حملة ريجيم السعرات الحراريه-أصح ريجيم في العالم

[lolo4loly]

عزيزتي مروى انت محتاجه حوالي 11 -13 كيلو تقريبا تنزليهم على حسب جسمك او الذي ترينه مناسبا لك
لوحه المفاتيح العربيه هنا اكتبي من خلالها

http://www.lakii.com/vb/arabicboard.html

واهلا بكي في الحمله واتمنى بجد من المشرفاااااااات تثبيت الموضووووع
اختكم لولو

[البارونة2000]

السلام عليكم انا فعلا ما قلتش لحد لغاية دلوقتي وربنا يسهل بي انت كنت مليانه اوي يعني وزنك كان 100 او اكتر ووصلت للوزن ده يا ريت تردي عليا عالطول لانه لو كده يبقي في امل انشاء الله

[lolo4loly]

ننوس انا لما بدأت الريجيم ده كان وزني 83 لكن انا قبله كان وزني 100 و نزلت مني لنفسي لكن ما تقلقيش والله انا اختي كانت حامل وولدت ووزنها كان 100 تقريبا وكمان كانت ترضع ودلوقت قربت على ال80 قلتلك انه ينفع لكل الناس وكل الاوزان
والامل موجود في كل حاجه بس محتاج عزيمه و شغل مننا
ومستنيا النتائج المفرحه انشاء الله

[lolo4loly]

ننوس اتمنى انك تكوني ماشية ع الريجيم
واخباري انا تمتم هأوزن بعد بكرى

[البارونة2000]

انا ماشية اهو عليه

بس بصراحة ملخبطة شوية يعني مش بافطر ولا باخذ الوجبات السناكس اللي ما بين الوجبات الاساسية
ظروفي ملخبطة شوية بس الحمدالله مش باكل حاجات ممنوعة ولا حاجة ولا بافرط في الاكل ولا حاجة ربنا كريم انشاء الله انا باحاول بس كنت عايزه اسال علي حاجتين
اولا : الرز المسلوق مش عارفه ازاي ممكن اعرف الطريقة الصحيحة
ثانيا شوفتي الموضوع اللي نازل عن الفتاة اللي انقصت وزنه 60 كيلو انا ملاحظة انه ما فيش حد علق على الموضوع مع انه في موقع لهم علي النت وارقام اتصال واعتقد لو كان في غش كان لازم حد بلغ عنهم لو ناصبين ولا حاجة انت ايه رايك يا لولو

[lolo4loly]

ننوس برافو عليكي بس زعلتيني في حاجه ليه مابتفطريش انا قلتلك قبل كده ممنوع الغاء اي وجبه خصوصا بقى خصوصا الفطار لان معدل حرق الجسم الصبح بيكون عالي جدا غير بعد كده فاوعي والنبي تفوتيها تاني السناكس مش مشكله مش ضروريه بس هي الاحسن عشان الفاكهه برضه بتساعد على الحرق
اما بالنسبه للرز المسلوق تحطي مثلا الرز وتغطي الميه بيه وعليه شوية ملح+فلفل وبعد ما يستوي تكايلي ماج منه او كوب يعني وتاكلي بالهنا
بالنسبه لموضوع ال60 كيلو بصراحه انا مش فاكرة انهي موضوع بس يا ريت يا ننوس تكتبيلي الرابط و افتحوا و اقولك رأيي
لكن مبدئيا لو كان أعشاب أو أدويه لا اقتنع بيها بتاتا ولا اصدقها اصلا
صدقيني مافيش اسهل من الكلام و في الاخر تطلع دي كلها اوهام
ريحي دماغك و خليكي في الصح و السليم
بس برضه اكتبيلي الرابط يا قمر عشان يبقى كلامي على أساس
ربنا معاكي بس و النبي الفطار و الميه زي ما اتفقنا
سلام بقى و مستنيا النتايج
اختك لولو

[البارونة2000]

صباح الخير يا دكتورة لولو

علي فكرة انت دكتورة الريجيم بتاعتي دلوقتي عرفت كده انا انشاء الله ححاول افطر وربنا يسهل انا وزنت نفسي اول الاسبوع وقلقانه ارجع اوزن نفسي الاقي ما فيش نزول ربنا يستر حاقولك انشاء الله
وبالمسبة للموضوع هو شكلة حذف لاني بدور عليه ومش موجود نهائيا المهم ده موضوع الريجيم اللي كانوا قالوا عليه بتاع الدكتورة رنا والدكتور ماجد االي هي الاعشاب اللي بتخسس 21ك في 21 يوم لو عايزه موقعهم ابحث عنه باسم الدكتورة رنا في جوجل

