مجموعة البنات السمبتيك و الجسم الرشيق مع د.بهاء ناجي (2)

[bero333]

السلام عليكم يا بنات
كل موضوع جديد و انتم بألف خير
انا قلت بما ان ده موضوع جديد فأنزل الأسبوع الخامس


الأفطار:


كوب شاي او نيسكافيه بلبن خالي الدسم + ملعقة صغيرة عسل +3 ملاعق فول او جبنة بيضاء + 2 توست سن

الغداء:


اليوم الأول:
وجبة مفتوحة

اليوم الثاني:
1/4 كيلو جمبري مشوي + 4 ملاعق ارز + سلطة

اليوم الثالث:

قطعة مكرونة في الفرن دايت + سلطة

اليوم الرابع:
1/2 كيلو سمك مشوي + 4 ملاعق ارز + سلطة


اليوم الخامس:

تونة + سلطة + رغيف سن

اليوم السادس:

8 ملاعق كشري + سلطة

اليوم السابع:

1/4 فرخة +1/4 كيلو بطاطس في الفرن + سلطة

العشاء


بيضة مسلوقة او شريحة جبنة شيدر (لايت) + 2 توست سن + ثمرة فاكهة



و كل أسبوع و موضوع جديد و انتم بخير
و طبعا دي الأسابيع اللي فاتت هنا

الأسبوع الأول


الأسبوع التاني

الأسبوع الثالث

الأسبوع الرابع

[bero333]

صباح الخير يا بنات
انا امبارح جيت ادخل بالليل لقيت الموضوع اللي فات مغلق قلت
لا مش هأنام قبل ما افتح الموضوع الجديد
موضوع جديد
بداية جديدة
حماس شديد
انا مش شوال فريك انا بنت حلوة و سمبتيك
ياللا بقي مستنة اشوفكم في الموضوع الجديد
باااااااااااااااااااي
تصبحوا علي خير

[سلمى حبيبتى]

صباااااااااح الخير بيرو
كل موضوع وانتى طيبه
عقبال ما نقفله خالص

انتى عامله ايه

انا يومى كان امبارح
الفطار 2 توست وجبنه اريش وطماطم وخياره وشاى باللبن خالى الدسم
الغدا كان سبانخ نى xنى و نص رغيف 2 قطعه لحمه وطبعا السلطه
العشاء كان زبااااااااااادى فقط ونمت قبل ما اكل تاااااااانة
والحمد لله شربت 3 كوب شاى اخضر وساعات بحط عليه نعناع وشمر على حسب
سمعت ان الشمر بيسد النفس اولا
وبيشد الجسم


انا النهارده رايحه عند ماما
يعنى مش هاشوفكم غير بالليل

[سلمى حبيبتى]

ادعولى يا بنات معكش عند ماما احسن اختى الكبيره متغاظه منى وتقولى كفايه كده وخلى اليوم الفرى معانا
وانا اقولها ابدااااااااااااااااا ابداااااااااااااااااا مع جوزى حبيب قلبى

[برافو]

صباح الخير والنشاط والحيوية والميزان

[bero333]

صباح الخير يا بنات
انا امبارح يومي كان غريب شوية
الفطار كوب شاي أخضر
الغداء 1/2 كيلو جمبري مسلوق + 1/2 رغيف
العشاء كان زبادي فقط لاغير
مش عارفة كانت عندي حالة انسداد في النفس فظيعة(الحمد لله)

طبعا النهاردة الفري بتاعي بس زي ما اتفقنا وجبة واحدة بس
يعني الفطار هيكون زبادي و شاي أخضر
ةاغداء هيكون سلطة فقط
و مساء العشا برة بس لا للعك الكثير و ان شاء الله اوزن و اشوف ايه الأخبار
و مستنية كل واحدة تقول عاملة ايه في الميزان
ياللا يا بنات ربن معانا

سلمي صباح الفل
ربنا معاكي و يقويكي النهاردةعند مامتك و بلغي سلامنا لأختك و قولي لها علي الشعار و افضلي ردديه
انا مش شوال فريك انا بنت حلوة وسمبتيك

