يلا نبدا مسابقه الي وزنها من 70 الى80 للجادات من جديد

[إم آية]

السلام عليكم...
كيفكم يا أحلى صبايا.. ما شاء الله المشتركات كل مالهم عم بزيدوا.. يالله بدنا شد همه..
بالنسبة إلي اليوم و إمبارح صيام.. بس شو الفجر بأدن على 3:45am و المغرب بأدن 9:08pm.. إمبارح أفطرت سلطة ورقيات (شبت و نعنع و خس مع ليمونه مقطعة تقطيع و شوية ملح و فلفل أحمر).. و قطعة بيتزا.. و جاج مسلوق... و اشربت 3 كاسات مي..
و اليوم إن شاء الله بدي أفطر برميل مي.. و سلطة ورقيات و قطعة بيتزاااا..
شو رأيكم الفطور كتير و لا منيح..
ما عم بتسحر و لا شي.. بس بفطر و بعد الإفطار ب 3 ساعات بنام...
احكولي كيف الوضع بنحف و لا لأ؟
لكم مني كل الشكر..
أودعناكن.. على قولة مجدو

[ملكه الحنيه]

كيفك ام ايه
نصيحتي لك لتجوعي نفسك كتير اتسحري خفيف
انا اليوم شرب الشاي وطلوع الدرج واكمل للاسبوع القادم مع المشي وتخفيف

[عيناك قدري]

يلا يا صبايا كل ما اكترنا كل ما اتشجعنا اكتر
للصبايا الجداد كل وحده تختار الريجيم الي بناسبها في كتير ريجيمات بالمنتدى وازا ما بدكم تتبعوا رجيم معين بتقدروا تمشوا على التخفيف والرياضه
ام اية كيفك وكيف ايوش الله يخليلك اياها يارب . ان شاء الله صيام مقبول وخير ما عملتي ما احنا هيك هيك جوعانين وبالصيام بتضربي عصفورين بحجر. بس لو تصومي يوم بعد يوم بكون احسن عشان ما ترهقي جسمك وخاصة انك عم تاكلي شي خفيف ولازم اتكتري من شرب المي لانه جسمك بفقد سوائل كتير والدنيا شوب وكمان لازم يكون في وجبة سحور خفيفة ولو يكون فيها حبوب متل الفول او الحمص متلا 3 ملاعق فول مع ليمون وبهارات عشان يعطيكي طاقة طول النهار
بالنسبة الي عم بمشي على رجيم اخدته من المنتدى 7 كيلو بسبع ايام وهاد اول يوم بعرف انه غلط اني انزل وزن كتير بفترة قليلة بس لانه اتغير الوضع وكنا ما بدنا ننزل عالاردن هاي الصيفية بس هلأ احتمال ننزل عشان نحضر عرس اخو جوزي عرسه ب 18 الشهر ولازم اضعف قبل العرس اقل شي 10 كيلو والله كريم اسفة طولت عليكم يلا الله معكم ويوفق الجميع

[ملكه الحنيه]

اختي عيناك قدري تسلمين على الترحيب في الاعضاء الجدد
واتمنى لك تنولي الي تبين

[عيناك قدري]

ملكة الحنية كيفك بس بدي اسألك كيف نزلتي العشرين كيلو؟

[ملكه الحنيه]

انا لي تقريبا حرب مع السمنه قريب السنه
صراحه سمنتي اول اكل كنت كلش مطاعم وساندويش واحد ميكفي وحلويات وغازيات وانا عمري صغير فقلت حرام اضيع عمري بالسمنه وقلت لازم اعدل وحذفت المطاعم والحلويات والغازيات والارز من قاموسي الغذائي واضفت اللبن والفواكه والخضروات وهذا اغلب الاوقات واحيان اعطي نفسي اجازه يوم كل اسبوعين واكل على خفيف حلوى ولكن انا كرهت نفسي فيهم وقلت اهم سبب سمنتي ولازم اتركهم

لكن الاهم ولي هو السبب الرئيسي الشاي الاخضر الصيني هو الي نفعني كثير وكنت احيان اضيف معه بذره الكتان ولا نزولي خفيف بمعدل 2-3 كيلو بالشهر جسمي الحمدلله مرجع واحيان يمر شهر مينزل الا كيلو وانا راضيه بس اهم شي ينزل ومستمرررررررررررره الى 70 ومن ثم الى 65 واذا حسيت اني ابي اكثر بستمر
على فكره اوزن يوميا عشان انتبه واتحطم
والشاي اربع اكواب تفقدك 80 سعره حراريه
والحركه موشرط مشي وبس حركه اروح واجي اودي مثلا صحن اقوم اشغل التلفزيون وكل مشفت الدرج اطلعه وانزله يعني حركتي زادت بالحححححححححححيل
وبالاول كنت انام وبطني متروس الان لا
اكل خفيف ولا انام الا بعد الاكل بسبع اوخمس ساعات

[asooola]

