رشيقات رمضان ( 8 )

[nada77]

هنا حنكمل مشوار رشيقات شهر رمضان افكركم ببعض النقاط الاساسيه

ضروريات شهر رمضان
المشى او الرياضه ساعه كل يوم( مش حتنازل عنها ابدااااااا)
ممنوعا الحلويات الا بعد التراويح وكمان مرتين فى الاسبوع فقط وقطعه صغيره ( يعنى تدوقى بس )
الوزن بعد عشر ايام من اليوم يعنى اليوم ال20 من شهر رمضان

المجموعات بالترتيب الجديد

الغزاله الرشيقه



ام مايا
مبروك عليكى يا قمر النزول عقبال باقى الشهر


انا زعلانه لانك مكنتيش بتمشى خالص

ايمى
انتى كمان الراوتر بايظ انتو اكلتوه ايه سد الحنك

القطه الرشيقه



بيرو
مبروك النزول يا سكر
اظهر وبان عليك الامان

ياسمينوو
مستنيه الصوره بتاعة الميزان
مبروك النزول

على فكره مقصره انتى فى الرياضه خالص

الكناريا الرشيقه


نور
مبروك يا نور الحمد لله نفدتى منى المره ده



بوسى
مستنيه صورة الميزان

الفراشه الرقيقه



استغفار
انا مش عارفه ردك معناه ايه انك حتابعى معانا ولا لأ
لمسة اطفال
تستاهلى والله انتى عملتى مجهود وده نتيجة تعبك
مبروك يا قمر وبسم الله ما شاء الله


ندى
مبروك والحمد لله على النزول
طاطس
انتى فين قلقت عليكى

الدبه الشقيه


ماى لايف
انتى شدى حيلك الميزان الجاى وليكى عندى فانوس كبيييييييييير هديه

روزانا
معلش عوضيها الميزان الجاى ان شاء الله
اهتمى بالرياضه وشرب الماء

سندريلا
معلش يا قمر لا ياس مع الحياه ابدأى من جديد بحماس واحنا كلنا معاكى
اهتمى بالرياضه الله يخليكى

قطن ابيض
لما ترجعى وتنتظمى ارجعك مجموعتك تانى

باقى البنات اللى مجبوش الميزان
ايمى
بوسى
طاطس
حستنى ميزانكم لغاية اخر اليوم

[ياسمينووو]

السلام عليكم

كيف الاخبار بنات

مبروك علينا الجزء الثامن والف مبروك لكلك البنات على نزول الوزن مبرووووووووووووووووووك

ندى انا صورت الميزان بس مش عرفه اذا كان الخطأ من ميزاني ولا من ايه وزنت العصر لما جيت من بره وزني طلع 86.8 مع اني لسه وزنه نفسي امس وكان وزني 87.6 وزنت اكتر من مره ويطلعلي نفس الرقم مش عرفه يمكن الميزان هو الي خرف ولا لاني مكلتش كويس الصبح اليوم . المهم انا حطيت الصوره وحشوف حتقوليلي ايه بكره .




يعني فطوري كان نص كوب شاي مع نص ملعقه صغيره سكر +نص خبز اسمر ومشربتش مي كتير يمكن كوب واحد بس لحد العصر. بس شربت في المغرب والعشا كده.


وبعده وزنت العصر


واكلت الافطار مع الاهل وكان: ملعقه كبيره خصروات مسلوقه +خبز اسمر +كوب عصير +2 سمبوسه.

ومكملتش اكلي على فكره ههههههههه لانه كنت عامله صحن كنافه وكان فيالفرن وقت الافطار فنسيت انه في الفرن واحترق هههههههههه ويا فرحه ما تمت لانها كانت اول مره ليه اعمل كنافه ونقلت الطريقه من على النت واعدت اقول لاهلي محدش هيكلها غير لما يدعي لي على الاكله الحلوه الي حيكلوها اليوم من ايدي بس محدش دعالي ابد دول دعوا عليه علشان قومتهم من على االافطار واقعدوا يجروا عشان يسكته جرس الحريق يلي في البيت قبل المطافي ما تجيلنا ويبهدلونا اصل انا ليه سوابق في حرق الاكل هههههههههههههههه اعمل ايه فاشله. بس الحمد لله انها عدت على كده.


والف شكرا على الفنوس الجميل يا ندوش انا ححطه في توقيعي (: وهلعب الرياضه ان شاء الله .


