مجموعة البنات السمبتيك و الجسم الرشيق مع د.بهاء ناجي (3)

[bero333]

صباح الخير يا بنات
ياللا كل موضوع و انتم سمبتيك
و عقبال ما نفتح موضوع مذكرات البنات السمبتيك
ياللا بسم الله

الأسبوع السادس

الأفطار

كوب شاي بلبن او نيسكافيه بلبن خالي الدسم + ملعقة صغيرة عسل نحل + 3 ملاعق فول او جبنة بيضاء او 2 طعمية
+ رغيف سن



الغدا:

اليوم الأول: وجبة مفتوحة
اليوم الثاني: 3 قطع بيتزا + سلطة خضراء
اليوم الثالث: 1/4 فرخة مشوية + 5 ملاعق مكرونة + سلطة
اليوم الرابع: 2 بيضة أومليت + رغيف سن + سلطة
اليوم الخامس: 1/2 كيلو سمك مشوي +4 ملاعق ارز + سلطة
اليوم السادس: علبة تونة + سلطة + رغيف سن
اليوم السابع: 2 هوت دوج مشوي + 2 توست سن + سلطة


العشاء :

بيضة مسلوقة او قطعة جبنة بيضاء + 2 توست سن


و طبعا الروابط

الأسبوع الأول

الأسبوع الثاني

الأسبوع الثالث

الأسبوع الرابع

الأسبوع الخامس

ياللا يا بنات
قولوا ورايا
انا مش شوال فريك انا بنت حلوة و سمبتيك
هنخس يعني هنخس

[سلمى حبيبتى]

يا صباح الخيرات
وكل موضوع جديد وانتم سمبتيك

يلا يا بنات عايزين الموضوع الجديد كله نشاط وحيويه
هنخس يعنى هنخس

[ايمو]

بيرو الف مبروك على النزول شفتى مفعول الشعار هههههههه حنخس يعنى حنخس

مروه الف مبروك على النزول بس 7 كيلو ده خلى بالك و حاولى تحافظى عليهم لان الصحى من 1-2 فى الاسبوع بس ربنا يوفقك يا قمر يالا شيدى حيلك و كملى

سلمى صباح الفل يا جميله و برده احب اقول حاجه للسمبتيكات كلهم

بشيوكولاته من غير :- " حنخس يعنى حنخس "

[سلمى حبيبتى]

ههههههههه ماشى يا ايمو
هنخس يعنى هنخس
بيرو الف مبروك حبيبتى على النزول وعقبال لما توصلى يا قمر للوزن اللى عايزاه

ايه فين بقيه البنات

[ريم اسلام]

صباح الخير يا بنات وكل موضوع جديد وانتو سمباتيك
بس التاني لسه متقفلش صح
مروه الف مبروك انت عملتي ايه للسبعه كيلو دول لازم تقولي بتاكلي ايه بالظبط ولو ف حمل ان شاء الله مفيش مشاكل من الشاي بس قلليه
والمشروم الدكتور قال انهبيقلل الدهون اللي ف الاكل لما يتحط فيه مفيد جدا
الكسكسي ممنوع يا قمر والسمان كمان لان اللحوم الغامقه الكليسترول فيها عالي اوي
سلمي وحشتيني يا عسل
بيرو مبرروووووووك التلاته كيلو يا عسل
ايمو مع الشيكولاته هنخس يعني هنخس
برافو
شوشو
ندي
بوسي كات
مروه
توتي
روحتو فين يا بنات
الطريق ميتوهش انا وصلت ع طول

[ايمو]

حنخس يعنى حنخس

الفطار قرفه بالبن + باتيه

الغدا انشاء الله :- فراخ مشويه + سلطه

[سلمى حبيبتى]

اذيك يا ريم يا عسل
انتى وحشتنى اكتر
بنات انا خرجت كنت فى المسجد ولسه جايه جلسه علم يعنى
المهم انا مش فطرت مش عارفه اعمل ايه لانى نزلت بدرى
عامه انا هشرب كوب الشاى باللبن بتاعى وربنا يستر بقى ومتهورش النهارده

[marwa81]

