مجموعه البنات السمبتيك والجسم الرشيييييييق.مع د"بهاء ناجي"12

[bero333]

العشا امبارح يا بنات كان
رغيف سن ببيضة مسلوقة
بس حصل ايه؟
الأستاذ مؤمن فضل صاحي لحد الساعة 7 صباحا و طبعا انا كنت معاه و أكيد جعت
فأكلت
شريحة كيك + 2 موزة + كوب عصير فراولة
بس النهاردة ان شاء الله هأعوضهم

الفطار كوب نيسكافيه و بس

الغدا هيكون سمك مشوي من صيد أبو مؤمن (ربنا يستر) هههههههههههههههههههههههههه
+رز+سلطة

العشا مش عارفة لسة

النهاردة هأوزن ان شاء الله ربنا يستر

[mmm=my life]

ماشالله
برافو عليكم يا بنات
مبرووووووووووووووووووك نزول الوزن

بيرو:ماشي يا عسل مستنيه واحده
دي اكيد ملهاش في تزويد الوزن

ريم :عامله ايه يا حلوه

اهلا بكل البنات الجديده نورتونا

معلش مستعجله

الدايت تمتم ان شالله

بيرو:انا استنيتك امبارح ذي مابعتلك وانتي مدخلتيش
طيب اليوم برده نفس النظام يارب نلحق بعض؟؟؟

[ريم اسلام]

اخباركم يا سمبتيكات نا ماشيه تمام ع الدايت من انهارده وبوزن الخميس بس بحاول ادخل من الصبح النت كان فاصل الحمد لله رجع تاني
انا هقول يومي بسرعه
فطار بيضه وعيش سن وشاي
وشربت شاي اخضر
الغدا لحمه وسلطه وعيش سن
العشا اكيد زبادي او كوبايه عصير برتقال من غير سكر
لاني خارجه اشتري شويه حاجات وهرجعلكو تاني بس بكره جوزي جاي وهكون ف شقتي من بكره الصبح اعمل شويه اكل بس دايت والله بس هعمل شويه حلويات ومش هلخبط متخفوش ههههههه والنت هناك شغال بس الاب توب معاه سبته له لما نزلت فلما يوصل ان شاء الله هشغله واظبط النت وادخل اكلمكو بانتظام زي الاول ويرجع الاستقرار بقه متعرفوش الاسبوعين دول كانو صعبين قد ايه وحشه اوي برده اني نزلت بدري اسبوعين عنه يلا الحمد لله
رغيت كتير هقوم انزل بقه متقولقوش لو مدخلتش بقه ع ما اظبط النت ف شقني بااااااااااااااااااااااااااي

[sou-2001]

مساء الخير على أحلى سمبتيكات أزيكم كلكم وحشتونى الحقيقة النت كان فاصل مش عارفه فى فره للنت اليومين دول والاايه قرأت ان كتير النت فاصل عندهم أخباركم ايه وأخبار الميزان
أنا الحقيقه مكنتش منتظمه فى الدايت الاسبوع ده بس كنت بمشى كل يوم نصف ساعه لكن منزلتش فى الميزان أنشاء الله ابدأ أنتظم من بعد شم النسيم الاولاد أجازه من المدارس ومش حقدر أظبط حاجه وبالمره قلت أعك شويه يمكن الميزان يخلى عنده دم بعد كده ويتحرك راغيت كتير معلش لكن بعوض حقى أهلا وسهلا باللاعضاء الجدد وحشتونى ياأحلى شله
وأزيكو أزيكو أنا جايه أخس عندكو

[bero333]

ايه يا بنات أنتم فين؟
انا جايبة الموضوع من الصفحة التانية لأول مرة في تاريخ الموضوع بتاعنا
والله زعلت أوي
شدوا حيلكم انتم فين ؟

سو ازيك يا قمر باين كده النت عنده فرة فعلا و كمان موسم أجازات ربنا يستر

ريم
يا قمر ياللا بقي روحي بيتك و استقري ربنا يسعدك و يرجعلك زوجك بالسلامة
بس ابقي اعملي حسابي في شوية من الحلويات يوم شم النسيم

ياللا باي

انا النهاردة عند ماما من الصبح عشان الشغل و أتمني لما أرجع بالليل ألاقي الوضوع في الصفحة الأولي و ألاقيكم دخلتم
احنا اتحسدنا والا ايه؟

[Mera]