والف مبروك لكل البنات الي اوزانهم نزلت والي ثبتك وهاردللك للبقيه.

سلام يا بنات

ما ي لايف بجد انتي كمان زي يا حلاوه وانا بدرس تمريض وانتي بتدرس ايه ؟

[Emy122001]

ازيكو يا بنات وحشتوني اوي
معلش يا ندى فعلا النت عندي بيقطع جامد وساعات بدخل اكتب ولما اجي ادوس على الاضافة الموقع بيقف ومبيضفش الرد
المهم احنا قمنا بالواجب عند بيرو والعزومة كانت جميلة ويادوب دوقنا بس من كل حاجة
لما بطني صرخت وقالت كفاية دوقان لحد كدة
على فكرة العزومة عندى انهاردة واتهديت امبارح ولسة هبدأ تاني دلوقتي يعني يمكن ناكل سد الحنك تاني يا ندى ومتشوفيناش انهاردة كمان
انا اتوزنت وطلعت 103.9 يعني خسيت نص كيلو ( انا كنت 104.4 ) ودي صورة الوصل عشان ملحقتش اصور في الصيدلية كان زحمة غريبة على الميزان اول مرة اشوفها

[بحر الوفار]

مشكورة الله يعطيك العافية

[mmm=my life]

السلااااااااااااااام عليكم

ندي:اشكرك انك حطتيني في الدبه اخييييييرا غيرت الون الاحمر هههههههههه
متعقده منه بعيد عنك
انتظرينييييييييييييييييييييييي


ياسمينوووووووو:انا قصدي بصره انه بقالي تقريبا 5 سنين ذيك في امريكا لكني ما بدرس انا
خلصت دراسه في مصر وبعدين جيت علي هنا مع زوجي

ايمي:حمدالله عالسلامه يا حلو انت يا حلووووووووو لا وناويه كمان علي سد الحنك طيب ربنا يسترها معاكي يا حلووووووووو "خدي بالك يا ندي"
الف مبرووووووووووووووك عالميزان لكل الرشيقات عقبالنا يااااااااارب



يومي امس

كان فعلا الفطار سلطه وكفته بس اضفت حاجات .......كيك و مكرونه وعيش

اوعي وشك


لالالالالالالالالالالالا متخافيش يا ندي كان كده ذي ما تقولي من كل قصيده بيت يعني قطعه من كل حاجه
ودمتممممممممم

والسحور عديها المره دييييييييي

سلام يا حلوات

[لمسه اطفال]

هلا اخواتي مبروك عليكم الجزء الثامن وان شاء الله يخلص رمضان ونازله اوزانه بصحه

اما مايا الله يسهل على الوالده ويقومها بالسلامه يارب انه على كل شيء قدير ويرجعها لكم سالمه معافاه

[oumo maya]

السلام عليكم
ندى متزعليش مني ياقمر أنا لسه مبقدرش أتحرك كثير بسبب الحادث عشان كده مكنتش بتمشى.

[nada77]

ياسمينو
انا مش عارفه انتى زعلانه ليه كويس خير وبركه ان الميزان لخبط بالناقص بس ليه سؤال انتى اول مره وزنتى مصورتيش الميزان ليه ؟؟؟؟؟
والحمد لله ان الكنافه اتحرقت ده كله علشان انا مش راضيه عنها هههههههههه
قدر ولطف حبيبتى وخلى بالك اوعى تعملى حاجه فى الفرن وتطلعى وتسبيها اعملى حاجه تانيه فى المطبخ حتى تستوى طالما ان ليكى سوابق

ايمى
مبروك على نزولك وكل عزومه وانتم طيبين بس اعملوا حسابكم انكم حتخشوا المعتقل الريجيمى بعد العزومه ده ومحدش فيكم يقولى بعد كده معزومه فاهمين

[nada77]

انا حكتب يومياتى دلوقتى لانى فى الباباى بعد الفطار ببقى مش فاكره عملت ايه الصبح
انا طبعا عندى السيكو سيكو لكن بفطر معاهم عادى بعد شرب شاى بلبن فى الصباح
اما الفطار تمره مع ماااااااءوبعدها شوربه بدون لسان العصفور ثم طبق به سلطه كتيررررررررر وشريحة فراخ مشويه
السحور
زبادى لايت مع 5 تمرات
المشى على العصر نصف ساعه وبعد العشاء نصف ساعه وطبعا الماء مبتوصاش

