انا بدات اتابع عند دكتور واللي حابه تشارك معايا ونعمل احلى فريق لنزول 30 كيلو تتفضل

[ام ملك وادهم]

بسم الله الرحمن الرحيم

اهلين ام ملك انا حااشترك معاك ياام ملك لاني باديه الريجيم يوم الثنين صدفه طبعا وفتحت على المنتدى برضه صدفه وعايزه انقص 30 كيلو خلال 3 شهور صدفه برضه (يااامحاسن الصدف )
يعني ربنا بعتك ليا او بعتني ليك علشان نشجع بعض وحاكتب بياناتي واقتراحاتي مع العلم ان الدايت بتاعي مختلف هاه؟؟؟ توكلنا على الله ؟؟؟
على فكره التوقيع بتاعي فيه وزني قبل لا احمل بطفي الخير وعمرها 9 شهور بس ماعرفت اغير الوزن في الشريط

اهلا بيكي يا فوفو يا قمر
طبعا يا محاسن الصدف والله انا فرحانه جدا بالصدف اللي جمعتنا لانها هتخلينا نشجع بعض بجد ويكون قلبنا على بعض ويكون بيننا غيره بناءه والهدف في النهايه واحد وهو دخول العام الجديد واحنا مودعين اخواتنا التوام اللي احنا شايلينهم في اجسامنا باذن الله
انا انصحك تشيلي الشريط وحطي شريط زواجك مثلا او شريط ابنك لان الدكتور قالي ان لو كل يوم راقبت وزني مش هخس فانتي خلي وزنك كل اسبوع مفاجاه ليكي علشان متحبطيش او متمليش

هستنى بياناتك يا قمر والدايت اللي انتي ماشيه عليه
تحياتي

[ام ملك وادهم]

حبيبتي ام ملك
انا لما شفت الموضوع فرحت مررررررررررررررره
عشان انا نفسي انزل 30 كيلوا في ثلاث شهور
انا الأن بصوم السته وبس اخلص راح انضم لكم
كل يوم راح ادخل اكتب يومياتي واشجعكم ياعسل

اهلا يا جوريه نورتيني يا قمر
تقبل الله صيامك وصالح اعمالك
في انتظار بياناتك ويومياتك وتشجيعك يا قمر

[{ الآء }]

بالتوفيق يارب

[yehia2007]

ام ملك يا قمر حمدلله على سلامتك يا جميل والف مبروك عليكى ادهوم يتربى فى عزكم يارب وتشوفيه احسن الناس

انا دخلت اشجع واقولك برافو عليكى وقوى عزيمتك كده واستمرى
وبالتوفيق ان شاءالله

[ام ملك وادهم]

بالتوفيق يارب

وبالتوفيق ليكي يارب
جزاك الله كل خير على المرور

ام ملك يا قمر حمدلله على سلامتك يا جميل والف مبروك عليكى ادهوم يتربى فى عزكم يارب وتشوفيه احسن الناس

انا دخلت اشجع واقولك برافو عليكى وقوى عزيمتك كده واستمرى
وبالتوفيق ان شاءالله

تسلميلي يا حبيبتي ربنا يخليكي ليا ياقمر وماتحرمنيش من تشجيعك

[ام ملك وادهم]

الجمعه رابع يوم

الفطار كوب شاي بحليب من غير سكر
الغداء كوسه مسلوقه في شوربه لحمه + قطعتين لحمه مسلوقه + بيبسي دايت
العشاء طبق كوسه مسلوقه صغير + كوب زبادي لايت

[noor alhouda]

موفقه حبيبتي
الهدف إنك تستمري
ويارب توصلي للوزن المطلوب
بس خلي بالك من موضوع الأنيميا
ومن صحتك
ولما تشوفي الدكتور قوليله يدخل حصص من الفواكه والنشويات ولو بكميات قليله فهي ضروريه

[چيهان أبو الغيط]

حبيبتى ربنا يوفقك

بس ملاحظه طالما عندك انيميا يبقى مهم جدا مع اى بروتين تاخذى خضار لان امتصاص الحديد افضل فى وجود فيتامين ج يعنى من الاخر من غير خضار لا وزنك ح ينزل ولا الانيميا ح تروح

وكمان عملى حسابك البيبسى الدايت مشكلتها انها بتعمل هشاشيه وفى ناس بتعمل زى ارتباط كل علبه بيبسى بنزول مقداره كذا من كالسيوم الجسم وحاجه تانيه بتجمع ميه فى الجسم فقلليها افضل على قد ما تقدرى الى ان تمنعيها

البيض الكتير خطر جدا اكتر من 4 بيضات بعد البلوغ خطر مش مشكله الزلال مشكله ارتفاع كوليسترول الدم لا قدر الله ( ح يقولوا فى ابحاث لا تجد ارتباط لكن الواقع والعملى كل من يأكل دهون عاليه يصاب بكوليسترول عالى و جلطات ودى حقيقه مثبته ) خدى مكانها جبن قليل الدسم او زبادى

