش امشي خاااالص على نظام معين بحب حياتي تمشي صحي طبيعي

ممنوع الأكل بين الوجبات و اذا شعرت بالجوع فالخضروات فقط هي الحل

تمتعي بالمشروبات الساخنةاو بعصير الليمون في اي وقت بدون سكر او محلاة بالسكر الدايت
مفيدة و بديلة لما يضر الجسم و يشوه مظهره من التسالي الأخرى

[نهى2009]

بارك الله فيكي يا ام حزم جزاكي الله خيرا على المعلومات المفيدة جدا جدا جدا
ان شاء الله تحافظي دايما على وزنك حبيبتي

[ام حزم]

بارك الله فيكي يا ام حزم جزاكي الله خيرا على المعلومات المفيدة جدا جدا جدا
ان شاء الله تحافظي دايما على وزنك حبيبتي

وفيكي بارك يا نهي ويارب توصلي للوزن اللي انتي عايزه وتبقي رشيقه يارب

[جنه الخلود]

ايوه يا جنه انا طولي مناسب مع وزني
طولي 147
ووزني51 يعني كويسه

ميه ميه يا ام حزم
شكرا جدا علي المعلومات
لكن تفتكري ليه موضوع الطماطم والجزر ده
انا اعرف ان الجزر سالب السعرات الحراريه
يعني كل ما تكلي منه تخسي علشان بيحتاج سعرات حراريه لهضمه اكتر مما يحتوي؟؟؟؟؟؟؟؟؟؟؟

[جنه الخلود]

الرياضه
ثم الرياضه
بجد موضوع الحركه ده مهم جدا
انا هحاول باذن الله النهارده شويه كده حتي لو نص ساعه علشان العضلات تلين ومتشدش مره واحده
يالا يا نهي انت لو في مصر هيكون الموضوع سهل

[ام حزم]

والسبب أن الطماطم فيها أملاح وتحبس سوائل الجسم والجزر غني بالسعرات التي من شأنها تقوم بعمل في بطء نزول الوزن

[ل المثابرة]

انا معاكم ان شا الله
وصح كلام الاخت الحبيبة ما نبغى انظمة ولا رجيم ( فعلا انت حكيمة )
اللي نبغاه تغير نمط تغذيتنا للافضل نعم للافضل
عشان ما نخسر وزن وصحة وبسرعة نرجع الوزن وتروح الصحة ( اسأل مجرب)
نصيحتي لليوم
1/ شرب الماء او اي سائل قبل الاكل مباشرة او اثناءه اوبعد ه مباشرة يحسس بالشبع صح لكن شوية وتحسي بالجوع غير انه يكبر الكرش ويعيق عملية الهظم

2/ اشربي كاسة كركم على الريق كاسة ماء مغلية عليها م. ص كركم ( ينحف ويشد البطن)
انا بديت من اسبوع وفيه فرق

[أم جورى]

ماشاء الله ماشاء الله

ربنا معاكم يا بنوتات

انا بقى عملت شهرين وخسيت تقريبا 8 كيلو ودلوقتى موقفة بس بفطر وبتعشى خفيف وبتغدى الموجود بكميات قليلة ونفسى العب على التريد ميل اليتيمة اللى ما فتحتهاش الا مرة واحدة انا دلوقتى 82 وطولى 174 وكنت 90