يلا نكمل يا أحلى مرضعات و رشيقات في نفس الوقت(3)

[مشتاقة للأمان]

رنوش
حبيبتي أهلا و سهلا فيك
النصائح كتيرة
أهم شي شيلي من بالك فكرة الريجيم القاسي أو تخفيف الأكل إنت عندك طفل صغير مسؤولة عنه و معتمد عليك لأنه حليبك هو غذاؤه الوحيد
تاني شي اشربي الماء كتير بين الوجبات
ابتعدي عن الحلويات بشكل نهائي
خلي أكلك منظم 3 وجبات رئيسية و بينها 3 وجبات جانبية عبارة عن فاكهة أو خيار و خس
لا تاكلي شي بعد الساعة 8 بالليل إلا الخضرة و الفاكهة
اشربي يوميا كاسة منقوع أعشاب متل اليانسون و البابونج ممتاز لزيادة الحليب
و أخيرا العبي رياضة نص ساعة باليوم
و موفقة حبيبتي

[مشتاقة للأمان]

أسية البعد
مشكورة عالمرور الحلو منورة

[shamooo0]

أناااااااااااا هنااااااااااااااااااا

قبل ما ارد على ردودكم بدي زلغط

لولولولوووولييييييييييييشش

اليوم الصبح لقيت وزني 66.7

يااااااااااي شوفرحانه

ببقى بثبته بالتوقيع لما بثبت وزني هيك على يومين

[shamooo0]

ياسمين شامي
أهلا و سهلا فيك
وزنك مو زايد ما شاء الله بس إنت حابة تنحفي مو كأنه كتير قليل 60
بالفعل شامو غايبة ما بتدخل كتير
على كل أهلا و سهلا فيك و يار ب تلاقي الحماس المنشود



أخواتي المشتركات
حبيت ذكركن يا بنات احنا لازم ان شاء الله نتعاون نرضع أطفالنا لمدة سنتين هيك السّنّة و هيك الأفضل لصحة أطفالنا أغلى شي بحياتنا

اهلا مشتاقه اشتقتلك
كيفك
بالفعل انا غايبه عن الكتابه بس متابعه ( بعرف ما بيصير هيك رح صير اكتب كمان)

فعلا الرضاعه نعمه ولازم نحافظ عليها وانا مع تشجعيكم والرضاعه الطبيعيه وشوووووووووووويه تخفيف اكل او اسمو تنظيم صرت نازله من وقت انضميت لهالموضوع بالجزء الاول ((( 4 كيلووو )))

منيح وبوعدكم الايام الجاي يزيدو لاني رح ارجع للمشي يلي اتهاونت فيه مع انو مفيد ورح ابدأ سباحه الايام الجاي ( يوم بالاسبوع على الاقل فيه سباحه ساعتين متواصلات )
جربتها زمان قبل الحمل ايام كنت ناصحه فيها والنتيجه رهيييييييبه بالوزن وشكل الجسم

انصحكم يلي عندها مكان مناسب للسباحه او بحر للسيدات او نادي ممكن تشترك فيه رح تلاقو فرق

[shamooo0]

يا بنات جميعا
يلي عم تحكوا عن انكم وزنتو مبارح وكان كذا ووزنتو اليوم وزايد كذا

لا تزعلوا
انا مثلكم حاطه الميزان بالبيت شغلتي هههههههههههه
كل شو بوزن
ولو اكلت بوزن
ولو مشيت بوزن هههههههههه
احيانا بلاقي فرق باليوم زياده كيلو ونص واكتر
بس ما بعتبر هالشي

فقط يلي بسجلو يوم بالاسبوع وقبل ما اوزن لازم يكون اولا

الصبح ومرضعه ابني عالاخر ( يعني بخفف من وزن صدري) وقبل ما اكل او حتى اشرب مي او حليب

و

فايته عالحمام اول

و

لا توزنوا حالكم وانتوا بردانين ولابسين لبس سميك هههههههه ترا بيزيد وزنكم شي كيلو

و

اخر شي

لا توزنوا بعد ما تتحمموا ويكون شعركم مبلول هههه


رح تضحكوا عليي بس عن جد عملت الميزان شغلتي ولاحظت هالشغلات هي

[shamooo0]

يا بناااااااااات شو رأيكم نعمل يوم اسبوعي للوزن

يوم السبت متل اليوم كل وحده بتصحى الصبح وبتوزن ونحط الوزن
مو يمكن هيك بيصير تشجيع


