تجمع فريق العزيمه لنزول 30 كيلوفي 3 شهور الجزء الرابع عشر

[اثينا]

ربنا معاكي ومعانا جميعا ويثبتنا يارب
شيدي حيلك حبيبتي

شكرا حبيبتي أم هاجر على تشجيعك
وربي ما يحرمني من أخوتك وتشجيعك انتي وكل البنات يااااااااب

[اثينا]

بسم الله
اهلين بفريق العزيمه الرائع
بجد انتم تحسسونا ان الريجيم حاجه سهله
واول ماأسكر النت وابدا الاقي الموضوع صعب اوي
بصراحه الاسبوع هذا مااقدر اشترك معاكم في المنافسه لاني ماشيه على تخفيف وإنشاالله يوم الثلاثا بدايه جديده وإنشالله بعزيمه قويه

ادعولي
سلام لكل العضوات الحلوات وعلى راسهم ام ادهم

أهلا بيكي معانا حبيبتي وان شاء الله تكوني مفيده ومستفيده

وتوصلي للوزن المثالي معانا وأنتي بالف صحه وعافيه

ومنتظرينك يوم الثلاثاء بأذن الله

[azmiralda000]

منتظرين وصفتك يا ام ياسين إن شاء الله

شوفى يا ستى
هو بيض اومليت او سبانيش اومليت زى ما بيقولوا

اولا انا بجيب المشروم الطازج و اقطعه و اشوحه مع بصلة مفرومة و ملح فلفل و معلقة صغيرة زيت
و بقسمه فى اكياس و بشيله فى الفريزر

بالنسبة للاكلة دى باخد شوية من المشروم بالطريقة اللى شرحتها
و بحط كمان بقدونس مفروم و فلفل رومى مقطع صغير
و اتعلمت من لبنان و حبايبه ابشر كوساية

كل ده اضيف عليه البيض و ملح و فلفل و معلقة صغيرة دقيق و ربع معلقة بيكينج صودا او بيكينج بودر و اخفقهم كويس بالشوكة

و بعدين بجيب الصينية و ارشها بسبراى الزيت (هحط لك صورته و هو سعراته تكاد تكون معدومة)
و بسخنها دقيقة على النار و بحط فيها الخليط و ادخلها الفرن على 200 درجة مئوية

و اللهى بتستوى و تنفش و تطلع زى البيتزا و بيبقى ده غدايا

أدى صورتها


و دى صورة سبراى الزيت


لو فى اى استفسار انا جاهزة

و على فكرة لو جمعتى السعرات اللى فى الاكلة هتلاقيها كويسة جداااااااااا

البيضة 90 سعر
المشروم و الفلفل و البقدونس و الكوسة كلهم على بعض مش هيطلعوا 50 او 60 سعر

و رشة السبراى 7 سعرات تقريبا

[ام ملك وادهم]

يا ليدي يااااااااااااطفسه

يعني انا خليت عندي دم واديتك فري للثلاثاء
تقومي انتي تفتحيها على البحري
اشي حلويات واشي جاتوه واشي كرواسون

لا واللي يغيظك انك تتعشي كوسه من غير سمنه وجبنه دايت

لا محافظه على الدايت

عموما عذرك معاكي لحد بكره
لكن من بعد بكره مالكيش غير الكرباج

[ام ملك وادهم]

فوفو

اظن دي المره الرابعه اللي تقولي انك معانا

يالله اللي فات مات

منتظرينك في بدايه قويه يوم الثلاثاء ان شاء الله

[azmiralda000]

يا ابلة سلمي ارحمينى بعتلك رسالة خاصة و لا انتى ما بتشوفيش الاعلامات

[ام ملك وادهم]

ام هاجر
جزاك الله كل خير على مجهوداتك مع اخواتك في الفريق

انا سعيده جدا بتعاونكم مع بعض وتشجيعكم لبعض

شكلك هتنافسي بقوع على لقب دره الفريق

ربنا معاكي

[اثينا]

ام ملك وادهم

انا باحلف معكي ان شاء الله من بكرة اللي هو الاحد هكون ملتزمة جدا جدا لان بجد بعد ماكل شيء زيادة عن الرجيم