موضوعكم جميل اوى والشعارات جميله اوى والروح بينكم جميله
فياريت تقبلونى معاكم
انا 28 سنه
وطولى مش عارفه هقيسه وابقى اقولكم
وزنى دلوقتى 70
مشكلتى الثبات مشيت على ريجيم الدكتور بهاء من شهر ونص تقريبا نزلت اول اسبوعين بس 4 كيلو ومن ساعتها ما نزلتش حاجه تانى خالص
بس انا مش ماشيه على الريجيم بالضبط انا بخرف اوى وبوزن برضه الخميس
بس معاكم ممكن اضبط الدنيا شويه
اصل انا زوجى 130 فانا بقى حاسه انى انا عادى اكل براحتى فبيجى على دماغى فى الاخر
المشكله التانيه والكبيره جدا بطنى بعد الولاده شكلها وحش اوى مش عارفه ارجعها زى الاول بعمل رياضه يوم وعشره لا لو حد عنده تمارين حلوه يقولى عليها ولو فى صور يبقى جميل
انا طولت عليكم معلش

[Mera]

يا سمباتيكات عايزه اسالكم على حاجه مهمه
دكتور بهاء كان قال على مسقعه الريجيم بس انا ما فهمتش تتعمل ازاى بالضبط اللى تعرف تقولى على الطريقه واللى جربتها تقولى حلوه واللا لا
وجزاكن الله خيرا

[bero333]

يا سمباتيكات عايزه اسالكم على حاجه مهمه
دكتور بهاء كان قال على مسقعه الريجيم بس انا ما فهمتش تتعمل ازاى بالضبط اللى تعرف تقولى على الطريقه واللى جربتها تقولى حلوه واللا لا
وجزاكن الله خيرا

أولا أهلا بيكي يا ميرا نورتينا اوي و شكرا ليكي
و ان شاء الله الشعارات بتاعتنا تعمل شغل جامد
بصي يا ستي
العك اللي بتقولي عليه هو اللي عملك ثبات في الوزن كده شكلك أتبسطي بعد أول 4 كيلو و قلتي أهيص
ههههههههههههههههههههههه
و بعدين كمان موضوع وزن زوجك ربنا يشفيه و يعافيه و حاولي تخليه يعمل ريجيم معاكي عشان تشجعوا بعض

بصي يا ميرا بالنسبة لموضوع مسقعة الريجيم انا هأقولك الدكتور قال ايه و أنا بأعملها ازاي ماشي
الدكتور قال
تعصجي اللحمة في المقلاية التيفال من غير زيت أو بنقطة صغيرة
و الباذنجان تشويه في الفرن بعد تقطيعه طبعا و ده بدلا من قليه و بعد كده تعمليها عادي بقي تحطي الصلصة وكده
بس طبعا من غير أي دهون

طريقيتي انا بقي
في اللحمة زي ما الدكتور بيقول
أما الباذنجان فبصراحة لقيته بياخد وقت طويل في الفرن فبقيت أحط نقطة زيت في المقلاية التيفال و أرص فيه شرايح الباذنجان يعني بأعملها زي الشواية الجريل انا مش عندي واحدة لو عندك انتي اعملي عليها
و الباقي زي الدكتور ما بيقول من غير دهون

و طعمها حلو و عادي جدا و الله انا بأحط الصلصة و بعد كده أحطها في الفرن
وجوزي ما عرفش يفرقها عن المقلية

و بالنسبة للتمارين يا قمر انا عارفة تمارين بس للأسف مش ينفع أحط لك الرابط و لا الصور
بصي ادخلي علي جوجل و اكتبي
تمارين كروز
و هتلاقي كل اللي انتي محتاجاه بالصور كمان
و ما تقوليش معقولة 15 دقيقة في اليوم بالطريقة البسيطة دي تعمل فرق؟
أيوة بتعمل و انا مجرباها حلوة جدا و نتائجها مبهرة
انا طولت عليكي اوي و رغيت كتير
ياللا بقي شدي حيلك و في انتظار يومياتك
و ابقي قولي لي لقيتي التمارين و الا لأ و ايه رأيك؟

[Mera]

جزاكى الله خيرا اختى بيرو ولا طولتى ولا حاجه
انا بعمله ريجيم وبعمل على حسه بس بدى لنفسى من كل حاجه اكتر منه وفعلا فرحت من بعد ال 4 كيلو وقلت الموضوع سهل ومن ساعتها
انا برضه بقيت اعصج اللحمه المفرومه من غير زيت خالص زى ما الدكتور قال ولقيت الدنيا عادى جدا احنا اللى كنا بنظلم نفسنا بالزيت ده والله
بس الباذنجان مش عارفه ليه مش متخيلاه حاسه انه مش هيستوى بس هعمل طريقتك واجربها انا معنديش تيفال تفتكرى اعملها بجريلت الفرن بس احطها على البوتجاز من فوق واللا اعملها فى طاسه عاديه
والتمارين هروح اشوفها دلوقتى واقولك لقتها واللا لا
وجزاكى الله خيرا

