(الدرس الثاني)شرح تفصيلي للغرزه العدله في التريكو ^@^تريكو وبس^@^

[بيبي مورو]

بسم الله الرحمن الرحيم

السلام عليكم ورحمه الله وبركاته

رجعت لكم يا حلوات القسم مع الدرس الثاني وهو (( الغرزه العدله ))

نفتكر مع بعض شكل غرز البدايه اللي عملناها في الموضوع الأول اللي موجود في الرابط ده

http://www.lakii.com/vb/showthread.php?t=702782

ده شكل غرز البدايه اللي عملناها وكان عددهم 20 غرزه

ودلوقتي هنشوف طريقه شغل الغرزه العدله وهي سهله جدا

يلا بينا مع بعض نشوفها

الأول بنحط الإبره اللي عليها الغرز في إيدنا الشمال والإبره الفاضيه في إيدنا اليمين

بندخل سن الإبره الفاضيه اللي في اليمين في أول غرزه في الإبره الشمال بالشكل ده

وبعدين بنلف الخيط علي الإبره اليمين من تحت بالشكل ده

ودي صوره كمان

وبشويش بنسحب الخيط اللي لفيناه من جوه الغرزه اللي وضعنا الإبره بداخلها بالشكل ده

استنوني علشان نكمل

رجاء عدم الرد

[بيبي مورو]

باقي الموضوع

يلا بينا نكمل

بنسلت الغرزه اللي اشتغلناها من علي الإبره الشمال بالشكل ده

وبكده نكون اشتغلنا أول غرزه

يلا بينا نكرر الموضوع ده في باقي ال20 غرزه لحد ما نخلصهم كلهم

وهيبقوا بالشكل اللي احنا شايفينه ده

وطبعا هنلاحظ إن الغرز اللي كانت علي الإبر الشمال دلوقتي بقت علي الإبره اليمين

طيب ما تيجوا نشتغل سطر تاني علشان نمرن إيدينا علي الغرزه

يلا إنقلوا الإبره اللي عليها الغرز في الإيد الشمال

ويلا بينا نكرر اللي عملناه من الأول تاني لحد ما نخلص السطر كله وده هيكون شكله

طبعا ملاحظين إن الشغل بدأ يطول ويبان شكل الغرزه

طيب مين الحلوه اللي هتطبق 10 سطور وتفرجني علي التطبيق بتاعها

أنا مستنيه علشان نبدأ في درسنا الثالث بتاع الغرزه المقلوبه

يلا يا جميلات يا أمورات متتأخروش عليا

وده شكل التطبيق بتاعي للـ 10 سطور

وطبعا الغرزه العدله بنختصرها وبنرمز لها بالرمز ع

[بيبي مورو]

أنا مستنيه

يا رب يكون شرحي واضح وبسيط ومش ملخبط

وأي استفسار أنا في الخدمه

يلا وروني التطبيقات

[ميس فلة]

حلو الدرس وسهل
ممكن تستنى تطبيقى بس مش النهاردة ولا بكرة لانى عندى امتحان بكرة
وان شاء الله ابقى تلميذة شاطرة واعجبك يا ابلة

[لبنانية بجدة]

ما شاء الله
شرحك رائع جدا
جزاك الله كل خير

[simsima2009]

الدروس دي نزلت في وقتها تمام
ياريت بقي تكملي شرح التريكو كله
بالحردات اصل دي عقدتي
تسلمي يا احلي مورو

[آزال العريقة]

ما شاء الله شرحك ممتاز ذكرتيني بالاستاذة الي علمتني ..

تسلمي اختي الغالية .. و إن شاء الله يكتبلك أجر عملك ..

[بيبي مورو]

إنتي شطوره

حلو الدرس وسهل

ممكن تستنى تطبيقى بس مش النهاردة ولا بكرة لانى عندى امتحان بكرة
وان شاء الله ابقى تلميذة شاطرة واعجبك يا ابلة

حبيبه قلبي ربنا معاكي في الإمتحان

ومستنيه تطبيقك لآآآآآآآآآآآآآآآآآآآآآآآخر العمر هههههههههه

وإنتي شطوره من غير تطبيق ولا حاجه يا قمر

[**ام ريان **]

[بيبي مورو]

أنا مش مصدقه

ما شاء الله

شرحك رائع جدا
جزاك الله كل خير

يا خبر أنا مش مصدقه نفسي

لولو في موضوعي

ربنا يخليكي ليا يا سكره ويجازيكي كل خير

وألف شكر علي الشعار اللي باعتبره وسام علي صدري

[بيبي مورو]

من عيوني

الدروس دي نزلت في وقتها تمام

ياريت بقي تكملي شرح التريكو كله
بالحردات اصل دي عقدتي
تسلمي يا احلي مورو

ربنا يخليكي ليا يا جميله تؤمريني

وبإذن الله أستأذن من المشرفات ونعملها دوره متكامله

[بيبي مورو]

ألف شكر

ما شاء الله شرحك ممتاز ذكرتيني بالاستاذة الي علمتني ..

تسلمي اختي الغالية .. و إن شاء الله يكتبلك أجر عملك ..

تسلمي لي يا غاليه علي كلماتك الجميله دي

حقيقي رفعتي معنوياتي وشجعتيني جدا إني أكمل معاكم الشرح

[بيبي مورو]

تسلمي لي يا قمرايه

تسلمي لي يا غاليه

ومبروك عليكي الاسم الجديد يا سكره

[نهلة يقين]

يا رب يكون شرحي واضح وبسيط ومش ملخبط

وأي استفسار أنا في الخدمه

يلا وروني التطبيقات

واضح جدا غن شاء الله الأخوات يستفيدوا معاك
و عندي طلب صغيييييييييير يا ريت لو تستعيني بصور من هذا النوع ليكون الشرح أكثر تبسيطا


و أعذريني على الملاحظة

[بيبي مورو]

نورتيني يا قمر

واضح جدا غن شاء الله الأخوات يستفيدوا معاك

و عندي طلب صغيييييييييير يا ريت لو تستعيني بصور من هذا النوع ليكون الشرح أكثر تبسيطا

و أعذريني على الملاحظة

يا حبيبتي إنتي شرفتيني ونورتيني بملاحظتك

أصل أنا الحقيقه أول مره أنزل موضوع أشرح فيه حاجه عمليه

لكن لو تقولي لي أجيب الصور دي منين يبقي كتر خيرك وجعله الله في ميزان حسناتك كده هتسهلي لي الشرح