اعصابي بتتعب وانهار بجد

انا بسبب عدم اهتمامي انا كنت بالاول وزني 87

والحين 74 مع اني لو كنت التزمت كنت هكون شيء تاني خالص

واليوم امام الله ثم نفسي وانتم اللي بجد سعيدة اني بينكم

ونقول كل يومياتنا وظروفنا بصراحة

هلتزم بالرجيم

وعلي اخر الشهر اكيد هكون شيء تاني

انا جبت امس 2 جيبة مقاس 32 ودي مظبوطة

ومقاس 30
واللي باتمني فعلا اعرف البسها اخر الشهر

تمنياتي بجد للجميع

ونوصل لتحقيق هدفنا

اسفة علي الاطالة

نسيت اليوم مافطرت

والغدا كان فراخ

والعشا اكلت قطعة كيك صغيرة

أهلا بيكي معانا غاليتي وان شاء الله موفقه يارب
وان شاءالله تلبسي الجيبه أخر الشهر وتكون واسعه كمان
وان شاءالله ارادتك تكون ممتازه دايما حبيبتي

سلام يابنوتات كيفكم انشالله نحيفات والله انا اليزوم خربطتها انشالله باجر برد البيت وديرتنا وابداء احسن ريجيم دعواتكم

موفقه حبيبتي وان شاءالله ترجعي بالف سلامه
وأكيد الواحد يخربط لما يكون برا البيت ومابالك يكون مسافر
بأنتظارك غاليتي

السلام عليك ورحمة الله وبركاته
الحقيقة انا مش عارفة ابداء ازاي لاني كنت دخلت معاكم من فترة وللاسف مكملتش كتير معاكو بس ام ادهم عرفاني
انا الاسبوع اللي فات بدات تخفيف في الاكل مش ريجيم قاسي علشان ما اتعقدش من اولها
بس الحمدلله خسيت 1.25 والحمدلله كويس
تفتكروا هو كده كويس ولا غلط
اصل اا عايزة اخس علي الاقل 40 كيلو
لاني الفترة الجاية محتاجة اعمل عملية تلقيح صناعي والدكتورة مش عايزة تعملها غير لما اخس كتييييييييييييييييير
وان شاء الله انا قررت اني ابداء وفعلا بدات الريجيم من يوم الخميس الموافق 5/12/2009
وربنا يقويني واثبت عليه وما جيش بعد فترة وازهق منه وعلي فكرة انا اخدت وعد من ام ادهم اني ان شاء الله معاكو خلال 6 شهور هنزل للوزنت اللي انا عيزاه باذن الله يارب
لاني بجد نفسي اعمل العمليةو علشان ان شاء الله ربنا يكرمني باذن الله باحلى نونو يااااااااااارب
انا عايزكو تقفو جنبي وتقوني علي التخسيس باذن الله

حبيبتي روبي أهلا بيكي معانا
وان شاءالله ربي يرزقك بالذريه الصالحه عاجلا غير أجل يارب
وكويس الوزن اللي خسرتيه حبيبتي بالتخفيف بس وان شاءالله لما تمشي على نظام ريجيم حتكون النتيجه مرظيه بأذن الله ولازم تكون ارادتك قويه علشان تحققي حلمك حبيبتي وربي يقويكي ان شاء الله

[ام ملك وادهم]

صيف بلا شمس

حضور قوي وطله مميزه وتشجيع حاضر لاخواتك

جزاك الله كل خير ياقمر

شكلي هحتار تاني في لقب دره الفريق
جزاك الله كل خير على الوصفه وجاري التطبيق ياقمر

[ام ملك وادهم]

غــــــــــــــــــــــــــــــــــــاده

اهلا اهلا بصاحبتي القديمه والعضوه الحديثه معانا
ربنا يقويكي ويرزقك الذريه الصالحه عاجلا غير اجل باذن الله انتي وكل منتظره

والله والله طلعت على اذان المغرب

ربنا معاكي ومعانا

[ام ملك وادهم]

