تجمع فريق العزيمه لنزول 30 كيلو خلال 3 شهور الجزء السادس

[ام ملك وادهم]

هوه ينفع ريجيم 12*12 ده امشي عليه بس يوم زبادي و يوم فاكهه و يوم لحوم و يوم خضار و اعيدهم تاني علشان تجربة ال3 ايام زبادي ده تعبتتني قوي.. انا لحد دلوقتي شربت كوباية نسكافيه باللبن بس و هاكل دلوقتي علبة زبادي.. بي مستنيه ردكم

شكرا

لا طبعا مينفعش لان النظام ده نزول الوزن فيه بيعتمد على خداع الجسم كل 3 ايام

عموما لو صعب عليكي ممكن تختاري اي نوع تاني

ربنا معاكي ومعانا

[ام ملك وادهم]

[QUOTE=boah;9193070]

لالالالالالالالالالالالالالالالالالالالالالالالا
احنا منقدرش نستغنى عنك المده دي كلها
قوليله سلمى هتجيلكهي وكام واحده من الفريق يقنعوك بطريقتهم الخاااااااااصه
اذا كان ولا بد يعني خليه يشتريلك لاب توب ويو اس بي مودم شريره انا

لا بجد ياريت تحاولي تقنعيه احنا منقدرش نستغنى عنك
اللهم الا اذا كان شهر عسل جديد

ربنا يسعدكم يااااااااااااااارب



الله يخليكى لاء هو مش شهر عسل لانه لو شهر عسل مكنتش زعلت
المشكله انه شغل وشغل جوزى بقى......... حوالى 12 ساعه وطبعا بيرجع مهدوود ياكل وينام لحد تانى يوم واحيانا من غير ولا كلمه
عشان كده بضايق لما بروح معاه مفيش غير التلفزيون ولو اقنعته فى مره اننا نخرج عشان اتخنقت يخرج معاه وهو بيتاوه من التعب وبيتاوب طول الخروجه وطبعا فى الاخر اتحسبت عليا


انا هحاول اقنعه اننا نرجع حتى ولو فى الويك اند

طيب طالما الدنيا ملل كده ومش بتقعدوا مع بعض اصلا بتروحي معاه ليه؟
انا كنت فاكراكم بتتفسحوا

عموما شوفي الصالح واعمليه وحتى لو غبتي هترجعي تلاقينا في انتظارك
ربنا يسعدكم

[ام ملك وادهم]

ما شاء الله عليكى ربنا يقويكى


بس انا لو منك كنت خلتها ادتنى حته من كل حاجه اكلها فى اليوم الفرى
عشان ده مش اسلوب ده يعنى الواحد بيتعذب مع قله الاكل كمان يتعذب والاكل قدامه


يارب يبقى عندى نص عزيمتك

ربنا يخليكي يارب
ماهو انا قررت انتقم وهعمل يوم الفري كل حاجه بحبها
ويارب يكون الحرمان بنتيجه مرضيه يوم الاثنين

[ام ملك وادهم]

انا ساكنه فى مايو بس متنقله باستمرار

ايوه يعني ناويه تيجي ولا لا؟؟؟؟؟؟؟؟؟؟

[ام ملك وادهم]

صباح الخير يا احلى بنات

ام ملك وادهم
اخبار دودو ايه ربنا يطمنك عليه يا حبيبتى ويريح قلبك
وما شاء الله على العزيمه
والله فكرتينى بنفسى ايام زمااااااااااان
بس انا زيك لو خرجت ما احطش اى شىء فى بقى حتى لو طول اليوم خارج البيت
وعشان كده عمرى ما تخنت غير لما خلفت واعدت وربربت وكسلت وزعلت على نفسى

بالنسبه لاقتراح اننا نتقابل انا ما عنديش مانع ابدا
انا ساكنه فى روكسى مصر الجديده

ان شاء الله ايام زمان هترجع تاني وهتبقي احين من الاول

وممتاز مصر الجديده بردو مكان قريب

يلا عقبال باقي البنات ونتجمع قريب ان شاء الله

[ام ملك وادهم]

السلام عليكم ورحمة الله وبركاته

يومياتى

الفطار : بيضة مسلوقة + 1 توست دايت

الغداء : لحم مشوى + سلطة

العشاء : علبة تونة بدون زيت + سلطة

رحت الجيم لعبت ساعة ونصف والحمد لله

لى عودة للرد على حبيباتى واخواتى

ما شاء الله عليكي
اهو ده الالتزام ولا بلاش
ربنا معانا ياااااااااااااارب

[ام ملك وادهم]