سسسسسسسسسسسسسسلام مربع عسوله وصلت
والله ماشاء الله شايفه همه عاليه انشاء الله تستمر
ام ايه طريقتك قاسيه مره الله يصبرك
ناناسلامات ولعلكم تكرهو شئ وهو خير لكم الانفلونزا جات بفايده والحمدلله على سلامتك
ملكه الحنيه اهلن بكي معانا ومشاء الله تجربتك حلوه والاحلى عزيمتك
والان اخباري :امس كان الفرح والحمدلله كنت واااااو الكل انهبل علي وطلعت برنسيسه بس خبصتها بالعشاء بس كمان حسيت انه مكافاءه ليه علي المجهود الجبار اقصد الحرمان الجبار

[amar_angel]

انا في حالة انهيار
بليز ساعدوني
تعبت من الرجيمات والرياضه مافي شي نافع
وجواز صحبتي بعد عشر ايام
والفستان طلع وحش علي
عمري 20 طولي 156ووزني 76كجم

بليز ساعدوني

[إم آية]

كيفكم يا حلوين.. شو أخباركم..
بصراحة مع إنه زي ما بتقولي نظامي قاسي بس حسيت إنه معدتي صغرت خلال 3 أيام.. لإنه بعد الإفطار (بفطر شي بسيط).. إزا أكلت أي شي بحس إنه معدتي بتوجعني.. و ما بقدر أتسحر و لا حتى آكل أي لقمة.. يا دوب بشرب مي..
و إن شاء الله بعد ما أخلص صيام.. راح أبلش نظام ريجيم قاسي.. مشان من هون لأول الشهر الجاي أكون انزلت ما لا يقل عن 10 كيلو إزا الله أراد..

[إم آية]

rama-angel... ما تنهاري و لا على بالك..
شوفي خلال هال 10 أيام امتنعي امتناع تام عن النشويات و السكريات و الدهون.. و ركزي على الخضار و الفواكه و السمك..
عالريق مي..
افطري.. كاسة حليب أو زبادي خالي الدسم مع حبة فاكهة..
الغدا.. سمك أو جاج مشوي أو مسلوق مع خضار مشوية أو مسلوقة أو نية (متل ما بتحبيها) ضيفي للخضار فلفل أسود و شوية ملح مشان تستسيغي طعمه.. و عندي طريقة لتتبيل السمك أو الجاج (توم و زنجبيل و ليمون و ملح و فلفل أسود) دقي التوم و الزنجبيل و حطيهم على السمك أو الجاج و جربي طعمه كتيييييير لزيز... و ما تنسي الزنجبيل بحرق الدهون.. مع فاكهة (تفاح أو برتقال أو بطيخ أو أناناس أو كيوي)
العشاااا حليب أو زبادي خالي الدسم مع كوكتيل أناناس و كيوي..
و بين الوجبات إزا جعتي كلي خضار نية.. كرفس أو خس أو خيار.. بأي كمية
و إن شاء الله خلال هال 10 أيام تكوني نازلة منيح...
و ما تنسي الرياضة... مع الرقص...
بالتوفيق...

[إم آية]

عسووووووولة يا برنسيسة الحفلة.. مبروك عليكي هاللقب.. بصراحة بلبقلك يا أحلى برنسيسة..
و مو مشكلة إنك خبصتي شوي بالحفلة.. هي مكافأة لأحلى برنسيسة نورت الحفلة..
إلي الأمام و مزيدا من النزول بالوزن.. يا برنسيسة

[ملكه الحنيه]

ام ايه معك حق بالريجيم القاسي تصدقي احيان اطفش ونفسي اعمل ريجيم ينزلني 10 كيلو وارتاااااح
بس لاني اعرف نفسي مكمل الريجيم استمر على التخفيف وترى انا اكل مثل مقلتي للاخت من زمان مخففه كله بعيد عن السكريات والنشويات

[إم آية]

ملكه الحنيه..
الله يوفقك يا رب و ينزل وزنك للوزن إلي بدك إياه...
و شكرا لكي على التواصل...

[إم آية]

عيناك قدري..
كيفك و كيف بنوتك الحلوة الكتكوته أيوش..
الله يعنك و يعينها على السنان.. يالله بدنا تعمليلنا سنونية..
من ناحيتي ما اعملت سنونية لإني ما بعرف كيف بتنعمل.. أو بالأحرى ما عندي حد أضيفه إياها.. و إزا اعملتها راح تطلع من نصيبي لحالي..
السنونية.. أكله قمح مسلوق و بحطولها مكسرات و عسل.. و زبيب و في ناس بحبوا يضيفوله الفواكه المجففه..
بالنسبة إلي و لأيوشتي.. نحنا الحمد لله بخير و بندعي بسلامتكم..
بوسيلي أيوش الحلوة و ديري بالك على حالك و على إلي عندك...
الله يوفقك و يهون عليكي غربتك...

[nanavvvv]

مبروك عسولتنا على النزول وطلعتك الحلوه وان شاء الله تتوفقى فى الاستمرار والمحافظه على الوزن المثالى .