برافو
صباح الخير و الميزان يا قمر ياللا بقي اوزني و طمنينا

انا كمان النهاردة هأوزن برغم توقعي للأسوأ بسبب كبوة منتصف الأسبوع و كذلك الدورة
ياللا ربنا يستر المهم اكون نازلة و لو نصف كيلو

[ريم اسلام]

صباح الخير والسعاده والموضيع الجديده يارب يكون وشه حلو علينا ف الميزان
زعلت امبارح لما جيت افتح الموضوع لاقيته مغلق قلت يارب يا بيرو تلحقي تفتحي لنا الموضوع الجديد

[ريم اسلام]

برافو ازيك يا قمر عايزين نشاط وحماس
سلمي ان شاء الله متعكيش عند ماما وكل ما حد يقولك كولي خلي ارادتك تقوي اكتر وعاندي نفسك واكيد الفري مع جوزك رسمتيه صح راسمه ع تقيل
بيرو القمر وحشتيني انا كمان الفري بتاعي هيبقي انهارده بس انا فطرت رجيم اتنين توست مع جبنه وشاي والغدا هيبقي فاكها ونازله بليل بقه مع جوزي نتعشي بره بس مش هعك كتير
انا البيريود عندي وخايفه اوزن الاقي منزلتش بس هوزن برده
شوشو
ام حازم
مروه
توتي اخباركم ايه

[marwa81]

يامساءءءءءءءءءءءءء الفل عليكوا جميعا مشاء الله كلكم ماشيين تمام انا بقى متلغبطه اوى ياجماعه يعنى الى الان مافطرتش والساعه 2 ونصف ونفسى مسدوده على الاخر الجوع بيجيلى بليل فقط بس بمسك نفسى امبارح عملت جاتوة بالشيكولاته كنت هموت واكل منه بس دوقته وبس مع انى عمنلاه بلبن خالى الدسم بس طبعاا الزبده والشيكولاته كتيرررررررر
انهردا هاعمل صينيه بطاطس فى الفرن مش عارفه ااكل منها ازاى ؟؟

[ايمو]

يا اهلا بالاجزاءو المواضيع الجديده عقبال كده ما نغلق الموضوع خالص و نسميه لقاء السمبتيكات
انا تمبارح تمام ماشيه كما الكتاب اتعشيت 2 توست +2 فاكهه

[mmm=my life]

السلالالالالالالالالام عليكم
الففففففففففففففففف مبروووووووووووووووووووك
الجزء الجديد
يا رب يكون فاتحه خير وسعاده علينا
ونحقق فيه شويه حلوين من الهدف المنشود
بيرو
ايمو
برافو
ريم
سلمي
ليدي
مروه
اذيكم يا قمرات
يلا عايزين حماااااااااااااااااااااس
انهارده لسه بشرب ميه عالريق
والفطار انشاء الله
شاي بلبن وبرتقاله و3 تمر
اشوفكم في الغدا
سلام يا عساسيل

[ريم اسلام]

مساء الفل عليكو يا بنات انا فطرت جبنه واتنين توست وهتغدي فاكها واخرخ اتعشي بره وشربت شاي اخضر كتير ومايه
وناويه امشي كتير انهارده علشان اضيع الوجبه الفري اللي هخدها
اقبلكو بليل بقه لما ارجع
باااااااااااااااااي

[nada77]

مساء الخير عليكم يا بنات ان اول مرة ادخل ركن التغذية انا دائما تلاقينى فى ركن الحلويات والاطباق الرئيسية لحد لما حصل اللى انتم عارفينه وبنعالجه دلوقتى
بدأت يوم السبت نظام ريجيم وعجبنى جدا اسم مجموعتكم ربنا يقوينا جميعا
ليه سؤال الدورة يتزيد الوزن ولا ايه

[mmm=my life]

اهلا بيكي يا ندي ويلا اشتلركي معانا عشان تزودي حماسنا
اما الدوره اللي سمعته انها بتزود 3 كيلو تقريبا
لانها كمان بتحبس السواءل في الجسم
وبتحسي انك منفوخه ومورمه هههههههههه

[nada77]

ليه سؤال كمان
الشاى الاخضر شربه بيخسس فعلا وكام كوب فى اليوم علشان يجيب نتيجة