[نور عين زوجها]

اهلا حبيباتي
ام مايا الله يسمعك خبار الخير على ماماك والله يشافيها يا رب
ياسمينووو خساااااااره الكنافه راحت كان نفسي ادوق معاكي
الله يكون في عون اللي حيتزوجك هههههه كل يوم حتحرقي لو البيت
لمسه اطفال وبيروو و امي ام مايا مبروك ليكوم النزول
روزانا و سندريلا و ماي لايف متزعلوش الاسبوع الجاي ان شاء الله تنزلو وزن
طاطسسسسسسسسس انتييييييي فين يا قمر واحشانا جدا
والله يحل مشاكلك وعليكي بالدعاء .

بيرووووووو محظوظه انو الكمبيوتر باز تلاقيكي نسيتي اكلتي ايه ايام العزومه وتضحكي علينا بكلمتين هههههه
يا رب يتصلح جهازك واحشاني جدااا
ندى مرسي عالفانوس
اليوم مش صايمه :
الرياضه : تمشيت 45 د مشي سريع
فطور : نسكافيه باللبن +2توست بالجبن و العسل +2 بسكوت
الغدا: مش عارفه ابقى اكتب بعديين
يالله سلااااااااام

[rozana]

اولا مبروك الافتتاح
ندى
رجعتينى تانى مجموعة الدبدوبات اهئ اهئ انا ان شاء الله ناوية التزم حاكل كل حاجة بس كميات قليلة واهتم بالخضروات اكتر
ياسمينو وايمى وكل البنات اللى خست
الف مبروووووووووك وعقبالنا
حكتب يومياتى بعد الفطار

[لمسه اطفال]

الفطور كان 3تمرات كوب ماء كوب شوربه دجاج مع الذره 4ملاعق رز مع سمكه مقليه وقطعه بيف باستري بالجبن وبرتقاله

الرياضه لعبت 25دقيقه وراح اتمشى وارجع اليكم

[nada77]

السلام عليكم
ندى متزعليش مني ياقمر أنا لسه مبقدرش أتحرك كثير بسبب الحادث عشان كده مكنتش بتمشى.

حبيبتى ام مايا سامحينى انا كنت ناسيه خالص موضوع تعبك اعذرينى حبيبتى

البنات اللى حاطه صوره فى التوقيع واتغيرت يا ريت تغيرها لو سمحتم وخصوصا دبدوباتنا الحلوات علشان يفضلوا فاكرين انهم لازم يخرجوا من المجموعه ويرجعوا مجموعتهن

[bero333]

ازيكم يا بناااااااااااااااااااات
وحشتوووووووووووووووووووووووووووووووووووووني جدا
انا بأكلمكم من عند ايمي لأن النت عندي فاصل عشان الراوتر بايظ
ربنا يسهل و يتصلح بقي

شوفتوني لما خسيت؟
هههههههههههههههههههههه
فرحت أوي عشان لو حد حب يهدي النفوس يبقي مش عنده فرصة ههههههههههههههههههههههههههههه

اااااااااااااااااااااااااااااااااه يا بطني هأمووووت من الأكل
بصراحة أكل ايمي لذييييييييييييييييييييييييييييييذ جدا و انا أكلت و الحمد لله
شوفوا أنا أكلت ايه
3 قطعة رقاق باللحمة المفرومة + صدر فرخة مشوية + قطعة بفتيك + 3 ملاعق تورلي
و 1/2 كوب قمر الدين
و بعد كده 2 بلح الشام + قطعة كنافة بالكريمة
و مش عارفة لسة فيه تكملة و الا لأ
ههههههههههههههههههههههههههههههههههههههههههه
بس هأمشي شوية و أنا مروحة

وحشتوني أوي يا بنات بجد

طبعا مش قريت الردود
ادعوا النت يتصلح عندي بقي عشان أدخلكم كل يوم
ياللا سلاااااااااااااااااااااااااااااام

يييييييي نسيت
السحور
1 زبادي أكتيفيا و ممن ثمرة مانجو و بس
سلاااااااااااااااام

[لمسه اطفال]

اهو بدينا التخبيصات رحت مشيت ساعه كامله هروله سريعه ورجعت اكلت قطعه فطاير وربع بسكوته القمح ونص كوب شوربه وعصير برتقال من دون سكر