[lolo4loly]

صبااااااااااح الفل يا ننوس

ننوس الله يخليكي يسمع من بقك ربنا يارب ابقى دكتوره بس لسه بدري أوي
وعلى فكره انت ممكن تبقي دكتورة نفسك
بالنسبه للوزن ما تقلقيش استني لاخر يوم واوزني الصبح انشاء الله تلاقي نفسك نازله
اما الموضوع ده أنا عرفته و قريته وهو منتج أمريكي تقريبا و صاحبة الموضوع قالت ان الدكاترة دول حاصلين على جائزة نوبل
طبعا ده كلام مش صحيح واصلا سمعتي عن د0رنا و لا خالد حصلو على نوبل ولا غير نوبل أصلا
وحتى انا قرأت رد طيف على الموضوع لمل حذفته وقالت فعلا ايه اللي يخليهم يعني يقولوا 21 كيلو في 21 يوم ليه مش 30 في 30 مثلا????????
الخلاصه: كللللللللللل ده كلام فارغ
النظام الصحي السليم+ الرياضه الخفيفه هي أصح حاجه على الاطلاق
في انتظار النتائج المفرحه انشاء الله
وانا كمان انشاء الله اوزم بكرى و اقولك
سلام يا قمر
اختك في الله لولو

[سوكاز]

االغالية لولو انا محتاجة جدا للنظام بتاعك دة وارجو ان تساعدينى ولاتتخلى عنى

انا سيدة عندى 34 سنة

طولى 160 وزنى 95


عتدى طفل عمره خمس شهور يرضع رضاعه طبيعية
فهل من الممكن ان اقوم بعمل هذا الرجيم وهل يتناسب معى خاصة اننى مرضع
انا قرأت موضوعك وعجبنى جدا لأنه ممتاز ومقنع وليس لى أمل فى فقدان الوزن الا هو
خاصه اننى جربت رجيمات كتير وفشلت فشل زريع
وأنا عضلات رجلى بها ألم شديد وكذلك العظام وعملت تحاليل كتير وهشاشه عظام ولم يظهر شىء وكل الدكاتره
أجمعوا أن كل هدا من الوزن الذائد
فأرجو أن تردى على فى أسرع وقت ممكن لانى عايزه أبدأ يوم السبت ان شاء الله
وأتا قرأت أسبوعين الرجيم ممتازين بس فيه شويه استفسارات

1- الكيك عادى اللى بنعمله فى البيت بالسمن والسكر

2- البيتزا ما هى بدائلها

3- هل يمكن الاستغناء عن الشيبسى والشيكولاته بالفاكهه

4- هل يمكن أخذ كوب زبادى مع العشاء

ولكى منى جزيل الشكر

بتت بلدك سوكاز

[سوكاز]

حبيبتى لول نسيت أسألك

هل من المهم ممارسه الرياضه وهل نتائج الرجيم أفضل مع الرياضه أو أن الوضع متساوى

مع العلم أنى لا أستطيع عمل رياضه الا المشى ويا ترى محتاجه أمشى كم دقيقه فى اليوم

وشكرا لك حبيبتى :

[سوكاز]

لولو حبيبتى اتمنى من كل قلبى أن أصل الى الوزن ا لمثالى

فهل هذا ممكن أن يتم فى ظل أتباع هذا النظام

وهل من الننكن أن أتخلص من كل هذه الكيلوات الذائدة


معقول ممكن

[سوكاز]

لول حبيبتى ما هو بديل الكورن فلكس


شكرا

[سوكاز]

لولو با ريت تردى عليا النهارده علشان أجهز نفسى

والله المستعام

[lolo4loly]

