( الدرس السادس ) طريقه عمل غرزه الضفيره بالتريكو ^@^ تريكو وبس ^@^

[بيبي مورو]

بسم الله الرحمن الرحيم

السلام عليكم ورحمه الله وبركاته

الدرس السادس هو ( غرزه الضفيره )

ونفتكر مع بعض الدروس السابقه

الدرس الأول كان علي شرح البدايه في التريكو ورابطه

http://www.lakii.com/vb/showthread.php?t=702782

الدرس الثاني كان علي شرح الغرزه العدل في التريكو ورابطه

http://www.lakii.com/vb/showthread.php?t=702834

الدرس الثالث كان علي شرح الغرزه المقلوب في التريكو ورابطه

http://www.lakii.com/vb/showthread.php?t=704624

الدرس الرابع كان علي شرح تقفيل العمل في التريكو ورابطه

http://www.lakii.com/vb/showthread.php?t=705872

الدرس الخامس كان علي شرح غرزه الرزه أو العدس ورابطه

http://www.lakii.com/vb/showthread.php?t=706233

يلا بينا نبدأ الدرس الجديد تابعوني

رجاء عدم الرد

[بيبي مورو]

يلا بينا نبدأ

بسم الله نبدأ

إحنا طبعا هنطبق علي عينه غرزه الرزه اللي اشتغلناها في الدرس السابق

أنا هنا اشتغلت 10 سطور رزه من الدرس السابق وبعدين 10 سطور اشتغلت 20 غرزه رزه و10 غرز علي الوجه عدل وعلي الظهر مقلوب و20 غرزه رزه بالشكل السابق

زي ما انتوا شايفين الجزء اللي عليه العلامه هو الجزء اللي هنعمل فيه الضفيره وطول الشغل بتاعنا ال 20 غرزه الأولي وال 20 غرزه الأخيره هنشتغلهم رزه شرحي هيبقي بس علي ال 10 غرز اللي في الوسط

في السطر ال 11 ننقل 5 غرز علي دبوس ونخليهم أمام الشغل بالشكل ده

هنشتغل ال 5 غرز اللي علي الإبره الشمال عدل بالشكل ده

هننقل الغرز اللي علي الدبوس علي الإبره الشمال بالشكل ده

استنوني علشان نكمل

رجاء عدم الرد

[بيبي مورو]

يلا نكمل الدرس

يلا بينا نكمل الدرس

وهنشتغلهم عدل زي ما انتوا شايفين

هنكمل باقي الشغل عادي وده شكل السطر بعد ما خلص

ودي شكلها من قريب

وبعدين هنكمل 9 سطور زي ما بدأنا الشغل ال20 غرزه رزه اللي في البدايه والنهايه وال 10 غرز الضفيره علي الوجه نشتغلهم عدل وعلي الظهر نشتغلهم مقلوب وده شكل الشغل

ودي صوره من قريب

رجاء عدم الرد

[بيبي مورو]

معلومات

فيه معلومات مهمه لازم نعرفها عن الضفيره

1- لو هنشتغل الضفيره أماميه يبقي لازم طول الوقت الغرز اللي علي الدبوس يبقوا أمام الشغل

2- لو هنشتغل الضفيره خلفيه يبقي لازم طول الوقت الغرز اللي علي الدبوس يبقوا خلف الشغل

3 - ممكن عدد الغرز الخاصين بالضفيره يكونوا أي عدد مش لازم 10 غرز وده بيحدد حجم الضفيره وممكن نبدأها من أربع غرز وبتكون الضفيره رفيعه


رجاء عدم الرد

[بيبي مورو]

النهايه

وبكده يكون درسنا خلص

في انتظار تطبيقاتكم يا غاليات

أتمني يكون الدرس اليوم بسيط وسهل وخفيف

وطبعا أي استفسار أنا تحت أمركم

ولو عندكم اقتراحات للدروس القادمه يا ريت تقولوا لي علشان أشوف اللي محتاجينه

[جبال الثلج]

يسعدني ان اكون اول من يرد على الموضوع

غرزة الضفيره غرزة حلوه كثير

لكن عملت فيها مقالب كثيره

اهي ممتعه في الشغل لكن مشكلتي معاها ماتضبط وماتطلع مثل الشكل المطلوب

لكن بجرها وان شاء الله تطلع كويسه ونزلها

تسلم ايديكِ

[بيبي مورو]

يسعدني ان اكون اول من يرد على الموضوع

غرزة الضفيره غرزة حلوه كثير

لكن عملت فيها مقالب كثيره

اهي ممتعه في الشغل لكن مشكلتي معاها ماتضبط وماتطلع مثل الشكل المطلوب

لكن بجرها وان شاء الله تطلع كويسه ونزلها

تسلم ايديكِ

أنا كمان مبسوطه جدا إنك أول واحده

علي فكره هي سهله أوي جربيها وبإذن الله المره دي تظبط

[ميس فلة]

يا سلام على الدرس الجميل
ان شاء الله اطبق واحاول مغلطش وانزل التطبيق
وان شاء الله مقترحات الدروس الجاية تيجى مع التطبيق
شكرا ليكى يا احلى هوبا فى الدنيا

[السيدة فاطمة]

ماشاء الله عليج
اسلوبج بالشرح بسيط وحلو وسهل
الله يحفظك ويجعله في ميزان حسناتك

[نجم الزمان]

تسلمي ياحبيبتي وربنا يجعله في ميزان حسناتك

[بيبي مورو]

في انتظارك

يا سلام على الدرس الجميل
ان شاء الله اطبق واحاول مغلطش وانزل التطبيق
وان شاء الله مقترحات الدروس الجاية تيجى مع التطبيق
شكرا ليكى يا احلى هوبا فى الدنيا

تسلمي لي يا قمر

في انتظار اقتراحاتك يا حبيبتي

[بيبي مورو]

تسلمي لي يا غاليه

ماشاء الله عليج

اسلوبج بالشرح بسيط وحلو وسهل

الله يحفظك ويجعله في ميزان حسناتك

ربنا يخليكي ليا يا ست فاطمه يا سكره

ويحفظك ويحميكي من كل سوء

[بيبي مورو]

ميرسي

تسلمي ياحبيبتي وربنا يجعله في ميزان حسناتك

ربنا يخليكي ليا يا سكره

[يبرودية]

مشكورة مورة على هالدرس الرائع
اسلوبك وشرحك بخلوا الواحد غصب عنه يحب التريكو هههههههههههه
انا عما انتظر موديلات الضفيرة بانواعها شو رايك لاني نسيتهم خخخخ
الف شكر الك وعل هالموضوع اللمميز والرائع بروعة اطباعك
يعطيك العافية

[بيبي مورو]

إنتي الأجمل

مشكورة مورة على هالدرس الرائع
اسلوبك وشرحك بخلوا الواحد غصب عنه يحب التريكو هههههههههههه
انا عما انتظر موديلات الضفيرة بانواعها شو رايك لاني نسيتهم خخخخ
الف شكر الك وعل هالموضوع اللمميز والرائع بروعة اطباعك
يعطيك العافية

ههههههههههه تسلمي لي يا غاليه

وألف شكر ليكي يا قمرايه علي كلماتك الرقيقه

إنتي اللي بسم الله ما شاء الله عليكي رائعه وجميله وهادئه