حبيبى الحلوين ازيكم صباحى لسه مابدئش بس هاقوم ااكل كوب زبادى خالى من الدسم
والغدا مش عارفه لسه لانى نازله اشترى ملابس وهامشى كتير احتمال اتغدى برا
بالنسبه لل 7 كيلو اللى نزلتهم انا بطبيعتى مشاء الله بنزل على طول بس لازم التزم بالاكل ومش ااكل وانام لكن مامنعتش الاكل بالعكس كل اللى عملته انى قللت كميه الاكل لكن للعلم
مش بحرم نفسى من حاجه والحمد لله بس يابنات انا من قبل كنت باكل كتير وعيش كتير كمان وبتعشى وبنام وده غلط جدااا وللعلم انا طبيعه جسمى المفروض صعب اتخن لانى بحب الحركه والخروج والمشى بس بعد الولاده جسمى زاذ والحمد لله ان شاء الله اوصل لل 60 كمان واقفل على كده

[marwa81]

وصحيح نسيت اقول انا عندى جهاز اب جيم فى البيت مشايه ولكن مانيوال اعتقد افضل من الكهربائيه لانها بتخليكى تعملى مجهود اكتر والجهاز فيه الحزام الكهربائى وفيها تويستر وايضا تمرين للبطن وبتحسب لك حرق السعرات الحراريه وانتى بتلعبى بس بتتعبنى لما بلعب بدوخ مش عارفه ليه بس هى رائعه افضل مانروح جيم لان التخسيس لوحده لايكفى لازم رياضه كل يوم ومشى وجرى وكده وهى بتوفر لك كل ده فى البيت

[ريم اسلام]

سلمي حبيبتي وحشاني اشربي شاي بلبن وافطري فطار رجيم علشان متلخبطيش

انا لعبت تمارين انهارده بس جسمي مكسر وكمان بنظف الشقه وواخده بشعار بيرو

لا للمكنسه نعم للتنظيف اليدوي



مروه ربنا معاكي يا قمر وتوصلي للانتي عايزاه بس نصيحه بلاش السير المانيوال كتير لانه بيعمل خشونه ف الركبه وده من كلام الدكتور لاني كانت ركبتي تعبتي وكنت بروح جيم السير كان فيه مانيوال وفعلا غيرت الجيم وكان في سير كهربا متعبنيش وكمان الدكتور قالي لو عايزه تلعبي ع المانيوال تبقي لابسه كوتشي رياضي علشان الظغط ميبقاش من كعب رجلك للركبتك فاهمه




[هنخس يعني هنخس

[nour nagy]

هـــــــــــــــــاى

[nour nagy]

أجمد جروب فى الدنيا

إزيكم أنا اسمى نور انتو بجد كلكم زى العسل أنا كمان بعمل ريجيم من حوالى اسبوع ونزلت 3,5 بس متبعه مع دكتور لقيت وزنى وصل 80 كيلو بعد الحمل والولادة مكنتش طايقة نفسى بس الحمدلله دلوقتى الواحد بيعمل اللى عليه وربنا يكرمنا كلنا انشاء الله

[ريم اسلام]

اهلا بيك يا نور معانا ولو عندك معلومات من الدكتور ياريت تفيدينا بيها وقولي نظامك وامشي معانا واكتبي يومياتك يلا يا قمر ان شاء الله توصلي للي انت عايزاه


بنات انا فطاري كان جبنه مع عيش اسمر وشربت شاي
وبعديها شربت نسكافيه
الغدا هيكون اربع ملاعق فول مع نصف رغيف اسمر وطماطم وخيار
العشاا لسه مش عارفه
يا بنات هنخس يعني هنخس

[nada77]

مساء الخير يابنات
هو كلكم من المنصوره وطنطا (اجدع ناس) ومفيش تشجيع لبنات الاسكندرية ولا أيه
الفطار النهاردة كان شاى بلبن وبعدها بساعة 1 برتقالة مع المشروب اللىقولتلكم عليه للامساك عامل نتيجة هايله
انتو بتتقابلوا الساعه كام وبتوقيت مصر ولا ايه

حنخس يعنى حنخس

[mmm=my life]

سلام عليكم يا بناتيت
الواحد بيحس انه داخل يتكلم في بيته سبحان الله كان في عشره بينا
ربنا يكرمكم
بصو اولا الففففففففف مبرووووووووووووك لمروه ولبيرو
تانيا سلامي للجمييييييييييييييييييييع دون ان انسي احد
تالتا انا تعباااااااااااااااااانه جدا عندي الم في ركبتي اليمني من الخلف"من بطن الرجل يعني"
وشديد جدا طول اليل بينقح جامد
وانا محتاره مش عارفه اعمل ايه يمكن عشان مشيت كتيييييييييييييييييير امبارح
بس ارجع واقول وانا ازيد من كده بعشره كيلو مكنش عندي الالم ده
الله المستعان
دعواتكم يا بنات