اهلا بك معنا بالحمله سوكاز

عزيزتي سوكاز
انا اسفه والله اني تأخرت عليكي بالرد
اهلا بك في الحمله وانا انشاء الله لن أتخلى عنك وهاتابعك في النظام
بالنسبه للاستفسارات يا عزيزتي:
عتدى طفل عمره خمس شهور يرضع رضاعه طبيعية
فهل من الممكن ان اقوم بعمل هذا الرجيم وهل يتناسب معى خاصة اننى مرضع
طبعا ممكن مادام عمر طفلك اكثر من 3 أشهر لكن باضافه كوب كامل من الحليب خالي الدسم يوميا ووزعيه كما تريدين بالاضافه طبعا لنصف كوب
- الكيك عادى اللى بنعمله فى البيت بالسمن والسكر
أيوه طبعا عادي و باي نكهه لكن شريحه واحده فقط او مثلثه صغيره
2- البيتزا ما هى بدائلها
نصف رغيف بلدي عليه الاضافات اللي تحبيها(جبنه+زتون+خضر)
3- هل يمكن الاستغناء عن الشيبسى والشيكولاته بالفاكهه
طبعا ممكن جدا وياريت تراجعي الردود لتعرفي الفاكهه المتاحه لك و ممكن تاخذي 3 تمرات مع كوب اللبن بتاعك كل يزم ما بين الغداء و العشاء
- هل يمكن أخذ كوب زبادى مع العشاء
مع العشاء لا -لكن ممكن اما تبدلي العشاء بكوب زبادي+خيار مثلا او تاخذي بين الغداء و العشاء كوب او تبدلي كوب الحليب خالي الدسم بكوبين زبادي
لكن طبعا الزبادي في كل الاحوال خالي الدسم
هل من المهم ممارسه الرياضه وهل نتائج الرجيم أفضل مع الرياضه أو أن الوضع متساوى
هناك نوعين من الرياضات رياضه تكوين العضلات و اخرى للحرق و في حالتنا هذه طبعا لو استطعتي عمل رياضه حرق يكون ممتاز و بالنسبه للمشي تمشين 60 دقيقه باليوم لحرق 350 سعر حراري لكن مشي رياضي و المشي ممتاز طبعا و اكيد بيفرق في الحرق لكن اجمالا اي يجب عليك المواظبه لشد الجسم ايضا لانك كنت حامل لكن ليس شرطا اساسيا عمل الرياضه في هذا النظام وانت بالمناسبه لا تحتاجي رياضة حرق فانت ترضعي
كل ما عليك زيادة عدد مرات الرضاعه باليوم لانها تحرق سعرات حراريه
لولو حبيبتى اتمنى من كل قلبى أن أصل الى الوزن ا لمثالى

فهل هذا ممكن أن يتم فى ظل أتباع هذا النظام

وهل من الننكن أن أتخلص من كل هذه الكيلوات الذائدة


معقول ممكن
طبعا ممكن و نص كمان انا كنت اكثر من وزنك في يوم من الايام والحمد لله قربت عل الوزن المثالي بس انتي شدي الهمه و ثبتي العزيمه و انا سأكون معك انشاء الله
لول حبيبتى ما هو بديل الكورن فلكس
بديل الكورن فليكس اما 5 قطع بسكوت شاي لكن ليس ماري او شريحه كيك او بدل الكورن+الحليب ممكن 2 توست ريجيم و مثلث جبنه او ملعقه صغيرة جبنه بيضاء او شريحه جبنه شيدر او رومي او ملعقه صغيره عسل ابيض
في انتظار يومياتك الريجيميه وانتائج الجميله انشاء الله و لايوجد شيء غير ممكن وانشاء الله تصلي للوزن المثالي

[سوكاز]

الى أجمل لولو

حبيبتى لولو انا سعيده جدا بردك الجميل عليا
وشاكره جدا لتعبك معايا خاصه ان الأسئلة كانت كثيره

وأنا ان شاء الله سوف أنضم الى حملتك وأكون معاك أنت وننوس وربنا يقدرنا ونستطيع التغلب

على السمنه واذابه كل هذه الدهون ونصل اتى الوزن المثالى يارب ونشجع بعض

وانا ان شاء الله سوف ابدأ يوم السبت 28/5

ولكن أتا مشكلتى بجوع بسرعه وبأكل بين الوجبات

بس عرفت من كلامك انه لابد من تحديد مواعيد محدده للفطار والغذاء والعشاء فهل تكفى أربع ساعات بين كل وجبه على أساس الفطار وبعد ساعتين الفاكهه وبعد ساعتين الغذاء وبعد ساعتين فاكهه وبعد ساعتين العشاء

هل هذا ممكن ويكون نظام الرجيم له نفس الفاعليه ولا لازم الفتره بين كل وجبه تكون خمس ساعات

وهل ممكن أخذ رغيف عيش سن بدل الكيك

وعلى فكره أنا فطارى بيكوت الساعة 10 أو 11

ولكى متى أرق تحية