انا كمان عايزة انضم ليكم وعايزة ياريت اخس لانى وزنى 95كجم وطولى 165سم يعنى انشاء الله اخس 30 كجم

اهلا وسهلا بيكي
نورتينا
اهم حاجه تلتزمي باليوميات كل يوم والفري يوم الاثنين بس توزني الصبح

ربنا معاكي ومعانا

[ام ملك وادهم]

[QUOTE=ربى كريم;9194782]ان شاء الله مافيش رعب ولا حاجة وبأذن الله نخس كلنا ونبقا موووزززز

وربنا يخليكى على الدعاء الجميل وانا والله بحبكم قوىىىىىىىى وفعلا نفسى نفضل مع بعض كدة نشجع بعض طول العمر

حتى ولا من غير دايت



موافقة .... موافقة .... موافقة

انا ساكنة فى الرحاب وبقترح سيتى ستارز لأن مافيش حد ما يعرفهوش

او يا سلام لو تتفضلوا عندى فى الرحاب دى الرحاب تنور والله



ازيك يا احلى ليدى

اه يا سيدى يا سيدى على الأكلة الفسفورية دى

بصراحة عندك حق تنهارى قدامها انا لو منك برضه كنت حعمل كدة

وبعدين دا عيد ميلاد ومعروف ان العيد فرحة ههههههههه بالهنا والشفا يا قمر وكل سنة واختك طيبة

وان شاء الله ربنا يرزقنى ويرزقك بالذرية الصالحة اللهم امييييييين

حبيبتى بوحة

متزعليش كل المهندسييييين كدة موارهمش غير شغلهم وبس

انا كمان زوجى مهندس وبيرجع من شغله الساعة 8 وساعات 9 وساعات 10 باليل طبعا

ولما يرجع مش وراه غير اللاب توب لازق قدامه او الموبايل بيرغى فيه او بيشوف اميلاته منه

كلهم هذا الرجل وكلنا فى الهوا سوا والله يكون فى عونا



حبيبتى حوا

انا مقدرش اغيب عنكم واللى خلانى اغيب الشديد القوى

وان شاء الله يجى العيد وانت 90 مش 95

يارب يكون عيد سعيد عليا وعليكى وعلى المسلمين اجمعييييين



اهلا بيكى حبيبتى معانا ... نورتى الجروب

لعلمك بقى انا في دماغي ان المقابله تبقى في مول 2 في الرحاب
لاني هناك يوميا تقريبا
انا مكاني المفضل كافيه كوفي بينز اللي في مول 2 قدام محل استوكات الماركات

على فكره احنا كده جيران لاني ساكنه في التجمع الاول جنب بوابه 13 للرحاب يعني بين بيتي والرحاب 10 دقايق بالضبط
يا مسهل وباقي البنات يتحمسوا للفكره

[ام ملك وادهم]

يسلمو يا قمر...
وانا ما شربتش الحمد لله
خلاص انا حجيب القليل الدسم ان شاء الله وشكرا كتير

اما يومياتي فاليوم التزام تام باول يوم رجيم 12\12

فاكلت عابتين زبادي قليل الدسم
وفنجان قهوة

الحمد لله ويا رب يعدي بكرة على خير

ما شاء الله عليكي
ربنا قويكي وتلتزمي التزام تاااااام بالباقي
ربنا معاكي ومعانا يارب

[ام ملك وادهم]

السلام عليكم اى الحال بسلم عليكم كلكم وحشتونى كتير انا معاكى يا سلمى فىاقتراحك ممكن نتقابل وربنا يجمعنا على خير كفاية ان احنا نكون لمة حلوة الموافق على الاقتراح دة يكتب وايلى مش موافق يقول لية احنا فى منتدى ديمقراطىييعنى احنا منتدى الحزب الوطنى على فكرة نفسى اشوف كل واحدة ذى ما اتخيلتها ولا لا وبعد كدة مش هنكون وضع انتقاد لان كانا فى نفس الحجم تقريباواظن بنفس خفة الدم تعالوا نجرب كدة ولو مل نفعش مش مهميادار ما دخلك شر

والله انتي قمر وعسل واحلى واحده واخف دم فينا
قوليلي انتي سهرانه ولا ايه؟
يعني ينفع نرغي شويه ولا وراكي شغل الصبح؟

[ام ملك وادهم]

