تويت
قصتـــي مع وزنـي والريجيـــمات
السلام عليكن ورحمة الله وبركاته
قرأت امس في هالقسم قصة لاخت فقدت نصف وزنها ماشاء الله خلال سنة. وعجبتني الطريقة فحبيت اكتب انا كمان قصتي بس قصتي مو غريبة متل القصة اللي شفتها بس ممكن تفيد البعض باذن الله.
انا يا اخواتي العزيزات نزلت من بطن امي دبدوبة يعني من لما كنت صغيرة وانا مليانة وكبرت على هالحالة
ولما وصلت لسن المراهقة صرت اشوف صديقاتي الرشيقات وانا الدبدوبة اللي ما بتلاقي لبس على مقاسها وحتى لو لقت ما بيطلع حلو
وصرت افكر كيف ممكن انحف يا ربي !!! المهم متذكرة اني اول ريجيم عملته بحياتي كان الريجيم الكيميائي وكان عمري 15 سنة وتدهورت صحتي وكمان ما استفدت لأني اللي نقصته رجعتو بالضعف بعدين وتخليت عن فكرة الريجيم حتى صار عمري 17 سنة
في هالعمر اتبعت ريجيم الكربوهيدرات وكان وزني وقتها تقريبا 83 الله يعافيكم وطولي مو اكتر من 158
المهم على هالريجيم نقص وزني ووصل حوالي 72 والكل صار يقلي صرتي ملكة جمال واستمر الحال معي سنة تقريبا (والريجيم بصراحة ممتاز والمفروض انك ما ترجعي بس انا استثناء عن كل العالم)
المهم بعدها بعمر الـ18 (2006) كنت ثانوية عامة وبتعرفوا قلق الثانوية العامة ! وكل ما يصير اختبارات ودراسة اااااااااااااكككككككللللل سندويتش ورا بطاطس ورا شكولاتة ورا بسكوت وامي الله يصلحها تقلي اتغذي يا بنتي وهي بتعرف انو جسم بنتها قاااااابل للسمنة بشكل سريع !!! المهم في هالسنة زااااااااااااد وزني بشكل مأساوي وما عدت الاقي ملابس ولا شي يجي على قدي...تخيلوا اني كنت اخاف اوزن حالي مشان ما انصدم !!!
و انتهت السنة الدراسية وانا منظري صار مرعب وفي يوم من الايام ابوي غصبني اوزن نفسي ووزنت !!!!!! وكانت الطااااااااااااااااااااااااااااااااامة الكبرى !!!!!! انا طولي وقتها صار 160 وهو كذلك حتى اليوم .. ووزني طلع ..........
اعوذ بالله من الشيطان الرجيم .....
95 كيلو !!!!!!!!!!!!
والله يا بنات بيومها بكييييت واتحطمت وندمت حرااااام بنت بعمري توصل لهالوزن ! بس للصراحة بعد ما شفت وزني اتحطمت وصرت اكل اكتر واكتر واكتر بس وزني ضل ثابت على هالوزن المشؤوم....
ولما صار عمري 19. فقت على نفسي وقلت خلص !!! عن جد خلص !!! لازم اوقف نفسي عند حدي !!! ولازم انحف بأي طريقة وكان اول طريق لي هو منتدى لك .. وبشكل خفي تابعت الريجيمات كلها وقررت اني ابدأ بريجيم الزبادي والحليب والعصير
الاسبوع الاول بدأت فيه وبدأت بشكل جدي (وبما ان وزني كان زايد كتير فكان من السهل اني انقص بشكل سريع بالبداية) اول اسبوع نقصت على هالريجيم 5 كيلو يعني وصلت للتسعين وكنت بمارس 45 دقيقة رياضة كل يوم .
كنت بطبق نصيحة اعطاني ياها دكتور اني لما اتبع ريجيم اولا اني اخد راحة سابع يوم اكل اكل عادي حتى يرجع الجسم يحرق بسرعة من اول وجديد وتاني نصيحة اني اغير كل اسبوع ريجيم شكل ....
الاسبوع التاني بدأت ريجيم التمر مع الرياضة طبعا ونقصت عليه 3 كيلو بالاسبوع يعني وصلت لل87 والحمدلله..
الاسبوع الثالث قررت اني استمر بكل جدية ورجعت لريجيم الزبادي والحليب والعصير ونقصت 4 كيلو ووصلت للـ83 والحمدلله يا ربببب . كنت اشوف البنات بالمنتدى واتشجع اكتر واكتر والناس حولي بيشجعوني والحمدلله بدأ شكلي يتحسن ووجهي يحلو وجسمي يصير اجمل ...
الاسبوع الرابع أعدت ريجيم التمر والحليب مرة تانية وما نقصت الا كيلو واحد .... بس مو مشكلة وصلت للـ86 .......
وبعدها الوالد اخدنا سياحة اسبوع على المغرب وانا خفت كتير يخرب نظامي بالسفر بس قررت اني احافظ على وزني لو مهما كلف الامر (ارااااااادة حديييد)
... ورحت وما عملت ريجيم بس كنت اكل شي بسييييييط وكنا نمشي كتير والحلو ولااااا لمستو والحمدلله رجعت وانا وزني 85 !!!!!!!!!!!! نقصت كيلووو خلال اسبوع بالتخفيف وبدون ريجيم !!!! ثبتت على هالوزن مدة شهر وبعدها بدأت من جديد الرياضة وريجيم التمر كمان مدة اسبوعين ورا بعض (مع يوم راحة لكل اسبوع مشان صحة الجسم) والمفاااااااجأة اني بهالاسبوعين وصل وزني للـ 78 والله يا بنات صرت 78 !!! والحمدلله رب العالمين وبقيت على هالوزن تقريبا سنة كاملة
من شهر قررت اني ارجع ابدأ ريجيم وعملت ريجيم الشوربة الحارقة واليوم اخر يوم لي بس لخبطت شوي بصراحة ونقصت 3 كيلو بهالاسبوع والحمدلله وصرت 75 يعني اليوم انا وزني 75 !!!
والله مشوار كان صعععععب كتيييييييير بس الحمدلله حققت نتائج يعني تقريبا خلال سنة ونص نقصت من 95 الى 75 يعني 20 كيلو وما رح يرجعو وراسي يشم الهوا انشاااااااالله
.... (يمكن 20 كيلو قليل على سنة ونص وكان ممكن انقص اكتر بس الحمدلله على كل حال)وهي قصتي الصعبة والمليئة بالتحدي
..... انشالله تكون عجبتكم وعلى فكرة انا حبدأ يوم السبت بريجيم التمر والحليب وانشالله اقدر اوصل للوزن المطلوب (65) انا طولي 160 بس ما بحب النحف كتير و65 بيكفيني.
تعليق