[اميرة لطفى]

هلا يااختى الريجيم عجبنى كتير وانا وزنى 131 وطولى 163 وعايزة انزل وزنى وانشاء الله ابدا فى ريجيم اللى انتى اخدتيه من الدكتور لو تسمحيلى وشكرا

[برافو]

ام ملك اذيك

انا الحمد لله ماشية كويس على الرجيم

بياناتى ياستى

الطول 158
الوزن 115

انشاء الله هدفى الاول 99

لما اوصل لها باذن الله هحدد الهدف الثانى

ربنا يعينا جميعا

[رندا ماس]

اهلا وسهلا بيكي يا راندا
نورتي الجروب
ايوه ممكن تغيري البيض ب 3 ملاعق جبنه لايت لاني قلت للدكتور اخاف الزلال يعلى قالي
كل بيضه مسلوقه = 1,5 ملعقه جبنه لايت = 1 زبادي لايت فممكن تنوعي
وربنا معانا يارب

عرفيني على نفسك
اكتبي وزنك وطولك والوزن المطلوب نورتيني ياقمر

حبيبتى انا متزوجة وام ( لبنت 14 سنة وولد 12 سنة ) الله يصلح حالهم وحال الامة يارب
بشتغل موظفة (مهندسة )
اما بياناتى فهى:-
الوزن 77 كيلو
الطول 170 سم
الوزن المطلوب ادخل عالم الستينات( ياااارب )
حتى لو 69 كيلو حلو قوى

[ghada_osama]

اهلا يا ام ملك وادهم الجميلة
ربنا يوفقك ولا تيأسى اناكنت زى شريط الوزن ده ومع تعب وصبر ونفسيه مخنوقه كله بيروح والله بقولك كده علشان ما تمليش وتتضايقى اهو فى غيرك بيحصله كده لكن بعد اول 10 كيلو هتشوفى لبسك عامل ازاى وهتلاقى نفسك احسن واحسن وانصحك ما تلعبى رياضة فى اول الرجيم علشان هتجوعى اكتر وهتبقى تقيلة على رجلك استنى لما تخفى فى الوزن شوية وتعملى رياضة انا بقولك عن تجربة
وانا كمان لسالى 10 كيلو كمان انا طولى 170 ووزنى الحالى 83 يعنى يلا نشجع بعض

[fofo18]

اهلين بياناتي هي
الطول 164
ووزني 93
على فكره عدلت الوزن في الشريط

[ام ملك وادهم]

موفقه حبيبتي
الهدف إنك تستمري
ويارب توصلي للوزن المطلوب
بس خلي بالك من موضوع الأنيميا
ومن صحتك
ولما تشوفي الدكتور قوليله يدخل حصص من الفواكه والنشويات ولو بكميات قليله فهي ضروريه

تسلميلي يانور

انا باخد حبوب ماتيرنا ودي كتبهالي الدكتور اللي عالجني من الانيميا وان شاء الله هستمر عليها لمده سنه كامله لتحسين الهيموجلوبين

ولو تلاحظي الدكتور حاططلي في العشاء فواكه وفي الافطار ربع رغيف

جزاك الله كل خير على اهتمامك ومشاركتك

نورتيني

[ام ملك وادهم]

حبيبتى ربنا يوفقك

بس ملاحظه طالما عندك انيميا يبقى مهم جدا مع اى بروتين تاخذى خضار لان امتصاص الحديد افضل فى وجود فيتامين ج يعنى من الاخر من غير خضار لا وزنك ح ينزل ولا الانيميا ح تروح

وكمان عملى حسابك البيبسى الدايت مشكلتها انها بتعمل هشاشيه وفى ناس بتعمل زى ارتباط كل علبه بيبسى بنزول مقداره كذا من كالسيوم الجسم وحاجه تانيه بتجمع ميه فى الجسم فقلليها افضل على قد ما تقدرى الى ان تمنعيها

البيض الكتير خطر جدا اكتر من 4 بيضات بعد البلوغ خطر مش مشكله الزلال مشكله ارتفاع كوليسترول الدم لا قدر الله ( ح يقولوا فى ابحاث لا تجد ارتباط لكن الواقع والعملى كل من يأكل دهون عاليه يصاب بكوليسترول عالى و جلطات ودى حقيقه مثبته ) خدى مكانها جبن قليل الدسم او زبادى

جيجي القمر

جزاك الله كل خير على المعلومات المفيده ولو تابعتي يومياتي هتلاقيني مدخله الخضار بشكل يومي سواء السلطه او شوربه الخضار وانا بطبعي بمل من البيض فمش مداومه عليه ببدله دايما بزبادي