شوووووووووووو رأيكم؟؟؟؟؟

[مشتاقة للأمان]

لك أهلين و الله شامو فقدتك هالكم يوم كيفك يا عسولة
أنا بتوزن قبل نهاية الأسبوع و بعدها هههههههههه بتعرفي العطلة كلها تخبيص بتخبيص
يعني يوم الخميس و يوم الأحد و طبعا باخد الشروط الازمة يلي قلتي عليها و يمكن أكتر بخاف كون زايدة ربع كيلو ما بيصير يعني
حلوة السباحة بس أنا ما بعرف أسبح بغرق

[مشتاقة للأمان]

وينك شامو شكلي رح يصير وزني متلك و إنت محلك سر ههههههههههههههههه

[كربوجة]

صباح الخير ياحلوات
إمبارح كان يومي تمااااام الحمدلله وعقبال باقي الأيام يارب
وشامو أشتقنالك وين كنت لا بقى تغيبي عنا

[اسالك الجنه]

السلام عليكم
كيف حالكم بنات ان شاء الله تمام
ان معك يا شامو لابد الوزن يكون يو واحد فقط فى الاسبوع وياريت نوحده اوكيه فليكن ان شاء الله يوم السبت او الجمعه غير هيك انصحكن يا بنات شيلو الميزان فى مكان عالى حتى لا تتجدونه امامكن وان شاء الله خير
انا وزنت امس والحمد لله نزلت كيلو
الظاهر جسمى ما بيرضى ينزل اكتر من كيلو بالاسبوع
الحمد لله على فكره انا بصوم ما على
واليوم فاطره بس حاسه نفسى جوعانه جدااااااااا
وباكل كتير الله يستر

[قلب خالد]

مبروك التجمع

هلا والله فيكم ياحلوات

ياليت اقدر امشي معاكم

[shamooo0]

وينك شامو شكلي رح يصير وزني متلك و إنت محلك سر ههههههههههههههههه

له له له له بدل ما تقوليلي مبروك
نزلت اربعه كيلو وبدون ما امشي عالنظام بحذافيرو

ليكي هلأ بنطمز وببطل وبقوم بعمل عشا دسم ( بنفسي والله ) هههههههههههه

نعمه ال 4 كيلو بدي من هون للصيف اصير تحت ال 60 لوووووووو قدرت

وبس ارجع من اجازه سوريا بكمل ان شاء الله بيكون صار رمضان

[shamooo0]

صباح الخير ياحلوات
إمبارح كان يومي تمااااام الحمدلله وعقبال باقي الأيام يارب
وشامو أشتقنالك وين كنت لا بقى تغيبي عنا

حاااااااضر ما رح غيب وما يوحشك غالي
وشكرا الك على الرساله الخاصه

[shamooo0]

السلام عليكم
كيف حالكم بنات ان شاء الله تمام
ان معك يا شامو لابد الوزن يكون يو واحد فقط فى الاسبوع وياريت نوحده اوكيه فليكن ان شاء الله يوم السبت او الجمعه غير هيك انصحكن يا بنات شيلو الميزان فى مكان عالى حتى لا تتجدونه امامكن وان شاء الله خير
انا وزنت امس والحمد لله نزلت كيلو
الظاهر جسمى ما بيرضى ينزل اكتر من كيلو بالاسبوع
الحمد لله على فكره انا بصوم ما على
واليوم فاطره بس حاسه نفسى جوعانه جدااااااااا
وباكل كتير الله يستر

اوك منوحد يوم للوزن
بس متل ما قالت مشتاقه رح تفرق معنا يوم الخميس عن يوم السبت
انا كمان مثلها باخر الاسبوع بيخرب كل شي مع الطلعات والعزايم وكل واحد بيقلي كلي هي انتي مرضعه وانتي مرضعه هههههههههه
اليوم ام زوجي طعمتني 3 قطع معقود كلوووووووو سكر عرفتوه ؟ هاد يلي فواكه متل المربى حلوه .. وحده تفاحه كامله وحده دراق كامله وقطعه قرع

ييييييي شو كانو حلوين شكلي على تخفيف الحلو والاكل الدسم حسيتهم تقال ونفسي ما قبلتهم
بس ما قدرت ارفض ( قال يعني مسايره)

بس هاد كان العصر وعشان هيك رح يكون ما في عشا بس سوائل

[shamooo0]

مبروك التجمع

هلا والله فيكم ياحلوات

ياليت اقدر امشي معاكم

اهلا قلب خالد

ليش ما تقدري

امشي على حسب مقدرتك