السلام عليكم العنوان منتهى الحب عارفين لاية لنفسك انى مثلان البس بانتكور _او اعمل اسبانش _او او لو جانى فرح اروح وانا كلى ثقة انى مافيش حد ذيى_او للمتجوزين اخرج معا وانا واثقة ان الناس بتحسدة عليا لانى اتغيرت _ او لو قعدت فى قاعدة القى الستات والبنات بيقولولى خسيتى اذاى واتنك عليهم واقول مااخدش منى مجهود وكتير من دة عرفتوا لية منتهى الحب ممكن تدوا مساحة لنفسكم ان تفضفضوا يمكن دة يخلص حاجة من كمية الحاجات الكتير ايلى جوة ما تفكروش كتير الكلام ما علهوش جمرك او ضريبة مبيعات

على رايك يابنتي
خلينا نفضفض قبل ما الكلام يبقى بفلوس هو كمان

[ام ملك وادهم]

السلام عليكم ورحمة الله وبركاتة

اهىء اهىء اهىء عايزة انقص وزنى انا كمان

اعمل اية بقى

وزنى حاليا 128 والسنة الماضية كان 140 وطولى 175 ونفسى ابقى 65 او 70

فى سنة من السنيين كنا 127 ونقصت الى 100 بالصيف بس كنت بمشى ساعتين الصبح وساعتين بالليل لكن مش هينفع اعمل كدة دلوقتى لان مشغولة باشياء كثير ومش هقدر افضى اربع ساعات زى وقت مانقصت وبعد كدة جلست بالبيت كثير سنتين مع احباط واكتئاب فبقيت 140 والوزن الزائد ده بيخلينى لااستطيع التنفس واعانى اتخنقت من الثبات لى فترة على الوزن دة مش بيقل ومش باكل كثير بس اغلبه عيش او ارز

مش فاهمة بقى اعمل اية معاكم واية اجزاء الموضوع الاولانية حاسة تايهية بين الصفحات
ومبروك لك من نقصت وزنها وعقبالنا

اهلا سهلا بيكي معانا
واول قاعده فريقنا ماشي عليها ان مفيييييييييييييييش مستحيل
وان شاء الله هننزل وزننا

انا عايزاكي تروحي اول صفحه للموضوع هتلاقي روابط الخمس اجزاء السابقه
عايزاكي تقريهم كلهم
معلش هم هياخدو منك شويه وقت في القرايه بس ان شاء الله هتستفيدي من حماس البنات
وهتلاقي اكتر من نظام ريجيم ممكن تمشي عليه
وكمان هتلاقي الاهم وهو التشجيع من الكل للكل

واحنا في انتظار يومياتك كل يوم باذن الله

[ام ملك وادهم]

اهلين بكل الحلوين
امبارح للاسف الشديد عكيت لاني كنت بايتة عند ماما
وبقت تحلفلي وحياتي وعشان خاطري وكدة بس الحمد لله وان شاء الله غلطة ومش حتتكرر بأذن الله
اليوم كان اول يوم ليا في ريجيم ال12 يوم والحمد لله مر بالتزام تام
الفطار كان كوب عصير جريب فروت+1 زبادي لايت
بين الغد والفطور 2كوب ماء+1زبادي لايت
الغدا 2 زبادي طبعا
بين الغدا والعشا كوب عصير جريب فروت
والعشا 2زبادي
واخدت كوب عصير
يعني بالمجمل الحمد لله

ربنا يقويكي ياقمر
وياريت متروحيش لماما ال11 يوم الباقيين
علشان لما تشوفك تلاقيكي خاسه حبه حلوين
ربنا معانا جميعا باذن الله

[ام ملك وادهم]

كيف الصحه يا احلى بنات

وطبعا اسال عن الصحه لاني حاسه بضعف قوي لدرجة اني ما رحت للجيم اليوم

واليوم في الليل كنت معزومه فاضطريت اني اكل قطعة لحمه مشويه

فما اعرف استمر على الريجيم ولا ابتدي من اول وجديد

على العموم هوه اليوم كان الرابع يعني اخر يوم زبادي ولبن

يا ريت حد يفيدني

كملي وان شاء الله مفيش حاجه
بس ليه الزبادي اخد منك 4 ايام؟
هو 3 ايام بس لكل نوع

[ام ملك وادهم]

اما عن يومياتي النهارده

الافطار كوب نسكافيه بالحليب خالي الدسم من غير سكر

انا ملتزمتش بغدا وعشاء النهارده بس خلال اليوم اكلت 3 تفاحات و4 جوافات

ربنا يعدي الباقي على خير يارب