[Mera]

شوفت التمارين جزاكى الله خيرا فى حاجات فهمتها وحاجات لا بس نزلتهم عندى عشان اقراهم بروقان
لو تعرفى حاجه بالصور برضه قوليلى عليها
وانا لما اركز فيهم هسالك لو فى حاجه معرفتهاش

[خفاياالقلب]

بستوجينا

خفايا القلب اسمك حلو أوي ممكن أعرف ايه هي الحمرا؟ انا اسفة بس بجد عايزة أعرف و ممكن أعرف انتي من دولة ايه؟ انتي منورانا يا قمر

النور نورج يالغاليه
وانا من دولة الامارات
وبالتحديد من الامارات الشماليه
وبالنسبة للحبة الحمراء
اعتقد بعضهم يطلقون عليها حب الرشاد
وهذي صورة حصلتها بجوجل

[خفاياالقلب]

بالنسبة للميزان
انا باديه الرجيم من يوم الثلاثاء
يعني متى احط الوزن؟؟؟؟
مايصير الجمعه
طيب ممكن احطه الاسبوع الجاي يوم الجمعه؟؟؟
خفايا القلب

[برافو]

صباح الخير يابنات
وحشتونى جدا معلش اصل كان
عندى ضيوف بقى لهم كم يوم
وماكنش فى وقت ادخل ما شاء
اللة كان البيت ملين ولاد
علشان كدا ما كنتش بعرف ادخل
ندى
بيرو
ريم
ميرسى على مباركتكوا لعمر علشان
عيد ميلادة انشاء اللة يوم الاثنين
باذن اللة مش ناوية اعملة حاجات
كتير يادوب تورتية صغيرة كدا على ادة
ولا اقولكوا هاخود التورتية اللى ريم عملتهلة وخلاص علشان نوفر التخبيص
بمناسبة التخبيص والميزان اقولكوا ولا
بلاش انا اقدر اخبى حاجة على اخواتى بردوا

نتيجة الضيوف اللى كانوا عندنا والاولاد
زيادة الاتنين كيلة اللى كنت نزلتهم
بعد طلوع الروح يعنى رجعت تانى
ل 105 مش قولتلكوا انا اتعقدت من
الرقم دا
بس واللة غصب عنى اصل هما عارفين
انى بعمل حلويات شرقية وتورتات
وكانوا مصممين انى اعمل لهم
وطبعا انا كمان قمت بالواجب فى العمايل والاكل طبعا
لما فى الاخر اعدت اقول لهم منكوا للة
ربنا ينتقم منكوا اصل ولاد اخويا
ياللة اعمل اية بقى

[برافو]

بنات انا انشاء اللة فى احتمال كبير
انى انزل مصر فى رمضان لسة مش اكيدبس لما اتاكد هقولكوا طبعا

بس انا قررت انى انزل مصر وانا 80 كيلو بعون اللة
اية رايكوا يابنات نشد على نفسنا شوية ونلتزم بالرجيم صح ويبقى فى عقوبة للى تخبص او تزيد فى الوزن
ونلتزم اكتر بالرياضة
ياللة يابنات اية رايكوا فى البداية الصح
للوصول للوزن الصح ياللة قولوا نعمل
اية علشان نبدء بداية قوية ونخس ونحط هدف لينا كلنا مبدئيا 5 كيلو
مثلا فى اسبوعين او 3 ومش هنوزن الا فى اليوم اللى نتفق علية
ياللة اللى عندها اقتراح تقولة بسررررررررررررررررررعة
مش عاوزين نضيع وقت كفاية الوقت اللى فات

[راجيه رضا ربي]

سلاموا عليكم وحشتوني جدا والله
معلش ماقدرتش اقرء الردود كلها بس شوفت موضوع البرتقال والخل دا انا ماجربتوش بس خللي بالكوا اللي عنده مشاكل في المعده التهاب او حاجه ماينفعش علشان مش تزيد اصل انا عندي التهاب في المعده والقاولون وممنوعه من الحاجات دي "والمانجه ):" والجديد بقي لما بشرب الميه بطني بتوجعني مش عارفه ليه وبحس ان انا هفضي اللي فبطني؟معقوله تكون ليها علاقه بالمعده!!
أنا وزنت وزي مانا 65 بس الحمد لله ماتخنتش بس ان شاء الله هواظب تاني الاسبوع دا
ادعوللي البرد مبهدلني انا ومنه وعندها كحه ربنا يستر
بيرو انتي بتدخلي امتي نفسي اكلمك
بوسي نفسي اتعرف عليكي انت وندا