روبــــــــــــــي

اهلا وسهلا
العود احمد باذن الله

ربنا يحققلك هدفك ياقمر

راجعي بريدك الخاص

[ام ملك وادهم]

دينا السردينه

اهلا اهلا اهلا بيكي ياقمر

حلو قوي الاسم ده

نورتينا ياحبيبتي

وان شاء الله نشوفك رشيقه الاسبوع

نفسي تحققيلي الامنيه دي قبل ما اموت

تعالي هنا
ايه موضوع ابله سلمى ده؟؟؟؟؟؟؟؟؟؟؟؟؟؟؟؟؟
طلعتي عليا اشاعه اني كبيره؟
دانا اصغر منك
بس ماشي كلع عسل منك ياعسل

[اثينا]

اما عن يومياتي النهارده

الافطار نسكافيه بالحليب من غير سكر

الغداء طبق كبييييير سلطه (( خس + ذره صفراء مغسوله + فاصولياء حمراء ))

العشاء ان شاء الله كوب كبير عصير برتقال بدون سكر

اهلا بغاليتنا ام ادهم خلي بالك من نفسك حبيبتي
علشان ما يحصلكيش زي المره اللي فاتت لا قدرالله
موفقه بأذن الله غاليتي

السلام عليكم يا دبدوبات

والسلام عليكم يا عضوات فريق الطفسيين

الحمد لله الدنيا عندى ماشية تمام وبصراحة انا مش ماشية لسة على نظام دايت بس مخففة فى الأكل وبلعب رياضة كتيييييييير الحمد لله

ان شاء الله التزم من اول الثلاثاء القادم بأذن الله

أهلا بغاليتي أحلى دندونه
ان شاءالله موفقه يارب وتوصلي للوزن المثالي بالف صحه وعافيه حبيبتي

مساء الفل عليكى يا جميل
القلوب عند بعضها مش أحنا بقينا ذى الاخوات وبنخاف على بعض و نعطى النصيحة لبعض بالصح أو الغلط و بنخاف على بعض و خلاص يقى راينا بعتبر زى بعض
ربنا يدوم هذه المحبة اللى فى الجروب يا رب

فعلا حبيبتي أهم شئ في تجمعنا المحبه والاخوه الصادقه والخوف على بعض
واللي عندها اي رأي أونصيحه ما تبخل على الباقي علشان الفائده تعم الجميع بأذن الله

واللهى مش عارفة هبتدى بكرة ولا اخليها يوم الثلاثاء
بإذن الله هبتدى رجيم الشربة الحارقة بس من غير الشربة هههههههههههههههههههههههههههههههههه
ادعولىىىىىىىىىىىىىىىىىىىىىىىىىىىىىىىىىىىىىىى
ام ملك يارب تكونى بخير و اثينا و لوسى و ام هاجر ومولاتى و البنات كلهم

حبيبتي اول شئ شكرا على سؤالك
وبعدين من رأيي ابتدي الثلاثاء أحسن تكوني مهيئه ومرتاحه اكثر
بس معليش يعني يعني أيه ريجيم شوربه من غير الشوربه ههههههههه
موفقه حبيبتي

[ام ملك وادهم]

لوســــــــــــــــي

ربنا يباركلك ويخليكي ياقمر على كلامك الحلو

وبيي وبينك انا اتطافست في العشاء ومقردتش اشرب عصير بس واكلت واحده ونص هوت دوج مشوي

يالله ربنا يسامحني بقى

تسلمي ياقمر

[ام ملك وادهم]

هاله

للاسف انا زعلانه منك جدا
وللاسف مضطره اديكي شعار ضعيفه الاسبوع
لا كل البنات حاولو يشجعوكي وانتي كنتي رافضه تتفاعلي مع الكل

انا متضايقه جدا ان رشيقه الاسبوع اللي فات تبقى ضعيفه الاسبوع ده

بس انا حجبت الشعار الاسبوع اللي فات بس

معلش اتفضلي حطي الشعار في توقيعك لحد الاسبوع الجاي باذن الله

واتمنى انك الاسبوع الجاي ترجعي هاله اللي كلنا عارفينها